1 ကရံၣ်သူး 2:3 - Sgaw Karen Common Bible

³ လၢတၢ်န့ၣ်အဃိဖဲယဟဲဆူသုအိၣ်န့ၣ်, ယဂံၢ်စၢ်ဘါစၢ်, ဒီးကနိးကစုာ်ယဲဒီဂၤညါလၢတၢ်ပျံၤတၢ်ဖုးအဃိ

1 ကရံၣ်သူး 2:3 Iomraidhean Croise

လံာ်ယၡါယၤ 19:16

တၢ်ဆၢကတီၢ်ဟဲဝဲဖဲပှၤအဲၤကူပတူးဖိတဖၣ်ကပျံၤတၢ်ဒ်ပိာ် မုၣ်တဖၣ်အသိးလီၤ. အဝဲသ့ၣ်ကကနိးကစုာ်လၢတၢ်ပျံၤတၢ် ဖုးဖးဒိၣ်အပူၤဖဲအဝဲသ့ၣ်ထံၣ်ဝဲလၢယွၤသ့တၢ်လၢာ်ကစၢ်ယူာ် ထီၣ်အစုလၢကစံၣ်ညီၣ်အဝဲသ့ၣ်အဂီၢ်အခါန့ၣ်လီၤ.

မၤတၢ် 17:1

အဝဲသ့ၣ်လဲၤခီဂာ်ဝ့ၢ်အၣ်ဖံပလံၤဒီးဝ့ၢ်အၤပလိၤနံဝံၤဒီး, ဟဲတုၤဝဲလၢဝ့ၢ်သ့းစၤလနံဖဲဘူၣ်ဘျီၣ်လၢအမ့ၢ်တၢ်ဘါ အလီၢ်အိၣ်ဝဲတဖျၢၣ်န့ၣ်လီၤ.

မၤတၢ် 18:1

အန့ၣ်ဝံၤအလီၢ်ခံ, စီၤပီလူးဟးထီၣ်လၢဝ့ၢ်အၤသ့ၣ်, ဒီးလဲၤဆူဝ့ၢ်ကရံၣ်သူးလီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 18:6

ဖဲအဝဲသ့ၣ်ထီဒါဒီးကတိၤဒုၣ်ဒွဲၣ်အီၤန့ၣ်, အဝဲဒၣ်တြုၤလီၤကွံာ် ဟီၣ်ခိၣ်ကမူၣ်လၢအကူအသိးအလိၤဒီးစံးဘၣ်အဝဲသ့ၣ်, “သုမ့ၢ်တုၤလၢတၢ်ဟးဂီၤဒီးမ့ၢ်သုတၢ်ကမၣ်ဒၣ်သုဝဲလီၤ. တၢ်ကမၣ်တလီၤတီလၢယလိၤဘၣ်. စးထီၣ်ခဲအံၤဒီးဆူညါန့ၣ်ယကလဲၤစံၣ်တဲၤတဲလီၤတၢ် လၢပှၤကလုာ်ဂၤတဖၣ်အသိးအကျါလီၤ.”

၂ ကရံၣ်သူး 10:1

ယၤ, စီၤပီလူး, ယသကွံၢ်ကညးတၢ်ဆူသုအိၣ်လၢယနီၢ် ကစၢ်ဒၣ်ယဲ, ယၤ, လၢပှၤစံးလၢအဆီၣ်လီၤအသးဒီးမၤအသး ကပုာ်ကပုာ်ဖဲအအိၣ်ဒီးသုအဆၢကတီၢ်, ဘၣ်ဆၣ်မၤအသးဆူၣ်ဆူၣ်ကိၤကိၤဖဲအအိၣ်ယံၤဒီးသုအဆၢ ကတီၢ်န့ၣ်လီၤ. ခီဖျိခရံာ်အတၢ်သူၣ်ဂ့ၤသးဝါဒီးတၢ်အဲၣ်တၢ် ကွံန့ၣ်, ယဃ့ကညးသုဒ်သိး

၂ ကရံၣ်သူး 10:10

ပှၤစံးဝဲ, “စီၤပီလူးအလံာ်ပရၢတဖၣ်ဆူၣ်ဝဲကိၤဝဲ, ဒီးအသဟီၣ် ဆူၣ်လီၤ. မ့မ့ၢ် ဖဲအဝဲအိၣ်လၢပသိးပကျါန့ၣ်အဂံၢ်စၢ်ဘါစၢ်ဒီး အတၢ်ကတိၤတဖၣ်တမ့ၢ်တၢ်နီတမံၤဘၣ်.”

