1 ကရံၣ်သူး 4:5 - Sgaw Karen Common Bible

⁵ လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

1 ကရံၣ်သူး 4:5 Iomraidhean Croise

လံာ်စီၤယိၤဘး 12:22

အဝဲဆှၢလီၤတၢ်ကပီၤဆူတၢ်လီၢ်တဖၣ်အခံးဝဲဒ်တၢ်သံအသိး အအိၣ်န့ၣ်လီၤ.

တၢ်ကတိၤဒိ. 12:8

နမ့မ့ၢ်ပှၤအိၣ်ဒီးတၢ်ကူၣ်တၢ်ဆးတဂၤဒီး, နကဘၣ်တၢ်စံးထီၣ် ပတြၢၤနၤလီၤ. နတၢ်သူၣ်ထံသးဆးမ့ၢ်တအိၣ်ဘၣ်ဒီး, ပှၤကကွၢ်တလီၤနၤလီၤ.

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ပှၤစံၣ်တဲၤတဲလီၤတၢ် 12:14

ကစၢ်ယွၤကစံၣ်ညီၣ်တၢ်ခဲလၢာ်လၢပမၤအီၤ, ဂ့ၤမ့ၢ်ဂ့ၤ, အၢမ့ၢ်ဂ့ၤ, တုၤဒၣ်လဲာ်လၢတၢ်တဖၣ်လၢပမၤအီၤလၢတၢ်ခူသူၣ်အပူၤန့ၣ်လီၤ.

လံာ်ယံးရမံယၤ 16:17

ယထံၣ်တၢ်ခဲလၢာ်လၢအဝဲသ့ၣ်မၤဝဲလီၤ. တၢ်တအိၣ်သဒၢလၢယမဲာ်ညါနီတမံၤဘၣ်. အဝဲသ့ၣ်အတၢ်ဒဲးဘးတဖၣ်အိၣ်သဒၢ လၢယမဲာ်အတၢ်ထံၣ်တန့ၢ်ဘၣ်.

လံာ်ယံးရမံယၤ 23:25

တၢ်လၢဝံတဖၣ်လၢအကတိၤလီတၢ်လၢယမံၤအပူၤစံးတ့ၢ်ဝဲန့ၣ်, ယသ့ၣ်ညါယဲလီၤ. အဝဲသ့ၣ်စံးဝဲလၢယဟ့ၣ်အီၤယတၢ်ကစီၣ် တဖၣ်လၢအတၢ်မံမီၢ်အပူၤန့ၣ်လီၤ.

လံာ်ဟိၤၡ့ 8:13

အဝဲသ့ၣ်လုၢ်ထီၣ်တၢ်လုၢ်တၢ်ပာ်တဖၣ်ဆူယၤဒီးအီၣ်တၢ်လုၢ်တၢ်ပာ် တဖၣ်အတၢ်ညၣ်န့ၣ်လီၤ. ဘၣ်ဆၣ်ယၤ, ယွၤတဘၣ်သူၣ်ဘၣ်သးလၢအဝဲသ့ၣ်ဘၣ်, ဒီးခဲကနံၣ်အံၤယကသ့ၣ်နီၣ်ထီၣ်အဝဲသ့ၣ်အတၢ်ဒဲးဘး တဖၣ်ဒီးစံၣ်ညီၣ်အဝဲသ့ၣ်လၢတၢ်န့ၣ်အဃိလီၤ. ယကဆှၢကဒါက့ၤအဝဲသ့ၣ်ဆူကီၢ်အဲၤကူပတူးန့ၣ်လီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

လံာ်မးသဲ 10:26

လၢတၢ်န့ၣ်အဃိတဘၣ်ပျံၤပှၤတဖၣ်န့ၣ်တဂ့ၤ. အဂ့ၢ်ဒ်အံၤတၢ်လၢအဘၣ် တၢ်ကးဘၢအီၤလၢအတဘၣ်တၢ်မၤဖျါထီၣ်အီၤန့ၣ်, တအိၣ်ဘၣ်နီတမံၤဘၣ်. ဒီးတၢ်လၢအအိၣ်သဒၢတဖၣ်န့ၣ်, ကဘၣ်တၢ်လီၣ်ဖျါထီၣ်အီၤခဲလၢာ်လီၤ.

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မးသဲ 24:46

တၢ်အခ့အပှၤလၢအကစၢ်ဟဲက့ၤဒီးထံၣ်ဘၣ်အမၤဝဲဒ် တၢ်မၢတ့ၢ်အီၤအသိးတဂၤန့ၣ်, ဘၣ်ဆိၣ်ဂ့ၤနီၢ်နီၢ်လီၤ.

