1 ကရံၣ်သူး 7:10 - Sgaw Karen Common Bible

¹⁰ ဆူပှၤအိၣ်ဒီးအမါအဝၤတဖၣ်အအိၣ်န့ၣ်, ယဟ့ၣ်လီၤတၢ်အကလုၢ်လၢအတမ့ၢ်ယကလုၢ်ဒၣ်ယဲဘၣ်. မ့မ့ၢ်, မ့ၢ်ဝဲကစၢ်အကလုၢ်န့ၣ်လီၤ. မါတဂၤတကြၢးပာ်တီၢ် အဝၤဘၣ်.

1 ကရံၣ်သူး 7:10 Iomraidhean Croise

လံာ်ယံးရမံယၤ 3:20

ဘၣ်ဆၣ်ဒီး, ဒ်မါတဂၤလၢအသးတတီဘၣ်အသိး, နတသးတီတ့ၢ်ဒီးယၤဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်မးသဲ 5:32

ဘၣ်ဆၣ်ဒီးယစံးဘၣ်သုဒ်အံၤ, မ့တမ့ၢ်ဘၣ်လၢပိာ်မုၣ်န့ၣ်အဲၣ်ဘၢ အဝၤဘၣ်ဒီး, ပိာ်ခွါလၢအပာ်မၢ်အီၤန့ၣ်မၤကမၣ်အီၤဒီးမၢအီၤလၢ ကအဲၣ်ဘၢအဝၤန့ၣ်လီၤ. ဒီးပှၤတဂၤလၢ်လၢ်လၢအဟံးန့ၢ်ပိာ်မုၣ်လၢအဘၣ်တၢ်ပာ်မၢ်ကွံာ် အီၤန့ၣ်, မ့ၢ်ပှၤလၢအမၤကမၣ်ပှၤအမါန့ၣ်လီၤ.

လံာ်မၢ်ကူး 10:2

ပှၤဖၤရံၤၡဲတနီၤဟဲဆူအအိၣ်ဒီးအဲၣ်ဒိးမၤကွၢ်အီၤသတးဒီး သံကွၢ်အီၤ, “ပှၤတဂၤကပာ်မၢ်အမါန့ၣ်ပတၢ်သိၣ်တၢ်သီဟ့ၣ်အီၤတၢ်ပျဲဧါ.”

လံာ်လူၤကၣ် 16:18

ပိာ်ခွါတဂၤလၢ်လၢ်လၢအပာ်မၢ်ကွံာ်အမါဒီးန့ၢ်အမါလၢပိာ်မုၣ် အဂၤတဂၤန့ၣ်, မ့ၢ်အအဲၣ်ဘၢတၢ်, ဒီးပိာ်ခွါတဂၤလၢအန့ၢ်အမါလၢပိာ်မုၣ်တဂၤလၢအဘၣ်တၢ်ပာ်မၢ်ကွံာ်အီၤန့ၣ်, မ့ၢ်အမၤကမၣ်ပှၤဂၤအမါလီၤ.

1 ကရံၣ်သူး 7:11

ဘၣ်ဆၣ်ဒီးအဝဲမ့ၢ်ပာ်တီၢ်အဝၤန့ၣ်, ကဘၣ်အိၣ်သဘျ့ဝဲ ဆူညါ, မ့တမ့ၢ်ကဘၣ်ဒိးတၢ်မၤဃူမၤဖိးက့ၤအီၤဒီးအဝၤ န့ၣ်လီၤ. ဒီးဝၤတဂၤတဘၣ်ပာ်မၢ်ကွံာ်အမါဘၣ်.

1 ကရံၣ်သူး 7:12

ဆူပှၤဂၤတဖၣ်န့ၣ်ယစံးယဲ, (ယၤ, ယနီၢ်ကစၢ်ဒၣ်ယဲ, တမ့ၢ်ကစၢ်ဘၣ်.) ပှၤခရံာ်ဖိပိာ်ခွါတဂၤမ့ၢ်အိၣ်ဒီးအမါလၢ အတမ့ၢ်ပှၤစူၢ်က့ၤနာ်က့ၤခရံာ်ဘၣ်, ဒီးအဝဲဒၣ်အၢၣ်လီၤလၢအကအိၣ်ဒံးဒီးအဝၤန့ၣ်, အဝဲတဘၣ်ပာ်မၢ်ကွံာ်ပိာ်မုၣ်အံၤဘၣ်.

1 ကရံၣ်သူး 7:15

ဘၣ်ဆၣ်ဒီး, ပှၤလၢအမ့ၢ်ပှၤတစူၢ်က့ၤနာ်က့ၤတၢ်တဂၤ, မ့ၢ်သးအိၣ်ပာ်တီၢ်ကွံာ်အသကိးပှၤခရံာ်ဖိန့ၣ်, ပျဲအီၤတက့ၢ်. မ့မ့ၢ်ဒ်န့ၣ်ဒီးတံၤသကိးလၢအမ့ၢ်ပှၤခရံာ်ဖိတဂၤန့ၣ်, ဝၤမ့ၢ်ဂ့ၤ, မါမ့ၢ်ဂ့ၤ, အိၣ်ဒီးတၢ်သဘျ့လၢအကမၤဖဲဒၣ်အသးလီၤ. ကစၢ်ယွၤကိးတ့ၢ်သုဒ်သိးသုကအိၣ်လၢတၢ်ဃူတၢ်ဖိး အပူၤလီၤ.

1 ကရံၣ်သူး 7:25

ခဲကနံၣ်အံၤ, ဘၣ်ဃးဒီးတၢ်ဂ့ၢ်လၢသုကွဲးတ့ၢ်သုဝဲဘၣ်ဃး ပှၤလၢအတန့ၢ်မါန့ၢ်ဝၤတဖၣ်န့ၣ်, ယတအိၣ်ဒီးတၢ်အကလုၢ်လၢယွၤဟ့ၣ်လီၤယၤဘၣ်. ဘၣ်ဆၣ်ဒီး, ယဟ့ၣ်ထီၣ်ယတၢ်ဆိကမိၣ်ဒ်ပှၤတဂၤလၢ, ခီဖျိကစၢ်အတၢ်သး ကညီၤန့ၣ်, ကြၢးဝဲဘၣ်ဝဲဒီးတၢ်နာ်န့ၢ်အီၤန့ၣ်လီၤ.

1 ကရံၣ်သူး 7:40

ဘၣ်ဆၣ်ဒီးအဝဲမ့ၢ်အိၣ်သဘျ့န့ၣ်, ကသူၣ်ခုသးခုဘၣ်ဝဲဒိၣ်ဒၣ်တၢ် တက့ၢ်လီၤ. အဝဲန့ၣ်မ့ၢ်ယတၢ်ထံၣ်, ဒီးယဆိကမိၣ်လၢယနီၢ်ကစၢ်ဒၣ် ယဲစ့ၢ်ကီးယအိၣ်ဒီးကစၢ်ယွၤအသးစီဆှံန့ၣ်လီၤ.

1 ကရံၣ်သူး 7:6

ယစံးဘၣ်တဲဘၣ်သုတၢ်တမံၤအံၤန့ၣ်, မ့ၢ်ဒ်တၢ်အၢၣ်လီၤဟ့ၣ် အခွဲးအသိး, ဒီးတမ့ၢ်ဘၣ်ဒ်တၢ်ဟ့ၣ်လီၤတၢ်ကလုၢ်အသိးဘၣ်.