1 ကရံၣ်သူး 9:1 - Sgaw Karen Common Bible

¹ ယတမ့ၢ်ပှၤတဂၤလၢအအိၣ်ဒီးတၢ်သဘျ့ဘၣ်ဧါ. ယတမ့ၢ်ပှၤတၢ်မၢဖိတဂၤဘၣ်ဧါ. မ့ၢ်ယတထံၣ်ဘၣ်တ့ၢ်ယဲယ့ၣ်ၡူးပကစၢ်န့ၣ်ဘၣ်ဧါ. ဒီးသုတမ့ၢ်ယတၢ်ဖံးတၢ်မၤလၢကစၢ်အဂီၢ်အတၤသၣ်ဘၣ်ဧါ.

1 ကရံၣ်သူး 9:1 Iomraidhean Croise

မၤတၢ် 13:2

ဖဲအဝဲသ့ၣ်ဘူၣ်ထီၣ်ဘါထီၣ်တၢ်ဒီးဒုၣ်တၢ်အီၣ်တၢ်အီအဆၢ ကတီၢ်န့ၣ်, သးစီဆှံစံးဘၣ်အီၤ, “ပာ်လီၤဆီန့ၢ်ယၤစီၤဘၢ်နါဘၤဒီး စီၤစီလူး, ဒ်သိးအကမၤတၢ်မၤလၢယကိးန့ၢ်အီၤလၢအကမၤဝဲ အဂီၢ်န့ၣ်တက့ၢ်.”

မၤတၢ် 14:14

ဖဲစီၤဘၢ်နါဘၤဒီးစီၤပီလူးနၢ်ဟူဘၣ်တၢ်လၢအဝဲသ့ၣ်တဖၣ် သါကမၤဝဲန့ၣ်, အဝဲသ့ၣ်ဖှီယာ်အကူအသိး ဒီးဃ့ၢ်နုာ်လီၤဆူ ပှၤဂီၢ်မုၢ်တဖၣ်အသိးအကျါ, ဒီးကိးပသူထီၣ်ဝဲ,

မၤတၢ် 14:4

ပှၤဂီၢ်မုၢ်လၢဝ့ၢ်ပူၤတဖၣ်လီၤဖးခံဖု, တဖုအိၣ်ပှိၤပှၤယူဒၤဖိတဖၣ်, ဒီးအဂၤတဖုအိၣ်ပှိၤပှၤတၢ်မၢဖိတဖၣ်န့ၣ်လီၤ.

မၤတၢ် 23:11

နၤအဝဲန့ၣ်, ကစၢ်ဆၢထၢၣ်လၢစီၤပီလူးအကပၤဒီးစံးဝဲ, “ပာ်နသးဒူဒူတက့ၢ်. နဟ့ၣ်တ့ၢ်လံတၢ်အုၣ်အသးလၢယဂ့ၢ်ဖဲဝ့ၢ်ယရူၤၡလ့ၣ်အံၤ အပူၤလံ. ဒီးနကဘၣ်မၤတၢ်တမံၤဃီအံၤဖဲဝ့ၢ်ရိမ့ၤစ့ၢ်ကီးလီၤ.”

မၤတၢ် 9:15

ကစၢ်စံးဘၣ်အီၤ, “လဲၤဘၣ်တက့ၢ်. အဂ့ၢ်ဒ်အံၤယဃုထၢတ့ၢ်အီၤလၢယကမၢလီၤအီၤလၢအကစံး ဘၣ်တဲဘၣ်ပှၤကလုာ်ဂၤတဖၣ်ဒီးစီၤပၤတဖၣ်, ဒီးပှၤအံၣ်စရ့လးဖိတဖၣ်လၢယဂ့ၢ်အဂီၢ်လီၤ.

