1 ကရံၣ်သူး 6:12 - Sgaw Karen Common Bible

¹² ပှၤတဂၤကစံးဝဲ, “ယဘၣ်တၢ်ဟ့ၣ်ယၤအခွဲးလၢယကမၤတၢ်တမံၤလၢ်လၢ်န့ၣ်လီၤ.” မ့ၢ်လံ, ဘၣ်ဆၣ်ဒီးတၢ်ကိးမံၤဒဲးတမ့ၢ်တၢ်ဂ့ၤလၢသုဂီၢ်ဘၣ်. ယစံးယဲဒၣ်သ့ဝဲလၢယဘၣ်တၢ်ဟ့ၣ်ယၤအခွဲးလၢယကမၤတၢ် တမံၤလၢ်လၢ်လီၤ. ဘၣ်ဆၣ်ဒီးယတပျဲတၢ်တမံၤမံၤဒုးကဲယၤလၢ အကုၢ်အပှၤဘၣ်.

1 ကရံၣ်သူး 6:12 Iomraidhean Croise

လံာ်တၢ်ဘူၣ်ထီၣ်ဘါထီၣ် 15:18

ပိာ်ခွါဒီးပိာ်မုၣ်မံဃုာ်လိာ်အသးမ့ၢ်ဝံၤန့ၣ်အဝဲသ့ၣ်ခံဂၤလိာ်ကဘၣ်လုၢ်ထံ, ဒီးကဲထီၣ်တၢ်တကဆှီတုၤမုၢ်ဟါလီၤန့ၣ်လီၤ.

လံာ်ယိၤဟၣ် 5:10

တၢ်မၤအသးအံၤဘၣ်ဝဲလၢပှၤယူဒၤဖိအမုၢ်အိၣ်ဘှံးနံၤ အဃိ, ပှၤယူဒၤဖိအခိၣ်အနၢ်တဖၣ်စံးဘၣ်ပှၤလၢအဘျါက့ၤ တဂၤန့ၣ်, “တနံၤအံၤမ့ၢ်မုၢ်အိၣ်ဘှံးနံၤအဃိ, နဟးစိာ်နလီၢ် မံအံၤန့ၣ်ထီဒါပတၢ်သိၣ်တၢ်သီလီၤ.”

ရိမ့ၤ 7:14

ပသ့ၣ်ညါလၢတၢ်သိၣ်တၢ်သီမ့ၢ်တၢ်ဘၣ်ဃးလၢသူၣ်လၢ သးလီၤ. ဘၣ်ဆၣ်ယမ့ၢ်ပှၤလၢအဘၣ်ဃးဒီးနီၢ်ခိလၢ အသံသ့တဂၤလၢအဘၣ်တၢ်ဆါလီၤကွံာ်အီၤဒ်ကုၢ် တဂၤအသိးဆူတၢ်ဒဲးဘးအပူၤန့ၣ်လီၤ.

1 ကရံၣ်သူး 8:4

လၢတၢ်န့ၣ်အဃိ, ဘၣ်ဃးဒီးတၢ်အီၣ်လၢအဘၣ်တၢ်လုၢ်ထီၣ် ပာ်ထီၣ်အီၤဆူတၢ်ဂီၤတၢ်ဖီၣ်အအိၣ်န့ၣ်, ပသ့ၣ်ညါလၢတၢ်ဂီၤတဒုပာ်ဖျါထီၣ်တၢ်တမံၤလၢအတအိၣ်နီၢ်နီၢ်ဘၣ် န့ၣ်လီၤ. ပသ့ၣ်ညါပဝဲလၢကစၢ်ယွၤအိၣ်ဝဲထဲတဂၤဧိၤလီၤ.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:27

ယမၤဆူၣ်မၤကိၤထီၣ်ယနီၢ်ခိခီဖျိတၢ်ထိတၢ်တီၢ်တဖၣ်ဒီး ကတဲာ်ကတီၤအီၤဒ်သိးအကအိၣ်လၢတၢ်ပၢၤဃာ်အီၤဃံးဃံး အဖီလာ်အဂီၢ်, ဒ်သိးဒီးယမၢဃီၤပှၤဆူတၢ်ပြၢဝံၤအလီၢ်ခံဒီး ယသုတဘၣ်တၢ်ညိကွံာ်ယၤတဂ့ၤအဂီၢ်န့ၣ်လီၤ.

၂ သ့းစၤလနံ 3:9

ပမၤဒ်သိးအံၤန့ၣ်, တမ့ၢ်လၢပတအိၣ်ဒီးတၢ်ခွဲးတၢ်ယာ်လၢ ပကဃ့သုတၢ်လုၢ်အီၣ်ပှၤအဃိဘၣ်. မ့ၢ်ဒ်သိးအကကဲထီၣ်တၢ်အဒိအတဲာ်လၢသုကပိာ်ထွဲအီၤ အဂီၢ်တခီန့ၣ်လီၤ.

ယူဒၤ 1:12

အဝဲသ့ၣ်အတၢ်မဲာ်ဆှးတအိၣ်ဘၣ်ဒီး, အတၢ်ဟဲထဲလၢတၢ်အီၣ်ဘၣ်အီဘၣ်အဂီၢ်န့ၣ်, ကဲထီၣ်တၢ်မဲၣ်သူမဲၣ်ဂီၤလၢသုတၢ်အဲၣ်တၢ်ကွံအဘူၣ် အဂီၢ်လီၤ. အဝဲသ့ၣ်ကွၢ်တၢ်ထဲလၢအဂီၢ်ဒၣ်ဝဲလီၤ. အဝဲသ့ၣ်လီၤဂာ်တၢ်အၢၣ်တဖၣ်လၢအဘၣ်တၢ်အူဒံကွံာ် အီၤလၢကလံၤ, ဒီးလၢအတဟဲဒုးစူၤတၢ်ဘၣ်န့ၣ်လီၤ. အဝဲသ့ၣ်လီၤဂာ်ဒီးသ့ၣ်တဖၣ်လၢအတသၣ်ထီၣ်ဘၣ်လၢ အကတီၢ်ဒၣ်ဝဲဘၣ်, ဒီးလၢအဘၣ်တၢ်ထဲးထီၣ်ကွံာ်အီၤလၢအဂံၢ်ဒီးသံကွံာ်ဝဲ လၢာ်လၢာ်ဆ့ဆ့န့ၣ်လီၤ.