1 ကရံၣ်သူး 9:10 - Sgaw Karen Common Bible

¹⁰ ဖဲအဝဲဒၣ်စံးတၢ်န့ၣ်, နီၢ်နီၢ်တခီမ့ၢ်အကွၢ်တၢ်လၢပဂီၢ်တမ့ၢ် ဘၣ်ဧါ. သပှၢ်ကတၢၢ်တၢ်ကွဲးတတီၤန့ၣ်ဘၣ်တၢ်ကွဲးအီၤလၢပဂီၢ်လီၤ. ပှၤတဂၤလၢအထဲၣ်တၢ်ဒီးပှၤတဂၤလၢအကူးဘုန့ၣ်, ကြၢးမၤအတၢ်ဖံးတၢ်မၤအိၣ်ဒီးတၢ်မုၢ်လၢ်လၢကနီၤလီၤဟံးန့ၢ် သကိးဘုန့ၣ်လီၤ.

1 ကရံၣ်သူး 9:10 Iomraidhean Croise

လံာ်တၢ်ဂံၢ် 18:31

သုဝဲဒီးသုဟံၣ်ဖိဃီဖိတဖၣ်အီၣ်တၢ်အိၣ်တ့ၢ်န့ၣ်ဖဲတၢ်လီၢ် တပူၤဂ့ၤတပူၤဂ့ၤသ့ဝဲလီၤ. မ့ၢ်လၢတၢ်န့ၣ်မ့ၢ်တၢ်အဘူးအလဲလၢသုမၤတၢ်ခ့တၢ်ပှၤအတၢ်မၤလၢ ဒဲစီဆှံပူၤအဂီၢ်အဃိန့ၣ်လီၤ.

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

ရိမ့ၤ 15:4

တၢ်ကိးမံၤဒဲးလၢတၢ်ကွဲးအသးစီဆှံအပူၤန့ၣ်ဘၣ်တၢ် ကွဲးအီၤလၢတၢ်ကသိၣ်လိပှၤအဂီၢ်, ဒ်သိးပကအိၣ်ဒီးတၢ်မုၢ်လၢ်ခီဖျိတၢ်ကွဲးအသးစီဆှံ အတၢ်ဟ့ၣ်ပှၤတၢ်သူၣ်စူၤသးစူၤဒီးတၢ်ဟ့ၣ်ဂံၢ်ဟ့ၣ်ဘါအဃိ န့ၣ်လီၤ.

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

၂ ကရံၣ်သူး 4:15

တၢ်ခဲလၢာ်အံၤမ့ၢ်လၢသုဂီၢ်ဒီးဖဲကစၢ်ယွၤအဘျုးလဲၤ တုၤဃီၤဆူပှၤအအိၣ်အါထီၣ်အါထီၣ်န့ၣ်, အဝဲသ့ၣ်ကဟ့ၣ်အါထီၣ်တၢ်စံးဘျုးစံးဖှိၣ်အတၢ်ထု ကဖၣ်လၢကစၢ်ယွၤအလၤကပီၤအဂီၢ်န့ၣ်လီၤ.

၂ တံၤမသ့း 2:6

ပှၤထူစံာ်ဖိလၢအမၤတၢ်ဆူၣ်တဂၤန့ၣ်, ကြၢးဒိးန့ၢ်ဘၣ်တၤသူတၤသၣ်အဆိကတၢၢ်တဖၣ် န့ၣ်လီၤ.