1 ကရံၣ်သူး 3:18 - Sgaw Karen Common Bible

¹⁸ မတၤတဂၤမးတကြၢးလီလီၤက့ၤအသးဒၣ်ဝဲဘၣ်. ပှၤလၢသုကျါတဂၤဂၤမ့ၢ်ဆိကမိၣ်လီၤအသးလၢအမ့ၢ် ပှၤကူၣ်ဘၣ်ကူၣ်သ့ခီဖျိဟီၣ်ခိၣ်တဘ့ၣ်အံၤအနီၣ်ထိၣ်ဒီး, အဝဲဒၣ်ကြၢးကဲထီၣ်ပှၤအသးတဆးတဂၤ, ဒ်သိးအဝဲဒၣ်ကကဲထီၣ်ပှၤကူၣ်ဘၣ်ကူၣ်သ့နီၢ်နီၢ်တဂၤအဂီၢ်န့ၣ်လီၤ.

1 ကရံၣ်သူး 3:18 Iomraidhean Croise

တၢ်ကတိၤဒိ. 26:12

ပှၤဟးဂီၤဖိလၢအမၢးကတၢၢ်တဂၤန့ၣ်, ဂ့ၤဒိၣ်န့ၢ်ဒံးပှၤတဂၤလၢ အဆိကမိၣ်လီၤအသးလၢအကူၣ်တၢ်သ့ဖဲအတမ့ၢ်ဘၣ်အခါန့ၣ်လီၤ.

တၢ်ကတိၤဒိ. 3:5

သန့ၤနသးလၢယွၤလၢနသးဒီဖျၢၣ်ညါတက့ၢ်. ဒီးသုတသန့ၤနသးလၢတၢ်လၢနဆိကမိၣ်နသ့ၣ်ညါန့ၣ်တဂ့ၤ.

တၢ်ကတိၤဒိ. 3:7

ပျဲနတၢ်ဆိကမိၣ်ဆှၢနၤလၢနကူၣ်တၢ်သ့န့ၢ်ဒံးနမ့ၢ်တၢ်န့ၣ်တဂ့ၤ. စူၢ်ဒၣ်ထဲယွၤဒီးဂ့ၢ်လိာ်တၢ်မၤကမၣ်တၢ်တက့ၢ်.

တၢ်ကတိၤဒိ. 5:7

ယဖိခွါသ့ၣ်ဧၢ, ခဲကနံၣ်အံၤဒိကနၣ်ယၤဒီးသးပ့ၤနီၣ်တၢ်လၢ ယစံးဘၣ်သုနီတစုတဂ့ၤ.

လံာ်ယၡါယၤ 44:20

တၢ်အံၤအခီပညီအိၣ်ဝဲဒၣ်ထဲသိးသိးဒီးတၢ်အီၣ်ဖၣ်ဆါန့ၣ်လီၤ. အတၢ်ဆိကမိၣ်တဂီာ်တသီၣ်တဖၣ်ဆှၢကမၣ်တ့ၢ်အီၤတုၤဒၣ်လဲာ်တၢ်မၤ စၢၤအီၤတသ့လၢၤဘၣ်. တၢ်ဂီၤတၢ်ဖီၣ်လၢအဟံးဃာ်ဝဲလၢအစုပူၤအံၤတမ့ၢ်ကစၢ်လ့ၤ တက့ၤဘၣ်န့ၣ်လီၤ.

လံာ်ယၡါယၤ 5:21

သုဘၣ်တၢ်စံၣ်ညီၣ်ဃါမနၤလီၤ. သုဆိကမိၣ်လၢသုကူၣ်တၢ်သ့, ဒီးသုသ့သုဘၣ်ဒိၣ်မးလီၤ.

လံာ်ယံးရမံယၤ 37:9

ယၤ, ယွၤအံၤ, ယဟ့ၣ်ပလီၢ်သုလၢ သုသုတလီလီၤ သုသးခီဖျိတၢ်ဆိကမိၣ်လၢ ပှၤဘၤဘူၤလိၣ်ဖိတဖၣ် တဟဲကဒါက့ၤ လၢၤဘၣ်န့ၣ်တဂ့ၤ. အဂ့ၢ်ဒ်အံၤ, အဝဲသ့ၣ် ကဟဲဝဲလီၤ.

လံာ်ယံးရမံယၤ 8:8

သုစံးလၢသုကူၣ်တၢ်သ့ဒီးလၢသုသ့ၣ်ညါ ယတၢ်စူၢ်တၢ်နာ်အတၢ်သိၣ်တၢ်သီတဖၣ်သ့ဒ်လဲၣ်. ကွၢ်ကွၢ်, တၢ်စူၢ်တၢ်နာ်အတၢ်သိၣ်တၢ်သီတဖၣ်ဘၣ်တၢ် လဲလိာ်ကွံာ်အီၤလၢပှၤကွဲးလံာ်လၢအတတီတလိၤတဖၣ်န့ၣ်လီၤ.

