1 ကရံၣ်သူး 7:9 - Sgaw Karen Common Bible

⁹ ဘၣ်ဆၣ်ဒီး, သုပၢၤဃာ်သုတၢ်သးကွံမ့ၢ်တန့ၢ်သၢပျၢၤ, န့ၢ်မါန့ၢ်ဝၤတက့ၢ်. သုန့ၢ်မါန့ၢ်ဝၤန့ၣ်ဂ့ၤဒိၣ်န့ၢ်သုအိၣ်ဒီးတၢ်သူၣ်ကတၢသးကတၢ တက့ၢ်လီၤ.

1 ကရံၣ်သူး 7:9 Iomraidhean Croise

မၤတၢ် 19:36

ပှၤသမၢတၢ်ဂ့ၢ်တဖၣ်အံၤတသ့နီတဂၤဘၣ်. လၢတၢ်န့ၣ်အဃိ, သုကဘၣ်အိၣ်ဘှီၣ်အိၣ်ဂၢၢ်က့ၤဒီးသုတဘၣ်မၤကြီတၢ်နီတမံၤဘၣ်.

1 ကရံၣ်သူး 7:2

ဘၣ်ဆၣ်ဒီး, တၢ်မၤကမၣ်မုၣ်ကမၣ်ခွါအိၣ်ဝဲဒၣ်အါမး အဃိ, ပှၤပိာ်ခွါကိးဂၤဒဲးကြၢးအိၣ်ဒီးအမါဒၣ်ဝဲ, ဒီးပှၤပိာ်မုၣ်ကိးဂၤဒဲးကြၢးအိၣ်ဒီးအဝၤဒၣ်ဝဲန့ၣ်လီၤ.

1 ကရံၣ်သူး 7:28

ဘၣ်ဆၣ်ဒီးနမ့ၢ်န့ၢ်နမါန့ၣ်တမ့ၢ်နမၤတ့ၢ်တၢ်ဒဲးဘးတမံၤဘၣ်. ဒီးပိာ်မုၣ်လၢအသဘျ့တဂၤမ့ၢ်န့ၢ်အဝၤန့ၣ်, တမ့ၢ်အဝဲဒၣ်မၤတ့ၢ်တၢ်ဒဲးဘးတမံၤဘၣ်. မ့မ့ၢ်, ယသးအိၣ်ဒုးပူၤဖျဲးသုဒီးကိးနံၤဒဲးအတၢ်ကီတၢ်ခဲ တဖၣ်, လၢပှၤအိၣ်ဒီးအမါအဝၤတဖၣ်ကဘၣ်ကွၢ်ဆၢၣ်မဲာ်ဝဲန့ၣ်လီၤ.

1 ကရံၣ်သူး 7:36

မ့မ့ၢ်ဖဲလၢအဘၣ်ဃးဒီးပှၤခံဂၤလၢအဘၣ်အဲၣ်တီလိာ်အသး, ဒီးပာ်လီၤတ့ၢ်အသးလၢအတဒိးတ့ဒိးဖျီအသးန့ၣ်, ပိာ်ခွါမ့ၢ်ထံၣ်လီၤအသးလၢအတၢ်ပာ်သူၣ်ပာ်သးလၢပိာ်မုၣ် အဖီခိၣ်တမ့ၢ်တၢ်အကြၢးဝဲဘၣ်ဝဲဘၣ်, ဒီးအတၢ်သူၣ်ဂဲၤသးဂဲၤအသဟီၣ်ဆူၣ်တလၢ, ဒီးအဝဲဒၣ်ထံၣ်လၢအဝဲသ့ၣ်ကြၢးဒိးတ့ဒိးဖျီအသးန့ၣ်, ဒ်အဝဲအဲၣ်ဒိးဝဲအသိး, အဝဲသ့ၣ်ကြၢးဒိးတ့ဒိးဖျီအသးလီၤ. လၢတၢ်တမံၤအံၤအပူၤန့ၣ်တၢ်ကမၣ်တအိၣ်နီတမံၤဘၣ်.

1 ကရံၣ်သူး 7:39

ပိာ်မုၣ်လၢအဝၤအိၣ်တဂၤန့ၣ်, ဖဲလၢအဝၤအိၣ်မူဒံးအဆၢ ကတီၢ်, တအိၣ်ဒီးတၢ်သဘျ့ဘၣ်. မ့မ့ၢ်အဝဲဒၣ်အဝၤမ့ၢ်သံဒီး, အဝဲအိၣ်ဒီးတၢ်သဘျ့လၢအကဖျီအသးဒီးပိာ်ခွါတဂၤလၢ်လၢ်လၢ အဘၣ်သူၣ်ဘၣ်သးဝဲ, ဘၣ်ဆၣ်ဒီးပိာ်ခွါကဘၣ်မ့ၢ်ပှၤခရံာ်ဖိ တဂၤလီၤ.

၁ သ့းစၤလနံ 4:4

သုဝဲပိာ်ခွါတဂၤဘၣ်တဂၤသုကြၢးသ့ၣ်ညါ, အိၣ်မူဒီးသုမါလၢတၢ်စီတၢ်ဆှံဒီးတၢ်လၤတၢ်ကပီၤ အပူၤ,

၁ တံၤမသ့း 5:11

မ့မ့ၢ်, မုၣ်ကမဲလၢအသးစၢ်ဒံးတဖၣ်န့ၣ်, တဘၣ်ပာ်အီၤလၢမုၣ်ကမဲတဖၣ်အစရီအပူၤတဂ့ၤ. အဂ့ၢ်ဒ်လဲၣ်န့ၣ်, ဖဲတၢ်ဖံးတၢ်ညၣ်အသးထိၣ်ဂဲၤထီၣ်အဝဲသ့ၣ်လၢ အကဟံးန့ၢ်အဝၤန့ၣ်, အဝဲသ့ၣ်ကဃၣ်ဒူချၢကွံာ်အသးလၢခရံာ်,

၁ တံၤမသ့း 5:14

လၢတၢ်န့ၣ်အဃိ, ယသးအိၣ်လၢမုၣ်ကမဲလၢအသးစၢ်တဖၣ် ကဟံးန့ၢ်အဝၤ, အိၣ်ဖိအိၣ်လံၤ, ဒီးကွၢ်ထွဲအဟံၣ်အဃီတဖၣ်, ဒ်သိးဒီးပဒုၣ်ပဒါအသုတအိၣ်ဒီးတၢ်အခွဲးအယာ်လၢ အကကတိၤအၢကတိၤသီပှၤတဂ့ၤအဂီၢ်န့ၣ်လီၤ.