1 ကရံၣ်သူး 7:37 - Sgaw Karen Common Bible

³⁷ ဘၣ်ဆၣ်ဒီးပှၤပိာ်ခွါတဂၤ, လၢအတမ့ၢ်တၢ်မၢဆူၣ်အဃိဘၣ်, မ့ၢ်ပာ်လီၤအသးဃံးဃံးလၢအတဒိးတ့ဒိးဖျီအသး, ဒီးအဝဲမ့ၢ်အိၣ်ဒီးတၢ်ပၢၤသူၣ်ပၢၤသးလၢာ်လၢာ်ဆ့ဆ့, ဒီးအဝဲဒၣ်ကမၤဒ်လဲၣ်ဒ်လဲၣ်အဂ့ၢ်မ့ၢ်အိၣ်လံဒီးအနီၢ် ကစၢ်ဒၣ်ဝဲအတၢ်ပာ်လီၤအသးလံန့ၣ်, အဝဲမ့ၢ်တဒိးတ့ဒိးဖျီအသးလၢပိာ်မုၣ်တဂၤန့ၣ်ဒီးဂ့ၤ ကစီဒီလီၤ.

1 ကရံၣ်သူး 7:37 Iomraidhean Croise

လံာ်ဒၤနံးယ့လး 1:8

စီၤဒၤနံးယ့လးပာ်လီၤအသးလၢအသုတမၤဘၣ်အၢလီၤအသး ခီဖျိတၢ်အီၣ်စီၤပၤအတၢ်အီၣ်ဒီးအီစပံးထံလၢစီၤပၤအီဝဲဘၣ် အဃိ, ဃ့ကညးဝဲစီၤအၤၡပနးလၢကမၤစၢၤအီၤ,

1 ကရံၣ်သူး 7:1

အခဲအံၤ, ပကကွၢ်ဆိကမိၣ်ဘၣ်ဃးဒီးတၢ်ဂ့ၢ်တၢ်ကျိၤလၢ သုကွဲးဖျါတ့ၢ်သုဝဲတဖၣ်န့ၣ်လီၤ. ပှၤပိာ်ခွါတဂၤမ့ၢ်တန့ၢ် အမါန့ၣ်ဂ့ၤဝဲလီၤ.

1 ကရံၣ်သူး 7:36

မ့မ့ၢ်ဖဲလၢအဘၣ်ဃးဒီးပှၤခံဂၤလၢအဘၣ်အဲၣ်တီလိာ်အသး, ဒီးပာ်လီၤတ့ၢ်အသးလၢအတဒိးတ့ဒိးဖျီအသးန့ၣ်, ပိာ်ခွါမ့ၢ်ထံၣ်လီၤအသးလၢအတၢ်ပာ်သူၣ်ပာ်သးလၢပိာ်မုၣ် အဖီခိၣ်တမ့ၢ်တၢ်အကြၢးဝဲဘၣ်ဝဲဘၣ်, ဒီးအတၢ်သူၣ်ဂဲၤသးဂဲၤအသဟီၣ်ဆူၣ်တလၢ, ဒီးအဝဲဒၣ်ထံၣ်လၢအဝဲသ့ၣ်ကြၢးဒိးတ့ဒိးဖျီအသးန့ၣ်, ဒ်အဝဲအဲၣ်ဒိးဝဲအသိး, အဝဲသ့ၣ်ကြၢးဒိးတ့ဒိးဖျီအသးလီၤ. လၢတၢ်တမံၤအံၤအပူၤန့ၣ်တၢ်ကမၣ်တအိၣ်နီတမံၤဘၣ်.

1 ကရံၣ်သူး 7:38

လၢတၢ်န့ၣ်အဃိပှၤပိာ်ခွါလၢအဖျီအသးတဂၤန့ၣ်မၤတၢ်လၢအ ကြၢး, မ့မ့ၢ်အဝဲလၢအတဖျီအသးတဂၤန့ၣ်မၤတၢ်လၢအကြၢး ဝဲဘၣ်ဝဲဒိၣ်ဒံးတက့ၢ်လီၤ.

၂ ကရံၣ်သူး 9:7

လၢတၢ်န့ၣ်အဃိ, ပှၤတဂၤဘၣ်တဂၤကြၢးဟ့ၣ်တၢ်ဒ် အပာ်လီၤတ့ၢ်လံအသးအသိး, တမ့ၢ်လၢတၢ်သးအုးအပူၤ, မ့တမ့ၢ်လၢတၢ်သ့ၣ်ညါအမူအဒါအဃိဘၣ်န့ၣ်လီၤ. အဂ့ၢ်ဒ်အံၤ, ယွၤအဲၣ်ပှၤတဂၤလၢအဟ့ၣ်တၢ်လၢတၢ်သးခု အပူၤန့ၣ်လီၤ.

၁ ပ့းတရူး 5:2

ယဃ့ကညးသုလၢသုကမ့ၢ်ပှၤကွၢ်သိတဖၣ်လၢကအံးက့ၤ ကွၢ်က့ၤသိလၢကစၢ်ယွၤဟ့ၣ်လီၤသုတဖၣ်လၢတၢ်သူၣ်အိၣ် သးအိၣ်အပူၤဒ်ကစၢ်ယွၤဘၣ်အသးလၢသုကမၤအသိး, ဒီးတမ့ၢ်ဘၣ်လၢတၢ်မၢဆူၣ်သုအဃိန့ၣ်ဘၣ်. မၤသုတၢ်မၤတမ့ၢ်ဘၣ်လၢဘူးလဲအဃိဘၣ်, မ့မ့ၢ် လၢတၢ်သးအိၣ်မၤတၢ်နီၢ်နီၢ်အပူၤတက့ၢ်.