မၤတၢ် 9:17

အန့ၣ်သတးဒီး, စီၤအနၤနံလဲၤဝဲဒီးလဲၤနုာ်ဝဲဆူဟံၣ်လၢ စီၤစီလူးအိၣ်ဝဲလၢအပူၤန့ၣ်လီၤ. အဝဲဒၣ်ပာ်ထီၣ်အစုလၢစီၤစီလူးအလိၤဒီးစံးဘၣ်အီၤ, “ယဒီပုၢ်ဝဲၢ်စီၤစီလူးဧၢ, ကစၢ်ယ့ၣ်ၡူးလၢနထံၣ်ဘၣ်အီၤလၢ ကျဲလၢနဟဲန့ၣ်, မၢလီၤယၤလၢနကထံၣ်ထီၣ်က့ၤတၢ်ဒီး နကလၢထီၣ်ပှဲၤထီၣ်ဒီးသးစီဆှံအဂီၢ်လီၤ.”

မၤတၢ် 9:3

စီၤစီလူးလဲၤဝဲဆူဝ့ၢ်ဒၤမ့ၤစ့း, ဒီးဖဲအဘူးထီၣ်ဒီးဝ့ၢ်န့ၣ်, သတူၢ်ကလာ်တၢ်ကပီၤဟဲလီၤလၢမူခိၣ်, ဒီးကပီၤထီၣ်ဝဲကပြုၢ်ကပြီၤဝးတရံးအီၤလီၤ.

မၤတၢ် 9:5

အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

ရိမ့ၤ 1:1

လၢစီၤပီလူး, ယ့ၣ်ၡူးခရံာ်အခ့အပှၤဒီးတၢ်မၢဖိတဂၤ လၢအဘၣ်တၢ်ဃုထၢဒီးကိးထီၣ်အီၤလၢကစၢ်ယွၤဒ်သိး ကစံၣ်တဲၤတဲလီၤတၢ်သးခုကစီၣ်အဂီၢ်အအိၣ်န့ၣ်လီၤ.

ရိမ့ၤ 1:5

ခီဖျိအီၤန့ၣ်, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်ဒီးတၢ် ခွဲးတၢ်ယာ်လၢယကကဲထီၣ်ဘၣ်တၢ်မၢဖိတဂၤလၢခရံာ် အဂီၢ်, ဒ်သိးယကဆှၢက့ၤပှၤကလုာ်တဖၣ်ခဲလၢာ်ဆူ တၢ်စူၢ်က့ၤနာ်က့ၤအီၤအဂီၢ်န့ၣ်လီၤ.

ရိမ့ၤ 11:13

အခဲအံၤယကတိၤတၢ်ဒီးသုဝဲလၢ အမ့ၢ်ပှၤကလုာ်ဂၤတဖၣ်န့ၣ် လီၤ. ဒ်ယမ့ၢ်ဒံးပှၤတၢ်မၢဖိလၢပှၤကလုာ်ဂၤတဖၣ်အဂီၢ်အသိး, ယပာ်ကဖၢလၢယသးလၢယတၢ်မၤအပူၤလီၤ.

1 ကရံၣ်သူး 1:1

လၢစီၤပီလူး, လၢအဘၣ်တၢ်ကိးအီၤခီဖျိကစၢ်ယွၤအတၢ်ဘၣ် အသး, ဒ်သိးအကကဲထီၣ်ယ့ၣ်ၡူးခရံာ်အတၢ်မၢဖိတဂၤ, ဒီးပဒီပုၢ်ဝဲၢ်စီၤစိၤစသ့ၣ်,

1 ကရံၣ်သူး 10:29

ဒ်ပစံးတၢ်အသိး, တမ့ၢ်နသးလၢအသ့ၣ်ညါဒၣ်တၢ်ဒၣ်နဲအဃိ ဘၣ်, မ့မ့ၢ်ပှၤအဂၤတဂၤအသးလၢအသ့ၣ်ညါဒၣ်တၢ်အဃိလီၤ. “မ့မ့ၢ်ဒ်န့ၣ်ဒီး” ပှၤတဂၤသံကွၢ်ဝဲ, “ဘၣ်မနုၤအဃိယတၢ်သဘျ့လၢယကမၤတၢ်တမံၤမံၤန့ၣ် ဘၣ်တၢ်မၤတံာ်တာ်အီၤလၢပှၤအဂၤတဂၤအသးလၢအသ့ၣ်ညါ ဒၣ်တၢ်န့ၣ်လဲၣ်.

