1 ကရံၣ်သူး 2:14 - Sgaw Karen Common Bible

¹⁴ ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

1 ကရံၣ်သူး 2:14 Iomraidhean Croise

တၢ်ကတိၤဒိ. 14:6

ပှၤလၢအပာ်ဒိၣ်ပာ်ဂ့ၤအသးတဖၣ်ကဲထီၣ်ပှၤကူၣ်သ့တန့ၢ်ဘၣ်နီ တဘျီဘၣ်. မ့မ့ၢ်, ပှၤလၢအအိၣ်ဒီးတၢ်သူၣ်ဆးသးဆးတဖၣ်မၤလိန့ၢ်တၢ်ညီကဒၣ်လီၤ.

လံာ်မးသဲ 16:23

ယ့ၣ်ၡူးဃၣ်အသးဒီးစံးဘၣ်စီၤပ့းတရူး, “မုၣ်ကီၤလံၢ်ဧၢ, ဟးဖးဒီးယၤတက့ၢ်. နမ့ၢ်ပှၤလၢအမၤတံာ်တာ်ယကျဲလီၤ. အဂ့ၢ်ဒ်အံၤ, နတၢ်ဆိကမိၣ်အံၤတမ့ၢ်တၢ်ဟဲလၢယွၤအအိၣ်ဘၣ်. မ့ၢ်တၢ်ဘၣ်ဃးဒီးပှၤကညီလီၤ.”

လံာ်ယိၤဟၣ် 10:20

အဝဲသ့ၣ်အါဂၤစံးဝဲ, “ပှၤတဂၤအံၤတၢ်နါဒိးအီၤ, ဒီးအဝဲမ့ၢ်ပှၤအပျုၢ်လီၤ. ဘၣ်မနုၤအဃိသုဒိကနၣ်အီၤန့ၣ်လဲၣ်.”

လံာ်ယိၤဟၣ် 12:37

ယ့ၣ်ၡူးမၤတၢ်လီၤလးတဖၣ်အံၤလၢအဝဲသ့ၣ်အမဲာ်ညါ ထဲထဲအံၤသနာ်က့, အဝဲသ့ၣ်တစူၢ်က့ၤနာ်က့ၤအီၤဘၣ်.

လံာ်ယိၤဟၣ် 14:17

အဝဲဒၣ်န့ၣ်မ့ၢ်ယွၤအသးလၢအလီၣ်ဖျါထီၣ်တၢ် မ့ၢ်တၢ်တီဘၣ်ဃးဒီးကစၢ်ယွၤန့ၣ်လီၤ. ဟီၣ်ခိၣ်တူၢ်လိာ်အီၤ တသ့ဘၣ်. မ့ၢ်လၢအထံၣ်အီၤတသ့ဒီးသ့ၣ်ညါအီၤတသ့ဘၣ် အဃိလီၤ. ဘၣ်ဆၣ်ဒီးသုသ့ၣ်ညါအီၤမ့ၢ်လၢအဝဲအိၣ်ဝဲ ဆိးဝဲဒီးသုဒီးကအိၣ်ကဆိးလၢသုပူၤအဃိန့ၣ်လီၤ.

လံာ်ယိၤဟၣ် 14:26

မ့မ့ၢ်, ပှၤမၤစၢၤတၢ်သးစီဆှံလၢပၢ်ကမၢလီၤအီၤလၢယမံၤ အပူၤန့ၣ်, ကသိၣ်လိသီလိသုတၢ်ခဲလၢာ်ဒီးကဒုးသ့ၣ်နီၣ်ထီၣ် သုတၢ်လၢယစံးဘၣ်တ့ၢ်သုခဲလၢာ်န့ၣ်လီၤ.

လံာ်ယိၤဟၣ် 15:26

ပှၤမၤစၢၤတၢ်တဂၤလၢအမ့ၢ်ယွၤအသးလၢ အလီၣ်ဖျါထီၣ်တၢ်မ့ၢ်တၢ်တီဘၣ်ဃးဒီးကစၢ်ယွၤန့ၣ်, ကဟဲဝဲလၢပၢ်အအိၣ်န့ၣ်လီၤ. ယကမၢလီၤအီၤလၢပၢ် အအိၣ်ဆူသုအိၣ်ဒီးအဝဲဒၣ်ကအုၣ်အသးလၢယဂ့ၢ် ယကျိၤလီၤ.

