1 ကရံၣ်သူး 4:15 - Sgaw Karen Common Bible

¹⁵ အဂ့ၢ်ဒ်အံၤ, လၢသုတၢ်အိၣ်မူဒ်ခရံာ်ဖိအသိးအပူၤန့ၣ်, သုမ့ၢ်အိၣ်ဒီးပှၤသိၣ်သီပၢဆှၢသုအဂၤတကလးသနာ်က့သုပၢ် အိၣ်ဒၣ်ထဲတဂၤဧိၤလီၤ. အဂ့ၢ်ဒ်အံၤ, လၢသုတၢ်အိၣ်မူပာ်ဖှိၣ်ဃုာ်သုသးဒီးယ့ၣ်ၡူးခရံာ်အပူၤန့ၣ် ယကဲထီၣ်တ့ၢ်ယဲလၢသုပၢ်, ခီဖျိယဟဲစိာ်တၢ်သးခုကစီၣ်ဆူသုအိၣ် န့ၣ်လီၤ.

1 ကရံၣ်သူး 4:15 Iomraidhean Croise

လံာ်တၢ်ဂံၢ် 11:12

ယတတ့လီၤအဝဲသ့ၣ်မ့ၢ်ဂ့ၤ, ဒုးအိၣ်ဖျဲၣ်ထီၣ်အဝဲသ့ၣ်မ့ၢ်ဂ့ၤ ဘၣ်. ဘၣ်မနုၤလၢနမၢယမၤတၢ်ဒ်ပှၤဒုးအီၣ်နုၢ်ဖိဆံးဒီးစိာ်အဝဲ သ့ၣ်လၢယစုတီၤတဖၣ်အလိၤဒ်ဖိသၣ်ဆံးတဖၣ်အသိးလၢကျဲဒီဘိဆူ ကီၢ်တဘ့ၣ်လၢနအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်န့ၣ်လဲၣ်.

ရိမ့ၤ 15:20

ယတၢ်သးစၢၢ်ဆၢထဲတမံၤဧိၤမ့ၢ်ဒၣ်တၢ်စံၣ်တဲၤတဲလီၤတၢ်သးခုကစီၣ် ဖဲတၢ်လီၢ်တဖၣ်လၢပှၤတနၢ်ဟူဘၣ်ဒံးခရံာ်အမံၤ, ဒ်သိးယသုတသူၣ်ထီၣ်ဘှီထီၣ်ဘၣ်တၢ်လၢတၢ်အခီၣ်ထံးလၢ ပှၤဂၤပာ်လီၤတ့ၢ်လံဝဲအဖီခိၣ်တဂ့ၤအဂီၢ်န့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 15:1

ဒီးခဲကနံၣ်အံၤ, ယဒီပုၢ်ဝဲၢ်သ့ၣ်ဧၢ, ယသးအိၣ်ဒုးသ့ၣ်နီၣ်ထီၣ်သုဘၣ်ဃးတၢ်သးခုကစီၣ် လၢယစံၣ်တဲၤတဲလီၤဆူသုအိၣ်, လၢသုဒိးန့ၢ်သုဝဲဒီးလၢသုတၢ်စူၢ်တၢ်နာ်အိၣ်ဆၢထၢၣ်လၢ အလိၤဂၢၢ်ဂၢၢ်ကျၢၤကျၢၤန့ၣ်လီၤ.

1 ကရံၣ်သူး 3:10

ယသူတၢ်ဟ့ၣ်လၢကစၢ်ယွၤဟ့ၣ်ယၤဒီးမၤပှၤသူၣ်ထီၣ်တၢ်လၢ အသ့အဘၣ်တဂၤအတၢ်မၤဒီးပာ်လီၤတၢ်အခီၣ်ထံး, ဒီးပှၤအဂၤတဂၤသူၣ်ထီၣ်တၢ်လၢအလိၤလီၤ. ဘၣ်ဆၣ်ဒီးပှၤတဂၤဒီးတဂၤကသူၣ်ထီၣ်ဘှီထီၣ်တၢ်ဒ်လဲၣ်ဒ်လဲၣ် န့ၣ်ကဘၣ်ပလီၢ်ပဒီအသးလီၤ.