1 ကရံၣ်သူး 10:30

ယမ့ၢ်စံးဘျုးကစၢ်ယွၤလၢယတၢ်အီၣ်အဃိဒီး, ဘၣ်မနုၤအဃိပှၤတဂၤဂၤကဘၣ်ပာ်တၢ်ကမၣ်လၢယလိၤ ဘၣ်ဃးဒီးတၢ်အီၣ်လၢယဟ့ၣ်တၢ်စံးဘျုးစံးဖှိၣ်လၢ အဃိန့ၣ်လဲၣ်.”

1 ကရံၣ်သူး 11:16

ဘၣ်ဆၣ်ဒီးပှၤတဂၤဂၤမ့ၢ်အဲၣ်ဒိးဂ့ၢ်လိာ်ဘှီလိာ်လၢအဂ့ၢ်န့ၣ်, ယစံးယဲသ့ဒၣ်လၢပဝဲဒၣ်မ့ၢ်ဂ့ၤ, ယွၤအတၢ်အိၣ်ဖှိၣ်တဖၣ် မ့ၢ်ဂ့ၤတအိၣ်ဒီးလုၢ်လၢ်အဂၤလၢတၢ်ဘူၣ်တၢ်ဘါအပူၤနီ တမံၤဘၣ်လီၤ.

1 ကရံၣ်သူး 3:6

ယဲဒၣ်ယဖှံလီၤတၢ်ချံ, မ့မ့ၢ်စီၤအပီးလိၤလူတၢ်မုၢ်တၢ်ဘိလၢ အမဲထီၣ်န့ၣ်လၢထံ, ဘၣ်ဆၣ်ဒီး ပှၤလၢအဒုးဒိၣ်ထီၣ်တၢ်မုၢ်တၢ်ဘိန့ၣ် မ့ၢ်ကစၢ်ယွၤလီၤ.

1 ကရံၣ်သူး 9:19

ယမ့ၢ်ပှၤသဘျ့တဂၤ, ဒီးတမ့ၢ်ပှၤကုၢ်နီတဂၤဘၣ်န့ၣ်လီၤ. ဘၣ်ဆၣ်ဒီးယကဲပှၤကိးဂၤဒဲးအကုၢ်ဒ်သိးယကဒိးန့ၢ်က့ၤပှၤအါ အါတသ့ဖဲအသ့ဆူခရံာ်အအိၣ်န့ၣ်လီၤ.

၂ ကရံၣ်သူး 10:7

သုကွၢ်ဃီၤတ့ၢ်သုဝဲဆူတၢ်အိၣ်ဖျါလၢခိတဖၣ်န့ၣ်လီၤ. မ့ၢ်ပှၤအိၣ်ဝဲဖဲန့ၣ်တဂၤဂၤလၢအဒွးလီၤအသးလၢအဘၣ်ထွဲဒီး ခရံာ်န့ၣ်ဧါ. မ့မ့ၢ်ဒ်န့ၣ်ဒီး, ပျဲအဝဲဒၣ်ကွၢ်ဆိကမိၣ်ကဒီးတၢ်လၢအနီၢ်ကစၢ်ဒၣ်ဝဲအဂ့ၢ် န့ၣ်တက့ၢ်. အဂ့ၢ်ဒ်အံၤ, ထဲသိးအဝဲဒၣ်ဘၣ်ဃးဒီးခရံာ်န့ၣ်, ပဘၣ်ဃးပဝဲစ့ၢ်ကီးလီၤ.

