1 ကရံၣ်သူး 7:34 - Sgaw Karen Common Bible

³⁴ လၢတၢ်န့ၣ်အဃိအဝဲအသးဘၣ်တၢ်ထုးန့ၢ်အီၤခံကပၤလီၤ. ပိာ်မုၣ်လၢအဝၤတအိၣ်, မ့တမ့ၢ်အမုၣ်ကနီၤတဂၤန့ၣ်အသးစၢၢ်ဆၢလၢကစၢ်အတၢ်ဖံးတၢ်မၤ, အဂ့ၢ်မ့ၢ်လၢအဝဲဒၣ်သးအိၣ်ပာ်စီဆှံအသးလၢနီၢ်ခိဒီးနီၢ်သး ခံမံၤခံကပၤလၢာ်လီၤ. မ့မ့ၢ်ပိာ်မုၣ်လၢအဝၤအိၣ်တဂၤန့ၣ်အသးစၢၢ်ဆၢလၢဟီၣ်ခိၣ် အတၢ်ဂ့ၢ်တၢ်ကျိၤတဖၣ်, အဂ့ၢ်မ့ၢ်လၢအဝဲဒၣ်အသးအိၣ်မၤမုာ်အဝၤအသးအဃိန့ၣ်လီၤ.

1 ကရံၣ်သူး 7:34 Iomraidhean Croise

လံာ်ယိၤဟၣ် 10:13

ပှၤဒိးလဲအသးတဂၤအံၤဃ့ၢ်ကွံာ်ဝဲမ့ၢ်လၢအဝဲမ့ၢ်ဒၣ်ပှၤဒိးလဲ အသးတဂၤဒီးအသးတအိၣ်ဘၣ်သိတဖၣ်အဃိလီၤ.

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

1 ကရံၣ်သူး 6:20

အဝဲဒၣ်ပှ့ၤသု, ဒီးဘၣ်ဟ့ၣ်ဝဲအပှ့ၤအကလံၤလီၤ. လၢတၢ်န့ၣ်အဃိဒိးသူသုနီၢ်ခိတဖၣ်လၢယွၤအလၤကပီၤ အဂီၢ်န့ၣ်တက့ၢ်.

1 ကရံၣ်သူး 7:33

မ့မ့ၢ်ပှၤလၢအမါအိၣ်တဂၤန့ၣ်, ဘၣ်ကိၢ်ဘၣ်ဂီၤဘၣ်ဃးဒီးဟီၣ်ခိၣ်အတၢ်ဂ့ၢ်တၢ်ကျိၤတဖၣ်, အဂ့ၢ်မ့ၢ်လၢအဝဲဒၣ်သးအိၣ်မၤမုာ်အမါအသးအဃိလီၤ.

1 ကရံၣ်သူး 7:35

ယစံးဘၣ်တဲဘၣ်သုဒ်အံၤန့ၣ်, မ့ၢ်လၢယသးအိၣ်မၤစၢၤသု အဃိလီၤ. တမ့ၢ်ယဂုာ်ကျဲးစၢးမၤဃံးမၤစ့ၤသုဘၣ်. မ့မ့ၢ်ယသးအိၣ်လၢသုကမၤတၢ်လၢအကြၢးအဘၣ်ဒီးဘၣ်ဘျီး ဘၣ်ဒါ, ဒီးဟ့ၣ်လီၤသုသးလၢာ်လၢာ်ဆ့ဆ့ပူၤဖျဲးဒီးတၢ်တံာ်တာ် တမံၤလၢ်လၢ်, လၢကစၢ်အတၢ်ဖံးတၢ်မၤအဂီၢ်န့ၣ်လီၤ.

၂ ကရံၣ်သူး 11:28

ဒီးယတယၢၤထီၣ်တၢ်အဂၤဘၣ်. ကိးနံၤဒဲးယဘၣ်တၢ်ဆီၣ်သနံးယၤလၢယတၢ်ကိၢ် တၢ်ဂီၤ, တၢ်ဘၣ်ယိၣ်ဘၣ်ဘီတၢ်လၢတၢ်အိၣ်ဖှိၣ်ကိးဖုဒဲး အဂီၢ်လီၤ.

၂ ကရံၣ်သူး 8:16

ပစံးဘျုးကစၢ်ယွၤအဒိၣ်အအါလၢအဟ့ၣ်စီၤတံတူးတၢ်သး ဆူၣ်ဒ်ပှၤအသိး, လၢအကမၤစၢၤသုအဃိန့ၣ်လီၤ.

ဖံလံးပံၤ 1:20

ယတၢ်အဲၣ်ဒိးဒီးတၢ်မုၢ်လၢ်အဒိၣ်အယိာ်မ့ၢ်ဒ်သိးယသု တလီၤတိၢ်လၢယမူဒါတဂ့ၤ, မ့မ့ၢ်ကိးဆၢကတီၢ်ဒဲးဒီးလီၤဆီဒၣ် တၢ်ခဲကနံၣ်အံၤ, ယကလၢပှဲၤဒီးတၢ်သးဒူ, ဒ်သိးယမူမ့ၢ်ဂ့ၤ, ယသံမ့ၢ်ဂ့ၤခရံာ်ကဘၣ်တၢ်မၤလၤကပီၤအီၤလၢယနီၢ်ဒီဂၤညါန့ၣ်လီၤ.

၁ သ့းစၤလနံ 5:23

မ်ကစၢ်ယွၤလၢအဟ့ၣ်ပှၤတၢ်ဃူတၢ်ဖိးတဂၤန့ၣ်မၤစီထီၣ်ဆှံ ထီၣ်သုလၢလၢပှဲၤပှဲၤဒီးဒုးပူၤဖျဲးသုနီၢ်ဒီဂၤညါသး, သးသမူဒီးနီၢ်ခိ, လၢတၢ်ကမူၤကမၣ်ကိးမံၤဒဲး, ဖဲပကစၢ်ယ့ၣ်ၡူးခရံာ်ဟဲက့ၤန့ၣ်တက့ၢ်.

၁ တံၤမသ့း 3:5

အဂ့ၢ်ဒ်လဲၣ်န့ၣ်, ပှၤတဂၤလၢအတသ့ၣ်ညါပၢဆှၢအဟံၣ် ဖိဃီဖိဒၣ်ဝဲန့ၣ်, အံးထွဲကွၢ်ထွဲယွၤအတၢ်အိၣ်ဖှိၣ်ကသ့လၢကျဲဒ်လဲၣ်.

၁ တံၤမသ့း 5:5

မုၣ်ကမဲနီၢ်နီၢ်လၢပှၤအံးထွဲကွၢ်ထွဲအီၤတအိၣ်တဂၤန့ၣ်, ပာ်လီၤအတၢ်မုၢ်လၢ်လၢကစၢ်ယွၤအပူၤဒီးဘါထုကဖၣ် တၢ်တထံၣ်ဃီဒီးဃ့ကညးယွၤလၢကမၤစၢၤအီၤ, လၢမုၢ်ဆါဆဲးလၢမုၢ်နၤန့ၣ်လီၤ.

တံတူး 3:8

တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.