1 ကရံၣ်သူး 3:23 - Sgaw Karen Common Bible

²³ ဒီးသုမ့ၢ်ခရံာ်အတၢ်, ဒီးခရံာ်မ့ၢ်ယွၤအတၢ်လီၤ.

1 ကရံၣ်သူး 3:23 Iomraidhean Croise

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်ယိၤဟၣ် 17:18

ယမၢလီၤအဝဲသ့ၣ်ဆူဟီၣ်ခိၣ်ချၢ, ဒ်နမၢလီၤယၤဆူဟီၣ်ခိၣ်ချၢ အသိးန့ၣ်လီၤ.

လံာ်ယိၤဟၣ် 17:21

ယဃ့ဘါထုကဖၣ်ယဲဒ်သိးအဝဲသ့ၣ်ခဲလၢာ်ကမ့ၢ်တၢ်တမံၤဃီ အဂီၢ်န့ၣ်လီၤ. ပၢ်ဧၢ, မ်အဝဲသ့ၣ်ကအိၣ်လၢပပူၤ, ဒ်နအိၣ်လၢယပူၤဒီးယအိၣ်လၢနပူၤအသိးန့ၣ်တက့ၢ်. မ်အဝဲသ့ၣ်ကမ့ၢ်ဒၣ်ဝဲတၢ်တမံၤဃီ, ဒ်သိးဟီၣ်ခိၣ်ကနာ်လၢနမၢလီၤယၤန့ၣ်တက့ၢ်.

ရိမ့ၤ 14:8

ပမ့ၢ်မူဒီးမ့ၢ်ပမူလၢကစၢ်အဂီၢ်, ဒီးပမ့ၢ်သံဒီးမ့ၢ်ပသံလၢကစၢ် အဂီၢ်လီၤ. မ့မ့ၢ်ဒ်န့ၣ်ဒီး, ပမူမ့ၢ်ဂ့ၤပသံမ့ၢ်ဂ့ၤ, ပမ့ၢ်ကစၢ်အတၢ်န့ၣ်လီၤ.

1 ကရံၣ်သူး 11:3

ဘၣ်ဆၣ်ဒီးယအဲၣ်ဒိးသုကနၢ်ပၢၢ်လၢခရံာ်မ့ၢ်ပှၤပိာ်ခွါကိး ဂၤဒဲးအခိၣ်, ဝၤမ့ၢ်မါအခိၣ်, ဒီးကစၢ်ယွၤမ့ၢ်ခရံာ်အခိၣ်န့ၣ်လီၤ.

1 ကရံၣ်သူး 15:23

ဘၣ်ဆၣ်ဒီးပှၤတဂၤဘၣ်တဂၤကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤလၢအဂ့ၢ်အဝီဘၣ်ဘျီးဘၣ်ဒါန့ၣ်လီၤ. အဆိကတၢၢ်န့ၣ်, ခရံာ်, အန့ၣ်ဝံၤအလီၢ်ခံ, ဖဲအဝဲဒၣ်ဟဲ အဆၢကတီၢ်န့ၣ်, ပှၤတဖၣ်လၢအဘၣ်ထွဲဒီးအီၤန့ၣ်လီၤ.

1 ကရံၣ်သူး 15:28

ဘၣ်ဆၣ်ဒီး, ဖဲတၢ်ခဲလၢာ်ခဲဆ့ဘၣ်တၢ်ပာ်လံအီၤလၢခရံာ် အတၢ်ပၢအဖီလာ်န့ၣ်, တုၤနုၤတစု အဝဲအနီၢ်ကစၢ်ဒၣ်ဝဲ, ဖိခွါ, န့ၣ်ကပာ်လီၤအသးလၢကစၢ်ယွၤအဖီလာ်, ကစၢ်ယွၤလၢအပာ်တ့ၢ်လံတၢ်ခဲလၢာ်လၢအဝဲဒၣ်အဖီလာ်, ဒီးကစၢ်ယွၤကပၢတၢ်လၢာ်လၢာ်ဆ့ဆ့လၢတၢ်ခဲလၢာ် အဖီခိၣ်လီၤ.

