1 ကရံၣ်သူး 9:16 - Sgaw Karen Common Bible

¹⁶ ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

1 ကရံၣ်သူး 9:16 Iomraidhean Croise

လံာ်ယၡါယၤ 6:5

ဒီးယစံး, “လၢယဂီၢ်တၢ်မုၢ်လၢ်တအိၣ်ဘၣ်. ယဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, တၢ်ကတိၤကိးထံၣ်ဒဲးလၢအဟဲထီၣ်လၢ ယထးခိၣ်န့ၣ်ပှဲၤဒီးတၢ်ဒဲးဘးလီၤ. ဒီးယအိၣ်ယဆိးလၢပှၤတကလုာ်လၢအတၢ်ကတိၤကိးထံၣ်ဒဲး ပှဲၤဒီးတၢ်ဒဲးဘးအကျါန့ၣ်လီၤ. ဒီးခဲကနံၣ်အံၤတခီ, ယထံၣ်ဘၣ်လံစီၤပၤ တဂၤ, ယွၤသ့တၢ်လၢာ်ကစၢ်လၢယမဲာ်ချံ ဒၣ်ယဲလီၤ.”

လံာ်ယံးရမံယၤ 1:17

စီၤယံးရမံယၤဧၢ, အိၣ်ကတဲာ်ကတီၤနသး, လဲၤဒီးတဲဘၣ်အဝဲသ့ၣ်တၢ်ခဲလၢာ်လၢယမၤလိာ်နၤလၢနကစံးဘၣ် တဲဘၣ်န့ၣ်တက့ၢ်. ခဲကနံၣ်အံၤ, ပျံၤအဝဲသ့ၣ်တဂ့ၤ. မ့တမ့ၢ်ဘၣ်ဒီး, ယကဒုးလီၤတၢ်ပျံၤတၢ်ဖုးလၢနပူၤဒိၣ်ဒၣ်တၢ်တက့ၢ်ဖဲနအိၣ်ဒီးအဝဲသ့ၣ် အဆၢကတီၢ်န့ၣ်လီၤ.

လံာ်ယံးရမံယၤ 20:7

ယွၤဧၢ, နလံၣ်န့ၢ်လီန့ၢ်ယၤ ဒီးယဘၣ်တၢ်လံၣ်န့ၢ်လီန့ၢ်ယၤလံ. နဂံၢ်ဆူၣ်ဘါဆူၣ်န့ၢ်ယၤတက့ၢ် ဒီးနမၤနၢၤကွံာ်ယၤလီၤ. ပှၤခဲလၢာ်နံၤဘၣ်ဖၣ်လဲယၤ ဒီးဒုၣ်ဒွဲၣ်ပယွဲယၤကိးမုၢ်နံၤမုၢ်နၤဒဲးန့ၣ်လီၤ.

လံာ်ယံးရမံယၤ 20:9

ဘၣ်ဆၣ်ဒီးဖဲယစံး, “ယကသးပ့ၤနီၣ်ကွံာ်ယွၤဒီးယတကတိၤလၢၤ တၢ်လၢအမံၤအပူၤလၢၤဘၣ်” န့ၣ်ဒီး, နတၢ်ကစီၣ်န့ၣ်လီၤဂာ်ဒ်မ့ၣ်အူ လၢအအီၣ်တၢ်လၢယသးကံၢ်ပူၤအသိးန့ၣ်လီၤ. ယကျဲးစၢးကီၤယသးအဂ့ၤကတၢၢ်လၢ ယသုတကတိၤဘၣ်အီၤ ဘၣ်ဆၣ်ယပၢၤတံၢ်ဃာ်အီၤတန့ၢ်လၢၤဘၣ်.

လံာ်ဧၤမိၣ် 3:8

ဖဲခ့ယုၢ်ကညီၤထီၣ်န့ၣ်မတၤတပျံၤဘၣ်တၢ်တဂၤလဲၣ်. ဖဲတၢ်စိတၢ်ကမီၤခဲလၢာ်အကစၢ်ယွၤကတိၤတၢ်ဒီးမ့ၢ်မတၤတလီၣ် ဖျါထီၣ်ဘၣ်အတၢ်ကစီၣ်ဘၣ်ဒီးအိၣ်ဝဲကသ့တဂၤလဲၣ်.

လံာ်ဧၤမိၣ် 7:15

ဘၣ်ဆၣ်ဒီးယွၤဟံးထီၣ်တ့ၢ်ယၤဖဲယမၤပှၤကွၢ်သိအတၢ်မၤ, ဒီးမၤလိာ်တ့ၢ်ယၤလၢယကဟဲဒီးကတိၤတၢ်လၢဝံကျိာ်ဆူ အပှၤဂီၢ်မုၢ်လၢကီၢ်အံၣ်စရ့လးန့ၣ်လီၤ.

