1 ကရံၣ်သူး 3:4 - Sgaw Karen Common Bible

⁴ ဖဲသုဝဲအကျါတဂၤသုစံး, “ယမ့ၢ်စီၤပီလူးအပျဲၢ်အဘီၣ်,” ဒီးအဂၤတဂၤစံး, “ယမ့ၢ်စီၤအပီးလိၤအပျဲၢ်အဘီၣ်” န့ၣ်, မ့ၢ်သုမၤသုသးဒ်ပှၤဘၣ်ဃးဒီးဟီၣ်ခိၣ်အအံၤတဃၣ်တမ့ၢ် ဘၣ်ဧါ.

1 ကရံၣ်သူး 3:4 Iomraidhean Croise

1 ကရံၣ်သူး 1:12

တၢ်လၢယအဲၣ်ဒိးစံးန့ၣ်မ့ၢ်ဒ်အံၤလီၤ. သုဝဲတဂၤဒီးတဂၤသုစံး, “ယဲယဘၣ်ဃးဒီးစီၤပီလူး,” မ့တမ့ၢ်, “ယဲယဘၣ်ဃးဒီး စီၤအပီးလိၤ,” မ့တမ့ၢ်, “ယဲယဘၣ်ဃးဒီးစီၤပ့းတရူး,” မ့တမ့ၢ်, “ယဲယဘၣ်ဃးဒီးခရံာ်” န့ၣ်လီၤ.

1 ကရံၣ်သူး 3:3

အဂ့ၢ်ဒ်အံၤ, သုအိၣ်မူဒံးသုဝဲဒ်ပှၤလၢအဘၣ်ဃးဒီးဟီၣ်ခိၣ်တဘ့ၣ် အံၤအိၣ်မူဝဲအသိးလီၤ. ဖဲတၢ်သူၣ်က့ၣ်သးကါအိၣ်လၢသုသိးသုကျါ, ဒီးသုအ့ၣ်လိာ်ဆိးက့လိာ်သုသးတဂၤဒီးတဂၤန့ၣ်, မ့ၢ်အမၤဖျါထီၣ်လၢသုဘၣ်ဃးဒီးဟီၣ်ခိၣ်တဘ့ၣ်အံၤ, ဒီးသုအိၣ်မူသုဝဲဒ်အနီၣ်ထိၣ်အိၣ်ဝဲအသိးတမ့ၢ်ဘၣ်ဧါ.

1 ကရံၣ်သူး 4:6

လၢသုတၢ်ဘျုးတၢ်ဖှိၣ်အဂီၢ်န့ၣ်, ယဒီပုၢ်ဝဲၢ်သ့ၣ်ဧၢ, ယဒုးဘၣ်ထွဲတၢ်သ့ၣ်တဖၣ်အံၤခဲလၢာ်လၢစီၤအပီးလိၤဒီးယၤလီၤ. ယသူပဝဲခံဂၤဒ်တၢ်အဒိအတဲာ်ဒ်သိးသုကဒိးန့ၢ်တၢ်မၤလိဘၣ်ဃး ဒီးတၢ်ကတိၤတထံၣ်အခီပညီန့ၣ်လီၤ. တၢ်ကတိၤတထံၣ်န့ၣ်မ့ၢ်ဝဲ, “အိၣ်မူပိာ်ထွဲတၢ်ဘျၢလၢအကြၢးအဘၣ်တက့ၢ်” န့ၣ်လီၤ. သုဝဲတဂၤမးသုတကြၢးပာ်ကဖၢလၢသုသးလၢပှၤတဂၤ အဃိဒီးကွၢ်တလီၤပှၤအဂၤတဂၤဘၣ်.

ကလၤတံ 1:11

ယဒီပုၢ်ဝဲၢ်သ့ၣ်ဧၢ, ပျဲယစံးဘၣ်တဲဘၣ်သုတက့ၢ်. တၢ်သးခုကစီၣ်လၢယစံၣ်တဲၤတဲလီၤအံၤန့ၣ်တမ့ၢ် တၢ်ဒုးအိၣ်ထီၣ်အီၤလၢပှၤကညီဘၣ်.