1 ကရံၣ်သူး 5:8 - Sgaw Karen Common Bible

⁸ မ့မ့ၢ်ဒ်န့ၣ်ဒီး, မ်ပကမၤသကိးပဘူၣ်လဲၤကပာ်, တမ့ၢ်လၢကိၣ်အိၣ်ဒီးကိၣ်မံၣ်လီၢ်လံၤဘၣ်ဃးတၢ်ဒဲးဘးဒီးတၢ် အၢတၢ်သီန့ၣ်ဘၣ်. မ့မ့ၢ်, လၢကိၣ်တအိၣ်ဒီးကိၣ်မံၣ်, ကိၣ်ဘၣ်ဃးတၢ်ကဆှီဒီးတၢ်မ့ၢ်တၢ်တီန့ၣ်လီၤ.

1 ကရံၣ်သူး 5:8 Iomraidhean Croise

စံးထီၣ်ပတြၢၤ 32:2

ပှၤလၢယွၤတပာ်ဘၣ်တၢ်ကမၣ်လၢအလိၤ ဒီးပှၤလၢအပူၤဖျဲးဒီးတၢ်လီတၢ်ဝ့ၤခဲလၢာ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 42:4

တုၤယသ့ၣ်နီၣ်ထီၣ်က့ၤတၢ်လၢအပူၤကွံာ်န့ၣ်, ယသူၣ်ကၢ်သးလီၤယဲလီၤ. အဂ့ၢ်ဒ်အံၤ, ယလဲၤတ့ၢ်တၢ်ဒီးပှၤဂီၢ်မုၢ် ဆူကစၢ်ယွၤအဟံၣ် ဒီးဆှၢအဝဲသ့ၣ်လၢအတၢ်လဲၤအပူၤ အိၣ်ဒီးတၢ်သးဝံၣ်စံးထီၣ်ပတြၢၤကစၢ်ယွၤလၢ တၢ်သူၣ်ခုသးခု, လၢဘူၣ်အကတီၢ်န့ၣ်လီၤ.

လံာ်တၢ်ဟးထီၣ်ကွံာ် 12:15

ဒီးယွၤစံးဝဲဒၣ်, “လၢနွံသီအတီၢ်ပူၤန့ၣ်သုတဘၣ်အီၣ်ကိၣ် လၢအဘၣ်တၢ်မၤအီၤလၢကိၣ်မံၣ်နီတမံၤဘၣ်. အီၣ်ထဲကိၣ်လၢတအိၣ်ဘၣ်ဒီးကိၣ်မံၣ်န့ၣ်တက့ၢ်. လၢအခီၣ်ထံးတသီန့ၣ်သုကဘၣ်စူးကွံာ်ကိၣ်မံၣ်ခဲလၢာ် လၢသုဟံၣ်အပူၤတဖၣ်န့ၣ်လီၤ. အဂ့ၢ်ဒ်အံၤ, ပှၤတဂၤလၢ်လၢ်မ့ၢ်အီၣ်ဘၣ်ကိၣ်လၢတၢ်မၤအီၤလၢကိၣ် မံၣ်, လၢနွံသီအတီၢ်ပူၤန့ၣ်ကဘၣ်တၢ်ညိကွံာ်အီၤလၢယပှၤဂီၢ်မုၢ် အကျါန့ၣ်လီၤ.

လံာ်တၢ်ဟးထီၣ်ကွံာ် 12:19

လၢနွံသီအတီၢ်ပူၤန့ၣ်ကိၣ်မံၣ်တဘၣ်အိၣ်လၢသုဟံၣ်တဖၣ်အပူၤ ဘၣ်. အဂ့ၢ်ဒ်အံၤ, ပှၤတဂၤလၢ်လၢ်လၢအအိၣ်ဖျဲၣ်ထီၣ်လၢကီၢ်ပူၤမ့ၢ် ဂ့ၤ, လၢတခီဘီမုၢ်ပူၤမ့ၢ်ဂ့ၤ, မ့ၢ်အီၣ်ကိၣ်လၢအဘၣ်တၢ်မၤအီလၢ ကိၣ်မံၣ်ဒီးအဝဲကဘၣ်တၢ်ညိကွံာ်အီၤလၢယပှၤကလုာ်အကျါန့ၣ်လီၤ.

လံာ်တၢ်ဟးထီၣ်ကွံာ် 12:8

ဒီးလၢမုၢ်နၤအဝဲန့ၣ်တၢ်ဖံးတၢ်ညၣ်ကဘၣ်တၢ်ကၣ်မံအီၤဒီးအီၣ် အီၤဃုာ်ဒီးကိၣ်လၢတအိၣ်ဘၣ်ဒီးကိၣ်မံၣ်ဒီးတၢ်ဒီးတၢ်လၣ်အခၣ်န့ၣ်လီၤ.

