1 ကရံၣ်သူး 4:1 - Sgaw Karen Common Bible

¹ သုကြၢးထံၣ်ပှၤဒ်ပမ့ၢ်ခရံာ်အခ့အပှၤတဖၣ်လၢအဘၣ်တၢ်ဟ့ၣ် မူဟ့ၣ်ဒါအီၤဒ်သိးအကပၢၤဃာ်တၢ်ခူသူၣ်ဘၣ်ဃးဒီးကစၢ်ယွၤ အတၢ်မ့ၢ်တၢ်တီတဖၣ်န့ၣ်လီၤ.

1 ကရံၣ်သူး 4:1 Iomraidhean Croise

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မးသဲ 24:45

မ့မ့ၢ်ဒ်န့ၣ်ဒီး, တၢ်အခ့အပှၤလၢအသးတီဝဲဒီးကူၣ်ဘၣ်ကူၣ်သ့, လၢအကစၢ်ဟ့ၣ်မူဟ့ၣ်ဒါအီၤလၢအဟံၣ်ဖိဃီဖိခဲလၢာ်အဖီခိၣ်, ဒ်သိးကဟ့ၣ်အီၣ်ဟ့ၣ်အီအဝဲသ့ၣ်ဘၣ်ဆၢဘၣ်ကတီၢ်န့ၣ်, မ့ၢ်မတၤတဂၤလဲၣ်.

လံာ်မၢ်ကူး 4:11

ယ့ၣ်ၡူးစံးဆၢက့ၤအဝဲသ့ၣ်, “သုဝဲသ့ၣ်အံၤတၢ်ဒုးသ့ၣ်ညါ တ့ၢ်သုတၢ်ခူသူၣ်ဘၣ်ဃးဒီးကစၢ်ယွၤအဘီအမုၢ်န့ၣ်လံ. မ့မ့ၢ်ပှၤအိၣ်လၢတၢ်ချၢတဖၣ်န့ၣ်နၢ်ဟူဒၣ်ထဲတၢ်ကတိၤဒိ တဖၣ်ဧိၤလီၤ.

လံာ်လူၤကၣ် 1:2

အဝဲသ့ၣ်ကွဲးတၢ်ဂ့ၢ်ဘၣ်ထွဲဒီးပှၤလၢအထံၣ်ဘၣ်တၢ်သ့ၣ် တဖၣ်အံၤလၢအမဲာ်ချံဒၣ်ဝဲစးထီၣ်လၢအခီၣ်ထံးကတၢၢ် ဒီးတဲဘၣ်ပှၤ ဒီးဒုးဟူထီၣ်သါလီၤတၢ်ကစီၣ်တမံၤအံၤန့ၣ်လီၤ.

လံာ်လူၤကၣ် 12:42

ကစၢ်စံးဆၢဝဲ, “မ့မ့ၢ်ဒ်န့ၣ်ဒီး, မ့ၢ်မတၤမ့ၢ်တၢ်ခ့တၢ်ပှၤလၢအသးတီဒီး အကူၣ်ဘၣ်ကူၣ်သ့တဂၤလဲၣ်. အဝဲဒၣ်မ့ၢ်ပှၤတဂၤလၢအကစၢ်ကဟ့ၣ်စိဟ့ၣ်ကမီၤအီၤလၢ အကကွၢ်ထွဲဟံၣ်ဃီဒီးဒုးအီၣ်ဒုးအီတၢ်ခ့တၢ်ပှၤအဂၤတဖၣ် ဖဲအဆၢကတီၢ်ဘၣ်တဘျီဘၣ်တဘျီန့ၣ်လီၤ.

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

1 ကရံၣ်သူး 2:7

တၢ်ကူၣ်ဘၣ်ကူၣ်သ့လၢယစံၣ်တဲၤတဲလီၤအဝဲအံၤန့ၣ် မ့ၢ်ကစၢ်ယွၤအတၢ်ကူၣ်ဘၣ်ကူၣ်သ့ခူသူၣ်, လၢအအိၣ်တဒၢလၢပှၤကညီအမဲာ်ညါ, ဘၣ်ဆၣ်ဒီးမ့ၢ်တၢ်လၢအဝဲဒၣ်ဃုထၢတ့ၢ်ဝဲလၢပလၤကပီၤ အဂီၢ်, တချုးဒၣ်လဲာ်လၢဟီၣ်ခိၣ်တဘ့ၣ်အံၤဘၣ်တၢ်တ့လီၤ ပာ်လီၤအီၤဒံးဘၣ်န့ၣ်လီၤ.