၂ ကရံၣ်သူး 13:4

အဂ့ၢ်ဒ်အံၤ, အဝဲမ့ၢ်ဘၣ်တၢ်မၤသံအီၤလၢထူၣ်စုညါအလိၤလၢ အတၢ်ဂံၢ်စၢ်ဘါစၢ်အပူၤသနာ်က့, အဝဲဒၣ်အိၣ်မူဝဲလၢကစၢ်ယွၤ အစိကမီၤလီၤ. လၢတၢ်ပာ်ဖှိၣ်ထီၣ်ပသးတပူၤဃီဒီးအီၤ အပူၤန့ၣ်, ပဂံၢ်စၢ်ဘါစၢ်စ့ၢ်ကီး, မ့မ့ၢ်လၢပတၢ်ဘၣ်ထွဲဒီးသုအပူၤန့ၣ်ပကအိၣ်မူပဝဲဒီးအီၤ လၢကစၢ်ယွၤအစိကမီၤလီၤ.

၂ ကရံၣ်သူး 13:9

ပသးခုပဝဲဖဲပဂံၢ်စၢ်ဘါစၢ်အခါန့ၣ်သုဂံၢ်ဆူၣ်ဘါဆူၣ်န့ၣ်လီၤ. ဒီးလၢတၢ်န့ၣ်အဃိ, ပဃ့ဘါထုကဖၣ်ပဝဲဒ်သိးသုကကဲထီၣ် ပှၤလၢပှၤပှဲၤန့ၣ်လီၤ.

၂ ကရံၣ်သူး 4:1

ကစၢ်ယွၤ, လၢအဝဲဒၣ်အတၢ်သးကညီၤအပူၤန့ၣ်, ဟ့ၣ်လံပှၤတၢ်မၤတမံၤအံၤလၢပကမၤအီၤသတးဒီး, ပသးတဟးဂီၤဘၣ်.

၂ ကရံၣ်သူး 4:16

လၢတၢ်ဂ့ၢ်တမံၤအံၤအဃိ, ပသးတဟးဂီၤနီတစု ဘၣ်. ပနီၢ်ခိမ့ၢ်ဟးဂီၤကွံာ်တစဲးဘၣ်တစဲးသနာ်က့, ပနီၢ်သးဘၣ်တၢ်မၤသီထီၣ်အီၤတနံၤဘၣ်တနံၤလီၤ.

၂ ကရံၣ်သူး 6:4

အခိၣ်တလိာ်လၢတၢ်ကိးမံၤဒဲးလၢပမၤအီၤအပူၤန့ၣ် ပဒုးနဲၣ်လၢပမ့ၢ်ကစၢ်ယွၤအခ့အပှၤတဖၣ်ခီဖျိပတူၢ်တၢ်ကီတၢ်ခဲ တၢ်ဖှီၣ်တၢ်ယာ်ဒီးတၢ်နးတၢ်ဖှီၣ်တဖၣ် လၢတၢ်သူၣ်စူၤသးစူၤ အပူၤန့ၣ်လီၤ.

၂ ကရံၣ်သူး 7:15

ဒီးလၢတၢ်န့ၣ်အဃိအဝဲအတၢ်အဲၣ်ဘၣ်သုဒိၣ်ထီၣ် ဆူၣ်ထီၣ်ဝဲ, ဖဲအဝဲဒၣ်သ့ၣ်နီၣ်ထီၣ်လၢသုဝဲကိးဂၤဒဲးသုအိၣ် ကတဲာ်ကတီၤသုသးလၢသုကစူၢ်ဒီးမၤထွဲအဝဲအတၢ်နဲၣ် သုကျဲတဖၣ်ဒ်လဲၣ်အဂ့ၢ်, လၢသုတူၢ်လိာ်ခီၣ်ဆၢအီၤလၢတၢ်ပျံၤ တၢ်ဖုးဒီးတၢ်ကနိးကစုာ်အပူၤဒ်လဲၣ်အဂ့ၢ်န့ၣ်လီၤ.

၂ ကရံၣ်သူး 7:5

ဖဲပဟဲတုၤလၢကီၢ်မၤက့းဒနံဝံၤအလီၢ်ခံဒၣ်လဲာ်န့ၣ်, ပတအိၣ်ဒီးတၢ်အိၣ်ဘှံးအိၣ်သါနီတစဲးဘၣ်. တၢ်ကီတၢ်ခဲအိၣ်ဝဲဒၣ်လၢတၢ်လီၢ်ကိးပူၤဒဲး, တၢ်ထီဒုၣ်ထီဒါလိာ်ပသးဒီးပှၤဂၤ, ဒီးတၢ်ပျံၤတၢ်ဖုးလၢ ပသးပူၤန့ၣ်လီၤ.

အ့းဖ့းစူး 6:5

ကုၢ်သ့ၣ်ဧၢ, စူၢ်သုကစၢ်တဖၣ်အိၣ်ဒီးတၢ်ပျံၤဒီးတၢ်ကနိးကစုာ် တက့ၢ်. မၤတၢ်အံၤလၢတၢ်သးတီအပူၤဒ်သုမၤဘၣ်ခရံာ်အတၢ် အသိး,