1 ကရံၣ်သူး 5:11 - Sgaw Karen Common Bible

¹¹ တၢ်လၢယသးအိၣ်စံးန့ၣ်မ့ၢ်, သုသုတရ့လိာ်မၤထွဲသုသးဒီး ပှၤတဂၤလၢအကိးလီၤအသးလၢဒီပုၢ်ဝဲၢ်, ဘၣ်ဆၣ်ဒီးအၢဝဲသီဝဲ မ့တမ့ၢ်အိၣ်ဒီးတၢ်သးကွံတလၢတၢ်, မ့တမ့ၢ်ဘါထီၣ်တၢ်ဂီၤတၢ်ဖီၣ်, မ့တမ့ၢ်မ့ၢ်ဝဲပှၤကတိၤသီၣ်ဝံသဲကလၤတၢ်, မ့တမ့ၢ်ပှၤအီသံးဖိ, မ့တမ့ၢ်ဟုၣ်တၢ်ဘျၣ်တၢ်န့ၣ်လီၤ. တဘၣ်ဆ့ၣ်နီၤအီၣ်ဃုာ်ဒၣ်လဲာ်တၢ်ဒီးပှၤဒ်န့ၣ်အသိးတဂၤ န့ၣ်တဂ့ၤ.

1 ကရံၣ်သူး 5:11 Iomraidhean Croise

စံးထီၣ်ပတြၢၤ 10:3

အဂ့ၢ်ဒ်အံၤ, ပှၤတတီတလိၤန့ၣ်ပာ်ကဖိအသးလၢအသးအတၢ်ဆၢ န့ၢ်အအၢအသီတဖၣ်အဃိ, ဒီးပှၤလၢအသူၣ်လီသးကွံတၢ်အါန့ၣ်, ဆိၣ်အၢတၢ်ဒီးညိကွံာ်ယွၤလီၤ.

စံးထီၣ်ပတြၢၤ 101:5

ပှၤလၢအခဲၣ်သူခဲၣ်ဂီၤပှၤအိၣ်လၢအဃၢၤန့ၣ် ယကမၤဟးဂီၤကွံာ်အီၤလီၤ. ပှၤလၢအပာ်ထီၣ်ထီအသးဒီးပာ်ကဖၢလၢအသးန့ၣ်, ယတပျဲပူၤအီၤနီတဂၤဘၣ်

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်မးသဲ 18:17

ဒီးမ့ၢ်တဒိကနၣ်ဘၣ်အဝဲသ့ၣ်ဘၣ်ဒီး, စံးဘၣ်တဲဘၣ်တၢ်အိၣ်ဖှိၣ်လၢတၢ်ဂ့ၢ်တၢ်ကျိၤခဲလၢာ်တက့ၢ်. ဒီး, မ့ၢ်တဒိကနၣ်ဘၣ်တၢ်အိၣ်ဖှိၣ်အကလုၢ်ဘၣ်ဒီး, ပာ်အီၤဒ်ပှၤတစူၢ်တနာ်ဘၣ်ယွၤဒီး, ဒ်ပှၤဃ့သွဲတဂၤအသိးန့ၣ်တက့ၢ်.

လံာ်မးသဲ 23:25

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲတဖၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုသ့စီသုလီခီ တဖၣ်အချၢ, ဘၣ်ဆၣ်လီခီတဖၣ်အပူၤတခီအိၣ်ပှဲၤဒီး တၢ်လၢသုမၤန့ၢ်အီၤလၢတၢ်စုဆူၣ်ခီၣ်တကး, ဒီးတၢ်အဲၣ်လီၤသုသးအပူၤန့ၣ်လီၤ.

လံာ်လူၤကၣ် 18:11

ပှၤဖၤရံၤၡဲအိၣ်ဆၢထၢၣ်ဝဲတပူၤဒၣ်ဒီးဃ့ဘါထုကဖၣ်တၢ်ဒီးစံး, ‘ယစံးဘျုးနၤလီၤကစၢ်ယွၤဧၢ, လၢယတမ့ၢ်ပှၤဂုာ်ဆူၣ်ပျိဆူၣ်တၢ်, ပှၤမၤတၢ်အၢတၢ်သီ, ပှၤအဲၣ်ဘၢတၢ်ဒ်ပှၤဂၤအသိးဘၣ်အဃိန့ၣ်လီၤ. ယစံးဘျုးနၤလၢယတလီၤဂာ်ဒီးပှၤဃ့သွဲတဂၤန့ၣ်အဃိလီၤ.