၂ ကရံၣ်သူး 11:5

ယတဆိကမိၣ်လၢယဆံးန့ၢ်သုပှၤလီၤတိၢ်လီၤဆီမးတဖၣ် လၢတၢ်ကိးအီၤလၢသု “ပှၤတၢ်မၢဖိတဖၣ်” ထဲတစဲး ဧိၤဒၣ်လဲာ်န့ၣ်ဘၣ်.

၂ ကရံၣ်သူး 6:1

လၢတၢ်န့ၣ်အဃိ, လၢပတၢ်မၤသကိးဃုာ်တၢ်ဒီးကစၢ်ယွၤ အပူၤန့ၣ်, ပဃ့ကညးသုဝဲလၢအဒိးန့ၢ်လံကစၢ်ယွၤအဘျုး တဖၣ်လၢ မ်သုသုတပျဲအကဲထီၣ်တၢ်ကလီကလီန့ၣ်တဂ့ၤ.

ကလၤတံ 1:1

လၢ, ပှၤလၢတၢ်ကိးအီၤလၢအကကဲထီၣ်တၢ်မၢဖိလၢ အတမ့ၢ်တၢ်ဟဲလၢပှၤကညီမ့တမ့ၢ်ခီဖျိပှၤကညီအဃိ ဘၣ်, မ့မ့ၢ်ဟဲလၢယ့ၣ်ၡူးခရံာ်ဒီးပၢ်ကစၢ်ယွၤလၢအဒုး ဂဲၤဆၢထၢၣ်က့ၤအီၤလၢတၢ်သံ ယၤ, စီၤပီလူးဒီး,

ကလၤတံ 5:1

တၢ်လၢအအိၣ်ဒီးပှၤန့ၣ်မ့ၢ်တၢ်သဘျ့လီၤ. ခရံာ်ဒုးထူၣ်ဖျဲးထီၣ် ကွံာ်ပှၤလံ. လၢတၢ်န့ၣ်အဃိဒ်ပှၤသဘျ့တဖၣ်အသိး, အိၣ်ဂၢၢ်ဆိးကျၢၤဒီးသုတပျဲပှၤဒုးကဲထီၣ်ကဒီးသုလၢ ကုၢ်တဂ့ၤ.

၁ သ့းစၤလနံ 2:6

ပတဂုာ်ကျဲးစၢးဒိးန့ၢ်တၢ်စံးထီၣ်ပတြၢၤလၢသုအိၣ်မ့ၢ်ဂ့ၤ, လၢပှၤဂၤအအိၣ်မ့ၢ်ဂ့ၤန့ၣ်ဘၣ်.

၁ တံၤမသ့း 2:7

ဒီးလၢတၢ်အံၤအဂီၢ်, ယဘၣ်တၢ်မၢလီၤယၤဒ်တၢ်မၢဖိတဂၤ အသိး, ဒီးသရၣ်လၢအကသိၣ်လိပှၤကလုာ်ဂၤတဖၣ်ဒီးဒ်သိး ယကတဲဖျါထီၣ်တၢ်စူၢ်တၢ်နာ်ဒီးတၢ်မ့ၢ်တၢ်တီအကစီၣ် အဂီၢ်န့ၣ်လီၤ. ယတကတိၤတၢ်ကဘျံးကဘျၣ်ဘၣ်. ယကတိၤတၢ်မ့ၢ်တၢ်တီလီၤ.

၂ တံၤမသ့း 1:11

ကစၢ်ယွၤဃုထၢထီၣ်တ့ၢ်လံယၤဒ်ပှၤတၢ်မၢဖိဒီးသရၣ်သိၣ် လိတၢ်လၢယကစံၣ်တဲၤတဲလီၤတၢ်သးခုကစီၣ်အဂီၢ်,