လံာ်တၢ်ဟးထီၣ်ကွံာ် 13:6

သုကဘၣ်အီၣ်ကိၣ်လၢအတအိၣ်ဒီးကိၣ်မံၣ်န့ၣ်နွံသီဒီးလၢနွံ နံၤတနံၤန့ၣ်, သုကဘၣ်မၤမူးတမူးလၢတၢ်မၤလၤကပီၤယွၤအဂီၢ်န့ၣ်လီၤ.

လံာ်တၢ်ဟးထီၣ်ကွံာ် 13:7

သုကဘၣ်အီၣ်ကိၣ်လၢအတအိၣ်ဒီးကိၣ်မံၣ်ဘၣ်န့ၣ်နွံသီ, ဒီးကိၣ်မံၣ်မ့ၢ်ဂ့ၤ, ကိၣ်လၢဘၣ်တၢ်မၤအီၤဒီးကိၣ်မံၣ်မ့ၢ်ဂ့ၤ တဘၣ်အိၣ်လၢသုကီၢ်ပူၤန့ၣ်နီတပူၤဘၣ်.

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 30:29

ဘၣ်ဆၣ်သုဝဲယွၤအပှၤဂီၢ်မုၢ်တဖၣ်, သုကသူၣ်ခုသးခုဒီး သုကသးဝံၣ်တၢ်ဒ်သုမၤတ့ၢ်ဖဲမူးစီဆှံတနၤအဆၢကတီၢ် အသိးလီၤ. သုကသူၣ်ခုသးခုထဲသိးဒီးပှၤလၢအလဲၤတၢ်ဒ် တနၢ်သီတူၢ်အတၢ်ဒ့တၢ်အူအသိးလၢကျဲဆူယွၤ, အံၣ်စရ့လးအပှၤဒီဒၣ်တၢ်, အတၢ်လုၢ်ဟံၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:6

ဒီးလၢတဆံယဲၢ်နံၤတနံၤန့ၣ်ဘူၣ်ကိၣ်တအိၣ်ဘၣ်ဒီးကိၣ်မံၣ် အမူးဘၣ်တၢ်စးထီၣ်မၤအီၤန့ၣ်လီၤ. နွံနံၤန့ၣ်သုဘၣ်အီၣ်ကိၣ်တအိၣ်ဘၣ်ဒီးကိၣ်မံၣ်န့ၣ်လီၤ.

လံာ်မးသဲ 16:12

တုၤနုၤတစုအပျဲၢ်အဘီၣ်တဖၣ်နၢ်ပၢၢ်ဝဲလၢ, တၢ်လၢယ့ၣ်ၡူးတဲပလီၢ်အဝဲသ့ၣ်လၢအကတဒီတဒါအသးန့ၣ်, တမ့ၢ်ဘၣ်ကိၣ်မံၣ်လၢတၢ်သူအီၤပှၤမၤကိၣ်န့ၣ်ဘၣ်. မ့မ့ၢ်, မ့ၢ်လၢပှၤဖၤရံၤၡဲဒီးပှၤစးဒူၤကဲတဖၣ်အတၢ်သိၣ်လီၤသီလီၤန့ၣ်လီၤ.

လံာ်မးသဲ 16:6

ယ့ၣ်ၡူးစံးဘၣ်အဝဲသ့ၣ်, “ပလီၢ်ပဒီသုသးလၢ ပှၤဖၤရံၤၡဲဒီးပှၤစးဒူၤကဲအကိၣ်မံၣ်တက့ၢ်.”

လံာ်မၢ်ကူး 8:15

ယ့ၣ်ၡူးမၤလိာ်အဝဲသ့ၣ်ဒီးစံးဝဲ, “ပလီၢ်သုသးဒီးစီၣ်မဲာ်စီၣ်နါဘၣ်ဃး ပှၤဖၤရံၤၡဲတဖၣ်အကိၣ်မံၣ်ဒီးစီၤပၤဟ့ၤရိာ်အကိၣ်မံၣ်န့ၣ်တ က့ၢ်.”

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်ယိၤဟၣ် 1:47

ဖဲယ့ၣ်ၡူးထံၣ်စီၤနၤသန့လးဟဲဆူအအိၣ်ဒီး အဝဲကတိၤတၢ်လၢအဂ့ၢ်ဒီးစံးဝဲ, “အဝဲမ့ၢ်ပှၤအံၣ်စရ့လးဖိနီၢ်နီၢ် တဂၤလၢတၢ်လီတၢ်ဝ့ၤတအိၣ်ဘၣ်လၢအပူၤန့ၣ်လီၤ.”

