1 ကရံၣ်သူး 9:12 - Sgaw Karen Common Bible

¹² ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:12 Iomraidhean Croise

လံာ်တၢ်ကဲထီၣ်အခီၣ်ထံး 24:56

ဘၣ်ဆၣ်အဝဲစံးဝဲဒၣ်, “မၤယံာ်မၤနီၣ်ပှၤတဂ့ၤ. ယွၤမၤလၢထီၣ်ပှဲၤထီၣ်တ့ၢ်လံပကျဲဒီးပျဲယက့ၤကဒါက့ၤဆူ ယကစၢ်အအိၣ်န့ၣ်တက့ၢ်.”

လံာ်စီၤနဃ့မယၤ 4:8

ဒီးလၢတၢ်န့ၣ်အဃိအဝဲသ့ၣ်ခဲလၢာ်ကူၣ်ဝဲဒၣ်လၢကဟဲထီဒါဝ့ၢ် ယရူၤရှလ့ၣ်ဒီးဒုးအိၣ်ထီၣ်တၢ်သဘံၣ်ဘုၣ်န့ၣ်လီၤ.

လံာ်လူၤကၣ် 11:52

သုဘၣ်အဖှီၣ်ဆံးဒိၣ်လဲၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီသ့ၣ်ဧၢ, သုပၢၤဃာ်လံနီၣ်ဝံာ်ခံလၢတၢ်ကအိးထီၣ်တၢ်သ့ၣ်ညါနၢ်ပၢၢ် အဟံၣ်တဖျၢၣ်န့ၣ်အတြဲၤအဂီၢ်လၢသုအိၣ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်. ဒီးပှၤသ့ၣ်တဖၣ်လၢအဂုာ်ကျဲးစၢးလဲၤနုာ်ဝဲန့ၣ်သုတြီအီၤလီၤ.”

မၤတၢ် 18:3

ဒီးအိၣ်ဝဲဆိးဝဲဒီးမၤသကိးတၢ်ဒီးအဝဲသ့ၣ်, မ့ၢ်လၢအဝဲဒၣ်လုၢ်အီၣ်အသးသမူခီဖျိအဆးဒဲဒ်အဝဲသ့ၣ် အသိးအဃိလီၤ.

ရိမ့ၤ 15:22

တၢ်ဂ့ၢ်အံၤတြီယၤအါဘျီလၢယသုတလဲၤဆူသုအိၣ်အဂီၢ်လီၤ.

1 ကရံၣ်သူး 13:7

တၢ်အဲၣ်တၢ်ကွံန့ၣ်တဟ့ၣ်လီၤအသးနီတစုဘၣ်. ဒီးအဝဲဒၣ်အတၢ်စူၢ်တၢ်နာ်, တၢ်မုၢ်လၢ်, ဒီးတၢ်သူၣ်စူၤသးစူၤတဖၣ်န့ၣ်တလီၤတိၢ်နီတစုဘၣ်.

1 ကရံၣ်သူး 6:7

တၢ်ဂ့ၢ်တမံၤဃီအဝဲအံၤ, လၢသုအိၣ်ဒီးတၢ်လိာ်ဘၢလိာ်ကွီၢ်လၢသုဝဲကဒဲကဒဲအကျါန့ၣ်, ပာ်ဖျါထီၣ်လၢသုလီၤတိၢ်တ့ၢ်လံသုဝဲလၢာ်လၢာ်ဆ့ဆ့လံန့ၣ်လီၤ. သုမ့ၢ်ဘၣ်တၢ်မၤကမၣ်သုဒီးကဂ့ၤဒိၣ်ဒၣ်တၢ်တက့ၢ်တမ့ၢ်ဘၣ်ဧါ. သုမ့ၢ်ဘၣ်တၢ်တမျာ်သုဒီးကဂ့ၤဒိၣ်ဒၣ်တၢ်တက့ၢ်တမ့ၢ်ဘၣ်ဧါ.

1 ကရံၣ်သူး 9:14

လၢကျဲတဘိဃီန့ၣ်, ကစၢ်ဟ့ၣ်လီၤတ့ၢ်အကလုၢ်လၢ ပှၤစံၣ်တဲၤတဲလီၤတၢ်သးခုကစီၣ်တဖၣ်ကဒိးန့ၢ်ဘၣ်တၢ်လုၢ်အီၣ် အသးသမူလၢအပူၤန့ၣ်လီၤ.

