1 ကရံၣ်သူး 7:36 - Sgaw Karen Common Bible

³⁶ မ့မ့ၢ်ဖဲလၢအဘၣ်ဃးဒီးပှၤခံဂၤလၢအဘၣ်အဲၣ်တီလိာ်အသး, ဒီးပာ်လီၤတ့ၢ်အသးလၢအတဒိးတ့ဒိးဖျီအသးန့ၣ်, ပိာ်ခွါမ့ၢ်ထံၣ်လီၤအသးလၢအတၢ်ပာ်သူၣ်ပာ်သးလၢပိာ်မုၣ် အဖီခိၣ်တမ့ၢ်တၢ်အကြၢးဝဲဘၣ်ဝဲဘၣ်, ဒီးအတၢ်သူၣ်ဂဲၤသးဂဲၤအသဟီၣ်ဆူၣ်တလၢ, ဒီးအဝဲဒၣ်ထံၣ်လၢအဝဲသ့ၣ်ကြၢးဒိးတ့ဒိးဖျီအသးန့ၣ်, ဒ်အဝဲအဲၣ်ဒိးဝဲအသိး, အဝဲသ့ၣ်ကြၢးဒိးတ့ဒိးဖျီအသးလီၤ. လၢတၢ်တမံၤအံၤအပူၤန့ၣ်တၢ်ကမၣ်တအိၣ်နီတမံၤဘၣ်.

1 ကရံၣ်သူး 7:36 Iomraidhean Croise

လံာ်ယံးရမံယၤ 29:6

ဆီဟံၣ်ဆီဃီဒီး မၤန့ၢ်ဖိတဖၣ်တက့ၢ်. အန့ၣ်ဝံၤဒီး ပျဲသုဖိသုလံၤ ဆီဟံၣ်ဆီဃီဒ်သိး အဝဲသ့ၣ်စ့ၢ်ကီး အဖိအလံၤ ကအိၣ်ဝဲန့ၣ်တက့ၢ်. သုကဘၣ်အါထီၣ်လၢ နီၣ်ဂံၢ်ဒီး တဘၣ်စှၤလီၤဘၣ်.

လံာ်မးသဲ 1:18

ယ့ၣ်ၡူးခရံာ်အတၢ်အိၣ်ဖျဲၣ်ထီၣ်မၤအသးဒ်အံၤလီၤ. အမိၢ်နီၢ်မၤရံ ဘၣ်တၢ်အဲၣ်တီတ့ၢ်အီၤဒီးစီၤယိၤသးလီၤ. ဘၣ်ဆၣ်တချုးလၢအဝဲသ့ၣ်အိၣ်ဃုာ်ဒံးဘၣ်ဒ်နီၢ်ဒီမိဝၤအသိးန့ၣ်, တၢ်မၤအသးလၢနီၢ်မၤရံအိၣ်ထီၣ်ဒီးအဟုးအသးခီဖျိသးစီဆှံ အစိကမီၤန့ၣ်လီၤ.

လံာ်မးသဲ 5:40

ပှၤတဂၤဂၤမ့ၢ်လဲၤကိးနၤဆူပှၤစံၣ်ညီၣ်ကွီၢ်အအိၣ်ဒ်သိး ကန့ၢ်ဘၣ်နဆ့ကၤဖိဒီးဟ့ၣ်စ့ၢ်ကီးအီၤလၢနဆ့ကၤဖးထီတက့ၢ်.

1 ကရံၣ်သူး 7:35

ယစံးဘၣ်တဲဘၣ်သုဒ်အံၤန့ၣ်, မ့ၢ်လၢယသးအိၣ်မၤစၢၤသု အဃိလီၤ. တမ့ၢ်ယဂုာ်ကျဲးစၢးမၤဃံးမၤစ့ၤသုဘၣ်. မ့မ့ၢ်ယသးအိၣ်လၢသုကမၤတၢ်လၢအကြၢးအဘၣ်ဒီးဘၣ်ဘျီး ဘၣ်ဒါ, ဒီးဟ့ၣ်လီၤသုသးလၢာ်လၢာ်ဆ့ဆ့ပူၤဖျဲးဒီးတၢ်တံာ်တာ် တမံၤလၢ်လၢ်, လၢကစၢ်အတၢ်ဖံးတၢ်မၤအဂီၢ်န့ၣ်လီၤ.

1 ကရံၣ်သူး 7:37

ဘၣ်ဆၣ်ဒီးပှၤပိာ်ခွါတဂၤ, လၢအတမ့ၢ်တၢ်မၢဆူၣ်အဃိဘၣ်, မ့ၢ်ပာ်လီၤအသးဃံးဃံးလၢအတဒိးတ့ဒိးဖျီအသး, ဒီးအဝဲမ့ၢ်အိၣ်ဒီးတၢ်ပၢၤသူၣ်ပၢၤသးလၢာ်လၢာ်ဆ့ဆ့, ဒီးအဝဲဒၣ်ကမၤဒ်လဲၣ်ဒ်လဲၣ်အဂ့ၢ်မ့ၢ်အိၣ်လံဒီးအနီၢ် ကစၢ်ဒၣ်ဝဲအတၢ်ပာ်လီၤအသးလံန့ၣ်, အဝဲမ့ၢ်တဒိးတ့ဒိးဖျီအသးလၢပိာ်မုၣ်တဂၤန့ၣ်ဒီးဂ့ၤ ကစီဒီလီၤ.

1 ကရံၣ်သူး 7:9

ဘၣ်ဆၣ်ဒီး, သုပၢၤဃာ်သုတၢ်သးကွံမ့ၢ်တန့ၢ်သၢပျၢၤ, န့ၢ်မါန့ၢ်ဝၤတက့ၢ်. သုန့ၢ်မါန့ၢ်ဝၤန့ၣ်ဂ့ၤဒိၣ်န့ၢ်သုအိၣ်ဒီးတၢ်သူၣ်ကတၢသးကတၢ တက့ၢ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:33

သနာ်က့ဒီးယကပာ်တ့ၢ်ဒုးမူပှၤလီၤစၢၤလီၤသွဲၣ်လၢနၤတဖၣ် အကျါတဂၤလီၤ. အဝဲကမၤယတၢ်မၤဒ်ပှၤလုၢ်တၢ်အခိၣ်တဂၤအသိးလီၤ. ဘၣ်ဆၣ်ဒီးအဝဲဒၣ်အမဲာ်ကဘျီၣ်ဒီးအတၢ်မုၢ်လၢ်ခဲလၢာ်ကလီၤမၢ်ကွံာ် ဒီးကယဲၢ်နစၢၤနသွဲၣ်အဂၤခဲလၢာ်ကသံလၢတၢ်သံဆူၣ်သံစိး တမံၤန့ၣ်လီၤ.