1 ကရံၣ်သူး 3:3 - Sgaw Karen Common Bible

³ အဂ့ၢ်ဒ်အံၤ, သုအိၣ်မူဒံးသုဝဲဒ်ပှၤလၢအဘၣ်ဃးဒီးဟီၣ်ခိၣ်တဘ့ၣ် အံၤအိၣ်မူဝဲအသိးလီၤ. ဖဲတၢ်သူၣ်က့ၣ်သးကါအိၣ်လၢသုသိးသုကျါ, ဒီးသုအ့ၣ်လိာ်ဆိးက့လိာ်သုသးတဂၤဒီးတဂၤန့ၣ်, မ့ၢ်အမၤဖျါထီၣ်လၢသုဘၣ်ဃးဒီးဟီၣ်ခိၣ်တဘ့ၣ်အံၤ, ဒီးသုအိၣ်မူသုဝဲဒ်အနီၣ်ထိၣ်အိၣ်ဝဲအသိးတမ့ၢ်ဘၣ်ဧါ.

1 ကရံၣ်သူး 3:3 Iomraidhean Croise

လံာ်ဟိၤၡ့ 6:7

ဘၣ်ဆၣ်ဒီးဒ်စီၤအၤဒၣ်အသိးန့ၣ်, အဝဲသ့ၣ်မၤဟးဂီၤကွံာ်တၢ် အၢၣ်လီၤအီလီၤလၢယမၤဒီးအဝဲသ့ၣ်တဖၣ်န့ၣ်လီၤ.

ရိမ့ၤ 13:13

မ်ပကအိၣ်မူဂ့ၤဂ့ၤဘၣ်ဘၣ်ဒ်ပှၤတဖၣ်လၢအလဲၤတၢ်လၢ မုၢ်ဆါအတၢ်ကပီၤအပူၤအသိးန့ၣ်တက့ၢ်. မ်ပကဟးဆှဲးတၢ်မၤပွဲဧိၤလီဧိၤလၢအအိၣ်ဒီးတၢ်အီမူၤ အီဘှီး, တၢ်အိၣ်မူလီၤရၢၢ်လီၤစၢၢ်, တၢ်ကလုာ်ကလိၤ, တၢ်အ့ၣ်လိာ်ဆိးက့လိာ်ဒီးတၢ်သူၣ်က့ၣ်သးကါတဖၣ် န့ၣ်တက့ၢ်.

1 ကရံၣ်သူး 1:10

လၢပကစၢ်ယ့ၣ်ၡူးခရံာ်အမံၤအဃိန့ၣ်, ယဃ့ကညးသုဝဲကိးဒံကိးဂၤဒဲး, ပုၢ်သ့ၣ်ဝဲၢ်သ့ၣ်ဧၢ, ဒ်သိးသုကအၢၣ်လီၤတူၢ်လိာ်တဂၤဒီးတဂၤအတၢ်စံးတၢ်ကတိၤ, ဒီးသုတအိၣ်ဒီးတၢ်လီၤမုၢ်လီၤဖးလၢသုသိးသုကျါတဂ့ၤန့ၣ်လီၤ. ပာ်ဖှိၣ်ထီၣ်သုသးတဖျၢၣ်ဃီလၢာ်လၢာ်ဆ့ဆ့, အိၣ်ဒီးတၢ်ဆိကမိၣ်တမံၤဃီ, ဒီးတၢ်တိာ်ပာ်တမံၤဃီန့ၣ်တက့ၢ်.