1 ကရံၣ်သူး 3:6

ယဲဒၣ်ယဖှံလီၤတၢ်ချံ, မ့မ့ၢ်စီၤအပီးလိၤလူတၢ်မုၢ်တၢ်ဘိလၢ အမဲထီၣ်န့ၣ်လၢထံ, ဘၣ်ဆၣ်ဒီး ပှၤလၢအဒုးဒိၣ်ထီၣ်တၢ်မုၢ်တၢ်ဘိန့ၣ် မ့ၢ်ကစၢ်ယွၤလီၤ.

1 ကရံၣ်သူး 3:8

ပှၤလၢအဖှံတၢ်ချံ, ဒီးပှၤလၢအလူထံ, ပှၤခံဂၤန့ၣ်အဘၢၣ်စၢၤ, တၢ်လီၤဆီတအိၣ်ဘၣ်. ကစၢ်ယွၤကဟ့ၣ်ဘူးဟ့ၣ်လဲအဝဲသ့ၣ် တဂၤဒီးတဂၤဒ်အကြၢးဒီးတၢ်ဖံးတၢ်မၤလၢအမၤဝဲန့ၣ်လီၤ.

1 ကရံၣ်သူး 9:12

ပှၤအဂၤတဖၣ်မ့ၢ်အိၣ်ဒီးအခွဲးအယာ်လၢအကဆၢန့ၢ်ဘၣ်တၢ် တမံၤအံၤလၢသုအိၣ်ဒီး, ပဝဲဒၣ်သ့ၣ်တဖၣ်အံၤပအိၣ်ဒီးအခွဲးအယာ်အါန့ၢ်အန့ၣ်တက့ၢ် တမ့ၢ်ဘၣ်ဧါ. ဘၣ်ဆၣ်ဒီး, ပတသူတၢ်အခွဲးအယာ်တမံၤအံၤန့ၣ်ဘၣ်. မ့မ့ၢ် တခီ, ပဒိးတ့ၢ်တၢ်ခဲလၢာ်လၢတၢ်သူၣ်စူၤသးစူၤအပူၤ, ဒ်သိးပသုတဒုးအိၣ်ထီၣ်တၢ်နိးတၢ်ဘျးလၢခရံာ်အတၢ်သးခု ကစီၣ်အကျဲပူၤတဂ့ၤအဂီၢ်န့ၣ်လီၤ.

1 ကရံၣ်သူး 9:14

လၢကျဲတဘိဃီန့ၣ်, ကစၢ်ဟ့ၣ်လီၤတ့ၢ်အကလုၢ်လၢ ပှၤစံၣ်တဲၤတဲလီၤတၢ်သးခုကစီၣ်တဖၣ်ကဒိးန့ၢ်ဘၣ်တၢ်လုၢ်အီၣ် အသးသမူလၢအပူၤန့ၣ်လီၤ.

1 ကရံၣ်သူး 9:16

ယတအိၣ်ဒီးတၢ်အခွဲးအယာ်လၢယကပာ်ကဖၢလၢယသး, မ့ၢ်လၢယစံၣ်တဲၤတဲလီၤတၢ်သးခုကစီၣ်အဃိဘၣ်. နီၢ်နီၢ်တခီန့ၣ်တၢ်ဟ့ၣ်လီၤယၤတၢ်ကလုၢ်လၢယကမၤတၢ်မၤ တမံၤအံၤန့ၣ်လီၤ. ဒီးယမ့ၢ်တစံၣ်တဲၤတဲလီၤတၢ်သးခုကစီၣ်န့ၣ်, တၢ်ကနးကဖှီၣ်မးလၢယဂီၢ်ဆံးဒိၣ်လဲၣ်.

1 ကရံၣ်သူး 9:18

မ့မ့ၢ်ဒ်န့ၣ်ဒီးယဒိးန့ၢ်ဘၣ်တၢ်ဘူးတၢ်လဲမနုၤတမံၤလဲၣ်. မ့ၢ်ဝဲယခွဲးယယာ်ဘၣ်ဃးဒီးတၢ်စံၣ်တဲၤတဲလီၤတၢ်သးခု ကစီၣ်တအိၣ်ဒီးတၢ်ဃ့အဘူးအလဲ, တအိၣ်ဒီးတၢ်ဃ့ယခွဲးယယာ်တဖၣ်လၢယတၢ်မၤတၢ်သးခုကစီၣ် အတၢ်မၤအပူၤန့ၣ်ဘၣ်လီၤ.

