1 ကရံၣ်သူး 7:35 - Sgaw Karen Common Bible

³⁵ ယစံးဘၣ်တဲဘၣ်သုဒ်အံၤန့ၣ်, မ့ၢ်လၢယသးအိၣ်မၤစၢၤသု အဃိလီၤ. တမ့ၢ်ယဂုာ်ကျဲးစၢးမၤဃံးမၤစ့ၤသုဘၣ်. မ့မ့ၢ်ယသးအိၣ်လၢသုကမၤတၢ်လၢအကြၢးအဘၣ်ဒီးဘၣ်ဘျီး ဘၣ်ဒါ, ဒီးဟ့ၣ်လီၤသုသးလၢာ်လၢာ်ဆ့ဆ့ပူၤဖျဲးဒီးတၢ်တံာ်တာ် တမံၤလၢ်လၢ်, လၢကစၢ်အတၢ်ဖံးတၢ်မၤအဂီၢ်န့ၣ်လီၤ.

1 ကရံၣ်သူး 7:35 Iomraidhean Croise

လံာ်မးသဲ 19:12

အဂ့ၢ်ဒ်အံၤ, ပှၤတနီၤမ့ၢ်ပှၤဒ့ဒံၣ်ဖိလၢအမိၢ်အဟၢဖၢပူၤလံၤလံၤ, ဒီးပှၤတနီၤဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိလၢပှၤကညီအစုပူၤ, ဒီးပှၤတနီၤဒုးကဲထီၣ်လီၤက့ၤအသးလၢပှၤဒ့ဒံၣ်ဖိလၢမူခိၣ် အဘီအမုၢ်အဃိလီၤ. ပှၤလၢအတူၢ်လိာ်တၢ်အံၤသ့န့ၣ်မ်အတူၢ်လိာ်ဒၣ်ဝဲတက့ၢ်.”

လံာ်မးသဲ 22:15

ပှၤဖၤရံၤၡဲတဖၣ်ဟးထီၣ်, ဒီးလဲၤကူၣ်ထီၣ်ဖးလီၤသကိးဝဲလၢ အကဘၣ်ဖီၣ်ယ့ၣ်ၡူးလၢအတၢ်ကတိၤဒၣ်ဝဲလၢကျဲဒ်လဲၣ်အဂ့ၢ်လီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

လံာ်လူၤကၣ် 8:14

တၢ်ချံလၢအလီၤဘၣ်လၢတၤဆှုၣ်တၤမဲအလိၤပာ်ဖျါထီၣ်ပှၤတဖၣ်လၢ အနၢ်ဟူဘၣ်တၢ်အကလုၢ်ကထါဘၣ်ဆၣ်, တၢ်သူၣ်ကိၢ်သးဂီၤ, တၢ်ထူးတၢ်တီၤဒီးတၢ်အိၣ်မူအအံၤတဃၣ် အတၢ်မုာ်တၢ်ပၢၤတဖၣ်နုာ်လီၤခဲဘၢကွံာ်အဝဲသ့ၣ်ဒ်တၤဆှုၣ် တၤမဲအသိး, ဒီးမၤအသးဒ်တၢ်မုၢ်တၢ်ဘိလၢအသၣ်တမံလၢၤနီတစုဘၣ်အသိးန့ၣ်လီၤ.

1 ကရံၣ်သူး 7:2

ဘၣ်ဆၣ်ဒီး, တၢ်မၤကမၣ်မုၣ်ကမၣ်ခွါအိၣ်ဝဲဒၣ်အါမး အဃိ, ပှၤပိာ်ခွါကိးဂၤဒဲးကြၢးအိၣ်ဒီးအမါဒၣ်ဝဲ, ဒီးပှၤပိာ်မုၣ်ကိးဂၤဒဲးကြၢးအိၣ်ဒီးအဝၤဒၣ်ဝဲန့ၣ်လီၤ.

