1 ကရံၣ်သူး 8:1 - Sgaw Karen Common Bible

¹ ခဲကနံၣ်အံၤ, ဘၣ်ထွဲဒီးတၢ်ဂ့ၢ်လၢသုကွဲးဖျါသုဝဲဘၣ်ဃးတၢ်အီၣ် တၢ်အီလၢအဘၣ်တၢ်လုၢ်ထီၣ်ပာ်ထီၣ်အီၤဆူတၢ်ဂီၤတၢ်ဖီၣ်တဖၣ် အအိၣ်န့ၣ်, သပှၢ်ကတၢၢ်, မ့ၢ်ဝဲတီဝဲကစီဒီလီၤ. ဒ်အဝဲသ့ၣ်စံးဝဲအသိးန့ၣ်, “ပဝဲကိးဂၤဒဲးပအိၣ်ဒီးတၢ်သ့ၣ်ညါနၢ်ပၢၢ်လီၤ.” ဘၣ်ဆၣ်ဒီး, တၢ်သ့ၣ်ညါဒ်န့ၣ်အသိး, မၤကဖိထီၣ်ပှၤကညီလၢတၢ်ပာ် ကဖၢလၢသးလီၤ. မ့မ့ၢ်တၢ်အဲၣ်တၢ်ကွံန့ၣ်, မၤထီၣ်မၤထီတၢ်လီၤ.

1 ကရံၣ်သူး 8:1 Iomraidhean Croise

လံာ်ယၡါယၤ 47:10

နနာ်န့ၢ်လီၤနသးလၢနတၢ်အၢတၢ်သီတဖၣ်အပူၤ ဒီးနဆိကမိၣ်တ့ၢ်လၢပှၤထံၣ်နၤတသ့ နီတဂၤဘၣ်န့ၣ်လီၤ. နတၢ်ကူၣ်သ့ဒီးနတၢ်သ့ၣ်ညါဆှၢကမၣ်နကျဲ, ဒီးနစံးလီၤနသး, ယမ့ၢ်ကစၢ်ယွၤဒီးပှၤဒ်သိးယၤ အဂၤတအိၣ်နီတဂၤဘၣ် န့ၣ်လီၤ.

လံာ်ယၡါယၤ 5:21

သုဘၣ်တၢ်စံၣ်ညီၣ်ဃါမနၤလီၤ. သုဆိကမိၣ်လၢသုကူၣ်တၢ်သ့, ဒီးသုသ့သုဘၣ်ဒိၣ်မးလီၤ.

လံာ်တၢ်ဂံၢ် 25:2

ပိာ်မုၣ်တဖၣ်အံၤကွဲဃီၤအဝဲသ့ၣ်တဖၣ်ဆူတၢ်လုၢ်တၢ်ပာ်အမူးတဖၣ် လၢတၢ်လီၢ်ဖဲကီၢ်မိၤအးအကစၢ်ဘၣ်တၢ်ဘူၣ်ထီၣ်ဘါထီၣ်အီၤန့ၣ် လီၤ. ပှၤအံၣ်စရ့လးဖိတဖၣ်အီၣ်တၢ်အီၣ်ဒီးဘါထီၣ်ကစၢ်ဘဧၤလးလၢကီၢ် ပဧိၢ်အပူၤန့ၣ်လီၤ.

မၤတၢ် 15:10

မ့မ့ၢ်ဒ်န့ၣ်ဒီး, ဘၣ်မနုၤအဃိသုအဲၣ်ဒိးမၤကွၢ်ကစၢ်ယွၤခီဖျိသုပာ်ထီၣ် တၢ်ဝံတၢ်ယိးလၢပမိၢ်ပၢ်ဖံဖုလၢပျၢၤမ့ၢ်ဂ့ၤ, ပဝဲဒၣ်မ့ၢ်ဂ့ၤ, ပဝံပယိးအီၤတန့ၢ်ဘၣ်န့ၣ်, လၢပှၤစူၢ်က့ၤနာ်က့ၤတၢ်တဖၣ်အံၤ အလိၤန့ၣ်လဲၣ်.

