1 ကရံၣ်သူး 9:20 - Sgaw Karen Common Bible

²⁰ ဖဲယမၤတၢ်လၢပှၤယူဒၤဖိအသိးအကျါအဆၢကတီၢ်န့ၣ်, ယအိၣ်မူယဲဒ်ပှၤယူဒၤဖိအသိးဒ်သိးယကမၤန့ၢ်က့ၤအဝဲသ့ၣ် ဆူခရံာ်အအိၣ်အဂီၢ်န့ၣ်လီၤ. ဒီးယနီၢ်ကစၢ်ဒၣ်ယဲယတအိၣ် လၢစီၤမိၤၡ့အတၢ်သိၣ်တၢ်သီအဖီလာ်သနာ်က့, ဖဲယမၤ တၢ်လၢပှၤအိၣ်လၢစီၤမိၤၡ့အတၢ်သိၣ်တၢ်သီအဖီလာ်တဖၣ် အဆၢကတီၢ်န့ၣ်, ယအိၣ်ယဲဒ်ပှၤအိၣ်လၢတၢ်သိၣ်တၢ်သီအဝဲန့ၣ် အဖီလာ်ဒ်သိးယကမၤန့ၢ်က့ၤအဝဲသ့ၣ်ဆူခရံာ်အအိၣ်န့ၣ်လီၤ.

1 ကရံၣ်သူး 9:20 Iomraidhean Croise

မၤတၢ် 16:3

စီၤပီလူးအသးအိၣ်လၢအဝဲဒၣ်ကကဲထီၣ်ပှၤလဲၤဃုာ်တၢ်ဒီး အီၤသတးဒီး, ကူးတရံးအီၤလီၤ. အဝဲမၤတၢ်ဒ်သိးအံၤန့ၣ်, မ့ၢ်လၢပှၤယူဒၤဖိလၢအအိၣ်အဆိးဖဲတၢ်လီၢ်တၢ်ကျဲတဖၣ် န့ၣ်အပူၤအဃိ, အဂ့ၢ်မ့ၢ်လၢအဝဲသ့ၣ်ခဲလၢာ်သ့ၣ်ညါလၢ စီၤတံၤမသ့းအပၢ်မ့ၢ်ပှၤကြံးခ်ဖိတဂၤအဃိန့ၣ်လီၤ.

မၤတၢ် 18:18

စီၤပီလူးအိၣ်ဒံးဝဲဖဲဝ့ၢ်ကရံၣ်သူးဒီးအပျဲၢ်အဘီၣ်တဖၣ် အါနံၤအါသီဝံၤအလီၢ်ခံ, အဝဲဒၣ်ဟးထီၣ်ကွံာ်လၢအဝဲသ့ၣ်အအိၣ်ဒီးဒိးထီၣ်ကဘီလၢ အလဲၤဆူကီၢ်စူၤရံဃုာ်ဒီးနီၢ်ပြံစကံးလၤဒီးစီၤအကူလၤန့ၣ်လီၤ. တချုးအဒိးထီၣ်ကဘီန့ၣ်, အဝဲဒၣ်အိၣ်ဒီးတၢ်ဆိၣ်လီၤ အသးဖဲဝ့ၢ်က့ၣ်ဃရ့းဒီးလူၤကျိကွံာ်အခိၣ်လီၤ.

ရိမ့ၤ 11:14

ဘၣ်သ့ၣ်သ့ၣ်, ယမၤသးက့ၣ်ယပှၤကလုာ်ဒၣ်ယဲကသ့, ဒ်သိးလၢယဃိန့ၣ်ယွၤကအုၣ်က့ၤခီၣ်က့ၤအဝဲသ့ၣ်တနီၤနီၤ န့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

ကလၤတံ 2:19

ဖဲလၢအဘၣ်ဃးဒီးတၢ်သိၣ်တၢ်သီန့ၣ်ယသံယဲလံ. ယဘၣ်တၢ်မၤသံယၤလၢတၢ်သိၣ်တၢ်သီအကစၢ်ဒၣ်ဝဲ, ဒ်သိးယကမူလၢကစၢ်ယွၤအဂီၢ်န့ၣ်လီၤ. ယဒိးသံဃုာ်ယသးဒီးခရံာ်လၢအထူၣ်စုညါအလိၤ န့ၣ်လံ.

ကလၤတံ 4:21

ပျဲယသံကွၢ်သုဝဲလၢအအဲၣ်ဒိးအိၣ်လၢတၢ်သိၣ်တၢ်သီအဖီလာ် တဖၣ်ဒ်အံၤတက့ၢ်. တၢ်သိၣ်တၢ်သီစံးဝဲဒ်လဲၣ်န့ၣ်မ့ၢ်သုတနၢ် ဟူဘၣ်ဧါ.

ကလၤတံ 4:5

လၢအကအုၣ်က့ၤခီၣ်က့ၤပှၤလၢအအိၣ်မူလၢတၢ်သိၣ်တၢ်သီ အဖီလာ်, ဒ်သိးပကကဲထီၣ်ကစၢ်ယွၤအဖိခွါတဖၣ်လီၤ.

ကလၤတံ 5:18

ယွၤအသးမ့ၢ်ဆှၢသုဒီး, သုတအိၣ်လၢတၢ်သိၣ်တၢ်သီအဖီ လာ်ဘၣ်.