1 ကရံၣ်သူး 4:19 - Sgaw Karen Common Bible

¹⁹ ဘၣ်ဆၣ်ဒီး ကစၢ်ယွၤမ့ၢ်ဘၣ်အသးကစီဒီန့ၣ်, ယကဟဲဆူသုအိၣ်လၢ အဆိအချ့ဒီးဖဲဆၢကတီၢ်အဝဲန့ၣ်ယသ့ၣ်ညါဘၣ်လၢယနီၢ်ကစၢ် ဒၣ်ယဲ, ဘၣ်ဃးတၢ်စိတၢ်ကမီၤလၢအအိၣ်ဒီးပှၤပာ်ကဖၢလၢအသး တဖၣ်အံၤ, ဒီးတမ့ၢ်ထဲအဝဲသ့ၣ်အတၢ်စံးတၢ်ကတိၤတဖၣ်ဧိၤဘၣ်လီၤ.

1 ကရံၣ်သူး 4:19 Iomraidhean Croise

မၤတၢ် 18:21

ဘၣ်ဆၣ်ဒီးဖဲအဟးထီၣ်န့ၣ်စံးဘၣ်အဝဲသ့ၣ်, “ကစၢ်ယွၤမ့ၢ်ဘၣ်အသးဒီးယကဟဲက့ၤကဒါက့ၤဆူ သုအိၣ်လီၤ.” ဒီးအဝဲဒၣ်ဒိးထီၣ်ကဘီဒီးဟးထီၣ်ကွံာ် လၢဝ့ၢ်အ့းဖ့းစူးန့ၣ်လီၤ.

မၤတၢ် 19:21

တၢ်သ့ၣ်တဖၣ်အံၤမၤအသးဝံၤအလီၢ်ခံ, စီၤပီလူးပာ်လီၤအသးလၢအကလဲၤခီဂာ်ကီၢ်မၤက့းဒနံဒီးကီၢ် အဃါယၤဆူဝ့ၢ်ယရူၤၡလ့ၣ်န့ၣ်လီၤ. အဝဲစံးဝဲ, “ယလဲၤဖဲန့ၣ်ဝံၤ အလီၢ်ခံန့ၣ်, ယကဘၣ်လဲၤဆူဝ့ၢ်ရိမ့ၤစ့ၢ်ကီးလီၤ.”

မၤတၢ် 20:2

အဝဲဒၣ်လဲၤခီဂာ်တၢ်လီၢ်တၢ်ကျဲဖဲန့ၣ်တဖၣ်ဒီးကတိၤဟ့ၣ် ဂံၢ်ဟ့ၣ်ဘါပှၤလၢတၢ်ကစီၣ်အါထံၣ်အါဘီန့ၣ်လီၤ. အန့ၣ်ဝံၤအလီၢ်ခံအဝဲဒၣ်လဲၤဆူကီၢ်အဃါယၤလီၤ.

ရိမ့ၤ 15:32

အန့ၣ်ဝံၤ, မ့ၢ်ဘၣ်ကစၢ်ယွၤအသးဒီး, ယကလဲၤဆူသုအိၣ်ပှဲၤဒီးတၢ်သးခုဒီးန့ၢ်ဂံၢ်န့ၢ်ဘါက့ၤလၢ ယတၢ်အိၣ်သကိးသုအပူၤန့ၣ်လီၤ.

1 ကရံၣ်သူး 11:34

ဒီးပှၤတဂၤဂၤတၢ်မ့ၢ်သၣ်ဝံၤအသးန့ၣ်, ကြၢးအီၣ်တၢ်လၢဟံၣ်, ဒ်သိးသုတဘၣ်ကစၢ်ယွၤအတၢ်စံၣ်ညီၣ်ဖဲသုအိၣ်ဖှိၣ်သကိး အဆၢကတီၢ်တဂ့ၤအဂီၢ်လီၤ. မ့မ့ၢ်တၢ်ဂ့ၢ်တၢ်ကျိၤအဂၤတဖၣ်န့ၣ်, ယကကွၢ်သုးကျဲၤကတိၤပျီက့ၤယဲလၢအဂ့ၢ်ဖဲယဟဲအဆၢ ကတီၢ်လီၤ.

