1 ကရံၣ်သူး 8:3 - Sgaw Karen Common Bible

³ မ့မ့ၢ်ပှၤတဂၤလၢအအဲၣ်ကစၢ်ယွၤန့ၣ်, ဘၣ်တၢ်သ့ၣ်ညါအီၤလၢ ယွၤလီၤ.

1 ကရံၣ်သူး 8:3 Iomraidhean Croise

လံာ်စီၤပၤအခီၣ်ထံးတဘ့ၣ် 3:3

စီၤၡလိၤမိၤအဲၣ်ဘၣ်ယွၤဒီးပိာ်ထွဲတ့ၢ်အပၢ်စီၤဒၤဝံးအတၢ် မၤလိာ်ပိာ်လီၤတဖၣ်အခံန့ၣ်လီၤ. ဘၣ်ဆၣ်အဝဲမၤသံစ့ၢ်ကီးဆၣ်ဖိကီၢ်ဖိတဖၣ်ဒီးလုၢ်ထီၣ်အီၤဒ် တၢ်လုၢ်တၢ်ပာ်တဖၣ်အသိးလၢတၢ်လုၢ်လီၢ်အကလုာ်ကလုာ်အဖီခိၣ်န့ၣ် လီၤ.

စံးထီၣ်ပတြၢၤ 1:6

ပှၤအတီအလိၤအကျဲန့ၣ်ဘၣ်တၢ်ဆှၢအီၤဒီး ကဟုကယာ်အီၤလၢယွၤန့ၣ်လီၤ. မ့မ့ၢ်ပှၤတတီတလိၤအကျဲန့ၣ် ဆှၢအီၤဆူတၢ်ဟးဂူာ်ဟးဂီၤန့ၣ်လီၤ.

စံးထီၣ်ပတြၢၤ 17:3

နသ့ၣ်ညါယသးလီၤ. နဟဲတ့ၢ်ဆူယအိၣ်လၢမုၢ်နၤ, နမၤကွၢ်တ့ၢ်ယၤလၢာ်လၢာ်ဆ့ဆ့ ဒီးတထံၣ်န့ၢ် တၢ်ဆၢမၤတၢ်အၢတၢ်သီလၢယပူၤဘၣ်.

လံာ်တၢ်ဟးထီၣ်ကွံာ် 33:12

စီၤမိၤၡ့စံးဘၣ်ကစၢ်ယွၤ, “နတဲတ့ၢ်ယၤလၢယကဘၣ်ဆှၢပှၤဂီၢ်မုၢ်ဆူကီၢ်အဝဲန့ၣ်န့ၣ်, မ့ၢ်ဝဲတီဝဲလီၤ. ဘၣ်ဆၣ်ဒီးနတတဲဘၣ်ယၤလၢနကမၢလီၤမတၤတဂၤဃုာ်ဒီးယၤလဲၣ်န့ၣ် ဘၣ်. နစံးတ့ၢ်လၢနသ့ၣ်ညါယၤဂ့ၤဂ့ၤဒီးဘၣ်နသးလၢယၤလီၤ.

လံာ်တၢ်ဟးထီၣ်ကွံာ် 33:17

ယွၤစံးဘၣ်စီၤမိၤၡ့, “ယကမၤဒ်နဃ့တ့ၢ်နဲအသိးလီၤ. အဂ့ၢ်ဒ်အံၤ, ယသ့ၣ်ညါနၤဂ့ၤဂ့ၤဒီးယဘၣ်သသူၣ်ဘၣ်သးလၢနၤလီၤ.”

လံာ်ယံးရမံယၤ 1:5

“ယဃုထၢတ့ၢ်နၤတချုးဒံးလၢယဟ့ၣ်နသးသမူဒၣ်လဲာ်, ဒီးတချုးဒံးလၢနအိၣ်ဖျဲၣ်ထီၣ်န့ၣ်, ယဃုထၢထီၣ်တ့ၢ်နၤဒ်သိး နကကဲထီၣ်ဝံတဂၤလၢပှၤကလုာ်တဖၣ်အဂီၢ်န့ၣ်လီၤ.”

လံာ်ဧၤမိၣ် 3:2

“လၢပှၤကလုာ်ခဲလၢာ်လၢဟီၣ်ခိၣ်ချၢအကျါန့ၣ်, သုမ့ၢ်ပှၤထဲတကလုာ်ဧိၤလၢယသ့ၣ်ညါတ့ၢ်ယဲဒီးအံးထွဲကွၢ်ထွဲ တ့ၢ်န့ၣ်လီၤ. တၢ်န့ၣ်မ့ၢ်တၢ်လၢအဒုးကဲထီၣ်သုတၢ်ကမၣ်လၢတၢ် လီၤပျံၤလီၤဖုးဖးဒိၣ်ဒီးလၢတၢ်န့ၣ်အဃိယဘၣ်စံၣ်ညီၣ်သုလၢ တၢ်န့ၣ်တဖၣ်အဂ့ၢ်လီၤ.”

