1 ကရံၣ်သူး 7:17 - Sgaw Karen Common Bible

¹⁷ ပှၤတဂၤဘၣ်တဂၤကြၢးအိၣ်မူဝဲဆူညါ, လီၤပလိာ်ဒီးကစၢ်အတၢ်ဟ့ၣ်လၢအဟ့ၣ်အီၤ, ဒီးဒ်အအိၣ်မူတ့ၢ်ဝဲဖဲကစၢ်ယွၤကိးအီၤအဆၢကတီၢ်န့ၣ်လီၤ. အဝဲအံၤမ့ၢ်တၢ်ဘျၢလၢယသိၣ်လီၤသီလီၤယဲလၢတၢ်အိၣ်ဖှိၣ်ကိး ဖုဒဲးအပူၤလီၤ.

1 ကရံၣ်သူး 7:17 Iomraidhean Croise

လံာ်မးသဲ 19:12

အဂ့ၢ်ဒ်အံၤ, ပှၤတနီၤမ့ၢ်ပှၤဒ့ဒံၣ်ဖိလၢအမိၢ်အဟၢဖၢပူၤလံၤလံၤ, ဒီးပှၤတနီၤဘၣ်တၢ်ဒုးကဲထီၣ်အီၤလၢပှၤဒ့ဒံၣ်ဖိလၢပှၤကညီအစုပူၤ, ဒီးပှၤတနီၤဒုးကဲထီၣ်လီၤက့ၤအသးလၢပှၤဒ့ဒံၣ်ဖိလၢမူခိၣ် အဘီအမုၢ်အဃိလီၤ. ပှၤလၢအတူၢ်လိာ်တၢ်အံၤသ့န့ၣ်မ်အတူၢ်လိာ်ဒၣ်ဝဲတက့ၢ်.”

1 ကရံၣ်သူး 10:32

အိၣ်မူဒ်သိး, သုသုတကဲထီၣ်တၢ်တံာ်တာ်လၢပှၤယူဒၤဖိအဂီၢ် မ့ၢ်ဂ့ၤ, ပှၤကလုာ်ဂၤအဂီၢ်မ့ၢ်ဂ့ၤ, မ့တမ့ၢ်, ယွၤအတၢ်အိၣ်ဖှိၣ်အဂီၢ်မ့ၢ်ဂ့ၤ, တဂ့ၤန့ၣ်တက့ၢ်.

1 ကရံၣ်သူး 11:16

ဘၣ်ဆၣ်ဒီးပှၤတဂၤဂၤမ့ၢ်အဲၣ်ဒိးဂ့ၢ်လိာ်ဘှီလိာ်လၢအဂ့ၢ်န့ၣ်, ယစံးယဲသ့ဒၣ်လၢပဝဲဒၣ်မ့ၢ်ဂ့ၤ, ယွၤအတၢ်အိၣ်ဖှိၣ်တဖၣ် မ့ၢ်ဂ့ၤတအိၣ်ဒီးလုၢ်လၢ်အဂၤလၢတၢ်ဘူၣ်တၢ်ဘါအပူၤနီ တမံၤဘၣ်လီၤ.

1 ကရံၣ်သူး 11:34

ဒီးပှၤတဂၤဂၤတၢ်မ့ၢ်သၣ်ဝံၤအသးန့ၣ်, ကြၢးအီၣ်တၢ်လၢဟံၣ်, ဒ်သိးသုတဘၣ်ကစၢ်ယွၤအတၢ်စံၣ်ညီၣ်ဖဲသုအိၣ်ဖှိၣ်သကိး အဆၢကတီၢ်တဂ့ၤအဂီၢ်လီၤ. မ့မ့ၢ်တၢ်ဂ့ၢ်တၢ်ကျိၤအဂၤတဖၣ်န့ၣ်, ယကကွၢ်သုးကျဲၤကတိၤပျီက့ၤယဲလၢအဂ့ၢ်ဖဲယဟဲအဆၢ ကတီၢ်လီၤ.