1 ကရံၣ်သူး 1:11

အဂ့ၢ်ဒ်အံၤ, ပှၤလၢနီၢ်ကျိးအ့ၤအဒူၣ်ဖိထၢဖိအပူၤတနီၤ စံးဘၣ်တဲဘၣ်တ့ၢ်ယၤဖျါဖျါလၢ တၢ်အ့ၣ်လိာ်ဆိးက့အိၣ်ဝဲဒၣ်လၢသုသိးသုကျါလီၤ. ယဒီပုၢ်ဝဲၢ်သ့ၣ်ဧၢ,

1 ကရံၣ်သူး 11:18

အဆိကတၢၢ်န့ၣ်, ယဘၣ်တၢ်စံးဘၣ်တဲဘၣ်ယၤလၢသုတၢ်ပာ်ဖှိၣ်ထီၣ် သကိးသုသးအပူၤန့ၣ်တၢ်ထီဒုၣ်ထီဒါလိာ်သုသးအိၣ်ဝဲဒၣ်, ဒီးယနာ်လၢတၢ်ဂ့ၢ်အဝဲအံၤမ့ၢ်ဝဲတီဝဲတနီၤလီၤ.

1 ကရံၣ်သူး 3:4

ဖဲသုဝဲအကျါတဂၤသုစံး, “ယမ့ၢ်စီၤပီလူးအပျဲၢ်အဘီၣ်,” ဒီးအဂၤတဂၤစံး, “ယမ့ၢ်စီၤအပီးလိၤအပျဲၢ်အဘီၣ်” န့ၣ်, မ့ၢ်သုမၤသုသးဒ်ပှၤဘၣ်ဃးဒီးဟီၣ်ခိၣ်အအံၤတဃၣ်တမ့ၢ် ဘၣ်ဧါ.

၂ ကရံၣ်သူး 12:20

ယဘၣ်ယိၣ်ယဲလၢ, ဖဲယလဲၤတုၤဖဲန့ၣ်န့ၣ်, ယကထံၣ်ဘၣ်လၢသုတမ့ၢ်တၢ်ဒ်ယဆၢလၢသုကမ့ၢ်ဘၣ်ဒီး သုကထံၣ်ဘၣ်လၢယတမ့ၢ်တၢ်ဒ်သုဆၢလၢယကမ့ၢ်ဘၣ်န့ၣ် လီၤ. ယဘၣ်ယိၣ်လၢယကထံၣ်ဘၣ်တၢ်အ့ၣ်လိာ်ဆိးက့, ဒီးတၢ်သူၣ်က့ၣ်သးကါ, တၢ်သူၣ်ဖုၣ်သးဖုၣ်ဒီးတၢ်အဲၣ်လီၤသး, တၢ်ဒုၣ်ဒွဲၣ်ပယွဲ, တၢ်သီၣ်ဝံသဲကလၤ, တၢ်ပာ်ထီၣ်ထီသးဒီးတၢ်တၢထီၣ်တၢလီၤန့ၣ်လီၤ.

ကလၤတံ 5:15

ဘၣ်ဆၣ်ဒီး, သုမ့ၢ်မၤသုသးဒ်ဆၣ်ဖိကီၢ်ဖိအမံၤတဖၣ်, ဒီးမၤဘၣ် ဒိဘၣ်ထံး, မၤဆူးမၤဆါလိာ်သုသးန့ၣ်, ပလီၢ်သုသးတက့ၢ်. မ့တမ့ၢ်ဘၣ်ဒီးသုကမၤဟးဂီၤလိာ်သုသးတဂၤဒီးတဂၤလၢာ်လၢာ် ဆ့ဆ့န့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

ယၤကိာ် 3:16

ဖဲတၢ်သူၣ်က့ၣ်သးကါဒီးတၢ်အဲၣ်လီၤသးအိၣ်ဝဲန့ၣ်, တၢ်ဖုၣ်ထံၣ်ဖုၣ်ထီ, ဒီးတၢ်အၢတၢ်သီအကလုာ်ကလုာ် အိၣ်ဝဲဖဲန့ၣ်လီၤ.

၁ ပ့းတရူး 4:2

ခဲအံၤဒီးဆူညါ, သုကဘၣ်အိၣ်မူသုတၢ်အိၣ်မူလၢအအိၣ်တ့ၢ်ဒံးလၢဟီၣ်ခိၣ် အံၤလၢကစၢ်ယွၤအတၢ်ဘၣ်သးအပူၤ, ဒီးတမ့ၢ်လၢပှၤကညီအတၢ်သးကွံတဖၣ်အပူၤလၢၤဘၣ်.