1 ကရံၣ်သူး 6:6 - Sgaw Karen Common Bible

⁶ ဘၣ်ဆၣ်ဒီး, တမ့ၢ်ဒ်န့ၣ်ဘၣ်. မ့မ့ၢ်, ပှၤခရံာ်ဖိတဂၤလဲၤဆူကွီၢ်ဘျီၣ်ဒ်သိးအကထီဒါပှၤခရံာ်ဖိ အဂၤတဂၤဒီးပျဲပှၤတစူၢ်က့ၤနာ်က့ၤတၢ်တဖၣ်စံၣ်ညီၣ်တၢ်ဂ့ၢ် တၢ်ကျိၤလီၤ.

1 ကရံၣ်သူး 6:6 Iomraidhean Croise

လံာ်တၢ်ကဲထီၣ်အခီၣ်ထံး 45:24

အဝဲဆှၢလီၤအဒီပုၢ်ဝဲၢ်ခွါတဖၣ်ဖဲအဟးထီၣ်န့ၣ်, ဒီးအဝဲစံးဘၣ်အဝဲသ့ၣ် “အ့ၣ်လိာ်သုသးလၢကျဲတဂ့ၤ.”

မၤတၢ် 7:26

လၢခံတနံၤအဝဲဒၣ်ထံၣ်ဘၣ်ပှၤအံၣ်စရ့လးဖိခံဂၤအ့ၣ်လိာ် အသး, ဒီးဂုာ်မၤဃူမၤဖိးက့ၤအဝဲသ့ၣ်န့ၣ်လီၤ. အဝဲဒၣ်စံးဝဲ, ‘တံၤသကိးသ့ၣ်ဧၢ, ကနၣ်တက့ၢ်. သုမ့ၢ်ဒီပုၢ်ဝဲၢ်တဖၣ်လီၤ. ဘၣ်မနုၤသုဘၣ်မၤဆူးမၤဆါလိာ်သုသးန့ၣ်လဲၣ်.’

1 ကရံၣ်သူး 6:1

ဖဲသုဝဲအကျါတဂၤသုအိၣ်ဒီးတၢ်ဂ့ၢ်လိာ်ဘှီလိာ်လၢ ပှၤခရံာ်ဖိသကိးပှၤခရံာ်ဖိဒ်သုတဂၤအသိးန့ၣ်, ဒ်သိးတၢ်ဂ့ၢ်တၢ်ကျိၤကဘၣ်တၢ်စံၣ်ညီၣ်န့ၢ်အီၤအဂီၢ် အဝဲတလဲၤဝဲဆူယွၤအပှၤကညီတဖၣ်အအိၣ်ဘၣ်. ဒီးလဲၤဝဲဆူပှၤသူခိၣ်ဖိစံၣ်ညီၣ်ကွီၢ်တဖၣ်အအိၣ်ဘူၣ်ဝဲလၢ ကျဲဒ်လဲၣ်.

1 ကရံၣ်သူး 6:7

တၢ်ဂ့ၢ်တမံၤဃီအဝဲအံၤ, လၢသုအိၣ်ဒီးတၢ်လိာ်ဘၢလိာ်ကွီၢ်လၢသုဝဲကဒဲကဒဲအကျါန့ၣ်, ပာ်ဖျါထီၣ်လၢသုလီၤတိၢ်တ့ၢ်လံသုဝဲလၢာ်လၢာ်ဆ့ဆ့လံန့ၣ်လီၤ. သုမ့ၢ်ဘၣ်တၢ်မၤကမၣ်သုဒီးကဂ့ၤဒိၣ်ဒၣ်တၢ်တက့ၢ်တမ့ၢ်ဘၣ်ဧါ. သုမ့ၢ်ဘၣ်တၢ်တမျာ်သုဒီးကဂ့ၤဒိၣ်ဒၣ်တၢ်တက့ၢ်တမ့ၢ်ဘၣ်ဧါ.

၂ ကရံၣ်သူး 6:14

တဘၣ်ဂုာ်ကျဲးစၢးမၤသကိးတၢ်ဒီးပှၤတစူၢ်တနာ်တၢ် တဖၣ်ဒ်သုမ့ၢ်ပှၤဒ်သိးသိးဒီးအဝဲသ့ၣ်တဂ့ၤ. အဂ့ၢ်ဒ်အံၤ, တၢ်မၤဒ်န့ၣ်တသ့ဘၣ်. တၢ်အဘၣ်ဒီးတၢ်ကမၣ်န့ၣ်, ဒီတံၤဒီသကိးကသ့ဝဲလၢကျဲဒ်လဲၣ်. တၢ်ကပီၤဒီးတၢ်ခံးန့ၣ်အိၣ်ဃုာ်တပူၤဃီကသ့ဝဲလၢကျဲဒ်လဲၣ်.

၂ ကရံၣ်သူး 6:15

ခရံာ်ဒီးမုၣ်ကီၤလံၢ်န့ၣ် အသးလီၤပလိာ်ကသ့ဝဲလၢကျဲဒ် လဲၣ်. ပှၤစူၢ်က့ၤနာ်က့ၤတၢ်တဂၤဒီးပှၤတစူၢ်တနာ်တၢ်တဂၤ န့ၣ်လီၤဂာ်လိာ်အသးကသ့လၢတၢ်မနုၤတမံၤလဲၣ်.

၁ တံၤမသ့း 5:8

ဘၣ်ဆၣ်ဒီး, ပှၤတဂၤဂၤမ့ၢ်တအံးထွဲကွၢ်ထွဲအဘူးအတံၢ်, လီၤဆီဒၣ်တၢ်အဟံၣ်ဖိဃီဖိဒူၣ်ဖိထၢဖိဒၣ်ဝဲဘၣ်ဒီး, အဝဲသမၢဘၣ်လံတၢ်စူၢ်တၢ်နာ်ဒီးမ့ၢ်ပှၤလၢအအၢန့ၢ်ဒံး ပှၤလၢအတစူၢ်တနာ်တၢ်တဂၤန့ၣ်လီၤ.