1 ကရံၣ်သူး 3:16 - Sgaw Karen Common Bible

¹⁶ သုသ့ၣ်ညါသပှၢ်တၢၢ်လၢသုမ့ၢ်ယွၤအတၢ်လုၢ်ဟံၣ်, ဒီးယွၤအသးစီဆှံအိၣ်ဝဲဆိးဝဲလၢသုပူၤကစီဒီလီၤ တမ့ၢ်ဘၣ်ဧါ.

1 ကရံၣ်သူး 3:16 Iomraidhean Croise

လံာ်ယဃ့းစက့လး 36:27

ယကဒၢနုာ်လီၤယသးလၢသုပူၤဒီးယကကွၢ်, လၢမ့ၢ်သု ပိာ်ထွဲယတၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးတိၢ်န့ၢ်ဖံးဃာ် တၢ်မၤလိာ်တဖၣ်လၢယဟ့ၣ်လီၤတ့ၢ်သုကစီဒီဧါန့ၣ်လီၤ.

လံာ်ယိၤဟၣ် 14:17

အဝဲဒၣ်န့ၣ်မ့ၢ်ယွၤအသးလၢအလီၣ်ဖျါထီၣ်တၢ် မ့ၢ်တၢ်တီဘၣ်ဃးဒီးကစၢ်ယွၤန့ၣ်လီၤ. ဟီၣ်ခိၣ်တူၢ်လိာ်အီၤ တသ့ဘၣ်. မ့ၢ်လၢအထံၣ်အီၤတသ့ဒီးသ့ၣ်ညါအီၤတသ့ဘၣ် အဃိလီၤ. ဘၣ်ဆၣ်ဒီးသုသ့ၣ်ညါအီၤမ့ၢ်လၢအဝဲအိၣ်ဝဲ ဆိးဝဲဒီးသုဒီးကအိၣ်ကဆိးလၢသုပူၤအဃိန့ၣ်လီၤ.

ရိမ့ၤ 6:16

သုသ့ၣ်ညါသပှၢ်ကတၢၢ်လၢ ဖဲသုဟ့ၣ်လီၤသုသးဒ်ကုၢ် တဖၣ်အသိးလၢသုကစူၢ်ပှၤတဂၤဂၤန့ၣ်ဒီး, သုမ့ၢ်နီၢ်နီၢ်ကစၢ်လၢသုစူၢ်အီၤတဂၤအံၤအကုၢ် တဖၣ်န့ၣ်လီၤ. တဘျီဃီဖဲသုကဲတၢ်ဒဲးဘး လၢအဆှၢသု ဆူတၢ်သံအကုၢ်န့ၣ်, သုကဲတၢ်ဒိကနၣ်လၢအဆှၢသုဆူ တၢ်ပာ်တီပာ်လိၤသုအကုၢ်န့ၣ်တသ့ဘၣ်.

ရိမ့ၤ 6:3

သုသ့ၣ်ညါတၢ်အံၤနီၢ်နီၢ်ကစီဒီလီၤ. ဖဲပဘၣ်တၢ်ဒိးဘျၢတ့ၢ်ပှၤလၢယ့ၣ်ၡူးခရံာ်အပူၤန့ၣ်, ပဘၣ်တၢ်ဒိးဘျၢတ့ၢ်ပှၤလၢအတၢ်သံအပူၤန့ၣ်လီၤ.

ရိမ့ၤ 8:11

ကစၢ်ယွၤအသးလၢအဒုးဂဲၤဆၢထၢၣ်သမူထီၣ်က့ၤယ့ၣ်ၡူး လၢတၢ်သံန့ၣ်, မ့ၢ်မူလၢသုပူၤဒီး, ပှၤလၢအဒုးဂဲၤဆၢထၢၣ် သမူထီၣ်က့ၤခရံာ်လၢတၢ်သံန့ၣ်ကဟ့ၣ်လီၤစ့ၢ်ကီးသုနီၢ်ခိလၢ အသံသ့တဖၣ်အံၤလၢတၢ်မူခီဖျိယွၤအသးလၢအအိၣ် ဝဲဆိးဝဲလၢသုပူၤန့ၣ်လီၤ.

ရိမ့ၤ 8:9

ဘၣ်ဆၣ်ဒီးယွၤအသးမ့ၢ်မူလၢသုပူၤနီၢ်နီၢ်န့ၣ်, သုတအိၣ်မူဒ်ဟီၣ်ခိၣ်ဖိအန့ဆၢၣ်အတၢ်မၢသု အသိးန့ၣ်ဘၣ်. သုအိၣ်မူဒ်ကစၢ်ယွၤအသးအတၢ်မၢသု အသိးန့ၣ်လီၤ. ပှၤတဂၤလၢ်လၢ်လၢခရံာ်အသးတအိၣ် လၢအပူၤဘၣ်န့ၣ်, တဘၣ်ဃးဒီးခရံာ်ဘၣ်.