လံာ်လူၤကၣ် 21:34

အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲသုဆၢကတီၢ်လၢာ်ကွံာ်လၢ တၢ်အီၣ်လုၣ်ကိအီလုၣ်ကပာ်တၢ်ဒီးအအံၤတဃၣ်အတၢ်ကိၢ်တၢ်ဂီၤ တဖၣ်အဂီၢ်န့ၣ်တဂ့ၤ. မ့တမ့ၢ်ဘၣ်ဒီး, မုၢ်နံၤမုၢ်သီတနံၤန့ၣ်ကဟဲတုၤအိၣ်သုသတူၢ်ကလာ်လီၤ.

မၤတၢ် 1:15

လၢခံစှၤသီန့ၣ်စီၤပ့းတရူးဂဲၤဆၢထၢၣ်ကတိၤတၢ်လၢပှၤ စူၢ်က့ၤနာ်က့ၤယ့ၣ်ၡူးတဖၣ်အမဲာ်ညါ, ပှၤခဲလၢာ်လၢအပာ်ဖှိၣ်ထီၣ်အသးကအိၣ်အဂၤတကယၤခံဆံ, ဒီးစံးဝဲ,

မၤတၢ် 9:17

အန့ၣ်သတးဒီး, စီၤအနၤနံလဲၤဝဲဒီးလဲၤနုာ်ဝဲဆူဟံၣ်လၢ စီၤစီလူးအိၣ်ဝဲလၢအပူၤန့ၣ်လီၤ. အဝဲဒၣ်ပာ်ထီၣ်အစုလၢစီၤစီလူးအလိၤဒီးစံးဘၣ်အီၤ, “ယဒီပုၢ်ဝဲၢ်စီၤစီလူးဧၢ, ကစၢ်ယ့ၣ်ၡူးလၢနထံၣ်ဘၣ်အီၤလၢ ကျဲလၢနဟဲန့ၣ်, မၢလီၤယၤလၢနကထံၣ်ထီၣ်က့ၤတၢ်ဒီး နကလၢထီၣ်ပှဲၤထီၣ်ဒီးသးစီဆှံအဂီၢ်လီၤ.”

ရိမ့ၤ 13:13

မ်ပကအိၣ်မူဂ့ၤဂ့ၤဘၣ်ဘၣ်ဒ်ပှၤတဖၣ်လၢအလဲၤတၢ်လၢ မုၢ်ဆါအတၢ်ကပီၤအပူၤအသိးန့ၣ်တက့ၢ်. မ်ပကဟးဆှဲးတၢ်မၤပွဲဧိၤလီဧိၤလၢအအိၣ်ဒီးတၢ်အီမူၤ အီဘှီး, တၢ်အိၣ်မူလီၤရၢၢ်လီၤစၢၢ်, တၢ်ကလုာ်ကလိၤ, တၢ်အ့ၣ်လိာ်ဆိးက့လိာ်ဒီးတၢ်သူၣ်က့ၣ်သးကါတဖၣ် န့ၣ်တက့ၢ်.

ရိမ့ၤ 16:17

ယဒီပုၢ်ဝဲၢ်သ့ၣ်ဧၢ, ယသဆၣ်ထီၣ်သုခံ, ပလီၢ်သုသးလၢပှၤလၢအဒုးအိၣ်ထီၣ်တၢ်လီၤမုၢ် လီၤဖးဒီးမၤကဒံကဒါပှၤအတၢ်စူၢ်တၢ်နာ်, ပှၤလၢအထီဒါ တၢ်သိၣ်လိလၢသုဒိးန့ၢ်တ့ၢ်လံတဖၣ်န့ၣ်တက့ၢ်. ဟးဆှဲးပှၤတဖၣ်န့ၣ်တက့ၢ်.

1 ကရံၣ်သူး 10:14

လၢတၢ်န့ၣ်အဃိယတံၤသကိးသးဘိသ့ၣ်ဧၢ, ဟးဆှဲးတၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်တက့ၢ်.

