1 ကရံၣ်သူး 6:17 - Sgaw Karen Common Bible

¹⁷ မ့မ့ၢ်ပှၤတဂၤလၢအပာ်ဖှိၣ်ဃုာ်အသးဒီးကစၢ်န့ၣ်, ကဲထီၣ်ပှၤတဂၤဃီဒီးအီၤလၢသူၣ်လၢသးတကပၤလီၤ.

1 ကရံၣ်သူး 6:17 Iomraidhean Croise

လံာ်ယိၤဟၣ် 3:6

ပှၤကညီတဂၤအိၣ်ဖျဲၣ်ထီၣ်ဝဲနီၢ်ခိနီၢ်ခီလၢမိၢ်ပၢ်လၢအအိၣ် ဒီးသွံၣ်ထံဖံးညၣ်လီၤ. ဘၣ်ဆၣ်ဒီး, အဝဲအိၣ်ဖျဲၣ်ထီၣ်လၢသူၣ် လၢသး, လၢယွၤအသးန့ၣ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 12:13

လၢကျဲတဘိဃီန့ၣ်, ပဝဲကိးနီၢ်ဂၤဒဲး, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, ကုၢ်မ့ၢ်ဂ့ၤ, ပှၤသဘျ့မ့ၢ်ဂ့ၤ, ပဘၣ်တၢ်ဒိးဘျၢတ့ၢ်ပှၤဆူနီၢ်ခိတဂၤဃီလၢသးစီဆှံတဂၤဃီ, ဒီးပဝဲကိးဂၤဒဲးပဘၣ်တၢ်ဟ့ၣ်တ့ၢ်ပှၤသးစီဆှံတဂၤဃီ လၢပကအီအီၤအဂီၢ်န့ၣ်လီၤ.

1 ကရံၣ်သူး 6:15

သုသ့ၣ်ညါသုဝဲလၢသုနီၢ်ခိတဖၣ်မ့ၢ်ဝဲက့ၢ်ဂီၤတဖၣ်လၢ အဘၣ်ထွဲဒီးခရံာ်အနီၢ်ခိန့ၣ်လီၤ. မ့ၢ်ယကဟံးန့ၢ်က့ၢ်ဂီၤတခီလၢအဘၣ်ထွဲဒီးခရံာ်အနီၢ်ခိ ဒီးဒုးကဲထီၣ်အီၤက့ၢ်ဂီၤတခီလၢအဘၣ်ထွဲဒီးဃဲသဲမုၣ် အနီၢ်ခိန့ၣ်ဧါ. တသ့ဘၣ်.

ကလၤတံ 2:20

လၢတၢ်န့ၣ်အဃိ, ပှၤလၢအမူဝဲခဲအံၤန့ၣ်, တမ့ၢ်လၢၤယၤဘၣ်, မ့မ့ၢ်ခရံာ်မ့ၢ်ပှၤလၢအမူဝဲလၢယပူၤလီၤ. တၢ်အိၣ်မူလၢယအိၣ်မူ ခဲကနံၣ်အံၤ, မ့ၢ်ယမူလၢတၢ်နာ်ဘၣ်ဃးဒီးကစၢ်ယွၤအဖိခွါလၢ အအဲၣ်ယၤဒီးဟ့ၣ်လီၤကွံာ်အသးသမူလၢယဂီၢ်တဂၤန့ၣ်အပူၤလီၤ.

အ့းဖ့းစူး 5:30

အဂ့ၢ်ဒ်အံၤပမ့ၢ်ခရံာ်အနီၢ်ခိဒီးအက့ၢ်အဂီၤတဖၣ်လီၤ.)

ဖံလံးပံၤ 2:5

တၢ်ပာ်သူၣ်ပာ်သးလၢအကြၢးအိၣ်ဒီးသုန့ၣ်, မ့ၢ်ဝဲတၢ်တမံၤဃီလၢအအိၣ်တ့ၢ်ဒီးယ့ၣ်ၡူးခရံာ်န့ၣ်လီၤ.