1 ကရံၣ်သူး 7:39 - Sgaw Karen Common Bible

³⁹ ပိာ်မုၣ်လၢအဝၤအိၣ်တဂၤန့ၣ်, ဖဲလၢအဝၤအိၣ်မူဒံးအဆၢ ကတီၢ်, တအိၣ်ဒီးတၢ်သဘျ့ဘၣ်. မ့မ့ၢ်အဝဲဒၣ်အဝၤမ့ၢ်သံဒီး, အဝဲအိၣ်ဒီးတၢ်သဘျ့လၢအကဖျီအသးဒီးပိာ်ခွါတဂၤလၢ်လၢ်လၢ အဘၣ်သူၣ်ဘၣ်သးဝဲ, ဘၣ်ဆၣ်ဒီးပိာ်ခွါကဘၣ်မ့ၢ်ပှၤခရံာ်ဖိ တဂၤလီၤ.

1 ကရံၣ်သူး 7:39 Iomraidhean Croise

လံာ်တၢ်ကဲထီၣ်အခီၣ်ထံး 6:2

ကစၢ်ယွၤအဖိခွါတနီၤထံၣ်ဝဲဒၣ်လၢဖိသၣ်မုၣ်ဖိသ့ၣ်တဖၣ်အံၤ ဃံလၤဝဲဒီးဟံးန့ၢ်ဝဲဖိသၣ်မုၣ်စုာ်စုာ်လၢအဘၣ်သူၣ်ဘၣ်သး ဝဲတဖၣ်န့ၣ်လီၤ.

လံာ်မၤလကံ 2:11

ပှၤကီၢ်ယူဒၤဖိတဖၣ်မၤဟးဂီၤကွံာ်အတၢ်အၢၣ်လီၤအီလီၤဒီး ကစၢ်ယွၤဒီးမၤတၢ်လၢအလီၤပျံၤဖးဒိၣ်လၢဝ့ၢ်ယရူၤၡလ့ၣ်အပူၤ ဒီးလၢထံကီၢ်ဒီဘ့ၣ်အပူၤန့ၣ်လီၤ. အဝဲသ့ၣ်မၤဘၣ်အၢဘၣ်သီတၢ်လုၢ်ဟံၣ်လၢယွၤအဲၣ်ဝဲန့ၣ်လီၤ. ပိာ်ခွါတဖၣ်ဒိးတ့ဒိးဖျီအသးဒီးပိာ်မုၣ်တဖၣ်လၢအဘါ ထီၣ်ပှၤတခီဘီမုၢ်ဖိအကစၢ်တဖၣ်န့ၣ်လီၤ.

1 ကရံၣ်သူး 7:10

ဆူပှၤအိၣ်ဒီးအမါအဝၤတဖၣ်အအိၣ်န့ၣ်, ယဟ့ၣ်လီၤတၢ်အကလုၢ်လၢအတမ့ၢ်ယကလုၢ်ဒၣ်ယဲဘၣ်. မ့မ့ၢ်, မ့ၢ်ဝဲကစၢ်အကလုၢ်န့ၣ်လီၤ. မါတဂၤတကြၢးပာ်တီၢ် အဝၤဘၣ်.

1 ကရံၣ်သူး 7:15

ဘၣ်ဆၣ်ဒီး, ပှၤလၢအမ့ၢ်ပှၤတစူၢ်က့ၤနာ်က့ၤတၢ်တဂၤ, မ့ၢ်သးအိၣ်ပာ်တီၢ်ကွံာ်အသကိးပှၤခရံာ်ဖိန့ၣ်, ပျဲအီၤတက့ၢ်. မ့မ့ၢ်ဒ်န့ၣ်ဒီးတံၤသကိးလၢအမ့ၢ်ပှၤခရံာ်ဖိတဂၤန့ၣ်, ဝၤမ့ၢ်ဂ့ၤ, မါမ့ၢ်ဂ့ၤ, အိၣ်ဒီးတၢ်သဘျ့လၢအကမၤဖဲဒၣ်အသးလီၤ. ကစၢ်ယွၤကိးတ့ၢ်သုဒ်သိးသုကအိၣ်လၢတၢ်ဃူတၢ်ဖိး အပူၤလီၤ.

1 ကရံၣ်သူး 7:38

လၢတၢ်န့ၣ်အဃိပှၤပိာ်ခွါလၢအဖျီအသးတဂၤန့ၣ်မၤတၢ်လၢအ ကြၢး, မ့မ့ၢ်အဝဲလၢအတဖျီအသးတဂၤန့ၣ်မၤတၢ်လၢအကြၢး ဝဲဘၣ်ဝဲဒိၣ်ဒံးတက့ၢ်လီၤ.