1 ကရံၣ်သူး 3:6 - Sgaw Karen Common Bible

⁶ ယဲဒၣ်ယဖှံလီၤတၢ်ချံ, မ့မ့ၢ်စီၤအပီးလိၤလူတၢ်မုၢ်တၢ်ဘိလၢ အမဲထီၣ်န့ၣ်လၢထံ, ဘၣ်ဆၣ်ဒီး ပှၤလၢအဒုးဒိၣ်ထီၣ်တၢ်မုၢ်တၢ်ဘိန့ၣ် မ့ၢ်ကစၢ်ယွၤလီၤ.

1 ကရံၣ်သူး 3:6 Iomraidhean Croise

စံးထီၣ်ပတြၢၤ 127:1

ယွၤမ့ၢ်တမၤဟံၣ်ဘၣ်ဒီး, ပှၤလၢအမၤဝဲတဖၣ်န့ၣ်မၤဝဲကလီကလီလီၤ. ယွၤမ့ၢ်တကွၢ်ဝ့ၢ်ဘၣ်ဒီး, ပှၤပၢၤတၢ်တဖၣ်န့ၣ်ဆိးသီဝဲကလီကလီလီၤ.

စံးထီၣ်ပတြၢၤ 62:11

ယနၢ်ဟူတ့ၢ်အါန့ၢ်တဘျီလၢ ကစၢ်ယွၤစံးဝဲလၢ တၢ်စိတၢ်ကမီၤမ့ၢ် အတၢ်န့ၣ်လီၤ.

စံးထီၣ်ပတြၢၤ 62:9

ပှၤကညီခဲလၢာ်လီၤဂာ်ဒၣ်ဒီးတၢ်သါထီၣ်တဘီဖိ န့ၣ်လီၤ. ပှၤအဒိၣ်မ့ၢ်ဂ့ၤအဆံးမ့ၢ်ဂ့ၤ မ့ၢ်တၢ်ကလီကလီဒ်သိးသိးလီၤ. တၢ်မ့ၢ်စီၤကွၢ်အီၤလၢစီၤပီၢ်ပူၤဒီး, တဃၢဘၣ်နီတစဲးဘၣ်. တၢ်မ့ၢ်ပာ်အီၤလၢစီၤပီၢ်အပူၤဒီး, အဝဲသ့ၣ်ဖှံဒိၣ်န့ၢ်ဒံးတၢ်သါတဘီဖိတက့ၢ်န့ၣ်လီၤ.

တၢ်ကတိၤဒိ. 11:25

ဟ့ၣ်ညီတၢ်တက့ၢ်, ဒီးနကထူးတီၤထီၣ်လီၤ. မၤစၢၤပှၤဂၤတက့ၢ်, ဒီးနကဘၣ်တၢ်မၤစၢၤနၤလီၤ.

လံာ်ယၡါယၤ 61:11

ဒ်တၢ်ချံတဖၣ်မဲထီၣ်ဒီးဒိၣ်ထီၣ်သပှၢ်ကတၢၢ်အသိး, ယွၤပၢဘၣ်တၢ်ခဲလၢာ်ကစၢ်ကအုၣ်က့ၤခီၣ်က့ၤ အပှၤဂီၢ်မုၢ်, ဒီးပှၤကလုာ်တဖၣ်ခဲလၢာ်ကစံးထီၣ်ပတြၢၤအီၤလီၤ.

မၤတၢ် 11:18

ဖဲအဝဲသ့ၣ်နၢ်ဟူဘၣ်တၢ်ဂ့ၢ်တမံၤအံၤန့ၣ်, အဝဲသ့ၣ်ဆိကတီၢ်ကွံာ်အတၢ်ကတိၤပာ်တၢ်ကမၣ်, ဒီးစံးထီၣ်ပတြၢၤယွၤဒီးစံးဝဲ, “မ့မ့ၢ်ဒ်န့ၣ်ဒီးကစၢ်ယွၤဟ့ၣ်စ့ၢ်ကီးလံပှၤကလုာ်ဂၤတဖၣ် တၢ်အခွဲးအယာ်လၢအကပီၢ်ယၢ်ဒီးဃၣ်လိၤက့ၤအသးဒီးကမူဝဲအဂီၢ် န့ၣ်လီၤ.”