လံာ်မးသဲ 25:21

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်မးသဲ 25:23

အကစၢ်စံးဘၣ်အီၤ, ‘နမၤတၢ်ဂ့ၤမးလီၤ. တၢ်အခ့အပှၤလၢအဂ့ၤဒီးအကလုၢ်တီတဂၤဧၢ, နကလုၢ်တီလၢတၢ်ပၢၤဘၣ်တၢ်အဆံးအစှၤအပူၤအဃိ ယကပာ်နၤလၢတၢ်ပၢၤဘၣ်တၢ်အဒိၣ်အအါအလီၢ်လီၤ. ဟဲနုာ်ဒီးသးခုဃုာ်ဒီးယၤတက့ၢ်.’

လံာ်လူၤကၣ် 6:37

“စံၣ်ညီၣ်ပှၤဂၤတဂ့ၤ, ဒီးကစၢ်ယွၤတစံၣ်ညီၣ်သုဘၣ်. စံၣ်ညီၣ်ဃၣ်ပှၤဂၤတဂ့ၤ, ဒီးကစၢ်ယွၤတစံၣ်ညီၣ်ဃၣ်သုဘၣ်. ပျၢ်ကွံာ်ပှၤဂၤအတၢ်ကမၣ်တက့ၢ်, ဒီးကစၢ်ယွၤကပျၢ်ကွံာ်သုတၢ်ကမၣ်လီၤ.

လံာ်ယိၤဟၣ် 21:22

ယ့ၣ်ၡူးစံးဆၢအီၤ, “ယသးမ့ၢ်အိၣ်လၢအဝဲကအိၣ်မူတုၤ လီၤလၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤ မနုၤလဲၣ်. ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်ယိၤဟၣ် 21:23

အန့ၣ်သတးဒီး, တၢ်ကစီၣ်ဟူထီၣ်သါလီၤလၢယ့ၣ်ၡူးအပျဲၢ် တဖၣ်အကျါလၢအပျဲၢ်အဘီၣ်တဂၤအံၤတဘၣ်သံဝဲဘၣ်လီၤ. ဘၣ်ဆၣ်, ယ့ၣ်ၡူးတစံးလၢအဝဲတဘၣ်သံဝဲန့ၣ်ဘၣ်. မ့မ့ၢ် ယ့ၣ်ၡူးစံးဝဲ, “ယမ့ၢ်သးအိၣ်လၢအဝဲကအိၣ်မူတုၤလီၤ လၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤမနုၤလဲၣ်.” တခီန့ၣ်လီၤ.

လံာ်ယိၤဟၣ် 5:44

သုသးအိၣ်ဒိးန့ၢ်တၢ်စံးပတြၢၤလိာ်သးကဒဲကဒဲန့ၣ်လီၤ. မ့မ့ၢ် သုတဂုာ်ကျဲးစၢးမၤန့ၢ်တၢ်စံးပတြၢၤထဲလၢကစၢ်ယွၤတဂၤဧိၤ အအိၣ်အဃိ, သုနာ်ယၤကသ့ဒ်လဲၣ်.

ရိမ့ၤ 14:4

နမ့ၢ်မတၤတဂၤလၢအကစံၣ်ညီၣ်ပှၤအဂၤတဂၤအခ့အပှၤန့ၣ်လဲၣ်. အတၢ်မၤကဲထီၣ်မ့ၢ်ဂ့ၤ, တကဲထီၣ်မ့ၢ်ဂ့ၤန့ၣ် အကစၢ်လၢအမ့ၢ်ယွၤကစံၣ်ညီၣ်ဒၣ်ဝဲလီၤ. ဒီးအတၢ်မၤကကဲထီၣ်လိၣ်ထီၣ်ဝဲ, မ့ၢ်လၢယွၤဒုးကဲထီၣ်လိၣ်ထီၣ်အီၤသ့ဝဲဒၣ်အဃိန့ၣ်လီၤ.

ရိမ့ၤ 2:1

နမ့ၢ်မတၤဂ့ၤမတၤဂ့ၤ, နမ့ၢ်စံၣ်ညီၣ်ပှၤဂၤတဖၣ်ဒီးမၤတၢ်လၢ အဝဲသ့ၣ်မၤဝဲန့ၣ်, နကတိၤပူၤဖျဲးနသးအလီၢ်တအိၣ်ဘၣ်. မ့ၢ်နစံၣ်ညီၣ်လီၤက့ၤနသးဒၣ်နဲန့ၣ်လီၤ.

