1 ကရံၣ်သူး 8:9 - Sgaw Karen Common Bible

⁹ ဘၣ်ဆၣ်ဒီး, ပလီၢ်သုသးဒ်သိးသုတပျဲသုတၢ်သဘျ့လၢသု ကမၤဖဲသုသးဒုးလီၤဃံၤပှၤလၢအဂံၢ်စၢ်ဘါစၢ်တဖၣ်ဆူ တၢ်ဒဲးဘးအပူၤတဂ့ၤ.

1 ကရံၣ်သူး 8:9 Iomraidhean Croise

လံာ်ယၡါယၤ 35:3

စုတဖၣ်လၢအလီၤဘှံးလီၤတီၤဝဲ ဒီးခီၣ်လ့ၣ်ခိၣ်တဖၣ်လၢအကနိးကစုာ်လၢတၢ်ဂံၢ်စၢ်ဘါစၢ်အဃိန့ၣ်, ဒုးဆူၣ်ဝဲလီၤ.

လံာ်ယၡါယၤ 57:14

ယွၤစံးဝဲဒၣ်, “မ်ယပှၤဂီၢ်မုၢ်ဟဲက့ၤကဒါက့ၤဆူယအိၣ်တက့ၢ်. မ်တၢ်နိးတၢ်ဘျးကိးမံၤဒဲးလၢအကျဲသုးကွံာ်အသးတက့ၢ်. မ်ကျဲတဖၣ်ဘှီထီၣ်အသးဒီးအိၣ်ကတဲာ်ကတီၤအသးတက့ၢ်.

လံာ်ယဃ့းစက့လး 44:12

ဘၣ်ဆၣ်မ့ၢ်လၢအဝဲသ့ၣ်မၤတၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ် လၢကီၢ်အံၣ်စရ့လးအဂီၢ်, ဒီးလၢကျဲဒ်အံၤန့ၣ်အဝဲသ့ၣ်ဆှၢ ဃီၤပှၤဂီၢ်မုၢ်ဆူတၢ်ဒဲးဘးအပူၤအဃိ, ယၤ, ယွၤပၢဘၣ်တၢ် ခဲလၢာ်ကစၢ်ဆိၣ်တၢ်သမှံၤသပှၢ်လၢအဝဲသ့ၣ်ကဘၣ် တၢ်စံၣ်ညီၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:14

ဆိၣ်အၢပှၤနၢ်တအၢတဂ့ၤ, ပာ်လီၤတၢ်လီၤဃံၤအလီၢ်လၢပှၤမဲာ်ဘျီၣ်အမဲာ်ညါတဂ့ၤ. ဒီးသုကဘၣ်ပျံၤသုကစၢ်ယွၤလီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

ရိမ့ၤ 15:1

ပဝဲလၢအတၢ်နာ်အဂံၢ်ဆူၣ်အဘါဆူၣ်တဖၣ်ကြၢး ဝံစၢၤယိးစၢၤပှၤလၢအဂံၢ်စၢ်ဘါစၢ်တဖၣ်အတၢ်ဝံတၢ်ယိး တဖၣ်န့ၣ်လီၤ. ပတကြၢးလူၤပသးဒၣ်ပဝဲဘၣ်.

1 ကရံၣ်သူး 10:24

ပှၤတကြၢးကွၢ်တၢ်လၢအတၢ်ဘျုးတၢ်ဖှိၣ်ဒၣ်ဝဲအဂီၢ်နီ တဂၤဘၣ်. မ့မ့ၢ်ကဘၣ်ကွၢ်တၢ်လၢပှၤဂၤအတၢ်ဘျုးတၢ်ဖှိၣ် အဂီၢ်လီၤ.

1 ကရံၣ်သူး 10:28

ဘၣ်ဆၣ်ဒီး, ပှၤတဂၤဂၤမ့ၢ်စံးဘၣ်နၤ, “တၢ်အီၣ်အဝဲအံၤဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤ တၢ်ဖီၣ်အအိၣ်” န့ၣ်တဘၣ်အီၣ်တၢ်အီၣ်အဝဲန့ၣ်တဂ့ၤ. မ့ၢ်တၢ်ကွၢ်တၢ်လၢပှၤလၢအစံးဘၣ်တဲဘၣ်နၤတၢ်ဂ့ၢ်တဂၤန့ၣ် အဂီၢ်, ဒီးမ့ၢ်လၢသးလၢအသ့ၣ်ညါဒၣ်တၢ်အဃိ,

1 ကရံၣ်သူး 10:29

ဒ်ပစံးတၢ်အသိး, တမ့ၢ်နသးလၢအသ့ၣ်ညါဒၣ်တၢ်ဒၣ်နဲအဃိ ဘၣ်, မ့မ့ၢ်ပှၤအဂၤတဂၤအသးလၢအသ့ၣ်ညါဒၣ်တၢ်အဃိလီၤ. “မ့မ့ၢ်ဒ်န့ၣ်ဒီး” ပှၤတဂၤသံကွၢ်ဝဲ, “ဘၣ်မနုၤအဃိယတၢ်သဘျ့လၢယကမၤတၢ်တမံၤမံၤန့ၣ် ဘၣ်တၢ်မၤတံာ်တာ်အီၤလၢပှၤအဂၤတဂၤအသးလၢအသ့ၣ်ညါ ဒၣ်တၢ်န့ၣ်လဲၣ်.

