1 ကရံၣ်သူး 6:16 - Sgaw Karen Common Bible

¹⁶ မ့တမ့ၢ်, ဘၣ်တဘၣ်သုတသ့ၣ်ညါလၢပှၤပိာ်ခွါတဂၤ လၢအပာ်ဖှိၣ်ဃုာ်အနီၢ်ခိဒီးဃဲသဲမုၣ်တဂၤန့ၣ်, ကဲထီၣ်ပှၤတဂၤဃီဒီးအီၤလၢနီၢ်ခိနီၢ်ခီန့ၣ်လီၤ. တၢ်ကွဲးအသးစံးဝဲဒၣ်ဖျါဖျါကစီဒီလီၤ. “ပှၤခံဂၤန့ၣ်ကကဲထီၣ်နီၢ်ခိတဂၤဃီလီၤ.”

1 ကရံၣ်သူး 6:16 Iomraidhean Croise

လံာ်တၢ်ကဲထီၣ်အခီၣ်ထံး 2:24

လၢတၢ်န့ၣ်အဃိပိာ်ခွါကဟးသဒၣ်အမိၢ်အပၢ်ဒီးပာ်ဖှိၣ်အသးဒီးအမါ, ဒီးကဲထီၣ်ပှၤတဂၤဃီန့ၣ်လီၤ.

လံာ်တၢ်ကဲထီၣ်အခီၣ်ထံး 34:31

ဘၣ်ဆၣ်အဝဲသ့ၣ်စံးဆၢဝဲ, “ပပျဲပဒီပုၢ်ဝဲၢ်မုၣ်ဘၣ်တၢ်မၤ အီၤဒ်ပှၤဃဲသဲမုၣ်ပတီၢ်မုၢ်တဂၤအသိးတကဲဘၣ်.”

လံာ်တၢ်ကဲထီၣ်အခီၣ်ထံး 38:15

ဖဲစီၤယူဒၤထံၣ်ဘၣ်အီၤန့ၣ်, ဆိကမိၣ်ဝဲဒၣ်လၢအဝဲမ့ၢ်ဃဲသဲ မုၣ်တဂၤ, မ့ၢ်လၢအကျၢၢ်ဘၢအမဲာ်အဃိန့ၣ်လီၤ.

လံာ်တၢ်ကဲထီၣ်အခီၣ်ထံး 38:24

သၢလါဝံၤအလီၢ်ခံန့ၣ်, ပှၤတဂၤစံးဘၣ်စီၤယူဒၤ, “နဒဲၣ်မုၣ်နီၢ်တၤမၢ်မၤအသးဒ်ပှၤဃဲသဲမုၣ်တဂၤအသိးဒီးခဲ ကနံၣ်အံၤဒၢထီၣ်ဝဲလံ.” စီၤယူဒၤဟ့ၣ်လီၤအကလုၢ်, “ဟံးထီၣ်အီၤဒီးဒွဲၣ်သံကွံာ် အီၤလၢမ့ၣ်အူတက့ၢ်.”

လံာ်မၢ်ကူး 10:8

ဒီးပှၤခံဂၤန့ၣ်ကကဲထီၣ်နီၢ်တဂၤဃီလီၤ.’ အန့ၣ်ဒီးအဝဲသ့ၣ်တမ့ၢ်လၢၤပှၤခံဂၤဘၣ်, မ့ၢ်ပှၤတဂၤဃီလီၤ.

1 ကရံၣ်သူး 6:3

မ့ၢ်သုတသ့ၣ်ညါလၢပကဘၣ်စံၣ်ညီၣ်မူခိၣ်ကလူးတဖၣ် ဘၣ်ဧါ. မ့မ့ၢ်ဒ်န့ၣ်ဒီးတၢ်ဘၣ်ဃးလၢတၢ်အိၣ်မူတစိၤအံၤန့ၣ်, ကအါန့ၢ်အန့ၣ်တက့ၢ်ဆံးဒိၣ်လဲၣ်.

အ့းဖ့းစူး 5:31

ဒ်တၢ်ကွဲးအသးစံးဝဲအသိး, လၢတၢ်ဂ့ၢ်အံၤအဃိပိာ်ခွါကဟးဖးဒီးအမိၢ်အပၢ်ဒီးကပာ်ဖှိၣ် အသးဒီးအမါလီၤ. ဒီးပှၤခံဂၤန့ၣ်ကကဲထီၣ်နီၢ်တဂၤဃီလီၤ.

ဧ့ၤဘြံၤ 11:31

လၢတၢ်စူၢ်တၢ်နာ်န့ၣ်, ပှၤဃဲသဲမုၣ်နီၢ်ရၤဃးတဘၣ်တၢ်မၤသံ အီၤဃုာ်ဒီးပှၤလၢအတစူၢ်ယွၤအကလုၢ်တဖၣ်န့ၣ်ဘၣ်. အဂ့ၢ်မ့ၢ်လၢအဝဲတူၢ်လိာ်မုာ်ပှၤအံၣ်စရ့လးဖိအပှၤကွၢ် ဟုၣ်ကွၢ်စုာ်တၢ်တဖၣ်ဒ်တံၤသကိးအသိးအဃိန့ၣ်လီၤ.

လံာ်ပှၤစံၣ်ညီၣ်ကွီၢ် 16:1

ဘၣ်တနံၤစီၤၡံၣ်ၡိၣ်လဲၤဆူပှၤဖလ့ၡသးဖိအဝ့ၢ်ဂါစၤဒီးဖဲန့ၣ် ထံၣ်လိာ်ပှၤဃဲသဲမုၣ်တဂၤဒီးမံဃုာ်ဒီးအီၤလီၤ.