1 ကရံၣ်သူး 7:11 - Sgaw Karen Common Bible

¹¹ ဘၣ်ဆၣ်ဒီးအဝဲမ့ၢ်ပာ်တီၢ်အဝၤန့ၣ်, ကဘၣ်အိၣ်သဘျ့ဝဲ ဆူညါ, မ့တမ့ၢ်ကဘၣ်ဒိးတၢ်မၤဃူမၤဖိးက့ၤအီၤဒီးအဝၤ န့ၣ်လီၤ. ဒီးဝၤတဂၤတဘၣ်ပာ်မၢ်ကွံာ်အမါဘၣ်.

1 ကရံၣ်သူး 7:11 Iomraidhean Croise

လံာ်ယၡါယၤ 50:1

ယွၤစံးဝဲ, “မ့ၢ်သုဆိကမိၣ်လၢယဆှၢယံၤကွံာ်ယပှၤဂီၢ်မုၢ် ဒ်ပှၤတဂၤလၢအပာ်မၢ်ကွံာ်အမါအသိးန့ၣ်ဧါ. မ့မ့ၢ်ဒ်န့ၣ်ဒီး, လံာ်လီၤဖှၣ်တဖၣ်အိၣ်ဖဲလဲၣ်. မ့ၢ်သုဆိကမိၣ်လၢယဆါလီၤကွံာ်သုဆူ တၢ်မၢကဲကုၢ်အပူၤ ဒ်ပှၤတဂၤလၢအဆါလီၤကွံာ်အဖိတဖၣ် ဒ်ကုၢ်တဖၣ်အသိးန့ၣ်ဧါ. တမ့ၢ်ဘၣ်, တၢ်စိာ်မၢကဲကုၢ်သုမ့ၢ်ဒၣ်လၢသုတၢ်ဒဲးဘးတဖၣ်အဃိလီၤ. တၢ်ဆှၢယံၤကွံာ်သုမ့ၢ်ဒၣ်လၢသုတၢ်မၤကမၣ်တဖၣ်အဃိလီၤ.

လံာ်ယံးရမံယၤ 3:1

ယွၤစံးဝဲ, “ပှၤတဂၤမ့ၢ်ပာ်မၢ်အမါ, ဒီးအမါဟးသဒၣ်အီၤဒီး ကဲထီၣ်ပှၤအဂၤတဂၤအမါဒီး, အဝဲဟံးန့ၢ်က့ၤကဒီးအီၤတသ့ လၢၤဘၣ်. တၢ်အံၤကမၤဘၣ်အၢထံကီၢ်လၢာ်လၢာ်ဆ့ဆ့လီၤ. ဘၣ်ဆၣ်ဒီးကီၢ်အံၣ်စရ့လးဧၢ, နအိၣ်တ့ၢ်ဒီးပှၤလၢနအဲၣ်အီၤအါ ဂၤ, ဒီးအခဲအံၤတခီနအဲၣ်ဒိးဟဲက့ၤကဒါက့ၤဆူယအိၣ်လီၤ.

လံာ်မးသဲ 5:32

ဘၣ်ဆၣ်ဒီးယစံးဘၣ်သုဒ်အံၤ, မ့တမ့ၢ်ဘၣ်လၢပိာ်မုၣ်န့ၣ်အဲၣ်ဘၢ အဝၤဘၣ်ဒီး, ပိာ်ခွါလၢအပာ်မၢ်အီၤန့ၣ်မၤကမၣ်အီၤဒီးမၢအီၤလၢ ကအဲၣ်ဘၢအဝၤန့ၣ်လီၤ. ဒီးပှၤတဂၤလၢ်လၢ်လၢအဟံးန့ၢ်ပိာ်မုၣ်လၢအဘၣ်တၢ်ပာ်မၢ်ကွံာ် အီၤန့ၣ်, မ့ၢ်ပှၤလၢအမၤကမၣ်ပှၤအမါန့ၣ်လီၤ.