1 ကရံၣ်သူး 3:5

နီၢ်နီၢ်တခီန့ၣ်, စီၤအပီးလိၤမ့ၢ်မတၤတဂၤလဲၣ်. ဒီးစီၤပီလူးမ့ၢ်မတၤ တဂၤလဲၣ်. ပမ့ၢ်ဒၣ်ကစၢ်ယွၤအခ့အပှၤတဖၣ်, ပှၤတဖၣ်လၢအဆှၢသုဒ်သိးသုကစူၢ်တၢ်နာ်တၢ်ခီဖျိအီၤန့ၣ်လီၤ. ပဝဲတဂၤဒီးတဂၤပမၤတၢ်ဖံးတၢ်မၤလၢကစၢ်ယွၤဟ့ၣ်လီၤအီၤလၢ အကမၤဝဲအဂီၢ်န့ၣ်လီၤ.

1 ကရံၣ်သူး 4:13

ဖဲပဘၣ်တၢ်ကတိၤဒုၣ်ဒွဲၣ်ပှၤန့ၣ်, ပစံးဆၢပဝဲလၢတၢ်ကတိၤအမုာ် တဖၣ်လီၤ. ပမ့ၢ်ဒၣ်ဟီၣ်ခိၣ်တဘ့ၣ်အံၤအတၢ်ကမှံၤတဖၣ်လီၤ. တုၤလီၤလၢဆၢကတီၢ်ခဲအံၤဒၣ်လဲာ်န့ၣ်, ပမ့ၢ်ဒၣ်ဟီၣ်ခိၣ်တဘ့ၣ်အံၤအတၢ်တဂိာ်တသီၣ်တဖၣ်လီၤ.

1 ကရံၣ်သူး 4:2

တၢ်လၢအလီၢ်အိၣ်ဝဲတမံၤဘၣ်ဃးဒီးတၢ်ခ့တၢ်ပှၤဒ်န့ၣ်အသိး တဂၤန့ၣ်, မ့ၢ်အဝဲအသးကဘၣ်တီဒီးအကစၢ်န့ၣ်လီၤ.

၂ ကရံၣ်သူး 11:23

အဝဲသ့ၣ်မ့ၢ်ခရံာ်အခ့အပှၤတဖၣ်ဧါ. ယကတိၤတၢ်လီၤဂာ်လၢပှၤ အပျုၢ်, ဘၣ်ဆၣ်ဒီးယမ့ၢ်တၢ်ခ့တၢ်ပှၤလၢအဂ့ၤဒိၣ်န့ၢ် အဝဲသ့ၣ်လီၤ. ယမၤတ့ၢ်လံတၢ်ဆူၣ်ဒိၣ်တက့ၢ်, ယအိၣ်တ့ၢ်လံလၢဃိာ်ပူၤအဘျီအါဒိၣ်တက့ၢ်, ယဘၣ်တၢ်ဒိတ့ၢ်တီၢ်တ့ၢ်လံယၤအါဒိၣ်တက့ၢ်, ဒီးယအိၣ်ဘူးတ့ၢ်လၢတၢ်သံအဘျီအါဒိၣ်တက့ၢ်လီၤ.

၂ ကရံၣ်သူး 12:6

ယမ့ၢ်သးအိၣ်ကတိၤတၢ်ကဖၢလၢသနာ်က့ယတမ့ၢ်ပှၤအပျုၢ် တဂၤဘၣ်. အဂ့ၢ်ဒ်အံၤ, ကမ့ၢ်ဒၣ်ယကတိၤတၢ်မ့ၢ်တၢ်တီလီၤ. ဘၣ်ဆၣ်ဒီးယတကတိၤတၢ်ကဖၢလၢဘၣ်. အဂ့ၢ်မ့ၢ်လၢယတအဲၣ်ဒိးပှၤတဂၤဂၤကဆိကမိၣ်ဒိၣ်ယၤ, ဒိၣ်န့ၢ်ဒံးအဆိကမိၣ်တ့ၢ်ဝဲ, ခီဖျိအဝဲထံၣ်ဘၣ်တ့ၢ်တၢ်လၢယမၤဒီးနၢ်ဟူဘၣ်တ့ၢ်တၢ်လၢ ယစံးကတိၤအီၤဘၣ်အဃိန့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

၂ ကရံၣ်သူး 6:4

အခိၣ်တလိာ်လၢတၢ်ကိးမံၤဒဲးလၢပမၤအီၤအပူၤန့ၣ် ပဒုးနဲၣ်လၢပမ့ၢ်ကစၢ်ယွၤအခ့အပှၤတဖၣ်ခီဖျိပတူၢ်တၢ်ကီတၢ်ခဲ တၢ်ဖှီၣ်တၢ်ယာ်ဒီးတၢ်နးတၢ်ဖှီၣ်တဖၣ် လၢတၢ်သူၣ်စူၤသးစူၤ အပူၤန့ၣ်လီၤ.

