1 ကရံၣ်သူး 8:12 - Sgaw Karen Common Bible

¹² ဒီးလၢကျဲဒ်အံၤအပူၤနကမၤဘၣ်တၢ်ဒဲးဘးထီဒါခရံာ် ခီဖျိနမၤတၢ်ဒဲးဘးထီဒါနဒီပုၢ်ဝဲၢ်ပှၤခရံာ်ဖိတဖၣ်ဒီး မၤဘၣ်ဒိအသးလၢအသ့ၣ်ညါဒၣ်တၢ်လၢအဂံၢ်စၢ်ဘါစၢ်န့ၣ်လီၤ.

1 ကရံၣ်သူး 8:12 Iomraidhean Croise

လံာ်တၢ်ကဲထီၣ်အခီၣ်ထံး 20:9

အန့ၣ်ဝံၤဒီး, စီၤအလံၤမ့လ့းကိးန့ၢ်စီၤအၤဘြၤဟၣ်ဒီးသံ ကွၢ်အီၤ, “နမၤဘၣ်တ့ၢ်ပှၤတၢ်မနုၤတမံၤလဲၣ်. မ့ၢ်ယမၤကမၣ်ဘၣ်တ့ၢ်နၤတၢ်မနုၤတမံၤလၢနကဟဲစိာ်န့ၢ်တၢ်တတၢး တနါလၢယၤဒီးယဘီယမုၢ်အဖီခိၣ်န့ၣ်လဲၣ်. တၢ်လၢနမၤတ့ၢ်ယၤန့ၣ်ပှၤတဂၤတကြၢးမၤဝဲနီတဘျီနီ တဂၤဘၣ်.

လံာ်တၢ်ကဲထီၣ်အခီၣ်ထံး 42:22

စီၤရူၤဘ့ၣ်စံးဝဲ, “ယတဲဘၣ်တ့ၢ်သုလၢ, မၤဘၣ်ဒိဆါပိာ်ခွါ ဖိသၣ်န့ၣ်တဂ့ၤ. ဘၣ်ဆၣ်, သုတဒိကနၣ်ဘၣ်. ဒီးခဲကနံၣ်အံၤပဘၣ်တၢ်ဟ့ၣ်ကၣ်ဆၢက့ၤပှၤလၢအတၢ်သံ အဃိလီၤ.”

လံာ်တၢ်ဟးထီၣ်ကွံာ် 16:8

ဒီးစီၤမိၤၡ့စံးဝဲဒၣ်, “ယွၤမ့ၢ်ပှၤလၢကဟ့ၣ်သုတၢ်ဖံးတၢ် ညၣ်လၢသုကအီၣ်လၢမုၢ်ဟါ, ဒီးကိၣ်ပှဲၤသိးသုအဲၣ်ဒိးအီၣ်လၢမုၢ်ဂီၤအကတီၢ်န့ၣ်လီၤ. အဂ့ၢ်ဒ်အံၤ, အဝဲနၢ်ဟူတ့ၢ်သုတၢ်ကဒူးကဒ့ၣ်ထီဒါအီၤန့ၣ်လီၤ. ဖဲသုကဒူးကဒ့ၣ်ထီဒါပှၤန့ၣ်, မ့ၢ်သပှၢ်ကတၢၢ်သုကဒူးကဒ့ၣ်ထီဒါယွၤန့ၣ်လီၤ.”

လံာ်တၢ်ဟးထီၣ်ကွံာ် 32:21

အဝဲစံးဘၣ်စီၤအၤဟရိၣ်, “ဒ်သိးနကမၤတုၤပှၤဂီၢ်မုၢ်မၤတၢ် ဒဲးဘးလီၤပျံၤလီၤဖုးတမံၤအံၤအဂီၢ်န့ၣ်အဝဲသ့ၣ်မၤနၤမနုၤ တမံၤလဲၣ်.”

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်မးသဲ 18:21

တုၤနုၤတစုစီၤပ့းတရူးဟဲဆူယ့ၣ်ၡူးအအိၣ်ဒီးသံကွၢ်အီၤ, “ကစၢ်ဧၢ, ယဒီပုၢ်ဝဲၢ်မ့ၢ်မၤကမၣ်ယၤတဘျီဘၣ်တဘျီဒီး, ယကဘၣ်ပျၢ်အီၤပှံၤဘျီလဲၣ်. တုၤအပှဲၤထီၣ်နွံဘျီဧါ.”

လံာ်မးသဲ 18:6

ပှၤတဂၤဂၤလၢအဒုးလီၤဃံၤပှၤအဆံးဒ်သိးအံၤတဂၤလၢအသုတနာ် ယၤလၢၤတဂ့ၤန့ၣ်, ဆၢၣ်ဂူာ်လၢၢ်ဖးဒိၣ်တဖျၢၣ်မ့ၢ်ဘၣ်တၢ်စၢထီၣ်အီၤလၢအကိာ်လိၤ ဒီး, မၤလီၤအုးကွံာ်အီၤလၢပီၣ်လဲၣ်အတၢ်ယိာ်ပူၤန့ၣ်, ကဂ့ၤဒၣ်တၢ်တက့ၢ်လီၤ.