1 ကရံၣ်သူး 11:21

အဂ့ၢ်ဒ်အံၤ, ဖဲသုအီၣ်တၢ်န့ၣ်, သုဝဲတဂၤဒီးတဂၤသုအီၣ်ဆိ သုတၢ်အီၣ်ဒၣ်သုဝဲ, ဒီးတဂၤတၢ်သၣ်ဝံၤအသးဖဲအဂၤတဂၤ အီၣ်လုၣ်ကိအီလုၣ်ကပာ်တၢ်န့ၣ်လီၤ.

1 ကရံၣ်သူး 6:10

မ့တမ့ၢ်ဟုၣ်တၢ်, မ့တမ့ၢ်သးကွံတလၢတၢ်, မ့တမ့ၢ်အီသံးအီဂာ်, မ့တမ့ၢ်ကတိၤသီၣ်ဝံသဲကလၤတၢ်လၢပှၤဂၤ အဂ့ၢ်, မ့တမ့ၢ်တမျိးတမျာ်တဖၣ်, ပှၤသ့ၣ်တဖၣ်အံၤတဒိးန့ၢ်ယွၤအဘီအမုၢ်နီတဂၤဘၣ်.

1 ကရံၣ်သူး 6:6

ဘၣ်ဆၣ်ဒီး, တမ့ၢ်ဒ်န့ၣ်ဘၣ်. မ့မ့ၢ်, ပှၤခရံာ်ဖိတဂၤလဲၤဆူကွီၢ်ဘျီၣ်ဒ်သိးအကထီဒါပှၤခရံာ်ဖိ အဂၤတဂၤဒီးပျဲပှၤတစူၢ်က့ၤနာ်က့ၤတၢ်တဖၣ်စံၣ်ညီၣ်တၢ်ဂ့ၢ် တၢ်ကျိၤလီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

1 ကရံၣ်သူး 7:12

ဆူပှၤဂၤတဖၣ်န့ၣ်ယစံးယဲ, (ယၤ, ယနီၢ်ကစၢ်ဒၣ်ယဲ, တမ့ၢ်ကစၢ်ဘၣ်.) ပှၤခရံာ်ဖိပိာ်ခွါတဂၤမ့ၢ်အိၣ်ဒီးအမါလၢ အတမ့ၢ်ပှၤစူၢ်က့ၤနာ်က့ၤခရံာ်ဘၣ်, ဒီးအဝဲဒၣ်အၢၣ်လီၤလၢအကအိၣ်ဒံးဒီးအဝၤန့ၣ်, အဝဲတဘၣ်ပာ်မၢ်ကွံာ်ပိာ်မုၣ်အံၤဘၣ်.

1 ကရံၣ်သူး 7:15

ဘၣ်ဆၣ်ဒီး, ပှၤလၢအမ့ၢ်ပှၤတစူၢ်က့ၤနာ်က့ၤတၢ်တဂၤ, မ့ၢ်သးအိၣ်ပာ်တီၢ်ကွံာ်အသကိးပှၤခရံာ်ဖိန့ၣ်, ပျဲအီၤတက့ၢ်. မ့မ့ၢ်ဒ်န့ၣ်ဒီးတံၤသကိးလၢအမ့ၢ်ပှၤခရံာ်ဖိတဂၤန့ၣ်, ဝၤမ့ၢ်ဂ့ၤ, မါမ့ၢ်ဂ့ၤ, အိၣ်ဒီးတၢ်သဘျ့လၢအကမၤဖဲဒၣ်အသးလီၤ. ကစၢ်ယွၤကိးတ့ၢ်သုဒ်သိးသုကအိၣ်လၢတၢ်ဃူတၢ်ဖိး အပူၤလီၤ.

1 ကရံၣ်သူး 8:11

ဒီးလၢတၢ်န့ၣ်အဃိပှၤဂံၢ်စၢ်ဘါစၢ်တဂၤအံၤ, နဒီပုၢ်ဝဲၢ်လၢခရံာ် သံလၢအဂီၢ်န့ၣ်, ကလီၤမၢ်ကွံာ်ဝဲ, မ့ၢ်လၢန, “တၢ်သ့ၣ်ညါနၢ်ပၢၢ်” အဃိန့ၣ်လီၤ.