မၤတၢ် 15:29

တၢ်အီၣ်လၢအဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤတၢ်ဖီၣ်န့ၣ်, အီၣ်အီၤတဂ့ၤ. အီၣ်တၢ်သွံၣ်တဂ့ၤ. ဆၣ်ဖိကီၢ်ဖိလၢအဘၣ်တၢ်စံၢ်သံအီၤန့ၣ်အီၣ်အီၤတဂ့ၤ. ဒီးဟးဆှဲးတၢ်မၤကမၣ်မုၣ်ကမၣ်ခွါန့ၣ်တက့ၢ်. သုမ့ၢ်ဟးဆှဲးတၢ်သ့ၣ်တဖၣ်အံၤဒီး, ကမ့ၢ်သုမၤတၢ်လၢအကြၢး ဝဲဘၣ်ဝဲန့ၣ်လီၤ. လၢတၢ်ဆၢဂ့ၤအါအပူၤ.”

မၤတၢ် 21:25

မ့မ့ၢ်ပှၤကလုာ်ဂၤလၢအကဲထီၣ်ပှၤစူၢ်က့ၤနာ်က့ၤတၢ်တဖၣ်န့ၣ်, ပဆှၢလီၤလံလံာ်ပရၢတဘ့ၣ်ဆူအအိၣ်ဒီးတဲဘၣ်အီၤလၢပအၢၣ်လီၤ စံၣ်ညီၣ်တ့ၢ်ပဝဲလၢတၢ်အီၣ်တမံၤလၢ်လၢ်လၢအဘၣ်တၢ်လုၢ် ထီၣ်အီၤဆူတၢ်ဂီၤတၢ်ဖီၣ်အအိၣ်မ့ၢ်ဂ့ၤ, တၢ်သွံၣ်မ့ၢ်ဂ့ၤ, ဆၣ်ဖိကီၢ်ဖိလၢတၢ်စံၢ်သံအီၤမ့ၢ်ဂ့ၤ, အသုတအီၣ်ဝဲတဂ့ၤ. ဒီးလၢအကဘၣ်ဟးဆှဲးတၢ်မၤကမၣ်မုၣ် ကမၣ်ခွါန့ၣ်လီၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 12:16

သူၣ်အိၣ်သးအိၣ်ပှၤကိးဂၤဒဲးဒ်သိးသိးတက့ၢ်. တဘၣ်ပာ်ထီၣ်ထီသုသးတဂ့ၤ, မ့မ့ၢ်ရ့တံၤရ့သကိးဒီးပှၤဖှီၣ်ဖိယာ်ဖိတဖၣ်တက့ၢ်. တဘၣ်ဆိကမိၣ်လီၤသုသးလၢသုကူၣ်ဘၣ်ကူၣ်သ့တဂ့ၤ.

ရိမ့ၤ 14:10

မ့မ့ၢ်ဒ်န့ၣ်ဒီး, နဲဒၣ်အံၤနစံၣ်ညီၣ်နဒီပုၢ်ဝဲၢ်ဘၣ်မနုၤလဲၣ်. ဒီးနဲဒၣ်အံၤ, နကွၢ်တလီၤနဒီပုၢ်ဝဲၢ်ဘၣ်မနုၤလဲၣ်. ပဝဲဒၣ်ခဲလၢာ်ပကဆၢထၢၣ်လၢကစၢ်ယွၤအမဲာ်ညါလၢအဝဲကစံၣ်ညီၣ် ပှၤအဂီၢ်လီၤ.