1 ကရံၣ်သူး 7:28

ဘၣ်ဆၣ်ဒီးနမ့ၢ်န့ၢ်နမါန့ၣ်တမ့ၢ်နမၤတ့ၢ်တၢ်ဒဲးဘးတမံၤဘၣ်. ဒီးပိာ်မုၣ်လၢအသဘျ့တဂၤမ့ၢ်န့ၢ်အဝၤန့ၣ်, တမ့ၢ်အဝဲဒၣ်မၤတ့ၢ်တၢ်ဒဲးဘးတမံၤဘၣ်. မ့မ့ၢ်, ယသးအိၣ်ဒုးပူၤဖျဲးသုဒီးကိးနံၤဒဲးအတၢ်ကီတၢ်ခဲ တဖၣ်, လၢပှၤအိၣ်ဒီးအမါအဝၤတဖၣ်ကဘၣ်ကွၢ်ဆၢၣ်မဲာ်ဝဲန့ၣ်လီၤ.

1 ကရံၣ်သူး 7:36

မ့မ့ၢ်ဖဲလၢအဘၣ်ဃးဒီးပှၤခံဂၤလၢအဘၣ်အဲၣ်တီလိာ်အသး, ဒီးပာ်လီၤတ့ၢ်အသးလၢအတဒိးတ့ဒိးဖျီအသးန့ၣ်, ပိာ်ခွါမ့ၢ်ထံၣ်လီၤအသးလၢအတၢ်ပာ်သူၣ်ပာ်သးလၢပိာ်မုၣ် အဖီခိၣ်တမ့ၢ်တၢ်အကြၢးဝဲဘၣ်ဝဲဘၣ်, ဒီးအတၢ်သူၣ်ဂဲၤသးဂဲၤအသဟီၣ်ဆူၣ်တလၢ, ဒီးအဝဲဒၣ်ထံၣ်လၢအဝဲသ့ၣ်ကြၢးဒိးတ့ဒိးဖျီအသးန့ၣ်, ဒ်အဝဲအဲၣ်ဒိးဝဲအသိး, အဝဲသ့ၣ်ကြၢးဒိးတ့ဒိးဖျီအသးလီၤ. လၢတၢ်တမံၤအံၤအပူၤန့ၣ်တၢ်ကမၣ်တအိၣ်နီတမံၤဘၣ်.

အ့းဖ့းစူး 5:3

ဒ်သုမ့ၢ်ကစၢ်ယွၤအပှၤတကလုာ်အသိးန့ၣ်, တၢ်မၤကမၣ်မုၣ် ကမၣ်ခွါမ့ၢ်ဂ့ၤ, တၢ်ကလုာ်ကလိၤမ့ၢ်ဂ့ၤ, တၢ်သူၣ်လီသးကွံမ့ၢ်ဂ့ၤ, တကြၢးဘၣ်တၢ်ယၢၤထီၣ်ဒၣ်လဲာ်အီၤလၢသုသိးသုကျါဘၣ်.

ဖံလံးပံၤ 4:8

တၢ်ကတိၤလၢခံကတၢၢ်န့ၣ်, ယဒီပုၢ်ဒီဝဲၢ်သ့ၣ်ဧၢ, မၤပှဲၤသုတၢ်ဆိကမိၣ်ဒီးတၢ်သ့ၣ်တဖၣ်လၢအဂ့ၤ, ဒီးကြၢးဒီးတၢ်စံးထီၣ်ပတြၢၤ, ဒ်ပစံးတၢ်အသိး, တၢ်လၢ အမ့ၢ်အတီ, တၢ်လၢအအိၣ်ဒီးအလၤအကပီၤ, တၢ်လၢအဘၣ်, တၢ်လၢအစီဆှံ, တၢ်လၢအလီၤအဲၣ်လီၤကွံ, တၢ်ဟူထီၣ်သါလီၤလၢအဂ့ၤတဖၣ်န့ၣ်တက့ၢ်.

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.

တံတူး 2:3

ဒ်န့ၣ်အသိး, သိၣ်လိပိာ်မုၣ်သးပှၢ်တဖၣ်လၢကအိၣ်မူဒီသူၣ်ပာ်သးဒ် ပိာ်မုၣ်ကြၢးအိၣ်မူဝဲအသိးလၢအမ့ၢ်တၢ်အိၣ်မူအစီအဆှံန့ၣ်လီၤ. အဝဲသ့ၣ်တဘၣ်သီၣ်ဝံသဲကလၤ, မ့တမ့ၢ်ကဲကုၢ်လၢစပံးထံ အဖီလာ်န့ၣ်ဘၣ်. အဝဲသ့ၣ်ကဘၣ်သိၣ်လိတၢ်လၢအဂ့ၤ,