ကလၤတံ 2:12

တချုးလၢပှၤဘၣ်ထွဲဒီးစီၤယၤကိာ်တနီၤဟဲတုၤဒံးဘၣ်န့ၣ်, စီၤပ့းတရူးအီၣ်အီတ့ၢ်တၢ်တပူၤဃီဒီးအဒီပုၢ်ဝဲၢ်ပှၤ ကလုာ်ဂၤတဖၣ်လီၤ. မ့မ့ၢ်ဖဲပှၤသ့ၣ်တဖၣ်အံၤဟဲတုၤဝံၤ အလီၢ်ခံန့ၣ်, အဝဲဒၣ်ထုးဖးကွံာ်အသးဒီးတအီၣ်တၢ်ဒီးပှၤကလုာ်ဂၤတဖၣ် လၢၤဘၣ်. အဂ့ၢ်မ့ၢ်လၢ အဝဲဒၣ်ပျံၤပှၤသ့ၣ်တဖၣ်လၢ အအဲၣ်ဒိးပှၤကလုာ်ဂၤတဖၣ်ဒိးတၢ်ကူးတရံးအဃိ န့ၣ်လီၤ.

အ့းဖ့းစူး 5:18

တဘၣ်အီမူၤသုသးလၢစပံးထံတဂ့ၤ. တၢ်န့ၣ်မ့ၢ်ဒၣ်တၢ်လၢအကမၤဟးဂီၤသုလီၤ. မ့မ့ၢ်အိၣ်လၢပှဲၤဒီးယွၤအသးန့ၣ်တက့ၢ်.

အ့းဖ့းစူး 5:5

သးမံသးကျၢၤလၢတၢ်ဂ့ၢ်အံၤတက့ၢ်. တၢ်လၢပှၤမၤကမၣ်မုၣ် ကမၣ်ခွါ, ပှၤအဲၣ်တၢ်ကလုာ်ကလိၤ, ဒီးပှၤသူၣ်လီသးကွံတၢ်စုလီၢ်ခီၣ်ခိၣ် (အဂ့ၢ်ဒ်အံၤတၢ်သူၣ်လီသးကွံမ့ၢ်တၢ်ဘါတၢ်ဂီၤတၢ်ဖီၣ်တကလုာ်လီၤ.) တဖၣ်န့ၣ်, တန့ၢ်သါဘၣ်ခရံာ်ဒီးယွၤအဘီအမုၢ်နီတဂၤဘၣ်.

ကလီးစဲ 3:5

မ့မ့ၢ်ဒ်န့ၣ်ဒီး, တၢ်မိၣ်န့ၢ်သးလီလၢဟီၣ်ခိၣ်ချၢလၢအမၤတၢ် လၢသုပူၤဒ်တၢ်မၤကမၣ်မုၣ်ကမၣ်ခွါ, တၢ်ကလုာ်ကလိၤလၢအဟ့ၣ်လီၤအသးဆူတၢ် တကဆှီဘၣ်, တၢ်သူၣ်ကတၢသးကတၢ, တၢ်မိၣ်န့ၢ်သးလီအအၢအသီဒီးတၢ်သူၣ်လီ သးကွံတၢ်စုလီၢ်ခီၣ်ခိၣ်လၢအမ့ၢ်တၢ်တမံၤဃီဒီးတၢ်ဘါ တၢ်ဂီၤတၢ်ဖီၣ်တဖၣ်န့ၣ်, မၤသံကွံာ်ခဲလၢာ်တက့ၢ်.

၂ သ့းစၤလနံ 3:14

ပှၤမ့ၢ်အိၣ်ဝဲတဂၤဂၤလၢအဂ့ၢ်လိာ်လၢအကပိာ်ထွဲတၢ်သိၣ် လီၤသီလီၤလၢပဆှၢလီၤလၢတၢ်ပရၢတဘ့ၣ်အံၤအပူၤန့ၣ်, ပာ်သူၣ်ပာ်သးဒီးမၤဘၣ်ထွဲသုသးလၢအီၤနီတမံၤတဂ့ၤ. သုကဘၣ်မၤဒ်အံၤ, မ့ၢ်ဒ်သိးအဝဲကမဲာ်ဆှးလီၤက့ၤအသး အဂီၢ်န့ၣ်လီၤ.