ရိမ့ၤ 2:16

လၢတၢ်န့ၣ်အဃိ, ဒ်တၢ်သးခုကစီၣ်လၢယစံၣ်တဲၤတဲလီၤ ဟဲဝဲအသိး, လၢမုၢ်နံၤတနံၤန့ၣ်ကစၢ်ယွၤ, ကစံၣ်ညီၣ်ပှၤကညီအတၢ်ဆိကမိၣ်ခူသူၣ်ခဲလၢာ်ခီဖျိယ့ၣ်ၡူး ခရံာ်, န့ၣ်လီၤ.

ရိမ့ၤ 2:29

မ့မ့ၢ်, ပှၤယူဒၤဖိနီၢ်နီၢ်မ့ၢ်ပှၤတဂၤလၢအမ့ၢ်ပှၤယူဒၤဖိလၢသူၣ်ကံၢ်သးလဲ, အခီပညီ, မ့ၢ်ပှၤတဂၤလၢအဒိးတၢ်ကူးတရံးအီၤလၢသူၣ်လၢသးဒီးအအံၤ မ့ၢ်ကစၢ်ယွၤအသးစီဆှံအတၢ်မၤဒီး, တမ့ၢ်ဘၣ်တၢ်သိၣ်တၢ်သီလၢအဘၣ်တၢ်ကွဲးအီၤအတၢ်မၤန့ၣ်ဘၣ်. ပှၤဒ်သိးအံၤတဂၤဒိးန့ၢ်ဘၣ်တၢ်စံးထီၣ်ပတြၢၤအီၤလၢကစၢ်ယွၤ ဒီးတမ့ၢ်လၢပှၤကညီန့ၣ်ဘၣ်.

ရိမ့ၤ 2:7

ပှၤတနီၤမၤတၢ်ဂ့ၤတၢ်ဝါတထံၣ်ဃီ, ဒီးဃုတၢ်လၤတၢ်ကပီၤ, တၢ်ယူးယီၣ်, ဒီးသးလၢအသံတသ့ဘၣ်လီၤ. ကစၢ်ယွၤကဟ့ၣ်တၢ်မူအထူအယိာ်လၢပှၤဒ်န့ၣ်သိးတဖၣ်လီၤ.

1 ကရံၣ်သူး 1:7

ဖဲသုအိၣ်ခိးတၢ်ကလီၣ်ဖျါထီၣ်ပကစၢ်ယ့ၣ်ၡူးခရံာ်အဖၢမုၢ် န့ၣ်တၢ်ဆိၣ်ဂ့ၤဆိၣ်ဝါထဲတမံၤဒၣ်လဲာ်, သုတလီၤတိၢ်လၢသုကဒိး န့ၢ်အီၤန့ၣ်ဘၣ်.

1 ကရံၣ်သူး 11:16

ဘၣ်ဆၣ်ဒီးပှၤတဂၤဂၤမ့ၢ်အဲၣ်ဒိးဂ့ၢ်လိာ်ဘှီလိာ်လၢအဂ့ၢ်န့ၣ်, ယစံးယဲသ့ဒၣ်လၢပဝဲဒၣ်မ့ၢ်ဂ့ၤ, ယွၤအတၢ်အိၣ်ဖှိၣ်တဖၣ် မ့ၢ်ဂ့ၤတအိၣ်ဒီးလုၢ်လၢ်အဂၤလၢတၢ်ဘူၣ်တၢ်ဘါအပူၤနီ တမံၤဘၣ်လီၤ.

1 ကရံၣ်သူး 11:26

အဝဲအံၤန့ၣ်အခီပညီမ့ၢ်ဝဲ, တဘျီလၢ်လၢ်ဖဲသုအီၣ်ကိၣ် အဝဲအံၤ, ဒီးအီတၢ်လၢလီခီအဝဲအံၤအပူၤန့ၣ်, မ့ၢ်သုဘိးဘၣ်သ့ၣ်ညါ ကစၢ်အတၢ်သံအဂ့ၢ်, တုၤလီၤလၢအဝဲဒၣ်ဟဲတစုလီၤ.