လံာ်နၤဃူၣ် 1:7

ယွၤန့ၣ်ဂ့ၤဝဲ ဒီးမ့ၢ်တိာ်ဧိၤတာ်ဧိၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ. ဒီးအဝဲသ့ၣ်ညါပှၤလၢအသန့ၤအသးလၢအီၤလီၤ.

လံာ်မးသဲ 7:23

ဒီးယကစံးဘၣ်အဝဲသ့ၣ်, ‘ယတသ့ၣ်ညါသုနီတစုဘၣ်. ပှၤမၤတၢ်အၢတၢ်သီသ့ၣ်ဧၢ, ဟးဖးဒီးယၤတက့ၢ်.’

လံာ်ယိၤဟၣ် 10:14

ယဲဒၣ်အံၤယမ့ၢ်ပှၤကွၢ်သိလၢအဂ့ၤတဂၤလီၤ. ဒ်ပၢ်သ့ၣ်ညါယၤဒီးယသ့ၣ်ညါပၢ်အသိးန့ၣ်, ယသ့ၣ်ညါ ယသိဒီးအဝဲသ့ၣ် သ့ၣ်ညါယၤလီၤ.

လံာ်ယိၤဟၣ် 21:17

ယ့ၣ်ၡူးစံးဘၣ်အီၤပှဲၤထီၣ်သၢဘျီတဘျီ, “စီၤယိၤနါအဖိခွါ စီၤၡံမိၣ်ဧၢ, မ့ၢ်နအဲၣ်ယၤဧါ.” ယ့ၣ်ၡူးသံကွၢ်အီၤ, မ့ၢ်နအဲၣ် ယၤဧါ. ပှဲၤထီၣ်သၢဘျီတဘျီအဃိဒီး, စီၤပ့းတရူးအသးတမုာ်ဝဲဘၣ်ဒီးစံးဘၣ်ယ့ၣ်ၡူး, “ကစၢ်ဧၢ, နသ့ၣ်ညါတၢ်ခဲလၢာ်လီၤ. နသ့ၣ်ညါလၢယအဲၣ်နၤလီၤ.” ယ့ၣ်ၡူးစံးဘၣ်အီၤ, “လုၢ်အီၣ်လုၢ်အီယသိတက့ၢ်.

ရိမ့ၤ 11:2

ကစၢ်ယွၤတညိကွံာ်အပှၤကလုာ်လၢအဃုထၢပာ်ဝဲလၢအခီၣ်ထံး လံၤလံၤန့ၣ်ဘၣ်. သုသ့ၣ်ညါတၢ်ကွဲးအသးစီဆှံဘၣ်ဃးဝံအ့ၤလံယၤ အတၢ်ဃ့သကွံၢ်ကညးကစၢ်ယွၤထီဒါအံၣ်စရ့လးလၢအစံးဝဲ,

1 ကရံၣ်သူး 13:12

တၢ်လၢပထံၣ်ပဝဲခဲကနံၣ်အံၤ, မၤအသးဒ်တၢ်အက့ၢ် အဂီၤလၢအအိၣ်ဖျါထီၣ်ကဒုကယီၢ်လၢမဲာ်ထံကလၤတဘ့ၣ် အပူၤန့ၣ်လီၤ. မ့မ့ၢ်ဖဲဆၢကတီၢ်အဝဲန့ၣ်, ပကထံၣ်လိာ်ပသးလၢမဲာ်သကိးမဲာ်လီၤ. တၢ်လၢယသ့ၣ်ညါယဲခဲကနံၣ်အံၤမ့ၢ်ဒၣ်တၢ်တဖှံၣ် တဝာ်, မ့မ့ၢ်ဖဲဆၢကတီၢ်အဝဲန့ၣ်ကမ့ၢ်တၢ်လၢတၢ်ပှဲၤ, ကလၢပှဲၤဝဲဒ်ကစၢ်ယွၤအတၢ်သ့ၣ်ညါယၤအသိးန့ၣ်လီၤ.

1 ကရံၣ်သူး 2:9

ဘၣ်ဆၣ်ဒီးဒ်တၢ်ကွဲးအသးစီဆှံစံးဝဲအသိး, “တၢ်လၢပှၤတထံၣ်တ့ၢ်ဒီးနၢ်ဟူတ့ၢ်နီတဂၤဘၣ် တၢ်လၢပှၤတဆိကမိၣ်ကမၤအသးနီတဂၤဘၣ်န့ၣ်, မ့ၢ်ဝဲတၢ်တမံၤဃီလၢ ကစၢ်ယွၤအိၣ်ကတဲာ်ကတီၤပာ်လၢ ပှၤလၢအအဲၣ်အီၤတဖၣ်အဂီၢ်လီၤ.”