လံာ်ယိၤဟၣ် 5:44

သုသးအိၣ်ဒိးန့ၢ်တၢ်စံးပတြၢၤလိာ်သးကဒဲကဒဲန့ၣ်လီၤ. မ့မ့ၢ် သုတဂုာ်ကျဲးစၢးမၤန့ၢ်တၢ်စံးပတြၢၤထဲလၢကစၢ်ယွၤတဂၤဧိၤ အအိၣ်အဃိ, သုနာ်ယၤကသ့ဒ်လဲၣ်.

လံာ်ယိၤဟၣ် 8:43

ဘၣ်မနုၤအဃိသုတနၢ်ပၢၢ်တၢ်လၢယစံးကတိၤန့ၣ်လဲၣ်. တၢ်အဝဲအံၤမ့ၢ်ဒၣ်လၢတၢ်လၢယစံးဘၣ်တဲဘၣ်သုန့ၣ်, သုတူၢ်အီၤတပှဲၤဘၣ်အဃိလီၤ.

မၤတၢ် 16:14

ပိာ်မုၣ်လၢအဒိကနၣ်ပတၢ်စံးတၢ်ကတိၤအကျါတဂၤမ့ၢ်ဝဲနီၢ် လူၤဒံဘၣ်ဃးဒီးဝ့ၢ်သူၤအတံရၤ, လၢအဆါတၢ်ကံးယာ်လုးတကုာ်လုၢ်ဒိၣ်ပှ့ၤဒိၣ်တဖၣ်န့ၣ်လီၤ. အဝဲဒၣ်မ့ၢ်ပှၤလၢအဘူၣ်ထူဘါယွၤ, ဒီးကစၢ်ယွၤအိးထီၣ်အသးဒ်သိးအကတူၢ်လိာ်တၢ်လၢစီၤ ပီလူးစံးကတိၤဝဲန့ၣ်လီၤ.

မၤတၢ် 17:18

ပှၤအ့းပံၤကူၤရူးဖိအသရၣ်ဒီးပှၤစတီးအၤဖိအသရၣ်တနီၤ ကတိၤဂ့ၢ်လိာ်ဘှီလိာ်စ့ၢ်ကီးတၢ်ဒီးအီၤန့ၣ်လီၤ. အဝဲသ့ၣ်တနီၤစံးဝဲ, “ပှၤတသ့ၣ်ညါနၢ်ပၢၢ်တၢ်ဒီးလိာ်သ့အသးတဂၤအံၤမ့ၢ်အအဲၣ်ဒိး တဲတၢ်မနုၤလဲၣ်.” ပှၤအဂၤတနီၤစံးဝဲ, “ဖျါလၢအဝဲကတိၤတၢ်ဘၣ်ဃးထံဂၤကီၢ်ဂၤအကစၢ်ယွၤ တဖၣ်အဂ့ၢ်လီၤ.” အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢစီၤပီလူးစံၣ်တဲၤတဲ လီၤတၢ်ဘၣ်ဃးယ့ၣ်ၡူးဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် အဃိလီၤ.

မၤတၢ် 17:32

ဘၣ်ဆၣ်ဒီး, ဖဲအဝဲသ့ၣ်နၢ်ဟူစီၤပီလူးကတိၤတၢ်ဘၣ်ဃးတၢ် ဒုးဂဲၤဆၢထၢၣ်က့ၤပှၤလၢတၢ်သံန့ၣ်, အဝဲသ့ၣ်တနီၤနံၤဘၣ်ဖၣ်လဲအီၤ, မ့မ့ၢ်အဂၤတဖၣ်စံးဝဲ, “ပသးအိၣ်နၢ်ဟူဘၣ်ကဒီးနကတိၤတၢ်ဂ့ၢ် တမံၤအံၤလီၤ.”

မၤတၢ် 18:15

ဘၣ်ဆၣ်ဒီးမ့ၢ်လၢအမ့ၢ်ဒၣ်တၢ်ဂ့ၢ်လိာ်ဘှီလိာ်ဘၣ်ဃးတၢ် ကတိၤအဖျၢၣ်ဒီးတၢ်မံၤတၢ်သၣ်, ဒီးသုတၢ်သိၣ်တၢ်သီဒၣ်သုဝဲ အဃိ, သုကဘၣ်စံၣ်ညီၣ်သုတၢ်ဒၣ်သုဝဲန့ၣ်လီၤ. ယတကဲစံၣ်ညီၣ်ကွီၢ်လၢတၢ်ဂ့ၢ်ဒ်န့ၣ်အသိးတဖၣ်အဂီၢ်ဘၣ်.”