ရိမ့ၤ 14:14

ဒ်ယအိၣ်လၢကစၢ်ယ့ၣ်ၡူးအပူၤအသိးန့ၣ်, ယသ့ၣ်ညါလီၤတံၢ်လၢတၢ်အီၣ်လၢအတကဆှီဒၣ်အတၢ်တအိၣ်နီ တမံၤဘၣ်. ဘၣ်ဆၣ်ဒီး, တုၤပှၤတဂၤနာ်ဝဲလၢတၢ်တမံၤမံၤအံၤ တကဆှီဘၣ်ဒီး, တၢ်တမံၤန့ၣ်ကဲထီၣ်တၢ်တကဆှီဘၣ်လၢအဝဲဒၣ် အဂီၢ်န့ၣ်လီၤ.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

ရိမ့ၤ 14:22

ပၢၤဃာ်တၢ်လၢနနာ်ဘၣ်ထွဲဒီးတၢ်ဂ့ၢ်အံၤလၢနကစၢ်ဒၣ်နဲ ဒီးကစၢ်ယွၤအဘၢၣ်စၢၤန့ၣ်တက့ၢ်. ပှၤလၢအတစံၣ်ညီၣ်ဃၣ်လီၤအသးဖဲအမၤတၢ်လၢအဆိ ကမိၣ်ဝဲလၢအဘၣ်န့ၣ်, မ့ၢ်ပှၤတဂၤလၢအသးခုနီၢ်နီၢ်န့ၣ်လီၤ.

ရိမ့ၤ 14:3

ပှၤတဂၤလၢကအီၣ်တၢ်ကိးမံၤဒဲးန့ၣ်, မ်အသုတကွၢ်တလီၤပှၤလၢအတအီၣ်တၢ်န့ၣ်တဂ့ၤ. ဒီးပှၤလၢအအီၣ်ထဲတၢ်ဒိးတၢ်လၣ်တဂၤန့ၣ်, မ်အသုတစံၣ်ညီၣ် ပှၤလၢအအီၣ်တၢ်ခဲလၢာ်တဂၤန့ၣ်တဂ့ၤ. အဂ့ၢ်ဒ်အံၤ, ကစၢ်ယွၤတူၢ်လိာ်တ့ၢ်လံအီၤလံ.

ရိမ့ၤ 15:14

ယဒီပုၢ်ဝဲၢ်သ့ၣ်ဧၢ, ယကစၢ်ဒၣ်ယဲယနာ်လၢသုလၢပှဲၤဒီးတၢ်ဂ့ၤတၢ်ဝါ, ဒီးတၢ်သ့ၣ်ညါအိၣ်ပှဲၤသုပူၤ ဒီးသုသိၣ်လိလိာ်သုသးတဂၤ ဒီးတဂၤသ့ဝဲန့ၣ်လီၤ.

1 ကရံၣ်သူး 1:5

အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်သုသးတဖျၢၣ်ဃီဒီးခရံာ်အပူၤ န့ၣ်, သုထူးထီၣ်တီၤထီၣ်တ့ၢ်လၢတၢ်ကိးမံၤဒဲးအပူၤ, ဃုာ်ဒီးတၢ်စံးတၢ်ကတိၤခဲလၢာ်, ဒီးတၢ်သ့ၣ်ညါနၢ်ပၢၢ်ခဲလၢာ် န့ၣ်လီၤ.

1 ကရံၣ်သူး 10:15

ယကတိၤတၢ်ဒီးသုဒ်သုမ့ၢ်ပှၤလၢအသူၣ်ဆးသးဆးတဖၣ် လီၤ. တၢ်လၢယစံးယဲန့ၣ်ကွၢ်ဆိကမိၣ်လၢအဂ့ၢ်ဒီးစံၣ်ညီၣ် ကွၢ်သုဝဲတက့ၢ်.