1 ကရံၣ်သူး 7:22

အဂ့ၢ်ဒ်အံၤ, ကုၢ်တဂၤလၢအဘၣ်တၢ်ကိးတ့ၢ်အီၤလၢ ကစၢ်န့ၣ်, မ့ၢ်ကစၢ်အပှၤသဘျ့တဂၤလီၤ. လၢကျဲတဘိဃီန့ၣ်, ပှၤသဘျ့တဂၤလၢအဘၣ်တၢ်ကိးတ့ၢ်အီၤလၢ ခရံာ်န့ၣ်, မ့ၢ်အဝဲဒၣ်အကုၢ်လီၤ.

1 ကရံၣ်သူး 8:6

လၢပဝဲဒၣ်ပဂီၢ်, ကစၢ်ယွၤအိၣ်ထဲတဂၤဧိၤ, လၢအမ့ၢ်ပၢ်ကစၢ်, လၢအမ့ၢ်ပှၤတ့လီၤပာ်လီၤတၢ်ကိးမံၤဒဲး ဒီးလၢပမူလၢအဂီၢ်, ဒီးကစၢ်အိၣ်ထဲတဂၤ, ယ့ၣ်ၡူးခရံာ်လၢတၢ်ကိးမံၤဒဲးဘၣ်တၢ်တ့လီၤခီဖျိအီၤ, ဒီးလၢပမူပဝဲခီဖျိအီၤန့ၣ်လီၤ.

၂ ကရံၣ်သူး 10:7

သုကွၢ်ဃီၤတ့ၢ်သုဝဲဆူတၢ်အိၣ်ဖျါလၢခိတဖၣ်န့ၣ်လီၤ. မ့ၢ်ပှၤအိၣ်ဝဲဖဲန့ၣ်တဂၤဂၤလၢအဒွးလီၤအသးလၢအဘၣ်ထွဲဒီး ခရံာ်န့ၣ်ဧါ. မ့မ့ၢ်ဒ်န့ၣ်ဒီး, ပျဲအဝဲဒၣ်ကွၢ်ဆိကမိၣ်ကဒီးတၢ်လၢအနီၢ်ကစၢ်ဒၣ်ဝဲအဂ့ၢ် န့ၣ်တက့ၢ်. အဂ့ၢ်ဒ်အံၤ, ထဲသိးအဝဲဒၣ်ဘၣ်ဃးဒီးခရံာ်န့ၣ်, ပဘၣ်ဃးပဝဲစ့ၢ်ကီးလီၤ.

ကလၤတံ 3:29

သုမ့ၢ်ဘၣ်ဃးဒီးခရံာ်ဒီး, သုမ့ၢ်စီၤအၤဘြၤဟၣ်အစၢၤအသွဲၣ်တဖၣ်ဒီးသုကဒိး န့ၢ်ဘၣ်တၢ်လၢကစၢ်ယွၤအၢၣ်လီၤတ့ၢ်န့ၣ်လီၤ.

ကလၤတံ 5:24

ဒီးပှၤလၢအဘၣ်ဃးဒီးယ့ၣ်ၡူးခရံာ်တဖၣ်န့ၣ်, မၤသံကွံာ်အတၢ်ဖံးတၢ်ညၣ်အသးဆၢန့ၢ်တၢ် ဒီး အတၢ်သူၣ်လီသးကွံခဲလၢာ်လံ.

အ့းဖ့းစူး 1:10

တၢ်ရဲၣ်တၢ်ကျဲၤလၢယွၤကမၤလၢထီၣ်ပှဲၤထီၣ်ဝဲဖဲတၢ်ဆၢ ကတီၢ်ဘၣ်ဝဲန့ၣ်, မ့ၢ်အကထုးဖှိၣ်က့ၤတၢ်ဘၣ်တ့ခဲလၢာ်, ကယဲၢ်တၢ်အိၣ်လၢမူခိၣ်ဒီးလၢဟီၣ်ခိၣ်တပူၤဃီ, ဒီးခရံာ်မ့ၢ်တၢ်အခိၣ်န့ၣ်လီၤ.