1 ကရံၣ်သူး 3:3

အဂ့ၢ်ဒ်အံၤ, သုအိၣ်မူဒံးသုဝဲဒ်ပှၤလၢအဘၣ်ဃးဒီးဟီၣ်ခိၣ်တဘ့ၣ် အံၤအိၣ်မူဝဲအသိးလီၤ. ဖဲတၢ်သူၣ်က့ၣ်သးကါအိၣ်လၢသုသိးသုကျါ, ဒီးသုအ့ၣ်လိာ်ဆိးက့လိာ်သုသးတဂၤဒီးတဂၤန့ၣ်, မ့ၢ်အမၤဖျါထီၣ်လၢသုဘၣ်ဃးဒီးဟီၣ်ခိၣ်တဘ့ၣ်အံၤ, ဒီးသုအိၣ်မူသုဝဲဒ်အနီၣ်ထိၣ်အိၣ်ဝဲအသိးတမ့ၢ်ဘၣ်ဧါ.

1 ကရံၣ်သူး 5:1

ခဲကနံၣ်အံၤ, တၢ်စံးတ့ၢ်စဲဃဲၤဝဲဒၣ်လၢတၢ်အိၣ်မူအအၢ အသီဘၣ်ဃးဒီးမုၣ်ခွါအတၢ်ဘၣ်ထွဲအိၣ်ဝဲလၢသုသိးသုကျါ, လၢအအၢမးဝဲတုၤဒၣ်လဲာ်, ပှၤသူခိၣ်ဖိဒၣ်လဲာ်တမၤတၢ်အၢတၢ်သီဒ်န့ၣ်အသိးဘၣ်လီၤ. ယဘၣ်တၢ်စံးဘၣ်တဲဘၣ်တ့ၢ်ယၤလၢပှၤပိာ်ခွါတဂၤအိၣ်ဃုာ်ဒီး အမိၢ်ယၢ်န့ၣ်လီၤ.

1 ကရံၣ်သူး 5:6

သုပာ်ကဖၢလၢသုသးန့ၣ်, တမ့ၢ်တၢ်လၢအကြၢးဝဲဘၣ်ဝဲ ဘၣ်. သုသ့ၣ်ညါတၢ်ကတိၤတထံၣ်လၢအစံးဝဲ, “ကိၣ်မံၣ်ထဲတစဲးဖိဧိၤမၤဖးထီၣ်ကိၣ်ကမူၣ်ကျဲအသးဒီးထံ ဒီကိၢ်လိၣ်ညါ” န့ၣ်လီၤ.

၂ ကရံၣ်သူး 1:12

ပပာ်ကဖၢလၢပသးမ့ၢ်လၢပသးလၢပသ့ၣ်ညါဒၣ်တၢ်, သးလၢအနီၤဖးတၢ်ဂ့ၤဒီးတၢ်အၢအဆၢဒုးနာ်နီၢ်နီၢ် ပှၤလၢပတၢ်အိၣ်မူလၢဟီၣ်ခိၣ်တဘ့ၣ်အံၤအချၢဒီးလီၤဆီ ဒၣ်တၢ်ပတၢ်ဘၣ်ထွဲဒီးသုတဖၣ်, ဘၣ်တၢ်ပၢဆှၢအီၤလၢကစၢ်ယွၤအတၢ်ဟ့ၣ်လၢအမ့ၢ် ဝဲတၢ်ကတိၤတၢ်လိၤလိၤပျီပျီဒီးတၢ်ပာ်သးသပှၢ်ပှၢ်, လၢတၢ်စိကမီၤဘၣ်ဃးယွၤအဘျုး, ဒီးတဘၣ်တၢ်ပၢဆှၢ အီၤလၢပှၤကညီအတၢ်ကူၣ်ဘၣ်ကူၣ်သ့ဘၣ်အဃိန့ၣ်လီၤ.

၂ ကရံၣ်သူး 2:17

ပတလီၤဂာ်ပဝဲဒီးပှၤအဂၤအါဒံအါဂၤလၢအဟံးဃာ် ကစၢ်ယွၤအတၢ်ကစီၣ်, လီၤဂာ်မးဒ်အမ့ၢ်တၢ်ပနံာ်တၢ်ကၤလၢအပှ့ၤဘၣ်တကလုာ် အသိးန့ၣ်ဘၣ်. မ့မ့ၢ်, ကစၢ်ယွၤဆှၢလီၤပှၤအဃိပစံးကတိၤ တၢ်လၢအဝဲဒၣ်အမဲာ်ညါအိၣ်ဒီးတၢ်ပာ်ပသးသပှၢ်ပှၢ်ဒ်ခရံာ် အခ့အပှၤတဖၣ်အသိးန့ၣ်လီၤ.