လံာ်မၢ်ကူး 10:12

ဒ်န့ၣ်အသိး, ပှၤပိာ်မုၣ်တဂၤလၢအပာ်မၢ်ကွံာ်အဝၤဒီး ဒိးတ့ဒိးဖျီအသးဒီးပိာ်ခွါအဂၤတဂၤန့ၣ်, မ့ၢ်အအဲၣ်ဘၢအဝၤလီၤ.”

လံာ်မၢ်ကူး 10:2

ပှၤဖၤရံၤၡဲတနီၤဟဲဆူအအိၣ်ဒီးအဲၣ်ဒိးမၤကွၢ်အီၤသတးဒီး သံကွၢ်အီၤ, “ပှၤတဂၤကပာ်မၢ်အမါန့ၣ်ပတၢ်သိၣ်တၢ်သီဟ့ၣ်အီၤတၢ်ပျဲဧါ.”

လံာ်လူၤကၣ် 16:18

ပိာ်ခွါတဂၤလၢ်လၢ်လၢအပာ်မၢ်ကွံာ်အမါဒီးန့ၢ်အမါလၢပိာ်မုၣ် အဂၤတဂၤန့ၣ်, မ့ၢ်အအဲၣ်ဘၢတၢ်, ဒီးပိာ်ခွါတဂၤလၢအန့ၢ်အမါလၢပိာ်မုၣ်တဂၤလၢအဘၣ်တၢ်ပာ်မၢ်ကွံာ်အီၤန့ၣ်, မ့ၢ်အမၤကမၣ်ပှၤဂၤအမါလီၤ.

1 ကရံၣ်သူး 7:10

ဆူပှၤအိၣ်ဒီးအမါအဝၤတဖၣ်အအိၣ်န့ၣ်, ယဟ့ၣ်လီၤတၢ်အကလုၢ်လၢအတမ့ၢ်ယကလုၢ်ဒၣ်ယဲဘၣ်. မ့မ့ၢ်, မ့ၢ်ဝဲကစၢ်အကလုၢ်န့ၣ်လီၤ. မါတဂၤတကြၢးပာ်တီၢ် အဝၤဘၣ်.

1 ကရံၣ်သူး 7:12

ဆူပှၤဂၤတဖၣ်န့ၣ်ယစံးယဲ, (ယၤ, ယနီၢ်ကစၢ်ဒၣ်ယဲ, တမ့ၢ်ကစၢ်ဘၣ်.) ပှၤခရံာ်ဖိပိာ်ခွါတဂၤမ့ၢ်အိၣ်ဒီးအမါလၢ အတမ့ၢ်ပှၤစူၢ်က့ၤနာ်က့ၤခရံာ်ဘၣ်, ဒီးအဝဲဒၣ်အၢၣ်လီၤလၢအကအိၣ်ဒံးဒီးအဝၤန့ၣ်, အဝဲတဘၣ်ပာ်မၢ်ကွံာ်ပိာ်မုၣ်အံၤဘၣ်.

လံာ်သိၣ်လီၤသီလီၤတၢ် 22:19

အဝဲကဘၣ်အီၣ်လိးစ့ၢ်ကီးအီၤစ့အဘ့ၣ်တကယၤဒီးဟ့ၣ်စ့ န့ၣ်ဆူပိာ်မုၣ်ဖိအပၢ်, မ့ၢ်လၢပှၤတဂၤန့ၣ်ဟဲစိာ်တၢ်မဲာ်ဆှး ဆူ ပှၤအံၣ်စရ့လးမုၣ်ဖိတဂၤအအိၣ်အဃိန့ၣ်လီၤ. အါန့ၢ်အန့ၣ်ပိာ်မုၣ်ဖိန့ၣ်ကဘၣ်မ့ၢ်ထွဲဒံးဒၣ်အဝဲအမါဒီးဖဲ အဝဲ အိၣ်မူဒံးအဖၢမုၢ်န့ၣ်မၤလီၤဖှၣ်အသးဒီးပိာ်မုၣ်ဖိန့ၣ်တသ့ဝဲနီတစုဘၣ်.