1 ကရံၣ်သူး 5:6 - Sgaw Karen Common Bible

⁶ သုပာ်ကဖၢလၢသုသးန့ၣ်, တမ့ၢ်တၢ်လၢအကြၢးဝဲဘၣ်ဝဲ ဘၣ်. သုသ့ၣ်ညါတၢ်ကတိၤတထံၣ်လၢအစံးဝဲ, “ကိၣ်မံၣ်ထဲတစဲးဖိဧိၤမၤဖးထီၣ်ကိၣ်ကမူၣ်ကျဲအသးဒီးထံ ဒီကိၢ်လိၣ်ညါ” န့ၣ်လီၤ.

1 ကရံၣ်သူး 5:6 Iomraidhean Croise

လံာ်ဟိၤၡ့ 7:4

အဝဲသ့ၣ်ခဲလၢာ်ကတိၤတၢ်ကဘျံးကဘျၣ်ဒီးအသူၣ်တတီအသးတလိၤဝဲ ဘၣ်. အဝဲသ့ၣ်အတၢ်သးဟ့သဝံထီၣ်ဒ်မ့ၣ်အူလၢဖၣ်ကပူၤအသိး, မ့ၣ်အူလၢပှၤကုၢ်ကိၣ်ဖိမၤကိၢ်ထီၣ်အီၤအလီၢ်တအိၣ်ဘၣ်, တချုးဒံးလၢကိၣ်လၢတၢ်ကကုၢ်အီၤအိၣ်ကတဲာ်ကတီၤ အသးဒံးဘၣ်န့ၣ်လီၤ.

လံာ်မးသဲ 13:33

အဝဲစံးဘၣ်တဲဘၣ်အဝဲသ့ၣ်လၢတၢ်ကတိၤဒိအဂၤတခါ, “မူခိၣ်အဘီမုၢ်န့ၣ်လီၤဂာ်ဒီးကိၣ်မံၣ်တနီၤလၢပိာ်မုၣ်တဂၤ ဟံးန့ၢ်ဒီးစံၢ်ကျဲၣ်ကျီအီၤလၢကိၣ်ကမူၣ်သၢသလိးအကျါတုၤ ကိၣ်ဖးထီၣ်ဝဲခဲလၢာ်န့ၣ်လီၤ.”

လံာ်လူၤကၣ် 13:21

မ့ၢ်အလီၤဂာ်ဒီးကိၣ်မံၣ်လၢပိာ်မုၣ်တဂၤဟံးန့ၢ်ဝဲ, ဒီးဃါဃုာ်ဝဲဒီးကိၣ်ကမူၣ်သၢသလီးတုၤအဖးထီၣ်ဝဲခဲလၢာ်လီၤ.”

ရိမ့ၤ 6:16

သုသ့ၣ်ညါသပှၢ်ကတၢၢ်လၢ ဖဲသုဟ့ၣ်လီၤသုသးဒ်ကုၢ် တဖၣ်အသိးလၢသုကစူၢ်ပှၤတဂၤဂၤန့ၣ်ဒီး, သုမ့ၢ်နီၢ်နီၢ်ကစၢ်လၢသုစူၢ်အီၤတဂၤအံၤအကုၢ် တဖၣ်န့ၣ်လီၤ. တဘျီဃီဖဲသုကဲတၢ်ဒဲးဘး လၢအဆှၢသု ဆူတၢ်သံအကုၢ်န့ၣ်, သုကဲတၢ်ဒိကနၣ်လၢအဆှၢသုဆူ တၢ်ပာ်တီပာ်လိၤသုအကုၢ်န့ၣ်တသ့ဘၣ်.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

1 ကရံၣ်သူး 3:21

လၢတၢ်န့ၣ်အဃိ, မတၤတဂၤမးတကြၢးကတိၤပာ်ကဖၢလၢ အသးဘၣ်ဃးဒီးတၢ်လၢပှၤကညီမၤဝဲသ့န့ၣ်ဘၣ်. အနီၢ်နီၢ်န့ၣ်, တၢ်ခဲလၢာ်ခဲဆ့မ့ၢ်ဒၣ်သုတၢ်

1 ကရံၣ်သူး 5:2

မ့မ့ၢ်ဒ်န့ၣ်ဒီး, သုပာ်ထီၣ်ထီသုသးကသ့ဝဲလၢကျဲဒ်လဲၣ်. အခိၣ်တလိာ်, သုကြၢးအိၣ်ပှဲၤဒီးတၢ်သူၣ်အုးသးအုး, ဒီးပှၤပိာ်ခွါလၢအမၤတၢ်ဒ်န့ၣ်အသိးတဂၤကြၢးဘၣ်တၢ်ဟီထီၣ် ကွံာ်အီၤလၢသုသိးသုကျါန့ၣ်လီၤ.

ကလၤတံ 5:9

တၢ်စံးဝဲ, “ကိၣ်မံၣ်တစဲးဖိမၤဖးထီၣ်ကိၣ်ဒီဖျၢၣ်ညါလီၤ.”

၂ တံၤမသ့း 2:17

တၢ်သိၣ်လိဒ်န့ၣ်အသိးတဖၣ်လီၤဂာ်ဒီးတၢ်ပူၤလီၢ်ပူၤဃဲးလၢ အအီၣ်လီၤကလိၤကွံာ်တၢ်န့ၣ်လီၤ. ပှၤခံဂၤလၢအသိၣ်လိ တၢ်ဒ်သိးအံၤတဖၣ်မ့ၢ်ဝဲစီၤဟူၤမ့းနဲဒီးစီၤဖံလ့ၤတူးန့ၣ်လီၤ.

ယၤကိာ် 4:16

ဘၣ်ဆၣ်ဒီး, ခဲအံၤသုပာ်ကဖၢလၢသုသးဒီးသုကတိၤဒိၣ် ကတိၤသွါတၢ်လီၤ. တၢ်ကတိၤဒ်န့ၣ်သိးခဲလၢာ်ကမၣ်ဝဲလီၤ.