1 ကရံၣ်သူး 2:15 - Sgaw Karen Common Bible

¹⁵ မ့မ့ၢ်ပှၤတဂၤလၢ်လၢ်လၢအအိၣ်ဒီးယွၤအသးစီဆှံန့ၣ်, သ့ၣ်ညါနၢ်ပၢၢ်တၢ်ခဲလၢာ်အလုၢ်အပှ့ၤသ့ဝဲ, ဘၣ်ဆၣ်ပှၤသ့ၣ်ညါနၢ်ပၢၢ်ပှၤအဝဲန့ၣ်တသ့ဘၣ်နီတဂၤဘၣ်.

1 ကရံၣ်သူး 2:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:17

တၢ်ဒိၣ်ဧၢ, ယစံးလီၤယသးလၢနတၢ်အၢၣ်လီၤအီလီၤန့ၣ်, ကမၤပူၤဖျဲးယၤလီၤ. အဂ့ၢ်ဒ်အံၤ, စီၤပၤန့ၣ်လီၤဂာ်ဒီးကစၢ်ယွၤအကလူးတဂၤဒီးနီၤ ဖးတၢ်ဂ့ၤဒီးတၢ်အၢအဆၢသ့ဝဲဒၣ်န့ၣ်လီၤ. မ်ယွၤ, နကစၢ်ယွၤအိၣ်ဒီးနၤတက့ၢ်.”

စံးထီၣ်ပတြၢၤ 25:14

ယွၤမ့ၢ်ပှၤလၢအစူၢ်အီၤတဖၣ်အတံၤသကိး ဒီးမၤဂၢၢ်မၤကျၢၤ အတၢ်အၢၣ်လီၤအီလီၤဒီးအဝဲသ့ၣ်န့ၣ်လီၤ.

တၢ်ကတိၤဒိ. 28:5

ပှၤအၢပှၤသီတဖၣ်တသ့ၣ်ညါတၢ်စံၣ်ညီၣ်တီဘၣ်. မ့မ့ၢ်ပှၤလၢအဘူၣ်ထီၣ်ဘါထီၣ်ယွၤန့ၣ်, သ့ၣ်ညါဝဲဂ့ၤဂ့ၤလီၤ.

လံာ်ပှၤစံၣ်တဲၤတဲလီၤတၢ် 8:5

အကတီၢ်လၢနစူၢ်ဒံးအတၢ်မၤလိာ်န့ၣ်, နကအိၣ်ဘံၣ်ဘၢပူၤဖျဲးလီၤ. ဒီးပှၤကူၣ်တၢ်သ့တဂၤန့ၣ်ကဘၣ်မၤတၢ်န့ၣ်ဒ်လဲၣ်ဒီးကဘၣ်မၤဝဲ အခါဖဲလဲၣ်န့ၣ်သ့ၣ်ညါဝဲလီၤ.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

မၤတၢ် 16:3

စီၤပီလူးအသးအိၣ်လၢအဝဲဒၣ်ကကဲထီၣ်ပှၤလဲၤဃုာ်တၢ်ဒီး အီၤသတးဒီး, ကူးတရံးအီၤလီၤ. အဝဲမၤတၢ်ဒ်သိးအံၤန့ၣ်, မ့ၢ်လၢပှၤယူဒၤဖိလၢအအိၣ်အဆိးဖဲတၢ်လီၢ်တၢ်ကျဲတဖၣ် န့ၣ်အပူၤအဃိ, အဂ့ၢ်မ့ၢ်လၢအဝဲသ့ၣ်ခဲလၢာ်သ့ၣ်ညါလၢ စီၤတံၤမသ့းအပၢ်မ့ၢ်ပှၤကြံးခ်ဖိတဂၤအဃိန့ၣ်လီၤ.

1 ကရံၣ်သူး 14:37

ပှၤတဂၤဂၤမ့ၢ်ဆိကမိၣ်လၢ, အဝဲဒၣ်မ့ၢ်ကစၢ်ယွၤအပှၤဆှၢတၢ်ကစီၣ်, မ့တမ့ၢ်အိၣ်ဒီးသးစီဆှံအတၢ်ဟ့ၣ်န့ၣ်, အဝဲဒၣ်ကဘၣ်သ့ၣ်ညါလၢတၢ်လၢယကွဲးန့ၢ်သုတဖၣ်မ့ၢ်ဝဲ ကစၢ်ယွၤအတၢ်မၤလိာ်န့ၣ်လီၤ.