1 ကရံၣ်သူး 9:23

တၢ်သ့ၣ်တဖၣ်အံၤခဲလၢာ်န့ၣ်ယမၤအီၤလၢတၢ်သးခုကစီၣ် အဃိဒ်သိးယကဒိးန့ၢ်ဘၣ်ဃုာ်အတၢ်ဆိၣ်ဂ့ၤဆိၣ်ဝါတဖၣ် အဂီၢ်န့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

ကလၤတံ 3:24

လၢတၢ်န့ၣ်အဃိ, တုၤလၢခရံာ်ဟဲတစုန့ၣ်, တၢ်သိၣ်တၢ်သီ ပၢၤဃာ်ပှၤဒ်သိးပကဘၣ်တၢ်မၤလိၤမၤဘၣ်ပှၤဒီးယွၤခီဖျိ တၢ်စူၢ်တၢ်နာ်န့ၣ်လီၤ.

ကလၤတံ 3:25

ခဲအံၤ မ့ၢ်လၢဆၢကတီၢ်လၢတၢ်စူၢ်တၢ်နာ်အဂီၢ်တုၤလံ အဃိ, တၢ်သိၣ်တၢ်သီတပၢၤဃာ်ပှၤလၢၤဘၣ်.

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

၂ တံၤမသ့း 4:3

တၢ်ဆၢကတီၢ်ကဟဲဝဲဖဲပှၤတဒိကနၣ်လၢၤတၢ်သိၣ်လိသီလိလၢအမ့ၢ် အတီဘၣ်, မ့မ့ၢ်ကပိာ်ထွဲတၢ်သူၣ်လီသးကွံတဖၣ်အခံဒီးကပာ်ဖှိၣ်သရၣ် တဖၣ်အါထီၣ်အါထီၣ်လၢ အဝဲသ့ၣ်အကစၢ်ဒၣ်ဝဲအဂီၢ်, လၢအကစံးဘၣ်တဲဘၣ်အီၤတၢ်လၢအဝဲသ့ၣ်ဘၣ်အသး ဒီးသးအိၣ်နၢ်ဟူဝဲတဖၣ်န့ၣ်လီၤ.

တံတူး 1:4

ယကွဲးလံာ်ဆူစီၤတံတူးလၢအမ့ၢ်ယဖိခွါနီၢ်နီၢ်လၢတၢ်စူၢ်တၢ် နာ်တမံၤဃီဒီးပှၤအပူၤတဂၤအအိၣ်, မ်ပၢ်ကစၢ်ယွၤဒီးပှၤအုၣ်က့ၤခီၣ်က့ၤပှၤယ့ၣ်ၡူးခရံာ်ဟ့ၣ် နၤတၢ်ဘျုးတၢ်ဖှိၣ်ဒီးတၢ်ဃူတၢ်ဖိးတက့ၢ်.

ဖံၤလ့မိၣ် 1:19

ယကွဲးတၢ်အံၤလၢယစုဒၣ်ယဲလီၤ. ယၤ, စီၤပီလူးကလိးက့ၤနၤလီၤ. (ဖဲလၢအဘၣ်ဃးဒီးနကမၢ်လၢအအိၣ်ဒီးယၤလၢအမ့ၢ်တၢ်လၢနကြၢးမၤဆၢက့ၤယၤန့ၣ်, ယတသးအိၣ်ယၢၤထီၣ်အီၤဘၣ်.)

ယၤကိာ် 1:18

ဖဲအသးဒၣ်ဝဲန့ၣ်, အဝဲဒၣ်ထီၣ်ဖိန့ၢ်ပှၤခီဖျိတၢ်မ့ၢ်တၢ်တီအကလုၢ် ကထါ, ဒ်သိးပကကဲထီၣ်တၤသၣ်ဆိတကလုာ်လၢအတၢ်ဘၣ်တ့ခဲလၢာ် အကျါအဂီၢ်န့ၣ်လီၤ.

၁ ပ့းတရူး 1:23

အဂ့ၢ်ဒ်လဲၣ်န့ၣ်, ခီဖျိကစၢ်ယွၤအကလုၢ်ကထါလၢအမူဝဲအထူ အယိာ်အဃိန့ၣ်, သုအိၣ်ဖျဲၣ်ထီၣ်ကဒီးတစုဒ်ဖိတဖၣ်လၢအအိၣ်ဒီးမိၢ်ပၢ်လၢ အသံတသ့ဘၣ်, ဒီးတမ့ၢ်မိၢ်ပၢ်လၢအသံသ့ဝဲအသိးန့ၣ်ဘၣ်.