အ့းဖ့းစူး 1:9

လၢအတၢ်ကူၣ်ဘၣ်ကူၣ်သ့ဒီးအတၢ်ထံၣ်တုာ်ကွၢ်ဖျါတၢ်ခဲလၢာ် အပူၤ, ယွၤမၤတ့ၢ်တၢ်ဒ်အတိာ်ပာ်တ့ၢ်ဝဲအသိးဒီးလီၣ်ဖျါထီၣ်န့ၢ်ပှၤ လၢအတၢ်ရဲၣ်တၢ်ကျဲၤခူသူၣ်လၢအတိာ်ပာ်တ့ၢ်လံဝဲလၢ အကမၤလၢထီၣ်ပှဲၤထီၣ်ဝဲခီဖျိခရံာ်န့ၣ်လီၤ.

အ့းဖ့းစူး 6:19

ဃ့ထုကဖၣ်စ့ၢ်ကီးလၢယဂီၢ်, ဒ်သိးယွၤကဟ့ၣ်ယၤတၢ်ကစီၣ်ဖဲယအိၣ်ကတဲာ်ကတီၤ ယသးလၢယကကတိၤထီၣ်တၢ်အဆၢကတီၢ်ဒီးဒ်သိး ယကကတိၤဘၣ်တၢ်အိၣ်ဒီးတၢ်သးခူတလ့ၢ်သတးဒီး လီၣ်ဖျါထီၣ်တၢ်သးခုကစီၣ်အတၢ်ခူသူၣ်အဂီၢ်န့ၣ်တက့ၢ်.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

ကလီးစဲ 4:3

ဒီးဃ့ဘါထုကဖၣ်စ့ၢ်ကီးလၢပဂီၢ်, ဒ်သိးကစၢ်ယွၤကအိးထီၣ် န့ၢ်ပှၤကျဲလၢပကစံၣ်တဲၤတဲလီၤဘၣ်တၢ်အကစီၣ်ဘၣ်ဃးဒီးခရံာ် အတၢ်ခူသူၣ်န့ၣ်တက့ၢ်. အဂ့ၢ်ဒ်အံၤယလီၤဘၣ်လၢဃိာ်အပူၤမ့ၢ်လၢတၢ်ဂ့ၢ်အံၤအဃိလီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၁ တံၤမသ့း 3:6

အဝဲတဘၣ်မ့ၢ်ပှၤကဲထီၣ်သီအပျဲၢ်အဘီၣ်ဘၣ်. မ့မ့ၢ်ကဘၣ်ဒိၣ်တုာ်ခိၣ်ပှဲၤလၢတၢ်စူၢ်တၢ်နာ် အပူၤ, ဒ်သိးအသုတပာ်ကဖၢလၢအသးဒီးဘၣ်တၢ်စံၣ်ညီၣ် အီၤဒ်မုၣ်ကီၤလံၢ်ဘၣ်တၢ်စံၣ်ညီၣ်အီၤအသိးတဂ့ၤအဂီၢ် န့ၣ်လီၤ.

၁ တံၤမသ့း 3:9

အဝဲသ့ၣ်ကြၢးဟံးဃာ်တၢ်စူၢ်တၢ်နာ်အတၢ်မ့ၢ်တၢ်တီလၢ အဘၣ်တၢ်လီၣ်ဖျါထီၣ်အီၤ, လၢသးလၢအသ့ၣ်ညါဒၣ်တၢ် ဆှံဆှံအပူၤန့ၣ်လီၤ.

တံတူး 1:7

မ့ၢ်လၢတၢ်အိၣ်ဖှိၣ်အခိၣ်အနၢ်တဂၤအံၤအမူအဒါအိၣ်လၢ ကစၢ်ယွၤတၢ်မၤအဂီၢ်အဃိ, အတၢ်ကမၣ်တကြၢးအိၣ်ဘၣ်. အဝဲတဘၣ်ပာ်ဒိၣ်ပာ်ထီအသး, မ့တမ့ၢ်သးထီၣ်ချ့, မ့တမ့ၢ်အီမူၤအီဘှီးအသး, မ့တမ့ၢ်မၤတၢ်လၢတၢ်စုဆူၣ်ခီၣ် တကးအပူၤ, မ့တမ့ၢ်သးကွံစ့န့ၣ်ဘၣ်.

၁ ပ့းတရူး 4:10

ပှၤတဂၤဒီးတဂၤ, ဒ်ကစၢ်ယွၤအပှၤပၢၤတၢ်လၢအဂ့ၤလၢအပၢၤ ကစၢ်ယွၤအတၢ်ဟ့ၣ်လၢအလီၤဆီတဖၣ်အသိး, ကဘၣ်သူ အတၢ်ဟ့ၣ်လီၤဆီလၢအဒိးန့ၢ်ဝဲလၢကစၢ်ယွၤအအိၣ် လၢပှၤဂၤတဖၣ်အတၢ်ဂ့ၤအဂီၢ်န့ၣ်လီၤ.