1 ကရံၣ်သူး 3:1

မ့မ့ၢ်သုဝဲသ့ၣ်အံၤ, ယဒီပုၢ်ဝဲၢ်သ့ၣ်ဧၢ, ယကတိၤတၢ်ဒီးသုဒ်ယကတိၤတၢ်ဒီးပှၤတဖၣ်လၢအအိၣ်ဒီးသးစီဆှံ န့ၣ်တသ့ဘၣ်. ယဘၣ်ကတိၤတၢ်ဒီးသုဒ်သုဘၣ်ထွဲလၢဟီၣ်ခိၣ် တဘ့ၣ်အံၤ, ဒ်ပှၤဖိဒံဖိသၣ်လၢခရံာ်ဖိအတၢ်စူၢ်တၢ်နာ်အပူၤ အသိးန့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

ကလၤတံ 6:1

ယဒီပုၢ်ဝဲၢ်သ့ၣ်ဧၢ, ပှၤတဂၤဂၤမ့ၢ်ဘၣ်တၢ်ထံၣ်န့ၢ်အီၤလၢအမၤ ကမၣ်တၢ်တမံၤမံၤန့ၣ်, သုဝဲလၢယွၤအသးပၢသုတဖၣ်, သုကြၢးမၤဂ့ၤမၤဘၣ်က့ၤအီၤန့ၣ်လီၤ. ဘၣ်ဆၣ်ဒီး, သုကဘၣ်မၤအီၤလၢတၢ်ကပုာ်လုးဖိအပူၤလီၤ. ဒီးကွၢ်လီၤသုသးဒ်သိး သုသုတဘၣ်တၢ်လ့ပစီတဂ့ၤစ့ၢ်ကီးန့ၣ်တက့ၢ်.

ဖံလံးပံၤ 1:10

ဒ်သိးသုကသ့ဃုထၢတၢ်အဂ့ၤကတၢၢ်န့ၣ်လီၤ. အန့ၣ်တစုသုကပူၤဖျဲးဒီးတၢ်တစီတဆှံခဲလၢာ်, ဒီးတၢ်ပာ်တၢ်ကမၣ်လၢသုလိၤဖဲခရံာ်အမုၢ်တနံၤ န့ၣ်လီၤ.

ကလီးစဲ 1:9

လၢတၢ်န့ၣ်အဃိ, စးထီၣ်မုၢ်တနံၤလၢပနၢ်ဟူဘၣ်သုဂ့ၢ်လံၤလံၤ န့ၣ်ပတဆိတ့ၢ်ဘါထုကဖၣ်လၢသုဂီၢ်ဘၣ်. ပတၢ်ထုကဖၣ်လၢ သုဂီၢ်မ့ၢ်ဒ်သိးယွၤကမၤပှဲၤသုဒီးတၢ်သ့ၣ်ညါအတၢ်ဘၣ်အသးဒီး တၢ်ကူၣ်ဘၣ်ကူၣ်သ့ဒီးတၢ်သ့ၣ်ညါနၢ်ပၢၢ်ခဲလၢာ်လၢယွၤ အသးဟ့ၣ်လီၤဝဲ,

၁ သ့းစၤလနံ 5:21

တၢ်ခဲလၢာ်န့ၣ်, မ့ၢ်အတီတတီထိၣ်တဲာ်မၤကွၢ်အီၤတက့ၢ်. ဟံးဃာ်တၢ်လၢအဂ့ၤတဖၣ်,

ဧ့ၤဘြံၤ 5:14

ဘၣ်ဆၣ်ဒီးတၢ်အသံးအကာ်မ့ၢ်လၢပှၤဒိၣ်တုာ်ခိၣ်ပှဲၤ အဂီၢ်, ပှၤလၢအအိၣ်ကတဲာ်ကတီၤတ့ၢ်လံအသးခီဖျိ အပဲာ်ဖးနီၤဖးညီနုၢ်တၢ်ဂ့ၤဒီးတၢ်အၢအဆၢန့ၣ်လီၤ.

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.