1 ကရံၣ်သူး 10:28

ဘၣ်ဆၣ်ဒီး, ပှၤတဂၤဂၤမ့ၢ်စံးဘၣ်နၤ, “တၢ်အီၣ်အဝဲအံၤဘၣ်တၢ်လုၢ်ထီၣ်တ့ၢ်အီၤဆူတၢ်ဂီၤ တၢ်ဖီၣ်အအိၣ်” န့ၣ်တဘၣ်အီၣ်တၢ်အီၣ်အဝဲန့ၣ်တဂ့ၤ. မ့ၢ်တၢ်ကွၢ်တၢ်လၢပှၤလၢအစံးဘၣ်တဲဘၣ်နၤတၢ်ဂ့ၢ်တဂၤန့ၣ် အဂီၢ်, ဒီးမ့ၢ်လၢသးလၢအသ့ၣ်ညါဒၣ်တၢ်အဃိ,

1 ကရံၣ်သူး 14:20

ယဒီပုၢ်ဝဲၢ်သ့ၣ်ဧၢ, တဘၣ်လီၤဂာ်ဒီးဖိသၣ်တဖၣ်လၢသုတၢ်ဆိကမိၣ်ဆိကမး အပူၤတဂ့ၤ, ဖဲလၢအဘၣ်ဃးဒီးတၢ်အၢတၢ်သီန့ၣ်လီၤဂာ်ဒီးဖိဒံဖိသၣ်, မ့မ့ၢ်လၢသုတၢ်ဆိကမိၣ်ဆိကမးအပူၤန့ၣ်ကဲပှၤဒိၣ်တုာ်ခိၣ်ပှဲၤ တဖၣ်တက့ၢ်.

1 ကရံၣ်သူး 15:34

ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

1 ကရံၣ်သူး 4:18

သုဝဲတနီၤသုကဲထီၣ်တ့ၢ်ပှၤသးထီၣ်ထီ, အဂ့ၢ်မ့ၢ်လၢသုဆိကမိၣ် တ့ၢ်သုဝဲလၢယတဟဲအိၣ်သကိးသုဘၣ်အဃိလီၤ.

1 ကရံၣ်သူး 4:6

လၢသုတၢ်ဘျုးတၢ်ဖှိၣ်အဂီၢ်န့ၣ်, ယဒီပုၢ်ဝဲၢ်သ့ၣ်ဧၢ, ယဒုးဘၣ်ထွဲတၢ်သ့ၣ်တဖၣ်အံၤခဲလၢာ်လၢစီၤအပီးလိၤဒီးယၤလီၤ. ယသူပဝဲခံဂၤဒ်တၢ်အဒိအတဲာ်ဒ်သိးသုကဒိးန့ၢ်တၢ်မၤလိဘၣ်ဃး ဒီးတၢ်ကတိၤတထံၣ်အခီပညီန့ၣ်လီၤ. တၢ်ကတိၤတထံၣ်န့ၣ်မ့ၢ်ဝဲ, “အိၣ်မူပိာ်ထွဲတၢ်ဘျၢလၢအကြၢးအဘၣ်တက့ၢ်” န့ၣ်လီၤ. သုဝဲတဂၤမးသုတကြၢးပာ်ကဖၢလၢသုသးလၢပှၤတဂၤ အဃိဒီးကွၢ်တလီၤပှၤအဂၤတဂၤဘၣ်.

1 ကရံၣ်သူး 5:2

မ့မ့ၢ်ဒ်န့ၣ်ဒီး, သုပာ်ထီၣ်ထီသုသးကသ့ဝဲလၢကျဲဒ်လဲၣ်. အခိၣ်တလိာ်, သုကြၢးအိၣ်ပှဲၤဒီးတၢ်သူၣ်အုးသးအုး, ဒီးပှၤပိာ်ခွါလၢအမၤတၢ်ဒ်န့ၣ်အသိးတဂၤကြၢးဘၣ်တၢ်ဟီထီၣ် ကွံာ်အီၤလၢသုသိးသုကျါန့ၣ်လီၤ.