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်မးသဲ 25:45

စီၤပၤကစံးဆၢတၢ်ဒီးစံး, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုတမၤစၢၤဘၣ်ပှၤအဆံးကတၢၢ်လၢယဒီပုၢ်ဝဲၢ် အကျါတဂၤဂၤန့ၣ်, မ့ၢ်သုတမၤစၢၤဘၣ်ယၤန့ၣ်လီၤ.’

လံာ်မၢ်ကူး 9:42

ပှၤတဂၤလၢ်လၢ်လၢအမၤဘၣ်ပှၤအဆံးလၢအနာ်က့ၤယၤ တဖၣ်အကျါတဂၤဂၤဒ်သိးအတၢ်နာ်လၢယပူၤကဟးဂီၤကွံာ်အဂီၢ်န့ၣ်, ဂ့ၤတက့ၢ်လၢတၢ်စၢထီၣ်ဆၢၣ်ဂူာ်လၢၢ်ဖးဒိၣ်လၢအကိာ်လိၤ ဒီးတ့ၢ်လီၤကွံာ်အီၤဆူပီၣ်လဲၣ်ပူၤလီၤ.

လံာ်လူၤကၣ် 17:2

ဆၢၣ်ဂူာ်လၢၢ်မ့ၢ်ဘၣ်တၢ်စၢဃာ်အီၤလၢအကိာ်လိၤဒီး တၢ်တ့ၢ်လီၤအီၤဆူပီၣ်လဲၣ်ပူၤန့ၣ်, ကဂ့ၤဒိၣ်န့ၢ်ဒံးအဝဲဒၣ်ကဒုးမၤပှၤအဆံးတဖၣ်အံၤအကျါတဂၤလၢ တၢ်ဒဲးဘးန့ၣ်တက့ၢ်လီၤ.

ရိမ့ၤ 14:20

လၢတၢ်အီၣ်အဃိန့ၣ်, တဘၣ်မၤဟးဂီၤတၢ်လၢကစၢ်ယွၤမၤတ့ၢ် လံဝဲန့ၣ်တဂ့ၤ. တၢ်အီၣ်ခဲလၢာ်ကဆှီဝဲဒီးပအီၣ်သ့လီၤ. ဘၣ်ဆၣ်ဒီး ပအီၣ်တၢ်တမံၤဂ့ၤတမံၤဂ့ၤမ့ၢ်ကဲထီၣ်တၢ်ဒဲးဘးလၢပှၤအဂၤ တဂၤအဂီၢ်ဒီးမ့ၢ်တၢ်လၢအကမၣ်န့ၣ်လီၤ.

1 ကရံၣ်သူး 12:12

ခရံာ်လီၤဂာ်ဒ်နီၢ်ခိထဲတဂၤဃီလၢအအိၣ်ဒီးက့ၢ်ဂီၤအါမံၤလီၤ. အဝဲဒၣ်ဘၣ်တၢ်ဒုးအိၣ်ထီၣ်အီၤအိၣ်ဒီးက့ၢ်ဂီၤအါမံၤဘၣ်ဆၣ် ဒီး, မ့ၢ်ဒၣ်နီၢ်ခိတဂၤဃီလီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:25

ပှၤတဂၤမ့ၢ်မၤတၢ်ဒဲးဘးထီဒါပှၤအဂၤတဂၤဒီးကစၢ်ယွၤဒီဒၣ် အိၣ်ပှိၤအီၤသ့လီၤ. ဘၣ်ဆၣ်ဒီးမ့ၢ်မတၤတဂၤဒီဒၣ်အိၣ်ပှိၤပှၤတဂၤလၢအမၤတၢ်ဒဲးဘး ထီဒါယွၤကသ့ဝဲန့ၣ်လဲၣ်.” ဘၣ်ဆၣ်ဒီးအဝဲသ့ၣ်တဒိကနၣ်အပၢ်ဘၣ်. အဂ့ၢ်ဒ်အံၤ, ယွၤပာ်လီၤအသးလၢကမၤသံကွံာ်အဝဲသ့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:11

ကွၢ်တက့ၢ်, ယပၢ်ဧၢ, ကွၢ်ဃီၤနဆ့ကၤဖးထီအက့တက့လၢယဖီၣ်ဃး အီၤအံၤတက့ၢ်. ယမၤသံနၤသ့လီၤ. ဘၣ်ဆၣ်ဒီး, အခိၣ်တလိာ်န့ၣ်, ယကူးတဲာ်ထဲတၢ်အံၤဧိၤလီၤ. တၢ်အံၤဒုးနၢ်ပၢၢ်လီၤတံၢ်နၤလၢယတအိၣ်ဒၣ်လဲာ်ဒီးတၢ်ဆိကမိၣ် လၢတၢ်ပူထီၣ်ထီဒါနၤမ့ၢ်ဂ့ၤမၤဆါနၤမ့ၢ်ဂ့ၤဘၣ်. နလူၤဖီၣ်န့ၢ်ယၤလၢနကမၤသံယၤအဂီၢ်ဖဲယတမၤကမၣ်ဘၣ်နၤနီတမံၤ ဘၣ်ဒၣ်လဲာ်န့ၣ်လီၤ.