1 ကရံၣ်သူး 14:33

အဂ့ၢ်ဒ်အံၤ, ကစၢ်ယွၤတဘၣ်အသးလၢပကအိၣ်ဒီးတၢ်တၢထီၣ် တၢလီၤဘၣ်. မ့ၢ်အဘၣ်အသးလၢပကအိၣ်လၢတၢ်ဃူတၢ်ဖိးဒီးတၢ်မုာ်တၢ်ခုၣ် အပူၤလီၤ. ဒ်လၢယွၤအပှၤဂီၢ်မုၢ်အတၢ်အိၣ်ဖှိၣ်ခဲလၢာ်အပူၤအသိးန့ၣ်,

1 ကရံၣ်သူး 16:1

ခဲကနံၣ်အံၤ, ဘၣ်ထွဲဒီးတၢ်လၢသုကွဲးတ့ၢ်သုဝဲဘၣ်ဃးတိၢ်လၢသု ကထၢဖှိၣ်အီၤလၢသုကမၤစၢၤယွၤအပှၤဂီၢ်မုၢ်ဖဲကီၢ်ယူဒၤတဖၣ် အဂီၢ်န့ၣ်, သုကဘၣ်မၤသုဝဲဒ်ယစံးဘၣ်တဲဘၣ်တ့ၢ်တၢ်အိၣ်ဖှိၣ် တဖၣ်ဖဲကီၢ်ကလၤတံလၢအကမၤဝဲန့ၣ်လီၤ.

1 ကရံၣ်သူး 4:17

လၢတၢ်တမံၤအံၤအဂီၢ်န့ၣ်, ယဆှၢလီၤယဲစီၤတံၤမသ့းဆူသုအိၣ်, အဝဲဒၣ်မ့ၢ်ယဖိသးဘိဒၣ်ယဲလၢခရံာ်အပူၤ, လၢအသးတီဝဲတဂၤ လီၤ. အဝဲဒၣ်ကဒုးသ့ၣ်နီၣ်ထီၣ်သုတၢ်ဘျၢတဖၣ်လၢယပိာ်ထွဲယဲ လၢတၢ်အိၣ်မူအသီဘၣ်ဃးတၢ်ပာ်ဖှိၣ်ထီၣ်ဃုာ်သးတဖျၢၣ်ဃီလၢ ယ့ၣ်ၡူးခရံာ်အပူၤ, ဒီးလၢယသိၣ်လီၤသီလီၤယဲလၢအဂ့ၢ်လၢတၢ်အိၣ်ဖှိၣ်ကိးဖုဒဲး အပူၤ, သကုၤဆးဒးလီၤ.

1 ကရံၣ်သူး 7:18

ပှၤလၢအဒိးတ့ၢ်တၢ်ကူးတရံးတဂၤမ့ၢ်တူၢ်လိာ်လံကစၢ်ယွၤ အတၢ်ကိးန့ၣ်, အဝဲတကြၢးဂုာ်ကျဲးစၢးထုးကွံာ်တၢ်ပနီၣ် တဖၣ်လၢအဘၣ်ဃးဒီးတၢ်ကူးတရံးဘၣ်. ပှၤလၢအတဒိးတၢ်ကူးတရံးတဂၤမ့ၢ်တူၢ်လိာ်လံကစၢ်ယွၤ အတၢ်ကိးန့ၣ်, အဝဲဒၣ်တကြၢးဒိးတၢ်ကူးတရံးဘၣ်.

1 ကရံၣ်သူး 7:24

ယဒီပုၢ်ဝဲၢ်သ့ၣ်ဧၢ, ပှၤတဂၤဒီးတဂၤကြၢးအိၣ်ဒံးဝဲလၢ အတၢ်ရ့လိာ်မုာ်လိာ်အတၢ်ဘၣ်ထွဲဒီးယွၤ, ဒ်အအိၣ်တ့ၢ်ဝဲဖဲအဝဲဘၣ်တၢ်ကိးတ့ၢ်အီၤအဆၢကတီၢ် အသိးန့ၣ်လီၤ.