1 ကရံၣ်သူး 5:6

သုပာ်ကဖၢလၢသုသးန့ၣ်, တမ့ၢ်တၢ်လၢအကြၢးဝဲဘၣ်ဝဲ ဘၣ်. သုသ့ၣ်ညါတၢ်ကတိၤတထံၣ်လၢအစံးဝဲ, “ကိၣ်မံၣ်ထဲတစဲးဖိဧိၤမၤဖးထီၣ်ကိၣ်ကမူၣ်ကျဲအသးဒီးထံ ဒီကိၢ်လိၣ်ညါ” န့ၣ်လီၤ.

1 ကရံၣ်သူး 8:2

ပှၤတဂၤလၢ်လၢ်လၢအဆိကမိၣ်အသ့ၣ်ညါတၢ်တမံၤန့ၣ်, တသ့ၣ်ညါတၢ်နီၢ်နီၢ်ဒ်အကြၢးသ့ၣ်ညါဝဲအသိးဘၣ်.

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

1 ကရံၣ်သူး 8:7

ဘၣ်ဆၣ်ဒီးပှၤတသ့ၣ်ညါတၢ်မ့ၢ်တၢ်တီအဝဲအံၤကိးဂၤဒဲးဘၣ်. ပှၤတနီၤညီနုၢ်လၢတၢ်ဂီၤတၢ်ဖီၣ်ဒ်အံၤအသိးတဖၣ်တုၤဒၣ်လဲာ်, တုၤလီၤလၢမုၢ်မဆါတနံၤအံၤဖဲအဝဲသ့ၣ်အီၣ်တၢ်အီၣ်ဒ်န့ၣ် အသိးတဖၣ်န့ၣ်, အဝဲသ့ၣ်ဆိကမိၣ်ဒံးဝဲလၢအဂ့ၢ်ဒ်အမ့ၢ်တၢ်အီၣ်လၢအမ့ၢ်တၢ်ဂီၤ တၢ်ဖီၣ်တဖၣ်အတၢ်န့ၣ်လီၤ. အဝဲသ့ၣ်အသးလၢအသ့ၣ်ညါဒၣ်တၢ် အဂံၢ်အဘါစၢ်, ဒီးဆိကမိၣ်လီၤအသးလၢအဘၣ်တၢ်မၤဘၣ်အၢအီၤလၢတၢ်အီၣ် န့ၣ်လီၤ.

အ့းဖ့းစူး 4:16

လၢအဝဲဒၣ်အပူၤန့ၣ်, က့ၢ်ဂီၤလၢအလီၤဆီလိာ်အသးခဲလၢာ်ဘၣ်တၢ်ဒုးစဲဘူးအီၤလၢ နီၢ်တဂၤဃီအပူၤလၢတၢ်အဆၢတဖၣ်လၢအမၤစၢၤတၢ်ဒ်က့ၢ်ဂီၤ တမံၤဒီးတမံၤအတၢ်မၤအိၣ်ဝဲအသိးန့ၣ်လီၤ. ဖဲက့ၢ်ဂီၤတဖၣ်အံၤမၤသကိးတၢ်ဒ်အဂ့ၤမၤဝဲန့ၣ်, နီၢ်ဒီဂၤညါဒိၣ်ထီၣ်ထီထီၣ်ဒီးမၤထီၣ်မၤထီလီၤက့ၤအသးခီ ဖျိတၢ်အဲၣ်တၢ်ကွံန့ၣ်လီၤ.

ကလီးစဲ 2:18

တဘၣ်ပျဲပှၤလၢအပာ်မၤအသးဒ်အဆီၣ်လီၤအသးဘါကလူး တဖၣ်, ပှၤလၢအဟံးန့ၢ်အခီၣ်တဃာ်လၢအတၢ်ထံၣ်တၢ်လၢညါ ခီတဖၣ်, ဒီးပာ်ကဖၢလၢအသးလၢအတၢ်ကူၣ်တၢ်ဆးဒၣ်ဝဲ အဃိတဖၣ်, စံၣ်ညီၣ်သုတဂ့ၤ.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.