1 ကရံၣ်သူး 15:23

ဘၣ်ဆၣ်ဒီးပှၤတဂၤဘၣ်တဂၤကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤလၢအဂ့ၢ်အဝီဘၣ်ဘျီးဘၣ်ဒါန့ၣ်လီၤ. အဆိကတၢၢ်န့ၣ်, ခရံာ်, အန့ၣ်ဝံၤအလီၢ်ခံ, ဖဲအဝဲဒၣ်ဟဲ အဆၢကတီၢ်န့ၣ်, ပှၤတဖၣ်လၢအဘၣ်ထွဲဒီးအီၤန့ၣ်လီၤ.

1 ကရံၣ်သူး 3:13

ဒီးပှၤတဂၤဘၣ်တဂၤအတၢ်ဖံးတၢ်မၤဂ့ၤဆံးအါဆံးအါန့ၣ်, ပှၤကထံၣ်ဘၣ်ဝဲဖဲမုၢ်တနံၤလၢခရံာ်လီၣ်ဖျါထီၣ်အီၤန့ၣ်လီၤ. အဂ့ၢ်ဒ်အံၤ, ဖဲနံၤအဝဲန့ၣ်, မ့ၣ်အူကလီၣ်ဖျါထီၣ်ပှၤကိးဂၤဒဲးအတၢ်ဖံးတၢ်မၤလီၤ. မ့ၣ်အူကမၤကွၢ်အီၤဒီးပာ်ဖျါထီၣ်အဂ့ၤဝဲနီၢ်နီၢ်ဆံးအါလဲၣ်န့ၣ်လီၤ.

1 ကရံၣ်သူး 3:14

တၢ်လၢအဘၣ်တၢ်သူၣ်ထီၣ်အီၤလၢတၢ်အခီၣ်ထံးအလိၤ မ့ၢ်တဘၣ်တၢ်မၤဟးဂီၤကွံာ်အီၤလၢမ့ၣ်အူဘၣ်ဒီးပှၤသူၣ်ထီၣ် တၢ်ဖိကဒိးန့ၢ်ဘၣ်ခိၣ်ဖးလီၤ.

1 ကရံၣ်သူး 3:8

ပှၤလၢအဖှံတၢ်ချံ, ဒီးပှၤလၢအလူထံ, ပှၤခံဂၤန့ၣ်အဘၢၣ်စၢၤ, တၢ်လီၤဆီတအိၣ်ဘၣ်. ကစၢ်ယွၤကဟ့ၣ်ဘူးဟ့ၣ်လဲအဝဲသ့ၣ် တဂၤဒီးတဂၤဒ်အကြၢးဒီးတၢ်ဖံးတၢ်မၤလၢအမၤဝဲန့ၣ်လီၤ.

၂ ကရံၣ်သူး 10:18

အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

၂ ကရံၣ်သူး 10:9

ယတအဲၣ်ဒိးအကအိၣ်ဖျါလၢယဂုာ်ကျဲးစၢးမၤပျံၤမၤဖုးသုလၢ ယလံာ်ပရၢတဖၣ်န့ၣ်ဘၣ်.

၂ ကရံၣ်သူး 4:2

ပညိကွံာ်တၢ်ဖံးတၢ်မၤခူသူၣ်ဒီးတၢ်ဖံးတၢ်မၤလၢအလီၤမဲာ် ဆှးတဖၣ်ခဲလၢာ်ခဲဆ့လီၤ. ပတမၤတၢ်လၢတၢ်ကဘျံးကဘျၣ် အပူၤဘၣ်. ပတဒုးနၢ်ပၢၢ်ကမၣ်ပှၤလၢကစၢ်ယွၤအကလုၢ် ကထါအဂ့ၢ်အကျိၤစ့ၢ်ကီးဘၣ်. လၢတၢ်မ့ၢ်တၢ်တီအတၢ်ကပီၤလၢလၢပှဲၤပှဲၤအပူၤန့ၣ်, ပအိၣ်မူလၢကစၢ်ယွၤအမဲာ်ညါ, ဒီးဂုာ်ကျဲးစၢးပာ်ဖျါပနီၢ်ကစၢ် ဒၣ်ဝဲအတၢ်အုၣ်အသးလၢအဂ့ၤဆူပှၤဂၤအသးလၢအသ့ၣ်ညါ ဒၣ်တၢ်အဂ့ၤအဝါအမဲာ်ညါန့ၣ်လီၤ.