၂ ကရံၣ်သူး 8:8

ယတပာ်လီၤတၢ်သိၣ်တၢ်သီဒီးတၢ်ဘျၢနီတမံၤဘၣ်. မ့မ့ၢ်, ခီဖျိယပာ်ဖျါထီၣ်ပှၤဂၤတဖၣ်သးဆူၣ်ဟ့ၣ်တၢ်ဆံးအါ အဂ့ၢ်န့ၣ်, ယဂုာ်ကျဲးစၢးဃုသ့ၣ်ညါယဲသုတၢ်အဲၣ်တၢ်ကွံ ဒၣ်ဝဲမ့ၢ်တၢ်နီၢ်နီၢ်ဆံးအါလဲၣ်အဂ့ၢ်န့ၣ်လီၤ.

အ့းဖ့းစူး 6:24

မ်ယွၤအဘျုးအဖှိၣ်အိၣ်ဒီးပှၤလၢအအဲၣ်ပကစၢ်ယ့ၣ်ၡူးခရံာ် လၢတၢ်အဲၣ်အထူအယိာ်ခဲလၢာ်န့ၣ်တက့ၢ်.

လံာ်သိၣ်လီၤသီလီၤတၢ် 16:16

ကယဲၢ်ပှၤပိာ်ခွါခဲလၢာ်လၢသုပှၤကလုာ်အကျါကဘၣ်ဟဲ ဘူၣ်ထီၣ်ဘါထီၣ်ယွၤတနံၣ်သၢဘျီဖဲတၢ်ဘူၣ်ထီၣ်ဘါထီၣ်အလီၢ်တတီၤ, ဖဲဘူၣ်လဲၤကပာ်အကတီၢ်, ဘူၣ်တၢ်ကူးက့ၤအကတီၢ်, ဒီးဘူၣ်ဒဲအကတီၢ်န့ၣ်လီၤ.

လံာ်သိၣ်လီၤသီလီၤတၢ် 16:3

ဖဲသုအီၣ်တၢ်အီၣ်အံၤန့ၣ်, အီၣ်ကိၣ်လၢအဘၣ်တၢ်မၤအီၤဒီးကိၣ်မံၣ်န့ၣ်တဂ့ၤ. လၢနွံသီအတီၢ်ပူၤန့ၣ်သုကဘၣ်အီၣ်ကိၣ်လၢတၢ်တမၤ အီၤဒီးကိၣ်မံၣ်ဘၣ်, ဒ်သုမၤအီၤဖဲသုဟးထီၣ်လၢကီၢ်အဲၤကူပတူး အပူၤချ့ဒံးချ့ဒူးအသိးန့ၣ်လီၤ. အီၣ်ကိၣ်အံၤတက့ၢ်. တၢ်န့ၣ်ကဘၣ်တၢ်ကိးအီၤလၢတၢ်နးတၢ်ဖှီၣ်အကိၣ်, ဒ်သိးဒီးဖဲသုအိၣ်မူအဆၢကတီၢ်န့ၣ်သုကသ့ၣ်နီၣ်ထီၣ်က့ၤမုၢ် တနံၤဖဲသုဟးထီၣ်လၢကီၢ်အဲၤကူပတူးအပူၤ, လၢအမ့ၢ်တၢ်နးတၢ်ဖှီၣ်အလီၢ်န့ၣ်လီၤ.

လံာ်စီၤယိၤၡူ 24:14

လၢတၢ်န့ၣ်အဃိ, ပျံၤယွၤဒီးမၤအတၢ်လၢတၢ်သးအိၣ်ဒီးတၢ်သး တီအပူၤတက့ၢ်. ပာ်ကွံာ်ကစၢ်တဖၣ်လၢသုမိၢ်ပၢ်ဖံဖုလၢပျၢၤမၤအတၢ်လၢထံမိၢ်ပှၢ်ဝၢ်ဘးခီ ဒီးလၢကီၢ်အဲၤကူပတူးဒီးမၤယွၤအတၢ်တက့ၢ်.

၁ ပ့းတရူး 4:2

ခဲအံၤဒီးဆူညါ, သုကဘၣ်အိၣ်မူသုတၢ်အိၣ်မူလၢအအိၣ်တ့ၢ်ဒံးလၢဟီၣ်ခိၣ် အံၤလၢကစၢ်ယွၤအတၢ်ဘၣ်သးအပူၤ, ဒီးတမ့ၢ်လၢပှၤကညီအတၢ်သးကွံတဖၣ်အပူၤလၢၤဘၣ်.