1 ကရံၣ်သူး 3:17

မ်ဒ်န့ၣ်ဒီး, ပှၤတဂၤဂၤမ့ၢ်မၤဟးဂီၤကွံာ်ယွၤအတၢ်လုၢ်ဟံၣ်ဒီး, ယွၤကမၤဟးဂီၤကွံာ်အီၤလီၤ. အဂ့ၢ်ဒ်အံၤ, ကစၢ်ယွၤအတၢ်လုၢ်ဟံၣ်န့ၣ်စီဝဲဆှံဝဲ, ဒီးသုနီၢ်ကစၢ်ဒၣ်သုဝဲသုမ့ၢ်အဝဲဒၣ်အတၢ်လုၢ်ဟံၣ်လီၤ.

1 ကရံၣ်သူး 3:9

အဂ့ၢ်ဒ်အံၤ, ပမ့ၢ်ပှၤမၤသကိးတၢ်တဖၣ်လၢအမၤဃုာ်တၢ်တပူၤဃီလၢကစၢ်ယွၤ အဂီၢ်, ဒီးသုမ့ၢ်ကစၢ်ယွၤအစံာ်လီၢ်ပှဲၤလီၢ်န့ၣ်လီၤ. သုမ့ၢ်စ့ၢ်ကီးကစၢ်ယွၤအတၢ်သူၣ်ထီၣ်လီၤ.

1 ကရံၣ်သူး 5:6

သုပာ်ကဖၢလၢသုသးန့ၣ်, တမ့ၢ်တၢ်လၢအကြၢးဝဲဘၣ်ဝဲ ဘၣ်. သုသ့ၣ်ညါတၢ်ကတိၤတထံၣ်လၢအစံးဝဲ, “ကိၣ်မံၣ်ထဲတစဲးဖိဧိၤမၤဖးထီၣ်ကိၣ်ကမူၣ်ကျဲအသးဒီးထံ ဒီကိၢ်လိၣ်ညါ” န့ၣ်လီၤ.

1 ကရံၣ်သူး 6:16

မ့တမ့ၢ်, ဘၣ်တဘၣ်သုတသ့ၣ်ညါလၢပှၤပိာ်ခွါတဂၤ လၢအပာ်ဖှိၣ်ဃုာ်အနီၢ်ခိဒီးဃဲသဲမုၣ်တဂၤန့ၣ်, ကဲထီၣ်ပှၤတဂၤဃီဒီးအီၤလၢနီၢ်ခိနီၢ်ခီန့ၣ်လီၤ. တၢ်ကွဲးအသးစံးဝဲဒၣ်ဖျါဖျါကစီဒီလီၤ. “ပှၤခံဂၤန့ၣ်ကကဲထီၣ်နီၢ်ခိတဂၤဃီလီၤ.”

1 ကရံၣ်သူး 6:19

မ့ၢ်သုတသ့ၣ်ညါလၢသုနီၢ်ခိမ့ၢ်တၢ်လုၢ်ဟံၣ်ဘၣ်ဃးဒီးသး စီဆှံ, လၢအအိၣ်ဝဲဆိးဝဲလၢသုပူၤ, ဒီးဘၣ်တၢ်ဟ့ၣ်သုလၢ ယွၤန့ၣ်ဘၣ်ဧါ. သုတဘၣ်ဃးဒီးသုနီၢ်ကစၢ်ဒၣ်သုဝဲဘၣ်, မ့မ့ၢ်သုဘၣ်ဃးဒီးယွၤလီၤ.

1 ကရံၣ်သူး 6:9

သပှၢ်ကတၢၢ်, သုသ့ၣ်ညါသုဝဲလၢပှၤအၢပှၤသီတဖၣ်တဒိး န့ၢ်ဘၣ်ယွၤအဘီအမုၢ်ဘၣ်န့ၣ်လီၤ. သုတလီလီၤက့ၤသုသး တဂ့ၤ. ပှၤလၢအမၤကမၣ်မုၣ်ကမၣ်ခွါတဖၣ်, မ့တမ့ၢ်ဘါတၢ်ဂီၤ တၢ်ဖီၣ်တဖၣ်, မ့တမ့ၢ်အဲၣ်ဘၢတၢ်, မ့တမ့ၢ်အဲၣ်ပကၢၤတၢ်,

1 ကရံၣ်သူး 9:13

သုကသ့ၣ်ညါကစီဒီလီၤ. ပှၤလၢအမၤတၢ်လၢတၢ်လုၢ်ဟံၣ်အပူၤ တဖၣ်ဒိးန့ၢ်ဘၣ်အတၢ်အီၣ်လၢတၢ်လုၢ်ဟံၣ်အပူၤ, ဒီးပှၤလၢအလုၢ်ထီၣ်တၢ်လုၢ်တၢ်ပာ်လၢတၢ်လုၢ်လီၢ်တဖၣ် ဒိးန့ၢ်ဘၣ်တၢ်နီၤဟ့ၣ်အီၤလၢတၢ်လုၢ်တၢ်ပာ်တဖၣ်န့ၣ်လီၤ.

