1 ကရံၣ်သူး 7:2 - Sgaw Karen Common Bible

² ဘၣ်ဆၣ်ဒီး, တၢ်မၤကမၣ်မုၣ်ကမၣ်ခွါအိၣ်ဝဲဒၣ်အါမး အဃိ, ပှၤပိာ်ခွါကိးဂၤဒဲးကြၢးအိၣ်ဒီးအမါဒၣ်ဝဲ, ဒီးပှၤပိာ်မုၣ်ကိးဂၤဒဲးကြၢးအိၣ်ဒီးအဝၤဒၣ်ဝဲန့ၣ်လီၤ.

1 ကရံၣ်သူး 7:2 Iomraidhean Croise

တၢ်ကတိၤဒိ. 18:22

ပှၤလၢအထံၣ်န့ၢ်အမါတဂၤန့ၣ်ထံၣ်န့ၢ်တၢ်အဂ့ၤတမံၤ, ဒီးဒိးန့ၢ်ဘၣ်တၢ်ဘျုးတၢ်ဖှိၣ်လၢယွၤလီၤ.

တၢ်ကတိၤဒိ. 19:14

ပှၤကညီတဂၤန့ၢ်သါဘၣ်ဟံၣ်ဃီဒီးကျိၣ်စ့လၢအမိၢ်အပၢ်တဖၣ်အအိၣ် သ့လီၤ. မ့မ့ၢ်ထဲယွၤတဂၤဧိၤဟ့ၣ်အီၤမါလၢအသူၣ်ထံသးဆးတဂၤသ့ဝဲ လီၤ.

လံာ်မၤလကံ 2:14

ဒီးသုသံကွၢ်, ဘၣ်မနုၤလၢအတတူၢ်လိာ်လၢၤတၢ်လုၢ်သ့ၣ်တဖၣ်န့ၣ်လဲၣ်. တၢ်န့ၣ်မ့ၢ်ဒၣ်လၢအဝဲသ့ၣ်ညါသုမၤဟးဂီၤသုတၢ် အၢၣ်လီၤဒီးသုမါလၢသုဒိးတ့ဒိးဖျီတ့ၢ် သုသးဖဲသုသးစၢ်အခါအဃိန့ၣ်လီၤ. သုမါမ့ၢ်သုသကိးဒီး, သုအၢၣ်လီၤလၢကစၢ်ယွၤအမဲာ်ညါလၢသုကတီဒီးအီၤဘၣ်ဆၣ်, သုမၤဟးဂီၤကွံာ်သုတၢ်အၢၣ်လီၤဒီးအီၤန့ၣ်လီၤ.

လံာ်မးသဲ 5:32

ဘၣ်ဆၣ်ဒီးယစံးဘၣ်သုဒ်အံၤ, မ့တမ့ၢ်ဘၣ်လၢပိာ်မုၣ်န့ၣ်အဲၣ်ဘၢ အဝၤဘၣ်ဒီး, ပိာ်ခွါလၢအပာ်မၢ်အီၤန့ၣ်မၤကမၣ်အီၤဒီးမၢအီၤလၢ ကအဲၣ်ဘၢအဝၤန့ၣ်လီၤ. ဒီးပှၤတဂၤလၢ်လၢ်လၢအဟံးန့ၢ်ပိာ်မုၣ်လၢအဘၣ်တၢ်ပာ်မၢ်ကွံာ် အီၤန့ၣ်, မ့ၢ်ပှၤလၢအမၤကမၣ်ပှၤအမါန့ၣ်လီၤ.

1 ကရံၣ်သူး 6:18

ဟးဆှဲးတၢ်မၤကမၣ်မုၣ်ကမၣ်ခွါတက့ၢ်. တၢ်ဒဲးဘးအဂၤတမံၤမံၤလၢပှၤကညီတဂၤမၤဝဲန့ၣ်, တမၤဘၣ်ဒိဘၣ်ထံးအနီၢ်ခိဘၣ်. မ့မ့ၢ်ပှၤတဂၤလၢအမၤ ကမၣ်မုၣ်ကမၣ်ခွါန့ၣ်, မၤဘၣ်တၢ်ဒဲးဘးထီဒါအနီၢ်ခိဒၣ်ဝဲန့ၣ်လီၤ.

1 ကရံၣ်သူး 7:1

အခဲအံၤ, ပကကွၢ်ဆိကမိၣ်ဘၣ်ဃးဒီးတၢ်ဂ့ၢ်တၢ်ကျိၤလၢ သုကွဲးဖျါတ့ၢ်သုဝဲတဖၣ်န့ၣ်လီၤ. ပှၤပိာ်ခွါတဂၤမ့ၢ်တန့ၢ် အမါန့ၣ်ဂ့ၤဝဲလီၤ.

