1 ကရံၣ်သူး 8:5 - Sgaw Karen Common Bible

⁵ တၢ်လၢပှၤကိးဝဲလၢ “ယွၤတဖၣ်” မ့ၢ်အိၣ်ဝဲဒၣ်လဲာ်, လၢမူခိၣ်မ့ၢ်ဂ့ၤ, ဟီၣ်ခိၣ်မ့ၢ်ဂ့ၤ, ဒီး “ယွၤ” ဒ်အံၤအသိးတဖၣ်, ဒီး “ကစၢ်” ဒ်အံၤအသိးတဖၣ်မ့ၢ်အိၣ်ဝဲအါအါဂီၢ်ဂီၢ်ဒၣ်လဲာ်န့ၣ်,

1 ကရံၣ်သူး 8:5 Iomraidhean Croise

လံာ်ယံးရမံယၤ 11:13

ကီၢ်ယူဒၤအပှၤဂီၢ်မုၢ်အိၣ်ဒီးအကစၢ်တဖၣ်အါမးဒ်အဝဲသ့ၣ် အိၣ်ဒီးအဝ့ၢ်တဖၣ်အသိး, ဒီးပှၤလၢအအိၣ်ဝဲဆိးဝဲလၢဝ့ၢ်ယရူၤၡလ့ၣ် အပူၤတဖၣ်မၤထီၣ်တၢ်လုၢ်လီၢ်တဖၣ်, လၢတၢ်လုၢ်ထီၣ်ပာ်ထီၣ် တၢ်ဆူအကစၢ်ဘဧၤလးအအိၣ်အဂီၢ်, အါဝဲပှဲၤသိးကျဲအဘိတဖၣ် လၢဝ့ၢ်အပူၤန့ၣ်လီၤ.

လံာ်ယံးရမံယၤ 2:11

ပှၤကလုာ်အဂၤလၢအကစၢ်တဖၣ်တမ့ၢ်ဘၣ် ကစၢ်နီၢ်နီၢ်ဒၣ်လဲာ် တလဲလိာ်တ့ၢ်ဝဲဒ်သိးအံၤနီတကလုာ်နီတစုဘၣ်. ဘၣ်ဆၣ်ဒီးယပှၤဂီၢ်မုၢ်ခီလဲလိာ်ယၤ, ကစၢ်ယွၤတဂၤလၢအဟဲစိာ်န့ၢ်အဝဲသ့ၣ်တၢ်လၤကပီၤန့ၣ်, ဒီးကစၢ်တဖၣ်လၢအမၤတၢ်လၢအဝဲသ့ၣ်အဂီၢ် တသ့နီတမံၤဘၣ်န့ၣ်လီၤ.

လံာ်ယံးရမံယၤ 2:28

ကစၢ်တဖၣ်လၢသုမၤအီၤလၢသုဂီၢ်ဒၣ်ဝဲန့ၣ်, မ့ၢ်အအိၣ်ဖဲလဲၣ်. ဖဲသုအိၣ်လၢတၢ်ကီတၢ်ခဲအပူၤန့ၣ်, အဝဲသ့ၣ်မၤဝဲမ့ၢ်သ့ဒီး မ်အဝဲသ့ၣ်အုၣ်က့ၤခီၣ်က့ၤသုတက့ၢ်. ကီၢ်ယူဒၤဧၢ, နအိၣ်ဒီးနကစၢ်တဖၣ်အါအါဂီၢ်ဂီၢ်ပှဲၤသိးနအိၣ်ဒီးနဝ့ၢ်တဖၣ်န့ၣ်လီၤ.

လံာ်ဒၤနံးယ့လး 5:4

အဝဲသ့ၣ်အီစပံးထံဒီးစံးထီၣ်ပတြၢၤကစၢ်တဖၣ်လၢဘၣ်တၢ်မၤ အီၤလၢထူ, စ့, တိၢ်ဘီ, ထး, သ့ၣ်, ဒီးလၢၢ်တဖၣ်န့ၣ်လီၤ.

လံာ်မးသဲ 27:17

လၢတၢ်န့ၣ်အဃိ, တုၤပှၤဂီၢ်မုၢ်တဖၣ်ဟဲပာ်ဖှိၣ်ထီၣ်အသးဒီး, စီၤပံၤလးသံကွၢ်အဝဲသ့ၣ်ဒီးစံး, “သုအဲၣ်ဒိးလၢယကပျၢ်န့ၢ်သုလၢမတၤတဂၤလဲၣ်, စီၤယ့ၣ်ၡူးဘၤရးဘါဧါ. မ့တမ့ၢ်ဘၣ်ဒီးယ့ၣ်ၡူးလၢပှၤကိးအီၤလၢခရံာ်န့ၣ်လဲၣ်.”

ကလၤတံ 4:8

လၢအပူၤကွံာ်န့ၣ်သုတသ့ၣ်ညါကစၢ်ယွၤဘၣ်. အဃိ, သုကဲကုၢ်လၢတၢ်လၢအတမ့ၢ်ကစၢ်ယွၤတဖၣ်အဖီ လာ်လီၤ.

လံာ်သိၣ်လီၤသီလီၤတၢ် 10:17

ယွၤ, သုကစၢ်ယွၤန့ၣ်ဒိၣ်စိဝဲဒၣ်လၢကစၢ်အဂၤတဖၣ်ခဲလၢာ်ဒီး ကယဲၢ်တၢ်စိတၢ်ကမီၤခဲလၢာ်အဖီခိၣ်န့ၣ်လီၤ. အဝဲဒၣ်န့ၣ်ဒိၣ်ဝဲဒီးအဂံၢ်အဘါဆူၣ်ဝဲဒီးအဝဲကဘၣ်တၢ်ပျံၤအီၤန့ၣ်လီၤ. အဝဲတကွၢ်မဲာ်တၢ်ဘၣ်ဒီးတတူၢ်လိာ်ဘၣ်ခိၣ်ဖးလာ်ဆှိးန့ၣ်ဘၣ်.

၂ သ့းစၤလနံ 2:4

အဝဲဒၣ်ကထီဒါကယဲၢ်တၢ်လၢပှၤကိးအီၤလၢယွၤဒီးတၢ်လၢ ပှၤကညီဘါထီၣ်ဝဲဒီးကပာ်ဖျါထီၣ်အသးဒ်အဒိၣ်န့ၢ် အဝဲသ့ၣ်ခဲလၢာ်န့ၣ်လီၤ. အဝဲဒၣ်ကလဲၤနုာ်ဒီးဆ့ၣ်နီၤဒၣ်လဲာ်လၢကစၢ်ယွၤ အတၢ်လုၢ်ဟံၣ်အပူၤဒီးစံးလီၤအသးလၢအမ့ၢ်ကစၢ်ယွၤ န့ၣ်လီၤ.