လံာ်မးသဲ 25:16

တၢ်အခ့အပှၤလၢအဒိးန့ၢ်စ့ယဲၢ်တၤလၣ်တဂၤန့ၣ်, လဲၤဒီးကၤတၢ်တဘျီဃီဒီးအဝဲမၤန့ၢ်အါထီၣ်စ့ယဲၢ်တၤလၣ်န့ၣ် လီၤ.

လံာ်လူၤကၣ် 9:62

ယ့ၣ်ၡူးစံးဘၣ်အီၤ, “ပှၤတဂၤဂ့ၤတဂၤဂ့ၤလၢအထူထီၣ်စံာ်ဒီး ကွၢ်ကဒါက့ၤဆူအလီၢ်ခံတလီၢ်လီၢ်န့ၣ်, အဘျုးအဖှိၣ်တအိၣ်ဝဲလၢ ကစၢ်ယွၤအဘီအမုၢ်အဂီၢ်နီတမံၤဘၣ်.”

မၤတၢ် 4:20

အဂ့ၢ်ဒ်လဲၣ်န့ၣ်, တၢ်လၢပထံၣ်ဘၣ်တ့ၢ်ဒီး နၢ်ဟူဘၣ်တ့ၢ်တဖၣ်န့ၣ်, ပဆိတ့ၢ်စံးကတိၤလၢအဂ့ၢ်တသ့ဘၣ်.”

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”

ရိမ့ၤ 1:14

အဂ့ၢ်ဒ်အံၤ, ယဒ့ၣ်ကမၢ်အိၣ်လၢပှၤကိးကလုာ်ဒဲး, ပှၤကြံးခ်ဖိမ့ၢ်ဂ့ၤ, ပှၤပှၢ်လၢ်ကျါမ့ၢ်ဂ့ၤ, ပှၤကူၣ်တၢ်သ့မ့ၢ်ဂ့ၤ, ပှၤကူၣ်တၢ်တသ့မ့ၢ်ဂ့ၤန့ၣ်လီၤ.

ရိမ့ၤ 15:17

လၢတၢ်န့ၣ်အဃိ, ယပာ်ကဖၢလၢယသးသ့ဝဲလၢယတၢ်မၤလၢယွၤအဂီၢ်လၢ ယ့ၣ်ၡူးခရံာ်အပူၤန့ၣ်လီၤ.

ရိမ့ၤ 4:2

အဝဲမ့ၢ်ဘၣ်တၢ်ပာ်တီပာ်လိၤအီၤလၢကစၢ်ယွၤခီဖျိတၢ် တဖၣ်လၢအဝဲမၤတ့ၢ်ဝဲဒီး, ကအိၣ်ဒီးတၢ်တမံၤမံၤလၢကပာ်ကဖၢလၢအသးအဂီၢ်န့ၣ်လီၤ. ဘၣ်ဆၣ်ဒီးအဝဲပာ်ကဖၢလၢအသးလၢကစၢ်ယွၤအမဲာ်ညါ တသ့ဘၣ်.

1 ကရံၣ်သူး 4:15

အဂ့ၢ်ဒ်အံၤ, လၢသုတၢ်အိၣ်မူဒ်ခရံာ်ဖိအသိးအပူၤန့ၣ်, သုမ့ၢ်အိၣ်ဒီးပှၤသိၣ်သီပၢဆှၢသုအဂၤတကလးသနာ်က့သုပၢ် အိၣ်ဒၣ်ထဲတဂၤဧိၤလီၤ. အဂ့ၢ်ဒ်အံၤ, လၢသုတၢ်အိၣ်မူပာ်ဖှိၣ်ဃုာ်သုသးဒီးယ့ၣ်ၡူးခရံာ်အပူၤန့ၣ် ယကဲထီၣ်တ့ၢ်ယဲလၢသုပၢ်, ခီဖျိယဟဲစိာ်တၢ်သးခုကစီၣ်ဆူသုအိၣ် န့ၣ်လီၤ.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:14

လၢကျဲတဘိဃီန့ၣ်, ကစၢ်ဟ့ၣ်လီၤတ့ၢ်အကလုၢ်လၢ ပှၤစံၣ်တဲၤတဲလီၤတၢ်သးခုကစီၣ်တဖၣ်ကဒိးန့ၢ်ဘၣ်တၢ်လုၢ်အီၣ် အသးသမူလၢအပူၤန့ၣ်လီၤ.

၂ ကရံၣ်သူး 2:12

ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

ကလီးစဲ 4:17

ဒီးတဲဘၣ်စီၤအၢ်ဃံးပူးလၢအကပာ်လီၤအသးသပှၢ်ကတၢၢ်လၢ အကမၤတၢ်မၤလၢအဒိးန့ၢ်ဝဲလၢကစၢ်အအိၣ်န့ၣ်တုၤအဝံၤ, ဒီးလၢထီၣ်ပှဲၤထီၣ်တစုတက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.