1 ကရံၣ်သူး 8:10 - Sgaw Karen Common Bible

¹⁰ ပစံးဒၣ်ကလိာ်, ပှၤတဂၤလၢအသးလၢအသ့ၣ်ညါဒၣ်တၢ်အဂံၢ် အဘါစၢ်လၢတၢ်ဂ့ၢ်အဝဲအံၤတကပၤတဂၤထံၣ်သုဝဲလၢအအိၣ်ဒီး တၢ်လၢပှၤကိးဝဲလၢ “တၢ်သ့ၣ်ညါနၢ်ပၢၢ်” န့ၣ်, အီၣ်တၢ်လၢတၢ်ဂီၤတၢ်ဖီၣ်တဒုအတၢ်လုၢ်ဟံၣ်အပူၤဒီး, အဝဲကဘၣ်တၢ်မၢန့ၢ်ဆီၣ်ခံအီၤလၢအကအီၣ်တၢ်အီၣ်လၢအဘၣ် တၢ်လုၢ်ထီၣ်အီၤဆူတၢ်ဂီၤတၢ်ဖီၣ်တဖၣ်အအိၣ်တမ့ၢ်ဘၣ်ဧါ.

1 ကရံၣ်သူး 8:10 Iomraidhean Croise

လံာ်ဧၤမိၣ် 2:8

လၢကယဲၢ်တၢ်ဘူၣ်တၢ်ဘါအလီၢ်တပူၤလၢ်လၢ်န့ၣ်ပှၤပိာ်ခွါတဖၣ်မံ လီၤလၢတၢ်ကူတၢ်သိးအဖီခိၣ်လၢအဟံးန့ၢ်ဝဲလၢပှၤ ဖှီၣ်ဖိယာ်ဖိအအိၣ်ဒ်တၢ်အုၣ်ကီၤလၢအဒ့ၣ်ကမၣ်အဂီၢ်လီၤ. လၢအဝဲသ့ၣ်အကစၢ်ယွၤအတၢ်လုၢ်ဟံၣ်အပူၤန့ၣ်အီဝဲစ ပံးထံလၢအဟံးန့ၢ်ဝဲလၢပှၤလိၢ်အဝဲသ့ၣ်အစ့တဖၣ်အအိၣ်လီၤ.

လံာ်တၢ်ဂံၢ် 25:2

ပိာ်မုၣ်တဖၣ်အံၤကွဲဃီၤအဝဲသ့ၣ်တဖၣ်ဆူတၢ်လုၢ်တၢ်ပာ်အမူးတဖၣ် လၢတၢ်လီၢ်ဖဲကီၢ်မိၤအးအကစၢ်ဘၣ်တၢ်ဘူၣ်ထီၣ်ဘါထီၣ်အီၤန့ၣ် လီၤ. ပှၤအံၣ်စရ့လးဖိတဖၣ်အီၣ်တၢ်အီၣ်ဒီးဘါထီၣ်ကစၢ်ဘဧၤလးလၢကီၢ် ပဧိၢ်အပူၤန့ၣ်လီၤ.

မၤတၢ် 15:20

မ့မ့ၢ်တခီ, ပကြၢးကွဲးလံာ်ဆူအဝဲသ့ၣ်အအိၣ်ဒီးစံးဘၣ်အီၤလၢ အသုတအီၣ်တၢ်အီၣ်တကဆှီဒ်တၢ်ဘူၣ်တၢ်ဘါအလုၢ်အလၢ် အိၣ်ဝဲအသိး နီတမံၤလၢအဘၣ်တၢ်လုၢ်ထီၣ်အီၤဆူတၢ် ဂီၤတၢ်ဖီၣ်န့ၣ်တဂ့ၤ. ဒီးအကဟးဆှဲးတၢ်မၤကမၣ်မုၣ်ကမၣ်ခွါ, ဒီးအသုတအီၣ်ဆၣ်ဖိကီၢ်ဖိလၢအဘၣ်တၢ်စံၢ်သံအီၤ, ဒီးတၢ်အသွံၣ်တမံၤလၢ်လၢ်တဂ့ၤ.

