1 ကရံၣ်သူး 7:32 - Sgaw Karen Common Bible

³² ယအဲၣ်ဒိးလၢသုကအိၣ်ပူၤဖျဲးဒီးတၢ်ကိၢ်တၢ်ဂီၤလီၤ. ပှၤပိာ်ခွါလၢအမါတအိၣ်ဘၣ်တဂၤန့ၣ်အသးစၢၢ်ဆၢလၢကစၢ် အတၢ်ဖံးတၢ်မၤလီၤ. အဂ့ၢ်ဒ်အံၤ, အဝဲဒၣ်ဂုာ်ကျဲးစၢးမၤဘၣ်ကစၢ်အသးလီၤ.

1 ကရံၣ်သူး 7:32 Iomraidhean Croise

စံးထီၣ်ပတြၢၤ 55:22

ပာ်ထီၣ်နတၢ်ဝံတၢ်ယိးလၢယွၤအလိၤတက့ၢ်. ဒီးအဝဲဒၣ်ကမၤစၢၤနၤလီၤ. အဝဲတပျဲပှၤတီပှၤလိၤဟူးဝးနီတဘျီဘၣ်.

လံာ်မးသဲ 13:22

တၢ်ချံလၢအဘၣ်တၢ်ဖှံလီၤအီၤလၢတၤဆှုၣ်တၤမဲအကျါတဖၣ်, မ့ၢ်ပှၤလၢအနၢ်ဟူတၢ်ကစီၣ်, ဘၣ်ဆၣ်တၢ်ဘၣ်ယိၣ်ဘၣ်ဘီဘၣ်ဃးဒီးဟီၣ်ခိၣ် ဒီးတၢ်အဲၣ်တၢ်ထူးတၢ်တီၤတဖၣ်ခဲဘၢကွံာ်တၢ်ကစီၣ်သတးဒီး တသၣ်ထီၣ်ဘၣ်ဝဲဘၣ်.

လံာ်မၢ်ကူး 4:19

ဘၣ်ဆၣ်ဒီးတၢ်ကိၢ်တၢ်ဂီၤဘၣ်ဃးဟီၣ်ခိၣ်တစိၤအံၤ, တၢ်မိၣ်န့ၢ်သးလီတၢ်ထူးတၢ်တီၤဒီးကယဲၢ်တၢ်မိၣ်န့ၢ်သးလီတၢ် အဂုၤအဂၤတဖၣ်ခဲလၢာ်န့ၣ်ခဲဘၢကွံာ်ယွၤ အကလုၢ်ကထါဒီးသူထီၣ်သၣ်ထီၣ်တသ့လၢၤဘၣ်န့ၣ်လီၤ.

လံာ်ယိၤဟၣ် 10:13

ပှၤဒိးလဲအသးတဂၤအံၤဃ့ၢ်ကွံာ်ဝဲမ့ၢ်လၢအဝဲမ့ၢ်ဒၣ်ပှၤဒိးလဲ အသးတဂၤဒီးအသးတအိၣ်ဘၣ်သိတဖၣ်အဃိလီၤ.

1 ကရံၣ်သူး 7:33

မ့မ့ၢ်ပှၤလၢအမါအိၣ်တဂၤန့ၣ်, ဘၣ်ကိၢ်ဘၣ်ဂီၤဘၣ်ဃးဒီးဟီၣ်ခိၣ်အတၢ်ဂ့ၢ်တၢ်ကျိၤတဖၣ်, အဂ့ၢ်မ့ၢ်လၢအဝဲဒၣ်သးအိၣ်မၤမုာ်အမါအသးအဃိလီၤ.

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.

၁ တံၤမသ့း 5:5

မုၣ်ကမဲနီၢ်နီၢ်လၢပှၤအံးထွဲကွၢ်ထွဲအီၤတအိၣ်တဂၤန့ၣ်, ပာ်လီၤအတၢ်မုၢ်လၢ်လၢကစၢ်ယွၤအပူၤဒီးဘါထုကဖၣ် တၢ်တထံၣ်ဃီဒီးဃ့ကညးယွၤလၢကမၤစၢၤအီၤ, လၢမုၢ်ဆါဆဲးလၢမုၢ်နၤန့ၣ်လီၤ.