1 ကရံၣ်သူး 10:32

အိၣ်မူဒ်သိး, သုသုတကဲထီၣ်တၢ်တံာ်တာ်လၢပှၤယူဒၤဖိအဂီၢ် မ့ၢ်ဂ့ၤ, ပှၤကလုာ်ဂၤအဂီၢ်မ့ၢ်ဂ့ၤ, မ့တမ့ၢ်, ယွၤအတၢ်အိၣ်ဖှိၣ်အဂီၢ်မ့ၢ်ဂ့ၤ, တဂ့ၤန့ၣ်တက့ၢ်.

1 ကရံၣ်သူး 8:10

ပစံးဒၣ်ကလိာ်, ပှၤတဂၤလၢအသးလၢအသ့ၣ်ညါဒၣ်တၢ်အဂံၢ် အဘါစၢ်လၢတၢ်ဂ့ၢ်အဝဲအံၤတကပၤတဂၤထံၣ်သုဝဲလၢအအိၣ်ဒီး တၢ်လၢပှၤကိးဝဲလၢ “တၢ်သ့ၣ်ညါနၢ်ပၢၢ်” န့ၣ်, အီၣ်တၢ်လၢတၢ်ဂီၤတၢ်ဖီၣ်တဒုအတၢ်လုၢ်ဟံၣ်အပူၤဒီး, အဝဲကဘၣ်တၢ်မၢန့ၢ်ဆီၣ်ခံအီၤလၢအကအီၣ်တၢ်အီၣ်လၢအဘၣ် တၢ်လုၢ်ထီၣ်အီၤဆူတၢ်ဂီၤတၢ်ဖီၣ်တဖၣ်အအိၣ်တမ့ၢ်ဘၣ်ဧါ.

1 ကရံၣ်သူး 8:12

ဒီးလၢကျဲဒ်အံၤအပူၤနကမၤဘၣ်တၢ်ဒဲးဘးထီဒါခရံာ် ခီဖျိနမၤတၢ်ဒဲးဘးထီဒါနဒီပုၢ်ဝဲၢ်ပှၤခရံာ်ဖိတဖၣ်ဒီး မၤဘၣ်ဒိအသးလၢအသ့ၣ်ညါဒၣ်တၢ်လၢအဂံၢ်စၢ်ဘါစၢ်န့ၣ်လီၤ.

1 ကရံၣ်သူး 9:22

လၢပှၤတၢ်စူၢ်တၢ်နာ်အဂံၢ်အဘါစၢ်တဖၣ်အသိးအကျါန့ၣ်, ယကဲထီၣ်ပှၤဂံၢ်စၢ်ဘါစၢ်ဒ်အဝဲသ့ၣ်အကျါတဂၤအသိးဒ်သိး ယကမၤန့ၢ်က့ၤအဝဲသ့ၣ်လၢခရံာ်အဂီၢ်န့ၣ်လီၤ. လၢတၢ်န့ၣ်အဃိ, ယကဲထီၣ်တၢ်ကိးမံၤဒဲးလၢပှၤကိးဂၤဒဲးအသိး အကျါဒ်သိးယကအုၣ်က့ၤခီၣ်က့ၤအဝဲသ့ၣ်တနီၤ, ခီဖျိကျဲတဘိဘိလၢအအိးဟိထီၣ်အသးန့ၣ်လီၤ.

၂ ကရံၣ်သူး 11:21

လၢပကမၤတၢ်သ့ၣ်တဖၣ်န့ၣ်အဂီၢ်ပအိၣ်ဒီးတၢ်သူၣ်ပျံၤသးဖုး အါကဲၣ်ဆိးအဂ့ၢ်န့ၣ်, ယကအၢၣ်လီၤအဂီၢ်ယမဲာ်ဆှးလီၤ. ဘၣ်ဆၣ်ဒီးပှၤတဂၤဂၤကတိၤတၢ်ကဖၢလၢလၢတၢ်တမံၤမံၤ အဂ့ၢ်မ့ၢ်ဘူၣ်ကစီဒီန့ၣ်ယကတိၤတၢ်ဒ်တၢ်ပျုၢ်တဂၤအသိး, ယကဒူယဲဒ်န့ၣ်အသိးစ့ၢ်ကီးလီၤ.