ရိမ့ၤ 14:14

ဒ်ယအိၣ်လၢကစၢ်ယ့ၣ်ၡူးအပူၤအသိးန့ၣ်, ယသ့ၣ်ညါလီၤတံၢ်လၢတၢ်အီၣ်လၢအတကဆှီဒၣ်အတၢ်တအိၣ်နီ တမံၤဘၣ်. ဘၣ်ဆၣ်ဒီး, တုၤပှၤတဂၤနာ်ဝဲလၢတၢ်တမံၤမံၤအံၤ တကဆှီဘၣ်ဒီး, တၢ်တမံၤန့ၣ်ကဲထီၣ်တၢ်တကဆှီဘၣ်လၢအဝဲဒၣ် အဂီၢ်န့ၣ်လီၤ.

ရိမ့ၤ 14:23

ဘၣ်ဆၣ်ဒီး ပှၤတဂၤလၢအအီၣ်တၢ်လၢတၢ်သးဒ့ဒီအပူၤ န့ၣ်ကစၢ်ယွၤစံၣ်ညီၣ်အီၤဖဲအအီၣ်တၢ်အခါန့ၣ်လီၤ. အဂ့ၢ်ဒ်အံၤတၢ်မၤန့ၣ်တသန့ၤထီၣ်အသးလၢတၢ်နာ်အလိၤဘၣ်. ဒီးတၢ်တမံၤဂ့ၤတမံၤဂ့ၤလၢအတသန့ၤထီၣ်အသးလၢတၢ်နာ် န့ၣ်မ့ၢ်တၢ်ဒဲးဘးလီၤ.

1 ကရံၣ်သူး 10:32

အိၣ်မူဒ်သိး, သုသုတကဲထီၣ်တၢ်တံာ်တာ်လၢပှၤယူဒၤဖိအဂီၢ် မ့ၢ်ဂ့ၤ, ပှၤကလုာ်ဂၤအဂီၢ်မ့ၢ်ဂ့ၤ, မ့တမ့ၢ်, ယွၤအတၢ်အိၣ်ဖှိၣ်အဂီၢ်မ့ၢ်ဂ့ၤ, တဂ့ၤန့ၣ်တက့ၢ်.

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

1 ကရံၣ်သူး 8:7

ဘၣ်ဆၣ်ဒီးပှၤတသ့ၣ်ညါတၢ်မ့ၢ်တၢ်တီအဝဲအံၤကိးဂၤဒဲးဘၣ်. ပှၤတနီၤညီနုၢ်လၢတၢ်ဂီၤတၢ်ဖီၣ်ဒ်အံၤအသိးတဖၣ်တုၤဒၣ်လဲာ်, တုၤလီၤလၢမုၢ်မဆါတနံၤအံၤဖဲအဝဲသ့ၣ်အီၣ်တၢ်အီၣ်ဒ်န့ၣ် အသိးတဖၣ်န့ၣ်, အဝဲသ့ၣ်ဆိကမိၣ်ဒံးဝဲလၢအဂ့ၢ်ဒ်အမ့ၢ်တၢ်အီၣ်လၢအမ့ၢ်တၢ်ဂီၤ တၢ်ဖီၣ်တဖၣ်အတၢ်န့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ် အဂံၢ်အဘါစၢ်, ဒီးဆိကမိၣ်လီၤအသးလၢအဘၣ်တၢ်မၤဘၣ်အၢအီၤလၢတၢ်အီၣ် န့ၣ်လီၤ.

1 ကရံၣ်သူး 8:9

ဘၣ်ဆၣ်ဒီး, ပလီၢ်သုသးဒ်သိးသုတပျဲသုတၢ်သဘျ့လၢသု ကမၤဖဲသုသးဒုးလီၤဃံၤပှၤလၢအဂံၢ်စၢ်ဘါစၢ်တဖၣ်ဆူ တၢ်ဒဲးဘးအပူၤတဂ့ၤ.

လံာ်ပှၤစံၣ်ညီၣ်ကွီၢ် 9:27

အဝဲသ့ၣ်ခဲလၢာ်လဲၤနုာ်ဆူပှၤၡက့ၣ်ဖိတဖၣ်အစပံးလီၢ် ဒီးဒဲးန့ၢ်စပံးသၣ်တဖၣ်ဒီးမၤန့ၢ်ဝဲစပံးထံဒီးမၤမူးသးဖှံန့ၣ်လီၤ. အဝဲသ့ၣ်လဲၤနုာ်ဆူပှၤၡက့ၣ်ဖိတဖၣ်အကစၢ်အတၢ်လုၢ်ဟံၣ်အပူၤ ဒီးအီမူၤအသးဒီးကတိၤဒုၣ်ဒွဲၣ်စီၤအဘံၤမ့လ့းန့ၣ်လီၤ.