1 ကရံၣ်သူး 6:5 - Sgaw Karen Common Bible

⁵ သုကြၢးမဲာ်ဆှးမးလီၤ. သပှၢ်ကတၢၢ်, လၢသုကျါန့ၣ်ပှၤကူၣ်ဘၣ်ကူၣ်သ့ကအိၣ်အစှၤ ကတၢၢ်တဂၤလၢအကစံၣ်ညီၣ်တၢ်ဂ့ၢ်လိာ်ဘှီလိာ် လၢခရံာ်ဖိသကိးခရံာ်ဖိအဘၢၣ်စၢၤကစီဒီလီၤသၢၣ်.

1 ကရံၣ်သူး 6:5 Iomraidhean Croise

တၢ်ကတိၤဒိ. 14:8

ဘၣ်မနုၤအဃိပှၤလၢအသူၣ်ပ့ၢ်သးဆှါတဂၤကူၣ်တၢ်သ့လဲၣ်. အဂ့ၢ်ဒ်အံၤ, သ့ၣ်ညါတၢ်လၢအဘၣ်မၤဝဲအဃိလီၤ. ဘၣ်မနုၤအဃိပှၤဟးဂီၤဖိတဂၤအသးတဆးလဲၣ်. အဂ့ၢ်ဒ်အံၤ, ဆိကမိၣ်ဝဲထဲအသ့ၣ်ညါတၢ်အဃိလီၤ.

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

မၤတၢ် 9:13

စီၤအနၤနံစံးဆၢက့ၤဝဲ, “ကစၢ်ဧၢ, ယနၢ်ဟူဘၣ်တ့ၢ်လံပှၤအါဂၤတဲဘၣ်ယၤဘၣ်ဃးပှၤတဂၤအံၤအဂ့ၢ်, ဒီးလၢအမၤအၢမၤနးတ့ၢ်နပှၤစီဆှံလၢဝ့ၢ်ယရူၤၡလ့ၣ် အပူၤတဖၣ်အဂ့ၢ်ခဲလၢာ်န့ၣ်လီၤ.

1 ကရံၣ်သူး 11:14

အဂ့ၢ်ဒ်လဲၣ်, န့ဆၢၣ်ဒၣ်လဲာ်သိၣ်လိသုလၢပှၤပိာ်ခွါတဂၤအိၣ် ဒီးအခိၣ်သူအထီန့ၣ်, မ့ၢ်တၢ်မၤဟးဂီၤအလၤကပီၤတမ့ၢ်ဘၣ်ဧါ.

1 ကရံၣ်သူး 15:34

ဃၣ်ကဒါက့ၤသုသးဆူသုတၢ်သ့ၣ်ညါအကြၢး အဘၣ်, ဒီးဆိကတီၢ်ကွံာ်သုကျဲအၢကျဲသီတဖၣ်န့ၣ်တက့ၢ်. လၢသုကမဲာ်ဆှးအဂီၢ်ယပာ်ဖျါယဲဒၣ်လၢ, သုဝဲတနီၤသုတသ့ၣ်ညါကစၢ်ယွၤဘၣ်န့ၣ်လီၤ.

1 ကရံၣ်သူး 3:18

မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

1 ကရံၣ်သူး 4:14

ယကွဲးတၢ်အဝဲအံၤဆူသုအိၣ်, တမ့ၢ်လၢယသးအိၣ်မၤမဲာ်ဆှးသု အဃိဘၣ်. မ့မ့ၢ်တခီ, မ့ၢ်ဝဲဒ်သိးယကသိၣ်လိသီလိသုဒ်ယဖိသး ဘိဒၣ်ဝဲတဖၣ်အသိးန့ၣ်လီၤ.

1 ကရံၣ်သူး 6:1

ဖဲသုဝဲအကျါတဂၤသုအိၣ်ဒီးတၢ်ဂ့ၢ်လိာ်ဘှီလိာ်လၢ ပှၤခရံာ်ဖိသကိးပှၤခရံာ်ဖိဒ်သုတဂၤအသိးန့ၣ်, ဒ်သိးတၢ်ဂ့ၢ်တၢ်ကျိၤကဘၣ်တၢ်စံၣ်ညီၣ်န့ၢ်အီၤအဂီၢ် အဝဲတလဲၤဝဲဆူယွၤအပှၤကညီတဖၣ်အအိၣ်ဘၣ်. ဒီးလဲၤဝဲဆူပှၤသူခိၣ်ဖိစံၣ်ညီၣ်ကွီၢ်တဖၣ်အအိၣ်ဘူၣ်ဝဲလၢ ကျဲဒ်လဲၣ်.

1 ကရံၣ်သူး 6:4

တၢ်ဂ့ၢ်တၢ်ကျိၤဒ်န့ၣ်အသိးတဖၣ်မ့ၢ်အိၣ်ထီၣ်န့ၣ်, မ့ၢ်သုကဆှၢထီၣ်အီၤဒ်သိးအကဘၣ်တၢ်စံၣ်ညီၣ်အီၤလၢပှၤ တအိၣ်ဒီးအလီၢ်အလၤလၢတၢ်အိၣ်ဖှိၣ်အပူၤတဖၣ်န့ၣ်ဧါ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.