လံာ်မးသဲ 13:22

တၢ်ချံလၢအဘၣ်တၢ်ဖှံလီၤအီၤလၢတၤဆှုၣ်တၤမဲအကျါတဖၣ်, မ့ၢ်ပှၤလၢအနၢ်ဟူတၢ်ကစီၣ်, ဘၣ်ဆၣ်တၢ်ဘၣ်ယိၣ်ဘၣ်ဘီဘၣ်ဃးဒီးဟီၣ်ခိၣ် ဒီးတၢ်အဲၣ်တၢ်ထူးတၢ်တီၤတဖၣ်ခဲဘၢကွံာ်တၢ်ကစီၣ်သတးဒီး တသၣ်ထီၣ်ဘၣ်ဝဲဘၣ်.

လံာ်မးသဲ 18:4

ပှၤအဒိၣ်ကတၢၢ်တဂၤလၢမူခိၣ်အဘီမုၢ်အပူၤ, မ့ၢ်ပှၤလၢအဆီၣ်လီၤအသးဒီးကဲထီၣ်ဒ်ဖိသၣ်တဂၤအံၤအသိးလီၤ.

လံာ်မၢ်ကူး 10:15

ယစံးဘၣ်သုတီတီလီၤ. ပှၤတဂၤလၢ်လၢ်လၢအတတူၢ်လိာ် ကစၢ်ယွၤအဘီအမုၢ်ဒ်ဖိသၣ်တဂၤအသိးဘၣ်န့ၣ်, တလဲၤနုာ်ဘၣ်ဝဲဆူအပူၤဘၣ်.”

လံာ်လူၤကၣ် 18:17

သ့ၣ်နီၣ်ထီၣ်တၢ်အံၤတက့ၢ်. ပှၤတဂၤလၢ်လၢ်လၢအတတူၢ်လိာ်ကစၢ်ယွၤအဘီအမုၢ်ဒ်ဖိသၣ် တဂၤအသိးန့ၣ်, တလဲၤနုာ်ဘၣ်ဝဲလၢအပူၤနီတစုဘၣ်.”

လံာ်လူၤကၣ် 21:8

ယ့ၣ်ၡူးစံးဝဲ, “အိၣ်ပလီၢ်သူၣ်ပလီၢ်သးတက့ၢ်. တဘၣ်ပျဲပှၤလီန့ၢ်သုတဂ့ၤ. အဂ့ၢ်ဒ်အံၤ, ပှၤအါဒံအါဂၤကဟဲလၢယမံၤဒီးစံးဝဲ, ‘ယမ့ၢ်အဝဲဒၣ်လီၤ.’ ဒီး ‘တၢ်ဆၢကတီၢ်ဟဲတုၤလံ’ န့ၣ်လီၤ. ဘၣ်ဆၣ်ဒီးတဘၣ်ပိာ်အဝဲသ့ၣ်အခံတဂ့ၤ.

ရိမ့ၤ 11:25

ယဒီပုၢ်ဝဲၢ်သးဘိသ့ၣ်ဧၢ, တၢ်မ့ၢ်တၢ်တီခူသူၣ်အိၣ်တမံၤလၢယသးအိၣ်ဒုးသ့ၣ်ညါသုဒ် သိးသုသုတဆိကမိၣ်လီၤသုသး လၢသုကူၣ်ဘၣ်ကူၣ်သ့ တဂ့ၤအဂီၢ်လီၤ. တၢ်န့ၣ်မ့ၢ်တၢ်အံၤလီၤ. ပှၤအံၣ်စရ့လးဖိတဖၣ်အတၢ်သူၣ်ကိၤသးကိၤတမ့ၢ်တၢ်လီၤထူလီၤ ယိာ်ဘၣ်. ကယံာ်ဒၣ်တုၤဖဲပှၤကလုာ်ဂၤတဖၣ်ဟဲက့ၤဆူကစၢ် ယွၤအအိၣ်အနီၣ်ဂံၢ်ပှဲၤထီၣ်ဝဲအဆၢကတီၢ်န့ၣ်လီၤ.

ရိမ့ၤ 12:16

သူၣ်အိၣ်သးအိၣ်ပှၤကိးဂၤဒဲးဒ်သိးသိးတက့ၢ်. တဘၣ်ပာ်ထီၣ်ထီသုသးတဂ့ၤ, မ့မ့ၢ်ရ့တံၤရ့သကိးဒီးပှၤဖှီၣ်ဖိယာ်ဖိတဖၣ်တက့ၢ်. တဘၣ်ဆိကမိၣ်လီၤသုသးလၢသုကူၣ်ဘၣ်ကူၣ်သ့တဂ့ၤ.

1 ကရံၣ်သူး 15:33

သုတဘၣ်တၢ်လီန့ၢ်သုတဂ့ၤ. “တံၤသကိးအအၢအသီတဖၣ်န့ၣ်မၤဟးဂီၤလုၢ်လၢ်သကဲာ်ပဝး အဂ့ၤအဝါလီၤ.”