1 ကရံၣ်သူး 14:5

ယအဲၣ်ဒိးလၢသုဝဲကိးဂၤဒဲးသုကကတိၤတၢ်လၢ ပျ့ၤလီၤဆီတဖၣ်လီၤ. ဘၣ်ဆၣ်ဒီးယအဲၣ်ဒိးယဲဒိၣ်ဒၣ်တၢ်တက့ၢ်လၢသုကအိၣ်ဒီးတၢ်ဟ့ၣ် ဘၣ်ဃးတၢ်ကတိၤတၢ်လၢဝံအကျိာ်န့ၣ်လီၤ. အဂ့ၢ်ဒ်အံၤ, ပှၤတဂၤလၢအကတိၤတၢ်လၢပျ့ၤလီၤဆီတဖၣ်န့ၣ် မ့တမ့ၢ်ပှၤအိၣ်ဝဲတဂၤလၢအတဲဖျါထီၣ်အဝဲအတၢ်ကတိၤတဖၣ် အခီပညီသ့ဝဲဒ်သိးအကကဲထီၣ်တၢ်မၤစၢၤလၢတၢ်အိၣ်ဖှိၣ်ဒီဖု အဂီၢ်ဘၣ်ဒီး, ပှၤကတိၤတၢ်လၢဝံအကျိာ်တဂၤအလုၢ် အပှ့ၤဒိၣ်န့ၢ်အီၤတက့ၢ်လီၤ.

1 ကရံၣ်သူး 16:5

ယကဟဲယဲဆူသုအိၣ်ဖဲယလဲၤခီဂာ်ကီၢ်မၤက့းဒနံဝံၤအလီၢ်ခံလီၤ. အဂ့ၢ်ဒ်အံၤ, ယကဘၣ်လဲၤခီဂာ်ယဲကီၢ်မၤက့းဒနံလီၤ.

1 ကရံၣ်သူး 16:7

ယဆၢထံၣ်ဘၣ်အါထီၣ်သုတမ့ၢ်ထဲတစိၢ်ဖိလၢကျဲန့ၣ်ဘၣ်. ယဆၢအိၣ်ဘၣ်ယဲဒီးသုဖးယံာ်ဖိ, ဒ်ကစၢ်ဟ့ၣ်အခွဲးအသိးလီၤ.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.

1 ကရံၣ်သူး 4:18

သုဝဲတနီၤသုကဲထီၣ်တ့ၢ်ပှၤသးထီၣ်ထီ, အဂ့ၢ်မ့ၢ်လၢသုဆိကမိၣ် တ့ၢ်သုဝဲလၢယတဟဲအိၣ်သကိးသုဘၣ်အဃိလီၤ.

1 ကရံၣ်သူး 4:6

လၢသုတၢ်ဘျုးတၢ်ဖှိၣ်အဂီၢ်န့ၣ်, ယဒီပုၢ်ဝဲၢ်သ့ၣ်ဧၢ, ယဒုးဘၣ်ထွဲတၢ်သ့ၣ်တဖၣ်အံၤခဲလၢာ်လၢစီၤအပီးလိၤဒီးယၤလီၤ. ယသူပဝဲခံဂၤဒ်တၢ်အဒိအတဲာ်ဒ်သိးသုကဒိးန့ၢ်တၢ်မၤလိဘၣ်ဃး ဒီးတၢ်ကတိၤတထံၣ်အခီပညီန့ၣ်လီၤ. တၢ်ကတိၤတထံၣ်န့ၣ်မ့ၢ်ဝဲ, “အိၣ်မူပိာ်ထွဲတၢ်ဘျၢလၢအကြၢးအဘၣ်တက့ၢ်” န့ၣ်လီၤ. သုဝဲတဂၤမးသုတကြၢးပာ်ကဖၢလၢသုသးလၢပှၤတဂၤ အဃိဒီးကွၢ်တလီၤပှၤအဂၤတဂၤဘၣ်.

၂ ကရံၣ်သူး 1:23

ယကိးထီၣ်ကစၢ်ယွၤဒ်သိးအကကဲထီၣ်ယပှၤအုၣ်အသး မ့ၢ်လၢ, အဝဲဒၣ်သ့ၣ်ညါယသူၣ်ယသးအဃိလီၤ. ယပာ်လီၤတ့ၢ်ယသးလၢယတလဲၤဆူဝ့ၢ်ကရံၣ်သူးန့ၣ် မ့ၢ်ဒ်သိးယသုတမၤဘၣ်ဒိဘၣ်ထံသုတဂ့ၤအဂီၢ်လီၤ.

၂ ကရံၣ်သူး 10:9

ယတအဲၣ်ဒိးအကအိၣ်ဖျါလၢယဂုာ်ကျဲးစၢးမၤပျံၤမၤဖုးသုလၢ ယလံာ်ပရၢတဖၣ်န့ၣ်ဘၣ်.

ဧ့ၤဘြံၤ 6:3

ကစၢ်ယွၤမ့ၢ်ဟ့ၣ်ပှၤတၢ်အခွဲးအယာ်ဒီးမ်ပကလဲၤသကိးဆူညါ တက့ၢ်.

ယၤကိာ် 4:15

တၢ်လၢသုကြၢးစံးမ့ၢ်အအံၤ, “ကစၢ်မ့ၢ်ဘၣ်အသးဒီးပကအိၣ်မူ ဒီးမၤတၢ်ဒ်အံၤမ့တမ့ၢ်မၤတၢ်ဒ်နုၤန့ၣ်လီၤ.”