1 ကရံၣ်သူး 9:24

သုသ့ၣ်ညါသုဝဲကစီဒီလီၤ. လၢတၢ်ဃ့ၢ်ပြၢတဘျီအပူၤန့ၣ်, ပှၤပြၢတၢ်ဖိအိၣ်ဝဲအါဂၤ, ဘၣ်ဆၣ်ဒီးပှၤဒိးန့ၢ်ဘၣ်ခိၣ်ဖးအိၣ်ဝဲထဲ တဂၤဧိၤလီၤ. မ့မ့ၢ်ဒ်န့ၣ်ဒီး ဃ့ၢ်သုဝဲဒ်သိးသုဒိးန့ၢ်ခိၣ်ဖးကသ့ဝဲ အဂီၢ်တက့ၢ်.

၂ ကရံၣ်သူး 6:16

ကစၢ်ယွၤအတၢ်လုၢ်ဟံၣ်ဒီးပှၤသူခိၣ်ဖိအတၢ်ဂီၤတၢ်ဖီၣ် န့ၣ်အသးလီၤပလိာ်ကသ့ဝဲလၢကျဲဒ်လဲၣ်. အဂ့ၢ်ဒ်အံၤ, ပမ့ၢ်ကစၢ်ယွၤလၢအမူဝဲတဂၤအတၢ်လုၢ်ဟံၣ်လီၤ. ဒ်ကစၢ်ယွၤအနီၢ်ကစၢ်ဒၣ်ဝဲစံးလံဝဲအသိး, “ယကသူၣ်ထီၣ်ယဟံၣ်ယဃီဒီးယပှၤဂီၢ်မုၢ် ဒီးအိၣ်ယဲဆိးယဲလၢအဝဲသ့ၣ်တဖၣ်အသိးအကျါလီၤ. ယကမ့ၢ်အဝဲသ့ၣ်အကစၢ်ယွၤ ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.”

၁ တံၤမသ့း 3:15

ဘၣ်ဆၣ်ဒီးယမ့ၢ်ဘၣ်တံာ်တာ်ဘၣ်ဖုးန့ၣ်, လံာ်ပရၢအဝဲအံၤကဒုးသ့ၣ်ညါနၤလၢပဂ့ၤအိၣ်မူဒ်လဲၣ်ဒ် လဲၣ်လၢကစၢ်ယွၤအဒူၣ်ပူၤထၢပူၤ, လၢအမ့ၢ်ကစၢ်ယွၤလၢအမူဝဲတဂၤအတၢ်အိၣ်ဖှိၣ်, ဟံၣ်ထူၣ်ဒီးတၢ်ပၢၢ်ဃာ်လၢအစိာ်ဂၢၢ်စိာ်ကျၢၤတၢ်မ့ၢ် တၢ်တီန့ၣ်လီၤ.

၂ တံၤမသ့း 1:14

ခီဖျိသးစီဆှံအစိကမီၤလၢအအိၣ်မူလၢပပူၤန့ၣ်, ဟံးဃာ်တၢ်လုၢ်ဒိၣ်ပှ့ၤဒိၣ်တဖၣ်လၢအဘၣ်တၢ်ဟ့ၣ်လီၤအး လီၤတ့ၢ်လၢနစုပူၤန့ၣ်တက့ၢ်.

ဧ့ၤဘြံၤ 3:6

မ့မ့ၢ်ခရံာ်အကလုၢ်တီဝဲဒ်ဖိခွါတဂၤအသိးလၢကစၢ်ယွၤအဒူၣ် အထၢအဖီခိၣ်န့ၣ်လီၤ. ပမ့ၢ်အိၣ်ဒီးတၢ်သူၣ်ဒူသးဒူဒီးတၢ်သူၣ်ဂၢၢ်သးကျၢၤလၢပတၢ် မုၢ်လၢ်အပူၤဒီးပမ့ၢ်အဝဲဒၣ်အဒူၣ်ဖိထၢဖိလီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.

၁ ပ့းတရူး 2:5

ဟဲသုဝဲဒ်လၢၢ်မူတဖၣ်အသိးဒီးပျဲတၢ်သူသုလၢတၢ်သူၣ် ထီၣ်ဘှီထီၣ်သးအတၢ်လုၢ်ဟံၣ်ဖဲသုကမၤတၢ်ဒ်ပှၤလုၢ်တၢ် အခိၣ်စီဆှံတဖၣ်အသိး, လၢတၢ်လုၢ်ထီၣ်တၢ်လုၢ်တၢ်ပာ်လၢသူၣ်လၢသးဒီးလၢတၢ်တူၢ်လိာ် အီၤသ့တဖၣ်ဆူကစၢ်ယွၤအအိၣ်ခီဖျိယ့ၣ်ၡူးခရံာ်အဂီၢ်န့ၣ်တက့ၢ်.

၁ ယိၤဟၣ် 4:12

ပှၤတထံၣ်ဘၣ်ဒံးကစၢ်ယွၤနီတစုနီတဂၤဘၣ်. ပမ့ၢ်အဲၣ်လိာ်ကွံလိာ်ပသးတဂၤဒီးတဂၤန့ၣ်, ကစၢ်ယွၤ အိၣ်ဝဲဆိးဝဲလၢပပူၤဒီးအတၢ်အဲၣ်တၢ်ကွံလၢထီၣ်ပှဲၤ ထီၣ်လၢပပူၤလီၤ.