၂ သ့းစၤလနံ 3:6

ပဒီပုၢ်ဝဲၢ်သ့ၣ်ဧၢ, ပမၤလိာ်သုလၢပကစၢ်ယ့ၣ်ၡူးခရံာ်အမံၤ အပူၤ, ဒ်သိးသုကဟးဆှဲးဒီပုၢ်ဝဲၢ်လၢအအိၣ်ကၢၣ်အိၣ်ကျူဒီး တမၤဘၣ်ဒ်ပတၢ်သိၣ်လိနဲၣ်ယုၤသုအသိးဘၣ်တဖၣ်န့ၣ်လီၤ.

၁ တံၤမသ့း 3:3

အဝဲတဘၣ်မ့ၢ်ပှၤအီမူၤသံး, မ့တမ့ၢ်ပှၤလၢအမၤတၢ်လၢတၢ်စုဆူၣ်ခီၣ်တကးအပူၤတဂၤ န့ၣ်ဘၣ်. မ့မ့ၢ်, အဝဲကဘၣ်မ့ၢ်ပှၤလၢအပာ်အသးခုၣ်ခုၣ် မုာ်မုာ်, ဒီးအဲၣ်တၢ်ဃူတၢ်ဖိးတဂၤန့ၣ်လီၤ. အဝဲတဘၣ်အဲၣ်ကျိၣ်အဲၣ်စ့န့ၣ်ဘၣ်.

၁ တံၤမသ့း 6:5

ဒီးတၢ်ဂ့ၢ်လိာ်ဘှီလိာ်တထံၣ်ဃီလၢပှၤလၢအတဆိကမိၣ်ဆိ ကမးတၢ်ဒီးလၢအတအိၣ်လၢၤဒီးတၢ်မ့ၢ်တၢ်တီတဖၣ်အသိး အကျါန့ၣ်လီၤ. အဝဲသ့ၣ်ဆိကမိၣ်ဝဲလၢတၢ်ဘူၣ်တၢ်ဘါမ့ၢ်ကျဲ တဘိလၢပှၤကထူးထီၣ်တီၤထီၣ်အဂီၢ်န့ၣ်လီၤ.

၂ ယိၤဟၣ် 1:10

လၢတၢ်န့ၣ်အဃိ, ပှၤတဂၤဂၤမ့ၢ်ဟဲဆူသုအိၣ်ဒီး တဟဲစိာ်ဘၣ်တၢ်သိၣ်လိသီလိအံၤန့ၣ်, တဘၣ်တူၢ်လိာ် အီၤလၢသုဟံၣ်ပူၤတဂ့ၤ. တဘၣ်စံးဒၣ်လဲာ် “မ်တၢ်ဃူတၢ်ဖိးအိၣ်ဒီးနၤ” တဂ့ၤ.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.

လံာ်လီၣ်ဖျါ 21:8

မ့မ့ၢ်ပှၤလၢအသးသုၣ်, ပှၤသးတတီတဖၣ်, ပှၤတဖၣ်လၢအသးဘၣ်တၢ်ဘိးဃၣ်ကွံာ်အီၤဆူတၢ် အၢတၢ်သီ, ပှၤမၤသံတၢ်ဖိတဖၣ်, ပှၤမၤကမၣ်မုၣ်ကမၣ်ခွါ တဖၣ်, ပှၤသ့ၣ်တဖၣ်လၢအဟိၣ်တၢ်ယီတၢ်, ပှၤသ့ၣ်တဖၣ်လၢအဘါတၢ်ဂီၤတၢ်ဖီၣ်, ဒီးပှၤလီတၢ်ဖိကိးဂၤ ဒဲးတၢ်လီၢ်တၢ်ကျဲလၢအဝဲသ့ၣ်အဂီၢ်မ့ၢ်ဝဲနိၣ်မ့ၣ် အူအီၣ်ဃုာ်တၢ်ဒီးကး, လၢအမ့ၢ်ဝဲတၢ်သံခံစုတစုန့ၣ်လီၤ.”

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.