1 ကရံၣ်သူး 9:15

ဘၣ်ဆၣ်ဒီးယတသူတ့ၢ်ယဲတၢ်အခွဲးအယာ်တဖၣ်အံၤနီတခါ ဒံးဘၣ်. ဒီးယတကွဲးစ့ၢ်ကီးတၢ်ခဲအံၤဒ်သိး ယကဟံးန့ၢ်တၢ်အခွဲးအယာ်တဖၣ်အံၤလၢယနီၢ်ကစၢ်ဒၣ်ယဲ အဂီၢ်ဘၣ်. ယမ့ၢ်ဘၣ်သံ, ယကသံဒါခီလီၤ. မတၤတဂၤမးတဘၣ်လဲလိာ်ကွံာ်ယတၢ်ကတိၤပာ်ကဖၢလၢသး လၢအကြၢးအဘၣ်တမံၤန့ၣ်ဆူတၢ်ကတိၤအကလီကလီတဖၣ် ဘၣ်.

1 ကရံၣ်သူး 9:16

ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

1 ကရံၣ်သူး 9:18

မ့မ့ၢ်ဒ်န့ၣ်ဒီးယဒိးန့ၢ်ဘၣ်တၢ်ဘူးတၢ်လဲမနုၤတမံၤလဲၣ်. မ့ၢ်ဝဲယခွဲးယယာ်ဘၣ်ဃးဒီးတၢ်စံၣ်တဲၤတဲလီၤတၢ်သးခု ကစီၣ်တအိၣ်ဒီးတၢ်ဃ့အဘူးအလဲ, တအိၣ်ဒီးတၢ်ဃ့ယခွဲးယယာ်တဖၣ်လၢယတၢ်မၤတၢ်သးခုကစီၣ် အတၢ်မၤအပူၤန့ၣ်ဘၣ်လီၤ.

1 ကရံၣ်သူး 9:2

ပှၤဂုၤပှၤဂၤတဖၣ်မ့ၢ်တတူၢ်လိာ်ယၤဒ်ပှၤတၢ်မၢဖိတဂၤအသိး ဒၣ်လဲာ်န့ၣ်, သပှၢ်ကတၢၢ်သုဝဲသုတူၢ်လိာ်ကစီဒီလီၤ. ခီဖျိသုတၢ်အိၣ်မူပာ်ဖှိၣ်ဃုာ်သုသးဒီးကစၢ်န့ၣ်, သုနီၢ်ကစၢ်ဒၣ်သုဝဲသုမ့ၢ်တၢ်အုၣ်အသးဘၣ်ဃးဒီးယမ့ၢ်ပှၤတၢ် မၢဖိတဂၤအဂ့ၢ်န့ၣ်လီၤ.

၂ ကရံၣ်သူး 11:12

ယကမၤဒံးတၢ်လၢယမၤတ့ၢ်လံယဲခဲကနံၣ်အံၤ, ဒ်သိးယက တြီဃာ် “ပှၤတၢ်မၢဖိ” အဂၤသ့ၣ်တဖၣ်န့ၣ်ဒ်သိးအသုတအိၣ်ဒီးတၢ်ဂ့ၢ်တၢ်ကျိၤ တမံၤမံၤလၢအကကတိၤတၢ်ကဖၢလၢအဂီၢ်ဒီးစံးလၢ အဝဲသ့ၣ်မၤတၢ်လၢကျဲတဘိဃီဒ်ပမၤပဝဲအသိးတဂ့ၤ အဂီၢ်လီၤ.

၂ ကရံၣ်သူး 11:20

သုဝံသးစူၤပှၤတဂၤဂၤလၢအမၢထီၣ်မၢလီၤသုဆူအံၤ ဆူဘး, မ့တမ့ၢ်ဟံးန့ၢ်တၢ်အခွဲးအယာ်လၢသုဖီခိၣ်, မ့တမ့ၢ်ဃုဖီၣ်န့ၢ်သု, မ့တမ့ၢ်ကွၢ်တလီၤသု, မ့တမ့ၢ်ဒဲသုမဲာ်န့ၣ်လီၤ.

၂ ကရံၣ်သူး 2:12

ဖဲယဟဲတုၤလၢဝ့ၢ်တြိၤအါဒ်သိးယကစံၣ်တဲၤတဲလီၤ တၢ်သးခုကစီၣ်ဘၣ်ဃးခရံာ်အဂ့ၢ်န့ၣ်, ယထံၣ်ဘၣ်ယဲလၢကစၢ်အိးဟိထီၣ်တ့ၢ်ကျဲလၢတၢ်ဖံးတၢ်မၤဖဲန့ၣ် အဂီၢ်လီၤ.

၂ ကရံၣ်သူး 6:3

ပတအဲၣ်ဒိးလၢပှၤတဂၤဂၤကထံၣ်န့ၢ်တၢ်ကမၣ်လၢပတၢ်ဖံး တၢ်မၤအပူၤဘၣ်အဃိဒီး, ပဂုာ်ကျဲးစၢးဒ်သိးပသုတပာ်လီၤတၢ်တြီမၤတံာ်တာ်လၢပှၤ အကျဲနီကစၢ်တဂၤတဂ့ၤန့ၣ်လီၤ.