မၤတၢ် 25:19

အိၣ်ဒၣ်အဝဲသ့ၣ်ဂ့ၢ်လိာ်ဘှီလိာ်အသးဒီးအီၤဘၣ်ဃး အတၢ်ဘူၣ်တၢ်ဘါဒၣ်ဝဲ, ဒီးဘၣ်ဃးပှၤတဂၤလၢအမံၤမ့ၢ် ယ့ၣ်ၡူးလၢအသံတ့ၢ်ဝဲ, ဘၣ်ဆၣ်ဒီးစီၤပီလူးစံးလၢ အအိၣ်မူဒံးဝဲန့ၣ်လီၤ.

1 ကရံၣ်သူး 1:18

အဂ့ၢ်ဒ်အံၤ, လၢပှၤလီၤမၢ်တဖၣ်အဂီၢ်န့ၣ်, တၢ်ကစီၣ်ဘၣ်ဃးခရံာ်အတၢ်သံလၢထူၣ်စုညါအလိၤတမ့ၢ်တၢ်လၢ အခီပညီအိၣ်ဘၣ်. မ့မ့ၢ်, လၢပဝဲပှၤဒိးန့ၢ်တၢ်အုၣ်က့ၤခီၣ်က့ၤတဖၣ် အဂီၢ်န့ၣ်, ခရံာ်အတၢ်သံလၢထူၣ်စုညါအလိၤမ့ၢ်ဝဲကစၢ်ယွၤအစိ ကမီၤလီၤ.

1 ကရံၣ်သူး 1:21

အဂ့ၢ်ဒ်အံၤ, လၢအဝဲဒၣ်အတၢ်ကူၣ်ဘၣ်ကူၣ်သ့အပူၤန့ၣ်, ကစၢ်ယွၤမၤဝဲဒ်သိးပှၤဟီၣ်ခိၣ်ဖိအသုတသ့ၣ်ညါအီၤခီဖျိ အဝဲသ့ၣ်အတၢ်ကူၣ်ဘၣ်ကူၣ်သ့ဒၣ်ဝဲတဂ့ၤ. မ့မ့ၢ်ခီဖျိ, တၢ်ကစီၣ်လၢပစံၣ်တဲၤတဲလီၤ, လၢပှၤစံးလၢအလၢအပှဲၤဒီးတၢ်သူၣ်တဆးသးတဆးန့ၣ်, ကစၢ်ယွၤပာ်လီၤအသးလၢအကအုၣ်က့ၤခီၣ်က့ၤပှၤစူၢ်က့ၤနာ်က့ၤ တၢ်တဖၣ်လီၤ.

1 ကရံၣ်သူး 1:23

မ့မ့ၢ်ပဝဲသ့ၣ်တဖၣ်အံၤ, ပစံၣ်တဲၤတဲလီၤခရံာ်လၢအဘၣ်တၢ်ပျၤထီအီၤလၢထူၣ်စုညါ အလိၤ, တၢ်ကစီၣ်လၢအမၤဆါပှၤယူဒၤဖိတဖၣ်အသး, ဒီးမ့ၢ်တၢ်ကလီကလီလၢပှၤကလုာ်ဂၤသ့ၣ်တဖၣ်အဂီၢ်န့ၣ်လီၤ.

1 ကရံၣ်သူး 1:25

အဂ့ၢ်ဒ်အံၤ, တၢ်လၢအအိၣ်ဖျါလီၤဂာ်ဒ်အမ့ၢ်ကစၢ်ယွၤအတၢ်သး တဆးန့ၣ်ကူၣ်ဘၣ်ကူၣ်သ့ဒိၣ်န့ၢ်ပှၤကညီအတၢ်ကူၣ်ဘၣ်ကူၣ်သ့, ဒီးတၢ်လၢအအိၣ်ဖျါလီၤဂာ်ဒ်အမ့ၢ်ကစၢ်ယွၤအတၢ်ဂံၢ်စၢ်ဘါစၢ်န့ၣ် အဂံၢ်အဘါဆူၣ်န့ၢ်ပှၤကညီအဂံၢ်အဘါလီၤ.

