1 ကရံၣ်သူး 2:13 - Sgaw Karen Common Bible

¹³ လၢတၢ်န့ၣ်အဃိ, ပတစံးကတိၤတၢ်လၢတၢ်ကတိၤတဖၣ်လၢအဘၣ်တၢ်သိၣ်လိအီၤ လၢပှၤကညီအတၢ်ကူၣ်ဘၣ်ကူၣ်သ့န့ၣ်ဘၣ်. မ့မ့ၢ်ပစံးကတိၤတၢ်လၢတၢ်ကတိၤတဖၣ်လၢသးစီဆှံသိၣ်လိပှၤမ့ၢ်လၢ ပတဲဖျါဘၣ်ဃးသးအတၢ်မ့ၢ်တၢ်တီတဖၣ်ဆူပှၤတဖၣ်လၢအအိၣ်ဒီး ကစၢ်ယွၤအသးစီဆှံအဃိန့ၣ်လီၤ.

1 ကရံၣ်သူး 2:13 Iomraidhean Croise

လံာ်လူၤကၣ် 12:12

အဂ့ၢ်ဒ်အံၤ, ဖဲဆၢကတီၢ်အဝဲန့ၣ်, သးစီဆှံကသိၣ်လိသုတၢ်လၢ သုကဘၣ်စံးဘၣ်ကတိၤအီၤန့ၣ်လီၤ.”

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

1 ကရံၣ်သူး 1:17

ခရံာ်တဆှၢလီၤဒီးမၢလီၤယၤဒ်သိးယကဒိးဘျၢတၢ်ဘၣ်. မ့ၢ်အဝဲဒၣ်ဆှၢလီၤဒီးမၢလီၤယၤဒ်သိးယကစံၣ်တဲၤတဲလီၤတၢ် သးခုကစီၣ်, ဒီးယကစံၣ်တဲၤတဲလီၤအီၤတအိၣ်ဒီးတၢ်သူပှၤကညီအတၢ် ကူၣ်ဘၣ်ကူၣ်သ့ဘၣ်. အဂ့ၢ်မ့ၢ်ဒ်သိးတၢ်စိတၢ်ကမီၤဘၣ်ဃးဒီးခရံာ်အတၢ်သံလၢထူၣ်စု ညါအလိၤန့ၣ်သုတဘၣ်တၢ်ဒုးလီၤမၢ်ကွံာ်အီၤတဂ့ၤန့ၣ်လီၤ.

1 ကရံၣ်သူး 14:2

ပှၤတဂၤလၢအကတိၤတၢ်လၢပျ့ၤလီၤတိၢ်လီၤဆီန့ၣ်, တကတိၤတၢ်ဒီးပှၤဂၤဘၣ်. မ့ၢ်အကတိၤတၢ်ဒီးကစၢ်ယွၤလီၤ. အဂ့ၢ်ဒ်အံၤ, ပှၤတနၢ်ပၢၢ်အီၤနီတဂၤဘၣ်. အဝဲဒၣ်ကတိၤတၢ်မ့ၢ်တၢ်တီခူသူၣ်တဖၣ်, ခီဖျိသးစီဆှံအစိကမီၤန့ၣ်လီၤ.

1 ကရံၣ်သူး 2:1

ဖဲယလဲၤဆူသုအိၣ်ဒ်သိးယကစံၣ်တဲၤတဲလီၤတၢ်ခူသူၣ်ဘၣ်ဃး ကစၢ်ယွၤအတၢ်မ့ၢ်တၢ်တီန့ၣ်, ယတသူယဲတၢ်ကတိၤအဒိၣ်အသွါ, ဒီးတၢ်မၤလိမၤဒိးအဒိၣ်အထီဘၣ်.

1 ကရံၣ်သူး 2:14

ပှၤတဂၤလၢ်လၢ်လၢအတအိၣ်ဒီးကစၢ်ယွၤအသးစီဆှံန့ၣ်, ဒိးန့ၢ်ဘၣ်တၢ်ဟ့ၣ်တဖၣ်လၢအဟဲလၢကစၢ်ယွၤအသးစီဆှံ အအိၣ်န့ၣ်တသ့ဘၣ်. ပှၤဒ်န့ၣ်အသိးတဂၤန့ၣ်, တနၢ်ပၢၢ်တၢ်ဟ့ၣ်သ့ၣ်တဖၣ်န့ၣ်အဂ့ၢ်နီၢ်နီၢ်ဘၣ်. လၢအဝဲဒၣ်အဂီၢ်, တၢ်သ့ၣ်တဖၣ်န့ၣ်မ့ၢ်တၢ်လၢအခီပညီတအိၣ်ဘၣ်. အဂ့ၢ်မ့ၢ်လၢအဝဲသ့ၣ်အလုၢ်အပှ့ၤဘၣ်တၢ်သ့ၣ်ညါနၢ်ပၢၢ်အီၤသ့ဒၣ် ထဲလၢသူၣ်လၢသးတကပၤအဃိန့ၣ်လီၤ.

1 ကရံၣ်သူး 2:4

ဒီးယတၢ်သိၣ်လိဒီးတၢ်ကစီၣ်တဖၣ်တဘၣ်တၢ်ဟ့ၣ်ထီၣ်အီၤခီဖျိတၢ် စံးသ့ကတိၤဘၣ်လၢအဘၣ်ဃးဒီးပှၤကညီအတၢ်ကူၣ်ဘၣ်ကူၣ်သ့ န့ၣ်ဘၣ်. မ့မ့ၢ်ဘၣ်တၢ်ဟ့ၣ်ထီၣ်အီၤခီဖျိတၢ်အုၣ်အသးလၢအဘၣ် တၢ်နာ်န့ၢ်အီၤသ့ဘၣ်ဃးဒီးယွၤအသးအစိကမီၤန့ၣ်လီၤ.

1 ကရံၣ်သူး 9:11

ပဖှံလီၤတ့ၢ်သးအတၢ်ချံလၢသုသိးသုကျါလီၤ. ပမ့ၢ်ကူးဘၣ် က့ၤတၢ်ဘျုးတၢ်ဖှိၣ်ဘၣ်ဃးဒီးတၢ်ဖံးတၢ်ညၣ်လၢသုအိၣ်န့ၣ်, တမ့ၢ်တၢ်အါကဲၣ်ဆိးဧါ.

အ့းဖ့းစူး 5:19

ကတိၤလိာ်သုသးတဂၤဒီးတဂၤလၢထါစံးထီၣ်ပတြၢၤ, ထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်တဖၣ်အတၢ်ကတိၤတက့ၢ်. သးဝံၣ်ထါသးဝံၣ်, ဒီးထါစံးထီၣ်ပတြၢၤတဖၣ်အိၣ်ဒီးတၢ်စံးထီၣ်ပတြၢၤကစၢ်လၢ သူၣ်ကံၢ်သးလဲအပူၤတက့ၢ်.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.

၂ ပ့းတရူး 1:16

လၢပတၢ်ဒုးသ့ၣ်ညါသုပကစၢ်ယ့ၣ်ၡူးခရံာ်အတၢ်ဟဲလၢ အလီၤဘီလီၤမုၢ်အဂ့ၢ်အံၤန့ၣ်, တမ့ၢ်ပသန့ၤပသးလၢပူတဖၣ်လၢပှၤကညီဒုးကဲထီၣ်အီၤ န့ၣ်ဘၣ်. မ့မ့ၢ်ပထံၣ်ဘၣ်အတၢ်ဒိၣ်တၢ်မုၢ်လၢပမဲာ်ချံဒၣ်ပဝဲန့ၣ်လီၤ.