၂ ကရံၣ်သူး 5:10

အဂ့ၢ်ဒ်အံၤ, ပဝဲကိးဂၤဒဲးပကဘၣ်အိၣ်ဖျါထီၣ်လၢခရံာ် အမဲာ်ညါ, ဒ်သိးပကဒိးတၢ်စံၣ်ညီၣ်လၢအီၤအဂီၢ်န့ၣ် လီၤ. ပှၤတဂၤဘၣ်တဂၤကဒိးန့ၢ်တၢ်လၢအကြၢးဒီး အီၤ, ဒ်အကြၢးအဘၣ်ဒီးတၢ်လၢအဝဲဒၣ်မၤတ့ၢ်ဝဲ ခဲလၢာ်, ဂ့ၤမ့ၢ်ဂ့ၤ, အၢမ့ၢ်ဂ့ၤ, လၢအဝဲဒၣ်အနီၢ်ခိအတၢ်အိၣ်မူ အပူၤန့ၣ်လီၤ.

၁ သ့းစၤလနံ 5:2

အဂ့ၢ်ဒ်အံၤ, ကစၢ်အမုၢ်တနံၤကဟဲဝဲဒၣ်သတူၢ်ကလာ်ဒ် တၢ်ဘျၣ်ဟဲဝဲလၢမုၢ်နၤခီအသိးန့ၣ်, သုနီၢ်ကစၢ်ဒၣ်သုဝဲ သုသ့ၣ်ညါဂ့ၤဂ့ၤလီၤ.

ဧ့ၤဘြံၤ 4:13

တၢ်ဘၣ်တ့အိၣ်ခူသူၣ်လၢကစၢ်ယွၤအမဲာ်ညါတသ့နီတမံၤ ဘၣ်. အိၣ်ဘ့ၣ်ဆ့လၢကစၢ်ယွၤလၢပကဘၣ်ဟ့ၣ်ထီၣ် က့ၤတၢ်စံးဆၢလၢပတၢ်ဖံးတၢ်မၤအဂီၢ်တဂၤအမဲာ်ညါခဲလၢာ်လီၤ.

ယၤကိာ် 4:11

ယဒီပုၢ်ဝဲၢ်သ့ၣ်ဧၢ, တဘၣ်ကတိၤအၢကတိၤသီလိာ်သုသး တဂၤဒီးတဂၤတဂ့ၤ. ပှၤတဂၤဂ့ၤတဂၤဂ့ၤလၢအကတိၤအၢ ကတိၤသီ, မ့တမ့ၢ်စံၣ်ညီၣ်အဒီပုၢ်ဝဲၢ်ပှၤခရံာ်ဖိန့ၣ်, မ့ၢ်အကတိၤအၢ ကတိၤသီဒီးစံၣ်ညီၣ်တၢ်သိၣ်တၢ်သီန့ၣ်လီၤ. သုမ့ၢ်စံၣ်ညီၣ် တၢ်သိၣ်တၢ်သီဒီး, သုတမ့ၢ်လၢၤပှၤလၢ အစူၢ်တၢ်သိၣ်တၢ်သီဘၣ်, မ့မ့ၢ်သုမ့ၢ်ပှၤလၢအစံၣ်ညီၣ် အီၤန့ၣ်လီၤ.

ယၤကိာ် 5:7

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, အိၣ်ဒီးတၢ်သးစူၤတုၤကစၢ်ဟဲတစုန့ၣ်တက့ၢ်. ကွၢ်ပှၤထူစံာ်ဖိတဂၤအိၣ်ခိးစူၤသးဝဲအဟီၣ်ခိၣ်ကဟ့ၣ်ထီၣ် တၤသၣ်လုၢ်ဒိၣ်ပှ့ၤဒိၣ်တဖၣ်လၢကျဲဒ်လဲၣ်န့ၣ်တက့ၢ်. အဝဲအိၣ်ခိးဝဲလၢတၢ်ဝံသးစူၤဖးဒိၣ်အပူၤ, ဖဲတၢ်စူၤလီၤသီဒီးတၢ်စူၤလၢခံအကတီၢ်တဖၣ်န့ၣ်လီၤ.

ယၤကိာ် 5:9

ယဒီပုၢ်ဝဲၢ်သ့ၣ်ဧၢ, ဒ်သိးခဲအံၤဒိကနၣ်ယၤတက့ၢ်. ယွၤသုတစံၣ်ညီၣ်သုတဂ့ၤဒီးတဘၣ်ကဒူးကဒ့ၣ်လိာ် သုသးတဂၤဒီးတဂၤတဂ့ၤ. ပှၤစံၣ်ညီၣ်ကွီၢ်အိၣ်ဘူးတ့ၢ်မး, လၢအကအိၣ်ဖျါထီၣ်ဝဲဒၣ်လံ.

