1 ကရံၣ်သူး 7:33 - Sgaw Karen Common Bible

³³ မ့မ့ၢ်ပှၤလၢအမါအိၣ်တဂၤန့ၣ်, ဘၣ်ကိၢ်ဘၣ်ဂီၤဘၣ်ဃးဒီးဟီၣ်ခိၣ်အတၢ်ဂ့ၢ်တၢ်ကျိၤတဖၣ်, အဂ့ၢ်မ့ၢ်လၢအဝဲဒၣ်သးအိၣ်မၤမုာ်အမါအသးအဃိလီၤ.

1 ကရံၣ်သူး 7:33 Iomraidhean Croise

လံာ်လူၤကၣ် 12:22

တၢ်န့ၣ်ဝံၤအလီၢ်ခံ ယ့ၣ်ၡူးစံးဘၣ်အပျဲၢ်အဘီၣ်တဖၣ်, “လၢတၢ်တမံၤအံၤအဃိယစံးဘၣ်တဲဘၣ်သု, တဘၣ်ကိၢ်ဘၣ်ဂီၤဘၣ်လၢတၢ်အီၣ်လၢသုလိၣ်ဘၣ်လၢ သုကအိၣ်မူအဂီၢ်မ့ၢ်ဂ့ၤ, တၢ်ကူတၢ်သိးလၢသုလိၣ်ဘၣ်လၢသုနီၢ်ခိအဂီၢ်မ့ၢ်ဂ့ၤန့ၣ် တဂ့ၤ.

လံာ်လူၤကၣ် 14:20

ပှၤအဂၤတဂၤစံးဝဲ, ‘ယဖျီလံယသးဝံၤသီသီလီၤ. လၢတၢ်န့ၣ်အဃိယဟဲယဲတသ့ဘၣ်.’

လံာ်ယိၤဟၣ် 10:13

ပှၤဒိးလဲအသးတဂၤအံၤဃ့ၢ်ကွံာ်ဝဲမ့ၢ်လၢအဝဲမ့ၢ်ဒၣ်ပှၤဒိးလဲ အသးတဂၤဒီးအသးတအိၣ်ဘၣ်သိတဖၣ်အဃိလီၤ.

1 ကရံၣ်သူး 7:3

ပှၤပိာ်ခွါတဂၤကြၢးမၤလၢမၤပှဲၤအမူအဒါဒ်ဝၤတဂၤအသိး, ဒီးပှၤပိာ်မုၣ်တဂၤကြၢးမၤလၢမၤပှဲၤအမူအဒါဒ်မါတဂၤ အသိး, ဒီးတဂၤကြၢးမၤလၢမၤပှဲၤအဝဲတဂၤအတၢ်လိၣ်တဖၣ် လီၤ.

1 ကရံၣ်သူး 7:32

ယအဲၣ်ဒိးလၢသုကအိၣ်ပူၤဖျဲးဒီးတၢ်ကိၢ်တၢ်ဂီၤလီၤ. ပှၤပိာ်ခွါလၢအမါတအိၣ်ဘၣ်တဂၤန့ၣ်အသးစၢၢ်ဆၢလၢကစၢ် အတၢ်ဖံးတၢ်မၤလီၤ. အဂ့ၢ်ဒ်အံၤ, အဝဲဒၣ်ဂုာ်ကျဲးစၢးမၤဘၣ်ကစၢ်အသးလီၤ.

1 ကရံၣ်သူး 7:34

လၢတၢ်န့ၣ်အဃိအဝဲအသးဘၣ်တၢ်ထုးန့ၢ်အီၤခံကပၤလီၤ. ပိာ်မုၣ်လၢအဝၤတအိၣ်, မ့တမ့ၢ်အမုၣ်ကနီၤတဂၤန့ၣ်အသးစၢၢ်ဆၢလၢကစၢ်အတၢ်ဖံးတၢ်မၤ, အဂ့ၢ်မ့ၢ်လၢအဝဲဒၣ်သးအိၣ်ပာ်စီဆှံအသးလၢနီၢ်ခိဒီးနီၢ်သး ခံမံၤခံကပၤလၢာ်လီၤ. မ့မ့ၢ်ပိာ်မုၣ်လၢအဝၤအိၣ်တဂၤန့ၣ်အသးစၢၢ်ဆၢလၢဟီၣ်ခိၣ် အတၢ်ဂ့ၢ်တၢ်ကျိၤတဖၣ်, အဂ့ၢ်မ့ၢ်လၢအဝဲဒၣ်အသးအိၣ်မၤမုာ်အဝၤအသးအဃိန့ၣ်လီၤ.

ကလီးစဲ 3:19

ဝၤသ့ၣ်ဧၢ, အဲၣ်သုမါဒီးတဘၣ်ပာ်ဆူၣ်ပာ်ကိၤသုသးလၢ အဝဲသ့ၣ်အဖီခိၣ်တဂ့ၤ.

၁ တံၤမသ့း 5:8

ဘၣ်ဆၣ်ဒီး, ပှၤတဂၤဂၤမ့ၢ်တအံးထွဲကွၢ်ထွဲအဘူးအတံၢ်, လီၤဆီဒၣ်တၢ်အဟံၣ်ဖိဃီဖိဒူၣ်ဖိထၢဖိဒၣ်ဝဲဘၣ်ဒီး, အဝဲသမၢဘၣ်လံတၢ်စူၢ်တၢ်နာ်ဒီးမ့ၢ်ပှၤလၢအအၢန့ၢ်ဒံး ပှၤလၢအတစူၢ်တနာ်တၢ်တဂၤန့ၣ်လီၤ.

၁ ပ့းတရူး 3:7

ဒ်န့ၣ်အသိး, သုဝဲဝၤတဖၣ်သုကဘၣ်အိၣ်မူဒီးသုမါတဖၣ် လၢတၢ်သ့ၣ်ညါနၢ်ပၢၢ်လၢအဝဲသ့ၣ်မ့ၢ်ပှၤဂံၢ်စၢ်ဘါစၢ်တဖၣ် အပူၤန့ၣ်လီၤ. ယူးယီၣ်ပာ်ကဲအဝဲသ့ၣ်မ့ၢ်လၢအဝဲသ့ၣ်ကဒိး န့ၢ်ကစၢ်ယွၤအတၢ်ဟ့ၣ်ဘၣ်ဃးဒီးတၢ်မူဃုာ်ဒီးသုအဃိန့ၣ် တက့ၢ်. မၤတၢ်အံၤဒ်သိးသုတၢ်ထုကဖၣ်တဖၣ်တၢ်သုတမၤ တံာ်တာ်အီၤနီတမံၤတဂ့ၤအဂီၢ်န့ၣ်တက့ၢ်.