1 ကရံၣ်သူး 6:7 - Sgaw Karen Common Bible

⁷ တၢ်ဂ့ၢ်တမံၤဃီအဝဲအံၤ, လၢသုအိၣ်ဒီးတၢ်လိာ်ဘၢလိာ်ကွီၢ်လၢသုဝဲကဒဲကဒဲအကျါန့ၣ်, ပာ်ဖျါထီၣ်လၢသုလီၤတိၢ်တ့ၢ်လံသုဝဲလၢာ်လၢာ်ဆ့ဆ့လံန့ၣ်လီၤ. သုမ့ၢ်ဘၣ်တၢ်မၤကမၣ်သုဒီးကဂ့ၤဒိၣ်ဒၣ်တၢ်တက့ၢ်တမ့ၢ်ဘၣ်ဧါ. သုမ့ၢ်ဘၣ်တၢ်တမျာ်သုဒီးကဂ့ၤဒိၣ်ဒၣ်တၢ်တက့ၢ်တမ့ၢ်ဘၣ်ဧါ.

1 ကရံၣ်သူး 6:7 Iomraidhean Croise

တၢ်ကတိၤဒိ. 2:5

နမ့ၢ်မၤဒ်န့ၣ်ဒီးနကသ့ၣ်ညါတၢ်ပျံၤယွၤအခီပညီမ့ၢ်တၢ်မနုၤ မနုၤလဲၣ်ဒီးနတၢ်မၤလိဘၣ်ဃးဒီးကစၢ်ယွၤကကဲထီၣ်လိၣ်ထီၣ် ဝဲလီၤ.

တၢ်ကတိၤဒိ. 20:22

ဟံးန့ၢ်မူဒါဒၣ်နဲလၢနကဟ့ၣ်ကၣ်တၢ်အၢတမံၤအဂီၢ်တဂ့ၤ. သန့ၤနသးလၢယွၤဒီးအဝဲကမၤလိၤမၤဘၣ်အီၤလီၤ.

လံာ်ဟိၤၡ့ 10:2

ပှၤဂီၢ်မုၢ်လၢအသးတဖၣ်ပှဲၤဒီးတၢ်လီတၢ်ဝ့ၤန့ၣ်ခဲအံၤကတူၢ်ဘၣ် တၢ်လၢအဝဲသ့ၣ်အတၢ်ဒဲးဘးအဃိန့ၣ်လီၤ. ကစၢ်ယွၤကမၤလီၤပှီၢ်အဝဲသ့ၣ်တဖၣ်အတၢ်လုၢ်လီၢ်တဖၣ်ဒီးမၤဟး ဂီၤကွံာ်အဝဲသ့ၣ်အလၢၢ်ထူၣ်စီဆှံတဖၣ်န့ၣ်လီၤ.

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”

လံာ်လူၤကၣ် 6:29

ပှၤတဂၤဂၤမ့ၢ်ဒဲနဘိးပၤတခီန့ၣ်, ပျဲအဒဲနဘိးပၤအဂၤတခီစ့ၢ်ကီးတက့ၢ်. ပှၤတဂၤမ့ၢ်ဟံးန့ၢ်နဆ့ကၤဖီခိၣ်န့ၣ်, ပျဲအဟံးန့ၢ်နဆ့ကၤစ့ၢ်ကီးတက့ၢ်.

၁ သ့းစၤလနံ 5:15

ပာ်သူၣ်ပာ်သးဒ်သိးပှၤသုတမၤဆၢတၢ်အၢလၢတၢ်အၢနီတဂၤတဂ့ၤ, မ့မ့ၢ်ကိးဆၢကတီၢ်ဒဲးန့ၣ်, အိၣ်ဒီးတၢ်တိာ်ပာ်လၢသုကမၤဂ့ၤလိာ်သုသးတဂၤဒီးတဂၤ, ဒီးသုကမၤဂ့ၤပှၤကိးဂၤဒဲးန့ၣ်တက့ၢ်.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.