1 ကရံၣ်သူး 4:12 - Sgaw Karen Common Bible

¹² ပလီၤဘှံးလီၤတီၤလၢပဖံးတၢ်မၤတၢ်ဆူၣ်အဃိလီၤ. ဖဲပဘၣ်တၢ်ဆိၣ်အၢပှၤန့ၣ်, ပဆိၣ်ဂ့ၤတၢ်, ဖဲပဘၣ်တၢ်မၤအၢမၤနးပှၤန့ၣ်, ပအိၣ်ဒီးတၢ်ဝံသးစူၤ,

1 ကရံၣ်သူး 4:12 Iomraidhean Croise

လံာ်မးသဲ 5:11

တဘျီလၢ်လၢ်ဖဲပှၤကတိၤဒုၣ်ဒွဲၣ်သု, မၤအၢမၤနးသု, ဒီးစံးအၢစံးသီသုကဘျံးကဘျၣ်လၢသုမ့ၢ်ယပျဲၢ်ယဘီၣ်အဃိ န့ၣ်, သုမ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်မးသဲ 5:44

ဘၣ်ဆၣ်ဒီး အခဲအံၤယစံးဘၣ်သု, အဲၣ်သုဒုၣ်သုဒါဒီးဃ့ထုကဖၣ် ယွၤလၢပှၤလၢအမၤနးမၤဖှီၣ်သုတဖၣ်အဂီၢ်တက့ၢ်.

လံာ်လူၤကၣ် 23:34

ယ့ၣ်ၡူးစံးဝဲ, “ပၢ်ဧၢ, ပျၢ်အဝဲသ့ၣ်အတၢ်ကမၣ်တက့ၢ်. အဝဲသ့ၣ်မၤတၢ်မနုၤလဲၣ်န့ၣ်တသ့ၣ်ညါဝဲဘၣ်.” အဝဲသ့ၣ်နီၤဖးလီၤအဝဲဒၣ်အကူအသိးလၢအသကိးဒၣ်ဝဲ အကျါခီဖျိအဖီၣ်တၢ်ဖးလီၤ.

လံာ်လူၤကၣ် 6:28

ဆိၣ်ဂ့ၤပှၤသ့ၣ်တဖၣ်လၢအဆိၣ်အၢသု, ဒီးဃ့ဘါထုကဖၣ်တၢ်လၢ ပှၤမၤအၢမၤသီသုတဖၣ်အဂီၢ်တက့ၢ်.

လံာ်ယိၤဟၣ် 15:20

သ့ၣ်နီၣ်ထီၣ်က့ၤလၢယစံးဘၣ်တ့ၢ်သု, ‘ကုၢ်တဒိၣ်န့ၢ်အကစၢ်နီတဂၤဘၣ်.’ အဝဲသ့ၣ်မ့ၢ်မၤအၢမၤနးယၤဒီး, ကမၤအၢမၤနးစ့ၢ်ကီးသုလီၤ. အဝဲသ့ၣ်မ့ၢ်ဒိကနၣ်ယကလုၢ်ကထါဒီး, ကဒိကနၣ်သုကလုၢ်ကထါစ့ၢ်ကီးလီၤ.

မၤတၢ် 18:3

ဒီးအိၣ်ဝဲဆိးဝဲဒီးမၤသကိးတၢ်ဒီးအဝဲသ့ၣ်, မ့ၢ်လၢအဝဲဒၣ်လုၢ်အီၣ်အသးသမူခီဖျိအဆးဒဲဒ်အဝဲသ့ၣ် အသိးအဃိလီၤ.

မၤတၢ် 20:34

သုနီၢ်ကစၢ်ဒၣ်သုဝဲသုသ့ၣ်ညါလၢယဖံးတၢ်မၤတၢ်လၢယစု ဒၣ်ယဲ, ဒီးမၤန့ၢ်တၢ်ခဲလၢာ်လၢယတံၤသကိးဒီးယၤပန့ၢ်ဘၣ် အလီၢ်အိၣ်တဖၣ်လီၤ.

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

ရိမ့ၤ 12:14

ဃ့တၢ်လၢကစၢ်ယွၤလၢကဆိၣ်ဂ့ၤပှၤလၢအမၤအၢမၤနး သုတဖၣ်တက့ၢ်. မ့ၢ်လီၤ. ဃ့အီၤလၢကဆိၣ်ဂ့ၤတၢ်အဂီၢ်, တမ့ၢ်လၢကဆိၣ်အၢတၢ်အဂီၢ်ဘၣ်.

