1 ကရံၣ်သူး 9:14 - Sgaw Karen Common Bible

¹⁴ လၢကျဲတဘိဃီန့ၣ်, ကစၢ်ဟ့ၣ်လီၤတ့ၢ်အကလုၢ်လၢ ပှၤစံၣ်တဲၤတဲလီၤတၢ်သးခုကစီၣ်တဖၣ်ကဒိးန့ၢ်ဘၣ်တၢ်လုၢ်အီၣ် အသးသမူလၢအပူၤန့ၣ်လီၤ.

1 ကရံၣ်သူး 9:14 Iomraidhean Croise

လံာ်မးသဲ 10:10

လၢသုတၢ်လဲၤအဂီၢ်န့ၣ်, တဘၣ်စိာ်ထၢၣ်မ့ၢ်ဂ့ၤ, ဆ့ကၤအဂၤတဘ့ၣ်မ့ၢ်ဂ့ၤ, ခီၣ်ဖံးအဂၤတစူၣ်မ့ၢ်ဂ့ၤ, နီၣ်ထိးအဂၤတဘိမ့ၢ်ဂ့ၤန့ၣ်တဂ့ၤ. ပှၤမၤတၢ်ဖိန့ၣ်ကြၢးဘၣ်တၢ်ဟ့ၣ်အီၤလၢတၢ်လၢအလိၣ်ဘၣ်ဝဲတဖၣ် န့ၣ်လီၤ.

လံာ်လူၤကၣ် 10:7

အိၣ်ဖဲဟံၣ်တဖျၢၣ်ဃီန့ၣ်, ဒီးအီၣ်တၢ်အီတၢ်လၢအဝဲသ့ၣ် ဟ့ၣ်သုန့ၣ်တက့ၢ်. အဂ့ၢ်ဒ်အံၤ, ပှၤမၤတၢ်ဖိတဂၤကြၢးဘၣ်တၢ်ဟ့ၣ်အီၤလၢအဘူးအလဲလီၤ. တဘၣ်ဟးဝ့ၤဝီၤလၢဟံၣ်တဖျၢၣ်ဆူအဂၤတဖျၢၣ်န့ၣ်တဂ့ၤ.

လံာ်လူၤကၣ် 10:8

တဘျီလၢ်လၢ်ဖဲသုလဲၤဆူဝ့ၢ်တဖျၢၣ်အပူၤဒီးတၢ်တူၢ်လိာ်ခီၣ်ဆၢသုန့ၣ်, အီၣ်တၢ်လၢအဘၣ်တၢ်ပာ်လီၤအီၤလၢသုမဲာ်ညါန့ၣ်တက့ၢ်.

မၤတၢ် 18:3

ဒီးအိၣ်ဝဲဆိးဝဲဒီးမၤသကိးတၢ်ဒီးအဝဲသ့ၣ်, မ့ၢ်လၢအဝဲဒၣ်လုၢ်အီၣ်အသးသမူခီဖျိအဆးဒဲဒ်အဝဲသ့ၣ် အသိးအဃိလီၤ.

1 ကရံၣ်သူး 4:15

အဂ့ၢ်ဒ်အံၤ, လၢသုတၢ်အိၣ်မူဒ်ခရံာ်ဖိအသိးအပူၤန့ၣ်, သုမ့ၢ်အိၣ်ဒီးပှၤသိၣ်သီပၢဆှၢသုအဂၤတကလးသနာ်က့သုပၢ် အိၣ်ဒၣ်ထဲတဂၤဧိၤလီၤ. အဂ့ၢ်ဒ်အံၤ, လၢသုတၢ်အိၣ်မူပာ်ဖှိၣ်ဃုာ်သုသးဒီးယ့ၣ်ၡူးခရံာ်အပူၤန့ၣ် ယကဲထီၣ်တ့ၢ်ယဲလၢသုပၢ်, ခီဖျိယဟဲစိာ်တၢ်သးခုကစီၣ်ဆူသုအိၣ် န့ၣ်လီၤ.

1 ကရံၣ်သူး 9:11

ပဖှံလီၤတ့ၢ်သးအတၢ်ချံလၢသုသိးသုကျါလီၤ. ပမ့ၢ်ကူးဘၣ် က့ၤတၢ်ဘျုးတၢ်ဖှိၣ်ဘၣ်ဃးဒီးတၢ်ဖံးတၢ်ညၣ်လၢသုအိၣ်န့ၣ်, တမ့ၢ်တၢ်အါကဲၣ်ဆိးဧါ.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:16

ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

1 ကရံၣ်သူး 9:4

မ့ၢ်ယတအိၣ်ဒီးတၢ်အခွဲးအယာ်လၢတၢ်ကဟ့ၣ်ယၤတၢ်အီၣ် တၢ်အီလၢယတၢ်ဖံးတၢ်မၤအဂီၢ်န့ၣ်ဘၣ်ဧါ.

၂ ကရံၣ်သူး 2:12

ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

ကလၤတံ 6:6

ပှၤတဂၤလၢအဘၣ်တၢ်သိၣ်လိအီၤလၢတၢ်အကလုၢ်ကထါန့ၣ်, ကြၢးနီၤဟ့ၣ်လီၤကယဲၢ်တၢ်အဂ့ၤလၢအအိၣ်ဒီးအီၤခဲလၢာ်ဆူ အသရၣ်လၢအသိၣ်လိအီၤတဖၣ်အအိၣ်လီၤ.

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.