1 ကရံၣ်သူး 6:10 - Sgaw Karen Common Bible

¹⁰ မ့တမ့ၢ်ဟုၣ်တၢ်, မ့တမ့ၢ်သးကွံတလၢတၢ်, မ့တမ့ၢ်အီသံးအီဂာ်, မ့တမ့ၢ်ကတိၤသီၣ်ဝံသဲကလၤတၢ်လၢပှၤဂၤ အဂ့ၢ်, မ့တမ့ၢ်တမျိးတမျာ်တဖၣ်, ပှၤသ့ၣ်တဖၣ်အံၤတဒိးန့ၢ်ယွၤအဘီအမုၢ်နီတဂၤဘၣ်.

1 ကရံၣ်သူး 6:10 Iomraidhean Croise

တၢ်ကတိၤဒိ. 7:27

သုမ့ၢ်လဲၤဆူအဝဲအဟံၣ်ဒီး, သုအိၣ်လံလၢကျဲလဲၤဆူတၢ်သံ အကီၢ်ပူၤန့ၣ်လီၤ. မ့ၢ်ကျဲတဲာ်ဖုၣ်ဆူတၢ်သံန့ၣ်လီၤ.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယံးရမံယၤ 7:11

မ့ၢ်သုဆိကမိၣ်လၢယတၢ်လုၢ်ဟံၣ်အံၤမ့ၢ်တၢ်အိၣ်ခူသူၣ်အလီၢ်လၢ တမျိၤတမျာ်တဖၣ်အဂီၢ်န့ၣ်ဧါ. ယထံၣ်တ့ၢ်တၢ်လၢသုမၤအီၤန့ၣ်လီၤ.

လံာ်ယဃ့းစက့လး 22:13

ယကယူာ်ဃီၤယစုခိၣ်လၢနတၢ်ဂုာ်ဆူၣ်ပျီဆူၣ်တဖၣ်ဒီး နတၢ်မၤသံတဖၣ်အလိၤန့ၣ်လီၤ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 22:29

ပှၤထူးပှၤတီၤတဖၣ်လီတၢ်ဒီးဂုာ်ဆူၣ်ပျီဆူၣ်တၢ်န့ၣ်လီၤ. အဝဲသ့ၣ်မၤနးမၤဖှီၣ်ပှၤဖှီၣ်ဖိယာ်ဖိတဖၣ်ဒီးဃုအဘျုး အဖှိၣ်ဒၣ်ဝဲလၢပှၤတခီဘီမုၢ်ဖိတဖၣ်အဖီခိၣ်န့ၣ်လီၤ.

လံာ်မးသဲ 21:19

အဝဲထံၣ်ချၢၣ်ဒၢတထူၣ်လၢကျဲကပၤဒီးလဲၤဝဲဆူအခီၣ်ထံး, ဘၣ်ဆၣ်တထံၣ်န့ၢ်အသၣ်နီတဖျၢၣ်ဘၣ်, ထံၣ်ဝဲထဲအလၣ်ဧိၤလီၤ. ဒီးအဝဲစံးဘၣ်သ့ၣ်န့ၣ်, “မ်နသုတသၣ်ထီၣ်နီတဘျီလၢၤတဂ့ၤ.” တဘျီဃီချၢၣ်ဒၢတထူၣ်န့ၣ်ဃ့ထီကွံာ်ဝဲလီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်ယိၤဟၣ် 12:6

စီၤယူဒၤအံၣ်စကၤရံၤအိာ်ကတိၤတၢ်အံၤတမ့ၢ်လၢအဝဲအသးအိၣ် ပှၤဖှီၣ်ဖိယာ်ဖိအဃိဘၣ်. မ့ၢ်လၢအဝဲမ့ၢ်တၢ်ဘျၣ်တဂၤအဃိလီၤ. အဂ့ၢ်ဒ်လဲၣ်န့ၣ်, အဝဲစိာ်စ့ထၢၣ်ဒီးဟုၣ်န့ၢ်စ့လၢစ့ထၢၣ်ပူၤန့ၣ်လီၤ.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

1 ကရံၣ်သူး 15:50

တၢ်လၢယအဲၣ်ဒိးစံးယဲန့ၣ်ယဒီပုၢ်ဝဲၢ်သ့ၣ်ဧၢ, တၢ်လၢအဘၣ်တၢ်တ့အီၤလၢတၢ်ညၣ်ဒီးတၢ်သွံၣ်တၢ်ထံန့ၣ်, ဒိးန့ၢ်ဃုာ်ယွၤအဘီအမုၢ်တသ့ဘၣ်. ဒီးတၢ်လၢအသံသ့န့ၣ်, န့ၢ်ဘၣ်တၢ်သံတသ့န့ၣ် တသ့ဘၣ်.

1 ကရံၣ်သူး 5:11

တၢ်လၢယသးအိၣ်စံးန့ၣ်မ့ၢ်, သုသုတရ့လိာ်မၤထွဲသုသးဒီး ပှၤတဂၤလၢအကိးလီၤအသးလၢဒီပုၢ်ဝဲၢ်, ဘၣ်ဆၣ်ဒီးအၢဝဲသီဝဲ မ့တမ့ၢ်အိၣ်ဒီးတၢ်သးကွံတလၢတၢ်, မ့တမ့ၢ်ဘါထီၣ်တၢ်ဂီၤတၢ်ဖီၣ်, မ့တမ့ၢ်မ့ၢ်ဝဲပှၤကတိၤသီၣ်ဝံသဲကလၤတၢ်, မ့တမ့ၢ်ပှၤအီသံးဖိ, မ့တမ့ၢ်ဟုၣ်တၢ်ဘျၣ်တၢ်န့ၣ်လီၤ. တဘၣ်ဆ့ၣ်နီၤအီၣ်ဃုာ်ဒၣ်လဲာ်တၢ်ဒီးပှၤဒ်န့ၣ်အသိးတဂၤ န့ၣ်တဂ့ၤ.

ကလၤတံ 5:21

တၢ်သူၣ်က့ၣ်သးကါ, တၢ်မၤသံပှၤကညီ, တၢ်အီမူၤသံး, တၢ်မၤမူးဧိၤပွဲဧိၤ, ဒီးတၢ်မၤတၢ်အဂၤဒ်သိးအံၤတဖၣ်လီၤ. ဒ်လၢအပူၤကွံာ်အသိးန့ၣ်ယဟ့ၣ်ပလီၢ်ကဒီးသုခဲအံၤလီၤ. ပှၤလၢအမၤတၢ်ဒ်အံၤတဖၣ်န့ၣ်, တန့ၢ်ဘၣ်သါကစၢ်ယွၤအဘီ အမုၢ်ဘၣ်.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

အ့းဖ့းစူး 5:5

သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

၁ ပ့းတရူး 4:15

သုမ့ၢ်တူၢ်ဘၣ်တၢ်တဂၤဂၤဒီး, တကြၢးမ့ၢ်ဒ်ပှၤမၤသံပှၤကညီ တဂၤ, မ့တမ့ၢ်တၢ်ဘျၣ်တဂၤ, မ့တမ့ၢ်ပှၤမၤအၢမၤသီတၢ် တဂၤ, မ့တမ့ၢ်ပှၤဂိာ်စုဂိာ်ခီၣ်လၢပှၤဂၤအတၢ်ဂ့ၢ်တဂၤအသိး န့ၣ်ဘၣ်.