1 ကရံၣ်သူး 2:11 - Sgaw Karen Common Bible

¹¹ တၢ်လၢအသ့ၣ်ညါပှၤကညီတဂၤအဂ့ၢ်အကျိၤခဲလၢာ်ခဲဆ့န့ၣ်, အိၣ်ဒၣ်ထဲအဝဲဒၣ်အသးလၢအအိၣ်လၢအဝဲဒၣ်အကံၢ်အလဲအပူၤ တမံၤဧိၤလီၤ. ဒ်န့ၣ်အသိး, ထဲယွၤအသးတမံၤဧိၤသ့ၣ်ညါတၢ်ခဲလၢာ်ခဲဆ့ဘၣ်ဃးဒီးကစၢ်ယွၤ အဂ့ၢ်န့ၣ်လီၤ.

1 ကရံၣ်သူး 2:11 Iomraidhean Croise

လံာ်စီၤယိၤဘး 15:8

မ့ၢ်နနၢ်ဟူထွဲတၢ်ကူၣ်ထီၣ်ဖးလီၤတဖၣ်လၢကစၢ်ယွၤမၤတ့ၢ်ဝဲ န့ၣ်ဧါ. မ့ၢ်ပှၤကညီအတၢ်ကူၣ်တၢ်ဆးန့ၣ်ဘၣ်ဃးဒၣ်ထဲနၤ တဂၤဧိၤန့ၣ်ဧါ.

တၢ်ကတိၤဒိ. 14:10

နတၢ်သးခုမ့ၢ်နတၢ်ဒၣ်နဲဒီးနတၢ်သးခၣ်မ့ၢ်နတၢ်ဒၣ်နဲလီၤ. ပှၤဒိးဃုာ်တၢ်ဒီးနၤတသ့ဘၣ်နီတဂၤဘၣ်.

တၢ်ကတိၤဒိ. 20:27

ယွၤဟ့ၣ်ပှၤတၢ်ကူၣ်တၢ်ဆိကမိၣ်ဒီးသးလၢအသ့ၣ်ညါဒၣ်တၢ်လၢအဂ့ၤ လီၤ. ပပာ်ခူသူၣ်ပသးလၢပနီၢ်ကစၢ်ဒၣ်ပဝဲတသ့ဘၣ်.

တၢ်ကတိၤဒိ. 20:5

ပှၤတဂၤအတၢ်ဆိကမိၣ်တဖၣ်လီၤဂာ်ဒ်ထံလၢထံပူၤယိာ်တပူၤအသိး လီၤ. ဘၣ်ဆၣ်ပှၤတဂၤလၢအအိၣ်ဒီးတၢ်ထံၣ်လၢသးန့ၣ်, ထုးထီၣ်အီၤသ့ဝဲလီၤ.

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

1 ကရံၣ်သူး 2:10

ဘၣ်ဆၣ်ဒီး, ကစၢ်ယွၤဒုးသ့ၣ်ညါပဝဲသ့ၣ်တဖၣ်လၢအဝဲ အတၢ်ခူသူၣ်ခီဖျိအဝဲအသးစီဆှံန့ၣ်လီၤ. သးစီဆှံဃုထံၣ်န့ၢ်တၢ်ခဲ လၢာ်, တၢ်ခူသူၣ်အဒိၣ်အယိာ်ဘၣ်ဃးဒီးကစၢ်ယွၤအတၢ်တိာ်ပာ် တဖၣ်ဒၣ်လဲာ်န့ၣ်လီၤ.