မၤတၢ် 14:27

ဖဲအဝဲသ့ၣ်က့ၤတုၤဖဲဝ့ၢ်အၣ်တံၤအီာ်န့ၣ်, ကိးဖှိၣ်ပှၤတၢ်အိၣ်ဖှိၣ်ဖိတဖၣ်တပူၤဃီဒီးစံးဘၣ်တဲဘၣ် အဝဲသ့ၣ်တၢ်ခဲလၢာ်ဘၣ်ဃးကစၢ်ယွၤအတၢ်မၤဃုာ်တၢ်ဒီးအီၤ, ဒီးဘၣ်ဃးအဝဲအိးဟိထီၣ်ကျဲလၢပှၤကလုာ်ဂၤတဖၣ်ကစူၢ် ကနာ်တၢ်အဂီၢ်ဒ်လဲၣ်န့ၣ်လီၤ.

မၤတၢ် 16:14

ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

မၤတၢ် 18:24

ပှၤယူဒၤဖိလၢအမံၤမ့ၢ်စီၤအပီးလိၤဒီးအိၣ်ဖျဲၣ်ထီၣ်ဖဲဝ့ၢ် အလ့းစၣ်ဒြူးတဂၤန့ၣ်, ဟဲဆူဝ့ၢ်အ့းဖ့းစူးလီၤ. အဝဲဒၣ်မ့ၢ်ပှၤစံးသ့ကတိၤဘၣ်တဂၤဒီးတၢ်ဂ့ၢ်အိၣ်လၢ တၢ်ကွဲးအသးစီဆှံအပူၤတဖၣ်န့ၣ်နၢ်ပၢၢ်ဝဲဂ့ၤဂ့ၤလီၤ.

မၤတၢ် 19:1

ဖဲစီၤအပီးလိၤအိၣ်ဖဲဝ့ၢ်ကရံၣ်သူးအဖၢမုၢ်န့ၣ်, စီၤပီလူးလဲၤဝဲလၢခိအကျဲဒီးလဲၤတုၤဝဲလၢဝ့ၢ်အ့းဖ့း စူးလီၤ. ဖဲန့ၣ်အဝဲဒၣ်ထံၣ်ဘၣ်အပျဲၢ်အဘီၣ်တနီၤ,

မၤတၢ် 21:19

စီၤပီလူးကတိၤဆၢဂ့ၤဆၢဝါအဝဲသ့ၣ်ဝံၤဒီး, တဲဖျါထီၣ်ဝဲလၢလၢပှဲၤပှဲၤတၢ်ခဲလၢာ်လၢကစၢ်ယွၤမၤတ့ၢ်ဝဲ လၢပှၤကလုာ်ဂၤတဖၣ်အကျါခီဖျိအဝဲဒၣ်အတၢ်ဖံးတၢ်မၤ န့ၣ်လီၤ.

ရိမ့ၤ 15:18

ယကအိၣ်ဒီးတၢ်သးဒူဒီးကတိၤထဲတၢ်ဂ့ၢ်ဘၣ်ဃးတၢ်လၢခရံာ် မၤတ့ၢ်ဝဲခီဖျိယၤဒ်သိးယကဆှၢပှၤကလုာ်ဂၤတဖၣ်ဆူတၢ်စူၢ် ကစၢ်ယွၤခီဖျိယတၢ်ကတိၤဒီးယတၢ်မၤ,