1 ကရံၣ်သူး 7:7

အနီၢ်နီၢ်တခီ, ယဆၢလၢသုဝဲကိးဂၤဒဲးသုကလီၤဂာ်ဒ်ယၤ အသိးလီၤ. ဘၣ်ဆၣ်ဒီးပှၤတဂၤဒီးတဂၤအိၣ်ဒီးအတၢ်ဟ့ၣ်လီၤ ဆီဒၣ်ဝဲလၢအဟဲလၢကစၢ်ယွၤအအိၣ်န့ၣ်လီၤ. တဂၤအိၣ်ဒီးတၢ်ဟ့ၣ်တမံၤအံၤ, အဂၤတဂၤအိၣ်ဒီးတၢ်ဟ့ၣ် အဝဲန့ၣ်တမံၤလီၤ.

၂ ကရံၣ်သူး 11:28

ဒီးယတယၢၤထီၣ်တၢ်အဂၤဘၣ်. ကိးနံၤဒဲးယဘၣ်တၢ်ဆီၣ်သနံးယၤလၢယတၢ်ကိၢ် တၢ်ဂီၤ, တၢ်ဘၣ်ယိၣ်ဘၣ်ဘီတၢ်လၢတၢ်အိၣ်ဖှိၣ်ကိးဖုဒဲး အဂီၢ်လီၤ.

၂ ကရံၣ်သူး 8:18

လၢအဝဲဒၣ်အသိးန့ၣ်, ပဆှၢလီၤဃုာ်ဒီပုၢ်ဝဲၢ်တဂၤလၢအဘၣ်တၢ်ယူးယီၣ်ပာ်ကဲ အီၤလၢတၢ်အိၣ်ဖှိၣ်ကိးဖုဒဲးအပူၤ, လၢအဝဲအတၢ်ဖံး တၢ်မၤ, တၢ်စံၣ်တဲၤတဲလီၤတၢ်သးခုကစီၣ်အဃိန့ၣ်လီၤ.

ကလၤတံ 1:22

ဖဲအဆၢကတီၢ်အဝဲန့ၣ်တၢ်အိၣ်ဖှိၣ်ဖိတဖၣ်ဖဲကီၢ်ယူဒၤအတၢ်အိၣ် ဖှိၣ်တဖၣ်အပူၤ, တသ့ၣ်ညါယၤလၢအနီၢ်ကစၢ်ဒၣ်ဝဲဒံးဘၣ်.

၁ သ့းစၤလနံ 2:14

ပဒီပုၢ်ဝဲၢ်သ့ၣ်ဧၢ, တၢ်လၢအမၤအသးဒီးသုတဖၣ်န့ၣ်မ့ၢ်တၢ်တမံၤဃီလၢအမၤတ့ၢ် အသးဒီးကစၢ်ယွၤအတၢ်အိၣ်ဖှိၣ်လၢကီၢ်ယူဒၤအပူၤ, ပှၤတဖၣ်လၢအဘၣ်ဃးဒီးယ့ၣ်ၡူးခရံာ်န့ၣ်လီၤ. သုတူၢ်ဘၣ်တၢ်တမံၤဃီလၢသုပှၤကလုာ်တဖၣ်အစုပူၤ, ဒ်အဝဲသ့ၣ်တူၢ်ဘၣ်တၢ်လၢပှၤယူဒၤဖိအစုပူၤအသိး န့ၣ်လီၤ.

၂ သ့းစၤလနံ 1:4

လၢတၢ်န့ၣ်အဃိ, ပနီၢ်ကစၢ်ဒၣ်ပဝဲပကတိၤတၢ်လၢသုဂ့ၢ် အိၣ်ဒီးတၢ်ပာ်ကဖၢလၢပသးလၢသုဃိ, လၢကစၢ်ယွၤ အတၢ်အိၣ်ဖှိၣ်တဖၣ်အပူၤ, ဘၣ်ဃးသုတၢ်အိၣ်ဂၢၢ်အိၣ်ကျၢၤဒီးသုတၢ်နာ်ဖဲသုလဲၤခီဖျိ ကယဲၢ်တၢ်မၤအၢမၤနးဒီးတၢ်နးတၢ်ဖှီၣ်တဖၣ်န့ၣ်လီၤ.