၁ ပ့းတရူး 1:7

အဝဲသ့ၣ်အတၢ်တိာ်မ့ၢ်ဒ်သိးကပာ်ဖျါတၢ်အုၣ်အသးလၢ သုတၢ်စူၢ်တၢ်နာ်မ့ၢ်တၢ်နီၢ်နီၢ်အဂီၢ်န့ၣ်လီၤ. ထူလၢတၢ်မၤဟးဂီၤအီၤသ့ဒၣ်လဲာ်န့ၣ်, ဘၣ်တၢ်မၤကွၢ် အီၤလၢမ့ၣ်အူလီၤ. လၢတၢ်န့ၣ်အဃိ, သုတၢ်စူၢ်တၢ်နာ်လၢအလုၢ်ဒိၣ်ပှ့ၤဒိၣ်, ဒိၣ်န့ၢ်ဒံးထူန့ၣ်, ကဘၣ်တၢ်မၤကွၢ်စ့ၢ်ကီးအီၤဒ်သိးကအိၣ်ဂၢၢ်ကျၢၤဝဲ အဂီၢ်လီၤ. အန့ၣ်ဒီးသုကဒိးန့ၢ်တၢ်စံးထီၣ်ပတြၢၤ, တၢ်ယူးယီၣ်, ဒီးတၢ်လၤကပီၤလၢမုၢ်နံၤဖဲယ့ၣ်ၡူးခရံာ် ဘၣ်တၢ်လီၣ်ဖျါထီၣ်အီၤန့ၣ်လီၤ.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

၂ ပ့းတရူး 3:12

ဖဲသုအိၣ်ခိးကစၢ်ယွၤအမုၢ်နံၤအဖၢမုၢ်, ဒီးမၤတၢ်အဂ့ၤကတၢၢ်ဒ်သိးမုၢ်နံၤအံၤကတုၤချ့ချ့အဂီၢ်, မုၢ်တနံၤဖဲမူခိၣ်ကကဲၤထီၣ်ဒီးဟးဂီၤကွံာ်, ဒီးတၢ်အမိၢ်ပှၢ်လၢမူခိၣ်တဖၣ်ကပှံၢ်လီၤကွံာ်ဝဲလၢတၢ်ကိၢ် အဃိလီၤ.

၂ ပ့းတရူး 3:4

ဒီးကသံကွၢ်သု, “အဝဲအၢၣ်လီၤလၢကဟဲဝဲတမ့ၢ်ဘၣ်ဧါ. အဝဲအိၣ်ဖဲလဲၣ်. ပပၢ်တဖၣ်သံတ့ၢ်လံ, ဘၣ်ဆၣ်တၢ်ခဲလၢာ်မ့ၢ်ဒံးဒၣ်ဒ်တၢ်တ့လီၤဟီၣ်ခိၣ်လၢ အခီၣ်ထံးလံၤလံၤအသိးန့ၣ်လီၤ.”

ယူဒၤ 1:14

စီၤဃနိာ်လၢအဟဲလီၤစၢၤလိၤလိၤလၢစီၤအၤဒၣ်နွံစိၤတစိၤ တဂၤကတိၤဆိပာ်တၢ်အံၤလၢအဝဲသ့ၣ်အဂ့ၢ်ယံာ်တ့ၢ်လံ ဒီးစံးဝဲ, “ကစၢ်ကဟဲဒီးအကလူးစီဆှံလၢအကထိတဖၣ် အကထိ,

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 20:12

ဒီးယထံၣ်ဘၣ်ပှၤသံတဖၣ်, အဒိၣ်ဒီးအဆံးစ့ၢ်ကီး, အိၣ်ဆၢထၢၣ်လၢလီၢ်ပစိာ်အမဲာ်ညါန့ၣ်လီၤ. လံာ်တဖၣ် ဘၣ်တၢ်အိးထီၣ်အီၤ, ဒီးအန့ၣ်ဝံၤအလီၢ်ခံလံာ်အဂၤ တဘ့ၣ်ဘၣ်တၢ်အိးထီၣ်အီၤ, လၢအမ့ၢ်လံာ်မူတဘ့ၣ်န့ၣ်လီၤ. ပှၤသံတဖၣ်ဘၣ်တၢ်စံၣ်ညီၣ်အီၤဒ်တၢ်လၢအဝဲသ့ၣ် မၤတ့ၢ်ဝဲ, ဒ်အဘၣ်တၢ်ကွဲးနီၣ်တ့ၢ်အီၤလၢလံာ်တဖၣ် အပူၤအသိးန့ၣ်လီၤ.