ရိမ့ၤ 12:20

အါန့ၢ်အန့ၣ်, ဒ်တၢ်ကွဲးအသးစီဆှံစံးဝဲအသိး, “နဒုၣ်နဒါတၢ်မ့ၢ်သၣ်ဝံၤအသးဒီးလုၢ်အီၣ်လုၢ်အီအီၤ တက့ၢ်. တၢ်မ့ၢ်သူအသးလၢထံဒီးဟ့ၣ်အီအီၤထံတက့ၢ်. လၢနမၤတၢ်ဒ်အံၤအဃိအဝဲကမဲာ်ဆှးလီၤက့ၤအသးလီၤ.”

ရိမ့ၤ 8:35

မ့ၢ်မတၤမၤလီၤဖးပှၤဒီးခရံာ်အတၢ်အဲၣ်တၢ်ကွံကသ့ တဂၤန့ၣ်လဲၣ်. မ့ၢ်တၢ်ကီတၢ်ခဲမၤကသ့ဧါ, မ့တမ့ၢ်တၢ်ကိၢ် တၢ်ဂီၤ, တၢ်မၤအၢမၤနးပှၤ, တၢ်သၣ်ဝံၤလီၤဒိ, တၢ်အိၣ်ဘ့ၣ်ဆ့, တၢ်လီၤပျံၤလီၤဖုး, တၢ်သံ, မၤကသ့ဧါ.

1 ကရံၣ်သူး 9:6

မ့တမ့ၢ်ဘၣ်ဒီး စီၤဘၢ်နါဘၤဒီးယၤ, ထဲခံဂၤဧိၤ, ပကဘၣ်ဖံးတၢ်မၤတၢ်လၢတၢ်လုၢ်အီၣ်ပသးသမူအဂီၢ်န့ၣ်ဧါ.

၂ ကရံၣ်သူး 11:8

ဖဲယဖံးတၢ်မၤတၢ်လၢသုသိးသုကျါအဆၢကတီၢ် ယဘၣ်တၢ်ဟ့ၣ်ဘူးဟ့ၣ်လဲယၤလၢတၢ်အိၣ်ဖှိၣ်အဂၤ တဖၣ်လီၤ. လၢကျဲတဘိန့ၣ်, ယဂုာ်န့ၢ်အဝဲသ့ၣ်အတၢ်လၢယကမၤစၢၤသုအဂီၢ်လီၤ.

အ့းဖ့းစူး 4:28

ပှၤလၢအဟုၣ်တ့ၢ်တၢ်တဖၣ်ကဘၣ်ဆိကတီၢ်အတၢ်ဟုၣ် တၢ်, ဒီးစးထီၣ်ဖံးအီၣ်မၤအီၣ်တၢ်ဒ်သိးအကလုၢ်အီၣ်အသး သမူလၢတၢ်တီတၢ်လိၤအပူၤ, ဒီးဒ်သိးအဟ့ၣ်မၤစၢၤပှၤဖှီၣ်ဖိယာ်ဖိကသ့ဝဲအဂီၢ်န့ၣ်လီၤ.

၁ သ့းစၤလနံ 2:9

ပမၤတ့ၢ်တၢ်ဆူၣ်ဆံးအါလဲၣ်န့ၣ်သုကသ့ၣ်နီၣ်ထီၣ်လီၤ. ယဒီပုၢ်ဝဲၢ်သ့ၣ်ဧၢ, ပမၤတ့ၢ်တၢ်မုၢ်ဆါဆဲးလၢမုၢ်နၤဒ်သိးဖဲပစံၣ် တဲၤတဲလီၤန့ၢ်သုတၢ်သးခုကစီၣ်ဟဲလၢကစၢ်ယွၤအအိၣ် အဖၢမုၢ်, သုသုတဘၣ်လၢာ်ဘူၣ်လၢာ်စ့ၤလၢပဂီၢ်တဂ့ၤအဂီၢ် န့ၣ်လီၤ.