1 ကရံၣ်သူး 7:3

ပှၤပိာ်ခွါတဂၤကြၢးမၤလၢမၤပှဲၤအမူအဒါဒ်ဝၤတဂၤအသိး, ဒီးပှၤပိာ်မုၣ်တဂၤကြၢးမၤလၢမၤပှဲၤအမူအဒါဒ်မါတဂၤ အသိး, ဒီးတဂၤကြၢးမၤလၢမၤပှဲၤအဝဲတဂၤအတၢ်လိၣ်တဖၣ် လီၤ.

1 ကရံၣ်သူး 7:9

ဘၣ်ဆၣ်ဒီး, သုပၢၤဃာ်သုတၢ်သးကွံမ့ၢ်တန့ၢ်သၢပျၢၤ, န့ၢ်မါန့ၢ်ဝၤတက့ၢ်. သုန့ၢ်မါန့ၢ်ဝၤန့ၣ်ဂ့ၤဒိၣ်န့ၢ်သုအိၣ်ဒီးတၢ်သူၣ်ကတၢသးကတၢ တက့ၢ်လီၤ.

အ့းဖ့းစူး 5:28

ဝၤသ့ၣ်တဖၣ်ဂ့ၤအဲၣ်အမါဒ်အအဲၣ်လီၤက့ၤအသးဒၣ်ဝဲအသိး န့ၣ်လီၤ. ပှၤလၢအအဲၣ်အမါန့ၣ်အဲၣ်လီၤအသးဒၣ်ဝဲလီၤ.

အ့းဖ့းစူး 5:33

ဘၣ်ဆၣ်, မ့ၢ်စ့ၢ်ကီးတၢ်လၢအဘၣ်ဃးဒီးသုလီၤ. ဝၤကိးဂၤဒဲးမ်အအဲၣ်အမါဒ်အနီၢ်ကစၢ်ဒၣ်ဝဲအသိး တက့ၢ်. ဒီးမါကိးဂၤဒဲးန့ၣ်, မ်ကယူးယီၣ်ပာ်ကဲအဝၤတက့ၢ်.

၁ သ့းစၤလနံ 4:4

သုဝဲပိာ်ခွါတဂၤဘၣ်တဂၤသုကြၢးသ့ၣ်ညါ, အိၣ်မူဒီးသုမါလၢတၢ်စီတၢ်ဆှံဒီးတၢ်လၤတၢ်ကပီၤ အပူၤ,

၁ တံၤမသ့း 4:3

ပှၤဒ်သိးအံၤတဖၣ်သိၣ်လီၤသီလီၤဝဲလၢတၢ်န့ၢ်ဖိန့ၢ်မါန့ၣ်, မ့ၢ်တၢ်ကမၣ်ဒီးတၢ်အီၣ်တၢ်အီတနီၤနီၤန့ၣ်, ဂ့ၤဘၣ်တၢ်ဟးဆှဲး အီၤန့ၣ်လီၤ. ဘၣ်ဆၣ်ဒီးတၢ်အီၣ်တဖၣ်န့ၣ်, ယွၤတ့လီၤပာ်လီၤဝဲလၢပှၤစူၢ်က့ၤနာ်က့ၤတၢ်ဒီးသ့ၣ်ညါ တၢ်မ့ၢ်တၢ်တီတဖၣ်ကစံးထီၣ်ပတြၢၤတၢ်အဘျုးအဖှိၣ်ဝံၤ, ကအီၣ်ဝဲအဂီၢ်န့ၣ်လီၤ.

လံာ်ပှၤစံၣ်ညီၣ်ကွီၢ် 21:22

အပၢ်ဒီးအဒီပုၢ်ဝဲၢ်ခွါတဖၣ်မ့ၢ်ဟဲဆူသုအိၣ်ဒီးတြီတၢ်န့ၣ်, သုစံးသ့ဝဲလၢ, ပျဲပဟံးဃာ်အဝဲသ့ၣ်တက့ၢ်. အဂ့ၢ်ဒ်အံၤ, ပတဟံးန့ၢ်အဝဲသ့ၣ်လၢသုအိၣ်လၢတၢ်ဒုးတၢ်ယၤအပူၤ ဒ်သိးကကဲထီၣ်ပမါဘၣ်. ဒီးတမ့ၢ်ဘၣ်လၢသုဟ့ၣ်ပှၤအဃိဒီးသုတၢ်ကမၣ်ဘၣ်ဃးဒီးတၢ်မၤဟးဂီၤ သုတၢ်အၢၣ်လီၤအီလီၤအိၣ်ဝဲန့ၣ်ဘၣ်.”