1 ကရံၣ်သူး 15:44

တၢ်လၢအဘၣ်တၢ်ခူၣ်လီၤဘါလီၤအီၤန့ၣ်, မ့ၢ်နီၢ်ခိလီၤ. မ့မ့ၢ်ဖဲအဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤန့ၣ်, မ့ၢ်နီၢ်သးန့ၣ်လီၤ. ဒ်နီၢ်ခိအိၣ်စဲဃဲၤဝဲအသိးန့ၣ်နီၢ်သးကဘၣ်အိၣ်ဝဲစ့ၢ်ကီးလီၤ.

1 ကရံၣ်သူး 15:46

တၢ်လၢအဟဲဆိလၢညါကတၢၢ်န့ၣ်တမ့ၢ်နီၢ်သးဘၣ်. မ့ၢ်ဝဲနီၢ်ခိဝံၤမးနီၢ်သးန့ၣ်လီၤ.

1 ကရံၣ်သူး 2:12

ပတဒိးန့ၢ်ပဝဲသးဘၣ်ဃးဒီးဟီၣ်ခိၣ်တဘ့ၣ်အံၤဘၣ်. မ့မ့ၢ်, ပဒိးန့ၢ်တ့ၢ်ပဝဲသးလၢအဘၣ်တၢ်ဆှၢလီၤအီၤလၢကစၢ်ယွၤဒ်သိး ပကသ့ၣ်ညါတၢ်ခဲလၢာ်လၢကစၢ်ယွၤဟ့ၣ်တ့ၢ်ပှၤန့ၣ်လီၤ.

1 ကရံၣ်သူး 3:1

မ့မ့ၢ်သုဝဲသ့ၣ်အံၤ, ယဒီပုၢ်ဝဲၢ်သ့ၣ်ဧၢ, ယကတိၤတၢ်ဒီးသုဒ်ယကတိၤတၢ်ဒီးပှၤတဖၣ်လၢအအိၣ်ဒီးသးစီဆှံ န့ၣ်တသ့ဘၣ်. ယဘၣ်ကတိၤတၢ်ဒီးသုဒ်သုဘၣ်ထွဲလၢဟီၣ်ခိၣ် တဘ့ၣ်အံၤ, ဒ်ပှၤဖိဒံဖိသၣ်လၢခရံာ်ဖိအတၢ်စူၢ်တၢ်နာ်အပူၤ အသိးန့ၣ်လီၤ.

ယၤကိာ် 3:15

တၢ်ကူၣ်သ့ဒ်န့ၣ်တကလုာ်တဟဲလီၤလၢမူခိၣ်ဘၣ်. မ့ၢ်တၢ်လၢအဘၣ်ဃးဒီးဟီၣ်ခိၣ်, တဘၣ်ဃးဒီးတၢ်လၢ သူၣ်လၢသးဘၣ်, ဒီးဘၣ်ဃးဒၣ်ဒီးတၢ်ဝံတၢ်နါတဖၣ်န့ၣ်လီၤ.

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

၁ ယိၤဟၣ် 2:27

မ့မ့ၢ်သုဝဲတခီ, ခရံာ်လူလီၤဂၢ်လီၤတ့ၢ်အသးလၢသုလိၤလံ. ဖဲအသးစီဆှံအိၣ်ဒံးဒီးသုန့ၣ်, သုတလိၣ်ဘၣ်ပှၤနီတဂၤလၢကသိၣ်လိသုအဂီၢ်ဘၣ်. အဂ့ၢ်ဒ်လဲၣ်န့ၣ်, ယွၤအသးသိၣ်လိသုဘၣ်ဃးတၢ်ခဲ လၢာ်ဒီးတၢ်လၢအဝဲသိၣ်လိန့ၣ်, မ့ၢ်တၢ်မ့ၢ်တၢ်တီဒီး တမ့ၢ်တၢ်လီတၢ်ဝ့ၤဘၣ်. မ့မ့ၢ်ဒ်န့ၣ်ဒီး, စူၢ်ယွၤအသး အတၢ်သိၣ်လိသုဒီးအိၣ်ဆိးလၢခရံာ်အပူၤန့ၣ်တက့ၢ်.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

ယူဒၤ 1:19

ပှၤသ့ၣ်တဖၣ်အံၤမ့ၢ်ပှၤလၢအမၤလီၤဖးတၢ်, ဒီးဘၣ်တၢ်ပၢၤအီၤလၢအနီၢ်ခိဖံးညၣ်အတၢ်သူၣ်လီသးကွံဒၣ်ဝဲ ဒီးတအိၣ်ဒီးယွၤအသးဘၣ်န့ၣ်လီၤ.