၂ သ့းစၤလနံ 3:8

ပတတူၢ်လိာ်စ့ၢ်ကီးပှၤတဂၤဂၤအတၢ်လုၢ်အီၣ်ကလီပှၤ ဘၣ်. မ့မ့ၢ်ပဖံးတၢ်မၤတၢ်လၢမုၢ်ဆါဒီးလၢမုၢ်နၤဒ်သိး ပသုတကဲထီၣ်တၢ်ဝံတၢ်ယိးလၢသုဝဲနီတဂၤအဂီၢ် တဂ့ၤန့ၣ်လီၤ.

၁ တံၤမသ့း 4:10

ပဂဲၤပျုၢ်ဒီးမၤတၢ်ဆူၣ်ဆူၣ်, မ့ၢ်လၢပပာ်ပတၢ်မုၢ်လၢ်လၢ ကစၢ်ယွၤလၢအမူဝဲတဂၤအပူၤ, လၢအမ့ၢ်ပှၤအုၣ်က့ၤခီၣ်က့ၤ ပှၤခဲလၢာ်, ဒီးလီၤဆီဒၣ်တၢ်ပှၤလၢအစူၢ်က့ၤနာ်က့ၤတၢ်တဖၣ် အဃိန့ၣ်လီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

၁ ပ့းတရူး 3:14

သုမ့ၢ်ဘၣ်တူၢ်တၢ်နးတၢ်ဖှီၣ်လၢသုမၤတၢ်အဘၣ်အဃိဒၣ်လဲာ်, သုဘၣ်ဆိၣ်ဂ့ၤဝဲလီၤ. တဘၣ်ပျံၤပှၤနီတဂၤတဂ့ၤဒီးတဘၣ်သူၣ်ကိၢ်သးဂီၤတဂ့ၤ.

၁ ပ့းတရူး 3:9

ဟ့ၣ်ကၣ်တၢ်အၢလၢတၢ်အၢ, မ့တမ့ၢ်တၢ်ဆိၣ်အၢလၢတၢ်ဆိၣ် အၢတဂ့ၤ. မ့မ့ၢ်, ဟ့ၣ်ဆၢက့ၤလၢတၢ်ဆိၣ်ဂ့ၤန့ၣ်တက့ၢ်. အဂ့ၢ်ဒ်လဲၣ်န့ၣ်, တၢ်ဆိၣ်ဂ့ၤမ့ၢ်တၢ်လၢကစၢ်ယွၤအၢၣ်လီၤတ့ၢ်လၢကဟ့ၣ်သုဖဲ အဝဲကိးန့ၢ်သုအခါန့ၣ်လီၤ.

၁ ပ့းတရူး 4:19

လၢတၢ်န့ၣ်အဃိ, ပှၤတဖၣ်လၢအတူၢ်ဘၣ်တၢ်လၢကစၢ်ယွၤအတၢ်ဘၣ်အသးလၢ အဝဲသ့ၣ်အဂီၢ်အဃိန့ၣ်ကြၢးဟ့ၣ်လီၤအးလီၤအသးလၢာ်လၢာ်ဆ့ဆ့ဆူ အဝဲသ့ၣ်အတၢ်ဘၣ်တ့ကစၢ်တဂၤလၢထီဘိဟံးဃာ်ကျၢၤအတၢ်အၢၣ်လီၤအီလီၤအစုပူၤခီဖျိလၢ အဝဲသ့ၣ်အတၢ်မၤအဂ့ၤအဝါတဖၣ်န့ၣ်လီၤ.

ယူဒၤ 1:9

ကလူးအခိၣ်မံၤက့လးဒၣ်လဲာ်တမၤတၢ်အံၤဘၣ်. လၢအတၢ်အ့ၣ်လိာ်အသးဒီးမုၣ်ကီၤလံၢ်အပူၤ, ဖဲအဝဲသ့ၣ်ကတိၤဂ့ၢ်လိာ်တၢ်ဘၣ်ဃးဒီးမတၤ ကဟံးန့ၢ်စီၤမိၤၡ့အစိၣ်အဂ့ၢ်န့ၣ်, မံၤက့လးကတိၤဒုၣ်ဒွဲၣ်စံးအၢမုၣ်ကီၤလံၢ်တဘူၣ်ဘၣ်. မ့မ့ၢ်တခီစံးဝဲ, “မ်ကစၢ်သိၣ်ဃီၣ်နၤတက့ၢ်.”