1 ကရံၣ်သူး 3:17

မ်ဒ်န့ၣ်ဒီး, ပှၤတဂၤဂၤမ့ၢ်မၤဟးဂီၤကွံာ်ယွၤအတၢ်လုၢ်ဟံၣ်ဒီး, ယွၤကမၤဟးဂီၤကွံာ်အီၤလီၤ. အဂ့ၢ်ဒ်အံၤ, ကစၢ်ယွၤအတၢ်လုၢ်ဟံၣ်န့ၣ်စီဝဲဆှံဝဲ, ဒီးသုနီၢ်ကစၢ်ဒၣ်သုဝဲသုမ့ၢ်အဝဲဒၣ်အတၢ်လုၢ်ဟံၣ်လီၤ.

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

ကလၤတံ 6:3

ပှၤတဂၤဂၤမ့ၢ်ဆိကမိၣ်လီၤအသးလၢအမ့ၢ်တၢ်တမံၤမံၤဖဲ အဝဲနီၢ်နီၢ်တမ့ၢ်တၢ်နီတမံၤဘၣ်န့ၣ်, အဝဲလီလီၤဒၣ်အသးဒၣ်ဝဲန့ၣ်လီၤ.

ကလၤတံ 6:7

သုတလီလီၤသုသးတဂ့ၤ, ပှၤလီကစၢ်ယွၤတန့ၢ်နီတဂၤဘၣ်. ပှၤတဂၤကကူးဘၣ်က့ၤတၢ်ဒ်အဖှံဝဲအသိးလီၤ.

အ့းဖ့းစူး 5:6

တဘၣ်ပျဲပှၤနီတဂၤလီန့ၢ်သုလၢတၢ်ကတိၤဟးဂူာ်ဟးဂီၤ တဖၣ်တဂ့ၤ. မ့ၢ်လၢတၢ်တဖၣ်အံၤအဃိ, ကစၢ်ယွၤအတၢ်သးဒိၣ်လီၤဘၣ်ပှၤလၢအတစူၢ်အကလုၢ် တဖၣ်န့ၣ်လီၤ.

၂ တံၤမသ့း 3:13

မ့မ့ၢ်ပှၤအၢပှၤသီဒီးပှၤလီတၢ်ဝ့ၤတၢ်တဖၣ်န့ၣ်ကလဲၤတၢ် ဒံးယံာ်ဒံးအၢထီၣ်, ကလီပှၤဂၤတဖၣ်ဒီးကဘၣ်တၢ်လီ န့ၢ်အီၤစ့ၢ်ကီးန့ၣ်လီၤ.

တံတူး 3:3

အဂ့ၢ်ဒ်လဲၣ်န့ၣ်, ပဝဲစ့ၢ်ကီးတဘျီန့ၣ်ပမ့ၢ်တ့ၢ်ပှၤဟးဂီၤဖိ, ပတစူၢ်တၢ်ဘၣ်, ဒီးပမၤကမၣ်တၢ်လီၤ. ပကဲတ့ၢ်ကုၢ်လၢတၢ်သူၣ်လီသးကွံဒီးတၢ်မၤမုာ်လၤသးဖှံ ပသးလၢတၢ်အကလုာ်ကလုာ်အပူၤန့ၣ်လီၤ. ပမၤလၢာ်တ့ၢ်ပမုၢ်နံၤတဖၣ်လၢတၢ်ဆၢအၢပှၤဂၤဒီးတၢ်သူၣ်က့ၣ် သးကါအပူၤလီၤ. ပှၤဂၤတဖၣ်သးဟ့ပှၤဒီးပသးဟ့အဝဲသ့ၣ် န့ၣ်လီၤ.

ယၤကိာ် 1:22

တဘၣ်လီလီၤသုသးခီဖျိထဲလၢတၢ်ဒိကနၣ်တၢ်ကလုၢ် ကထါဧိၤန့ၣ်တဂ့ၤ. မ့မ့ၢ်, အိၣ်မူမၤထွဲတၢ်ကလုၢ်ကထါအံၤတက့ၢ်.

ယၤကိာ် 1:26

ပှၤတဂၤဂၤဆိကမိၣ်လီၤအသးလၢအမ့ၢ်ပှၤအဲၣ်ထူအဲၣ်ယွၤ န့ၣ်ဧါ. အဝဲမ့ၢ်တပၢၤအပျ့ၤဘၣ်ဒီးအတၢ်ဘူၣ်တၢ်ဘါမ့ၢ်တၢ်လၢ အလုၢ်အပှ့ၤတအိၣ်ဘၣ်ဒီးအဝဲဒၣ်လီလီၤအသးလီၤ.

၁ ယိၤဟၣ် 1:8

ပမ့ၢ်စံးလၢပတၢ်ဒဲးဘးတအိၣ်နီတမံၤဘၣ်ဒီး, မ့ၢ်ပလီလီၤပသးဒီးတၢ်မ့ၢ်တၢ်တီတအိၣ်လၢပပူၤဘၣ်.