1 ကရံၣ်သူး 1:12

တၢ်လၢယအဲၣ်ဒိးစံးန့ၣ်မ့ၢ်ဒ်အံၤလီၤ. သုဝဲတဂၤဒီးတဂၤသုစံး, “ယဲယဘၣ်ဃးဒီးစီၤပီလူး,” မ့တမ့ၢ်, “ယဲယဘၣ်ဃးဒီး စီၤအပီးလိၤ,” မ့တမ့ၢ်, “ယဲယဘၣ်ဃးဒီးစီၤပ့းတရူး,” မ့တမ့ၢ်, “ယဲယဘၣ်ဃးဒီးခရံာ်” န့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 3:22

စီၤပီလူး, စီၤအပီးလိၤ, စီၤပ့းတရူး, ဟီၣ်ခိၣ်တဘ့ၣ်အံၤ, တၢ်မူဒီးတၢ်သံ, ဆၢကတီၢ်ခဲအံၤဒီးခါဆူညါ, တၢ်သ့ၣ်တဖၣ်အံၤခဲလၢာ်မ့ၢ်သုတၢ်,

1 ကရံၣ်သူး 3:7

ပှၤတဂၤလၢအဖှံလီၤတၢ်ချံမ့ၢ်ဂ့ၤ, ပှၤတဂၤလၢအလူထံမ့ၢ်ဂ့ၤ, တမ့ၢ်တၢ်လၢအကါဒိၣ်နီၢ်နီၢ်ဘၣ်. ပှၤလၢအကါဒိၣ်န့ၣ်မ့ၢ်ကစၢ်ယွၤ, အဂ့ၢ်မ့ၢ်လၢအဝဲဒုးဒိၣ်ထီၣ်တၢ်မုၢ်တၢ်ဘိအဃိန့ၣ်လီၤ.

1 ကရံၣ်သူး 9:1

ယတမ့ၢ်ပှၤတဂၤလၢအအိၣ်ဒီးတၢ်သဘျ့ဘၣ်ဧါ. ယတမ့ၢ်ပှၤတၢ်မၢဖိတဂၤဘၣ်ဧါ. မ့ၢ်ယတထံၣ်ဘၣ်တ့ၢ်ယဲယ့ၣ်ၡူးပကစၢ်န့ၣ်ဘၣ်ဧါ. ဒီးသုတမ့ၢ်ယတၢ်ဖံးတၢ်မၤလၢကစၢ်အဂီၢ်အတၤသၣ်ဘၣ်ဧါ.

အ့းဖ့းစူး 3:17

လၢခရံာ်ကအိၣ်ဝဲဆိးဝဲလၢသုသးကံၢ်ပူၤခီဖျိတၢ်စူၢ်တၢ်နာ် အဂီၢ်, ဒီးလၢသုကစဲၤလီၤသုဂံၢ်ဒီးသူၣ်လီၤသုသးလၢ တၢ်အဲၣ်တၢ်ကွံပူၤအဂီၢ်,

၁ သ့းစၤလနံ 1:5

အဂ့ၢ်ဒ်အံၤ, ပဟဲစိာ်န့ၢ်သုတၢ်သးခုကစီၣ်တမ့ၢ်ထဲလၢတၢ် ကတိၤဧိၤန့ၣ်ဘၣ်. မ့မ့ၢ်အိၣ်စ့ၢ်ကီးဒီးတၢ်စိတၢ်ကမီၤ, သးစီဆှံ, ဒီးတၢ်စူၢ်ဂၢၢ်နာ်ကျၢၤလၢတၢ်သးခုကစီၣ်အံၤမ့ၢ်ဝဲတီဝဲအဂ့ၢ်န့ၣ်လီၤ. ဖဲပအိၣ်ဒီးသုအဖၢမုၢ်ပအိၣ်မူဒ်လဲၣ်န့ၣ်သုသ့ၣ်ညါသုဝဲလီၤ. တၢ်သ့ၣ်တဖၣ်အံၤခဲလၢာ်န့ၣ်, မ့ၢ်ဒၣ်လၢသုဂီၢ်လီၤ.