ကလၤတံ 4:9

မ့မ့ၢ်ခဲကနံၣ်အံၤ မ့ၢ်လၢသုသ့ၣ်ညါကစၢ်ယွၤလံ, မ့တမ့ၢ်, ယကြၢးစံး, ကစၢ်ယွၤသ့ၣ်ညါသုလံန့ၣ်, ဘၣ်မနုၤအဃိသုသးအိၣ်ဃၣ်ကဒါက့ၤသုသးဆူသး တဖၣ်လၢအဂံၢ်စၢ်ဘါစၢ်ဒီးဖှီၣ်ဝဲယာ်ဝဲအအိၣ်ဒီးသး အိၣ်ကဲက့ၤကဒီးကုၢ်လၢအဖီလာ်န့ၣ်လဲၣ်.

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

၁ ပ့းတရူး 1:8

သုတထံၣ်ဘၣ်ဒံးအီၤသနာ်က့သုအဲၣ်အီၤ, ဒီးသုတထံၣ်အီၤခဲအံၤသနာ်က့သုနာ်အီၤ န့ၣ်လီၤ. လၢတၢ်န့ၣ်အဃိ, သုသူၣ်ခုသးခုလၢတၢ်သးခုဖးဒိၣ်ဒီးတၢ်သးခုလၢ အပှဲၤဒီးတၢ်လၤကပီၤလၢပစံးကတိၤလၢအဂ့ၢ်တသ့ဘၣ်.

၁ ယိၤဟၣ် 4:19

ပအဲၣ်တၢ်ကွံတၢ်လီၤ. အဂ့ၢ်ဒ်အံၤယွၤအဲၣ်ဆိပှၤလီၤ.

၁ ယိၤဟၣ် 4:7

တံၤသကိးသးဘိသ့ၣ်ဧၢ, မ်ပအဲၣ်လိာ်ကွံလိာ်ပသးတဂၤဒီး တဂၤတက့ၢ်. အဂ့ၢ်ဒ်လဲၣ်န့ၣ်, တၢ်အဲၣ်တၢ်ကွံဟဲလၢ ကစၢ်ယွၤလီၤ. မတၤတဂၤဂ့ၤတဂၤဂ့ၤလၢအအဲၣ်တၢ်ကွံ တၢ်န့ၣ်, မ့ၢ်ယွၤအဖိဒီးသ့ၣ်ညါကစၢ်ယွၤလီၤ.

လံာ်လီၣ်ဖျါ 2:13

နအိၣ်နဲဆိးနဲဖဲလဲၣ်ပူၤလဲၣ်န့ၣ်ယသ့ၣ်ညါယဲ, မ့ၢ်ဝဲတၢ်လီၢ်တၢ်ကျဲဖဲမုၣ်ကီၤလံၢ်အလီၢ်ပစိာ်အိၣ်ဝဲန့ၣ်လီၤ. နတီနဲဒီးယၤ, ဒီးဖဲဆၢကတီၢ်လၢယပှၤအုၣ်အသးလၢအသးတီ တဂၤ, စီၤအၣ်တံပၤဘၣ်တၢ်မၤသံအီၤဖဲမုၣ်ကီၤလံၢ်အိၣ်ဆိးဝဲ အလီၢ်အခါဒၣ်လဲာ်န့ၣ်, နတစူးကွံာ်ညိကွံာ်နတၢ်စူၢ်တၢ်နာ်လၢ ယပူၤဘၣ်လီၤ.

လံာ်လီၣ်ဖျါ 2:19

ယသ့ၣ်ညါယဲတၢ်လၢနမၤန့ၣ်လီၤ. ယသ့ၣ်ညါနတၢ်အဲၣ်တၢ်ကွံ, နတၢ်သူၣ်တီသးတီ, နတၢ်ဖံးတၢ်မၤ, ဒီးနတၢ်ဝံသးစူၤန့ၣ်လီၤ. ယသ့ၣ်ညါယဲလၢနမၤတၢ်ခဲကနံၣ်အံၤအါန့ၢ်ဒံးတၢ်လၢနမၤတ့ၢ်နဲ လၢအခီၣ်ထံးန့ၣ်လီၤ.

လံာ်လီၣ်ဖျါ 2:9

ယသ့ၣ်ညါနတၢ်ကီတၢ်ခဲတဖၣ်လီၤ, ယသ့ၣ်ညါလၢနဖှီၣ် နယာ်, ဘၣ်ဆၣ်ဒီးနီၢ်နီၢ်တခီနထူးနတီၤလီၤ. ယသ့ၣ်ညါပှၤသ့ၣ်တဖၣ်လၢအစံးလီၤအသးလၢအမ့ၢ်ပှၤ ယူဒၤဖိဘၣ်ဆၣ်တမ့ၢ်ဘၣ်တဖၣ်, အတၢ်စံးအၢစံးသီနၤ တဖၣ်လီၤ. အဝဲသ့ၣ်မ့ၢ်ပှၤတဖုတကရၢလၢအဘၣ်ဃးဒီး မုၣ်ကီၤလံၢ်န့ၣ်လီၤ.