၂ ကရံၣ်သူး 11:29

ဖဲပှၤတဂၤဂၤအဂံၢ်စၢ်ဘါစၢ်န့ၣ်, ယဂံၢ်ယဘါစၢ်လီၤဘၣ်ယၤစ့ၢ် ကီးလီၤ. ဖဲပှၤတဂၤဂၤဘၣ်တၢ်ဆှၢအီၤဆူတၢ်ဒဲးဘးအပူၤန့ၣ်, ယလၢပှဲၤဒီးတၢ်ကိၢ်တၢ်ဂီၤလီၤ.

၂ ကရံၣ်သူး 6:3

ပတအဲၣ်ဒိးလၢပှၤတဂၤဂၤကထံၣ်န့ၢ်တၢ်ကမၣ်လၢပတၢ်ဖံး တၢ်မၤအပူၤဘၣ်အဃိဒီး, ပဂုာ်ကျဲးစၢးဒ်သိးပသုတပာ်လီၤတၢ်တြီမၤတံာ်တာ်လၢပှၤ အကျဲနီကစၢ်တဂၤတဂ့ၤန့ၣ်လီၤ.

ကလၤတံ 5:13

မ့မ့ၢ်သုဝဲယဒီပုၢ်ဝဲၢ်သ့ၣ်ဧၢ, သုဘၣ်တၢ်ကိးသုဒ်သိးသုကဒိး န့ၢ်တၢ်သဘျ့လီၤ. ဘၣ်ဆၣ်တဘၣ်ပျဲသုတၢ်သဘျ့အံၤကဲထီၣ်တၢ် ကတိၤပူၤဖျဲးသုသးလၢသုကပျဲသုနီၢ်ခိအတၢ်အဲၣ်ဒိးတဖၣ် ပၢၤသုတဂ့ၤ. အခိၣ်တလိာ်, ပျဲတၢ်အဲၣ်တၢ်ကွံမၤတၢ်လၢသုကမၤစၢၤလိာ်သုသးတဂၤဒီး တဂၤန့ၣ်တက့ၢ်.

ကလီးစဲ 2:8

ဒ်သိးသုသုတဘၣ်တၢ်ဖီၣ်န့ၢ်ဟံးဃာ်သုလၢဟီၣ်ခိၣ်ဖိအတၢ် ကူၣ်သ့လၢအဘျုးတအိၣ်ဘၣ်ဒီးအလီန့ၢ်တၢ်တဂ့ၤဒီးပလီၢ် သုသးတက့ၢ်. တၢ်သိၣ်လိသီလိတဖၣ်အံၤမ့ၢ်ပှၤဟီၣ်ခိၣ်ဖိအတၢ်ဟ့ၣ်ခီ ဃီၤတဆီဘၣ်တဆီလၢအဟဲလၢဟီၣ်ခိၣ်အကစူၤကစၢ် အအိၣ်ဒီးတမ့ၢ်ဘၣ်လၢခရံာ်အအိၣ်န့ၣ်ဘၣ်လီၤ.

၁ ပ့းတရူး 2:16

အိၣ်မူဒ်ပှၤလၢအသဘျ့တဖၣ်အသိးတက့ၢ်. ဘၣ်ဆၣ်ဒီး, တဘၣ်သူသုတၢ်သဘျ့လၢတၢ်ကးဘၢတၢ်အၢတၢ်သီတမံၤဂ့ၤ တမံၤဂ့ၤအဂီၢ်န့ၣ်တဂ့ၤ. အိၣ်မူဒ်ကစၢ်ယွၤအကုၢ်တဖၣ်အသိးန့ၣ်တက့ၢ်.

၂ ပ့းတရူး 2:19

သရၣ်အဘျၣ်တဖၣ်အံၤအၢၣ်လီၤအဝဲသ့ၣ်လၢကဟ့ၣ် အီၤတၢ်သဘျ့, မ့မ့ၢ်အဝဲသ့ၣ်အကစၢ်ဒၣ်ဝဲတခီကဲကုၢ်လၢလုၢ်လၢ် အၢသီလၢအမၤဟးဂီၤတၢ်တဖၣ်အဖီလာ်, အဂ့ၢ်ဒ်လဲၣ်န့ၣ်, ပှၤတဂၤဂၤမ့ၢ်ဒိးမၢအသးလၢတၢ်တမံၤမံၤဒီးအဝဲဒၣ် ကဲထီၣ်တၢ်တမံၤန့ၣ်အကုၢ်လီၤ.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.